“Novruz sevincləri” adlı bayram şənlikləri keçiriləcək

Martın 18-19-da Nizami Kino Mərkəzində “Novruz sevincləri” adlı bayram şənlikləri keçiriləcək.Baş İdarədən Azərtac-a bildirilib ki, şənlikdə Dədə Qorqud, Bahar qızı, Kosa, Keçəl və nağıl qəhrəmanlarının iştirakı ilə tamaşa nümayiş etdiriləcək. Həmçinin uşaqları müxtəlif oyunlar, viktorinalar, digər sürpriz və hədiyyələr gözləyir.Tanınmış müğənnilərin çıxışları və rəqslər bayram şənliyinə xüsusi rəng qatacaq.xeber100.com

“British Council” təşkilatının təşəbbüsü ilə…

Böyük Britaniyanın “Candoco” rəqs ansamblı sağlam və fiziki imkanları məhdud rəqqasları bir araya gətirir. Bu məşhur kollektiv “British Council” təşkilatının təşəbbüsü ilə Bakıda çıxış edəcək..Azərtac xəbər verir ki, britaniyalı artistlər Bakıda ikihissəli tamaşa təqdim edəcəklər: “Beheld” və “Set and Reset”. Tamaşa martın 7-8-də Azərbaycan Dövlət Akademik Milli Dram Teatrında nümayiş olunacaq. Artistlər fiziki imkanları məhdud şəxslər üçün inklüziv mədəniyyət mövzusunda seminar da keçirəcəklər.“Candoco” rəqs ansamblı Bakıda təşkil olunacaq çıxışları ilə əlil artistlərə püxtələşmək və beynəlxalq səviyyədə əməkdaşlıq etmək imkanı yaradan yeni proqrama start verir.xeber100.com

“YARAT” Müasir İncəsənət Mərkəzinin təşkilatçılığı ilə…

“YARAT” Müasir İncəsənət Mərkəzinin təşkilatçılığı ilə Bakıda “Selector PRO” adlı musiqi forumu keçirilib. Forumda Azərbaycan Dövlət Mədəniyyət və İncəsənət Universitetinin (ADMİU) musiqi sənəti fakültəsinin tələbələri, Birləşmiş Krallığın və Azərbaycanın görkəmli musiqi nəzəriyyəçiləri və mütəxəssisləri iştirak ediblər.ADMİU-nun mətbuat xidmətindən Azərtac-a bildiriblər ki, forum çərçivəsində açıq konfrans, DJ tədbiri, Britaniyanın və Azərbaycanın aparıcı musiqiçilərinin və jurnalistlərinin iştirakı ilə təşkil olunan seminarlar keçirilib. Britaniya musiqi sənayesinin ən təcrübəli peşəkarlarından Ebbi Makkarti, Sesil Kommunal və Çarli Arm tədbirin qonaqları sırasında olublar.“Selector PRO” musiqi forumunun məqsədi Azərbaycanın və Birləşmiş Krallığın musiqi sənayesinin müzakirəsi, həm peşəkarları, həm də geniş ictimaiyyəti müasir cəmiyyətin musiqi tendensiyaları, o cümlədən Böyük Britaniyanın musiqi sənayesinin spesifik xüsusiyyətləri barədə məlumatlandırmaqdır.xeber100.com

Rəssamlar İttifaqında rəsm sərgisi açılacaq

Martın 7-də Rəssamlar İttifaqının V.Səmədova adına sərgi salonunda 8 mart - Beynəlxalq Qadınlar Günü münasibətilə rəsm sərgisi açılacaq.Azərtac xəbər verir ki, ittifaqın təşkilatçılığı ilə gerçəkləşəcək sərgidə 40-dək sənət əsəri nümayiş olunacaq.Sərginin ekspozisiyasında qadın gözəlliyinə və zərifliyinə həsr olunmuş əsərlər yer alacaq.Hər kəsin qatıla biləcəyi sərgi bir gün ziyarətçilər üçün açıq olacaq.xeber100.com

“Açıq qapı” günü təşkil olunacaq

Fevralın 26-da Azərbaycan Dövlət Akademik Milli Dram Teatrında Xocalı soyqırımının 25-ci ildönümü ilə əlaqədar “Açıq qapı” günü təşkil olunacaq.Teatrın mətbuat xidmətindən Azərtac-a bildirilib ki, “Açıq qapı” günü çərçivəsində sənət ocağının yaradıcı kollektivi yazıçı-dramaturq Hüseynbala Mirələmovun eyniadlı əsəri əsasında səhnələşdirilən “Xəcalət” tamaşasını təqdim edəcək.rejissor Bəhram Osmanovun quruluşunda hazırlanan tamaşada müharibənin yaratdığı faciələr bir ailənin timsalında verilib və qaçqınlığın bu gün dünyanı narahat edən qlobal problemə çevrilməsinə xüsusi diqqət yetirilib.xeber100.com

Xocalı faciəsinin 25-ci ildönümünə həsr olunmuş tamaşa nümayiş olunub

Gənc Tamaşaçılar Teatrında Xocalı faciəsinin 25-ci ildönümünə həsr olunmuş tamaşa nümayiş olunub.Teatrın mətbuat xidmətindən Azərtac-a bildirilib ki, səhnə əsəri Xocalı şəhərinin işğalı zamanı əsir düşmüş gənc qızın faciəvi taleyi, qaçqınlıq şəraitində yaşayan insanların saf hissləri, psixoloji və mənəvi durumundan bəhs edir.xeber100.com

İkitərəfli anlaşma memorandumu imzalanıb

Fevralın 23-də Mədəniyyət və Turizm Naziri Əbülfəs Qarayev ABŞ-ın ölkəmizdəki səfiri Robert Sekuta ilə görüşüb.Azərtac xəbər verir ki, görüş çərçivəsində Gəncə, Xaçmaz, Salyan və Kürdəmir rayonlarında fəaliyyət göstərən kitabxanalarda Amerika guşələrinin Azərbaycanda yenidən açılmasına dair ikitərəfli anlaşma memorandumu imzalanıb.Qonağı səmimi salamlayan Əbülfəs Qarayev bildirib ki, imzalanan memorandum uğurla həyata keçiriləcək. Kitabxanalar şəbəkəsində bu layihə artıq bir neçə ildir icra olunur və yenidən imzalanma nəticəsində bu iş daha da geniş vüsət alacaq. Layihə nazirliyin 2017-ci il iş planında mühüm yer tutacaq.Nazir, həmçinin Azərbaycanın yaxın zamanlarda hazırlaşdığı böyük bir layihədə də ABŞ-ın yaxından iştirak edəcəyinə ümidvar olduğunu vurğulayıb.xeber100.com

Opera və Balet Teatrı təqdim edir

Martın 7-də Opera və Balet Teatrında P.Çaykovskinin “Qu gölü” baleti nümayiş olunacaq.Teatrın mətbuat xidmətindən Azərtac-a bildirilib ki, səhnə əsərində əsas partiyaları Belarusdan dəvət almış məşhur balet ulduzları - Yana Ştangeyi və bu ölkənin Xalq Artisti İqor Artamonov ifa edəcək.Səhnə əsəri Xalq Artisti, professor Cavanşir Cəfərov tərəfindən idarə olunacaq.xeber100.com

“Qarabağ” kino günləri keçiriləcək

Fevralın 25-dən 27-dək Bakıda Avropa Azərbaycan Cəmiyyəti (TEAS) və “Park Cinema” kinoteatrlar şəbəkəsinin birgə əməkdaşlığı ilə ”Xocalıya ədalət!” beynəlxalq təbliğat kampaniyası çərçivəsində “Qarabağ” kino günləri təşkil olunacaq.TEAS-dan Aərtac-a bildirilib ki, tamaşaçılar vətənimizin ağır günlərindən bəhs edən filmləri üç gün ərzində ödənişsiz izləyə biləcəklər.“Qarabağ” kino günlərinin keçirilməsində əsas məqsəd gənc nəslin tariximizin ən ağır səhifəsi - Xocalı soyqırımı və Qarabağ ətrafında baş verən hadisələrin unudulmaması, obyektiv məlumatların verilməsi və maarifləndirilməsi işinə töhfə verməkdir.xeber100.com

Gənc Tamaşaçılar Teatrı mart repertuarını açıqlayıb

Gənc Tamaşaçılar Teatrı  mart ayının repertuarını təqdim edir. 4 mart - Ərəb xalq nağılı “Əlibaba və qırx quldur”, “Romeo və Culyetta” 5 mart - “Çəkməli pişik”, “Mehmanxana sahibəsi” 10 mart - “Sərgüzəşti Vəziri xani Lənkəran” 11 mart - “Dovşanın ad günü”, “Qohumlar” 12 mart - “Tülkü tülkü tünbəki”, “Hasarın o üzü” 18 mart - “Tıq-tıq xanım” 19 mart - “Qoğalın nağılı” 21 mart - “Uzuncorab Pippi” 22 mart - “Çirkin ördək balası” 23 mart - “Aycan” 25 mart - “Buratinonun macəraları”, “Şeyx Sənan” 26 mart - “Balaca və damda yaşayan Karlson”, “Leyli və Məcnun” 31 mart - “Ünvansız qatar” (premyera)xeber100.com