Gənc Tamaşaçılar Teatrı təqdim edir

Fevralın 19-da Gənc Tamaşaçılar Teatrının cari repertuarında olan “Hasarın o üzü” tamaşası 25-ci dəfə göstəriləcək.Teatrdan Azərtac-a bildirilib ki, bu səhnə əsəri yazıçı-dramaturq Əli Əmirlinin eyniadlı əsəri əsasında hazırlanıb. Tamaşanın quruluşçu rejissoru Bəhram Osmanov, quruluşçu rəssamı İsmayıl Məmmədov, bəstəkarı Səyavuş Kərimidir.Tamaşada rolları Xalq artistləri Həmidə Ömərova, Nurəddin Mehdixanlı və b. canlandıracaqlar.xeber100.com

Bakı Şəhər Mədəniyyət və Turizm Baş İdarəsinin məlumatı

Bakı Şəhər Mədəniyyət və Turizm Baş İdarəsinin Şüvəlan qəsəbə mədəniyyət evində kinoteatr fəaliyyətə başlayıb.İdarədən Azərtac-a bildirilib k, kinoteatrın 300 nəfərlik zalı Şüvəlan və ətraf qəsəbə sakinlərinin asudə vaxtlarını daha maraqlı və əyləncəli keçirmələri üçün imkan yaradır. Kinoteatrda ilk ictimai baxış rejissor Elxan Cəfərovun “Yarımçıq xatirələr” adlı filmi olub.Qeyd edək ki, kinoteatrda martın sonunadək "Azərbaycanfilm” kinostudiyasının “Bizim kino günləri” layihəsi çərçivəsində filmlər nümayiş olunacaq. Həmçinin kinoteatrda komediya, dram, fantastik janrlarda olan filmlər, azyaşlı tamaşaçılar üçün isə cizgi filmləri təqdim ediləcək.xeber100.com

Mədəniyyət və Turizm Nazirliyinin dəstəyi ilə…

Mədəniyyət və Turizm Nazirliyinin dəstəyi ilə yazıçı-dramaturq Aqşin Babayevin “Səhnə. Ekran. Efir” adlı kitabı işıq üzü görüb.Azərtac bildirir ki, kitab “Şərq-Qərb” nəşriyyat evində yüksək poliqrafiq səviyyədə çap olunub.Kitabda müəllif haqqında deyilir: “Aqşin Babayevin “Xilaskar”, “Oğul”, “Bir parça həyat”, “Yaralar”, “Kim nə deyər...”, “Nekroloq”, “Olmuş əhvalat”, “Dəvətnamə”, “Mükafat”, “Əzizim Vətən yaxşı”, “Gecikmiş bahar” və başqa pyesləri teatr səhnələrində və televiziya ekranlarında nümayiş etdirilib, radio dalğalarında səsləndirilib. Onun ulu öndər Heydər Əliyevə həsr etdiyi “Xilaskar” pyesi İrəvan Dövlət Azərbaycan Dram Teatrının quruluşunda Türkiyədə, Rusiyada, Gürcüstanda uğurla tamaşaya qoyulub. A.Babayevin əsərləri Amerika, Almaniya, Rusiya, Moldova və başqa ölkələrdə nəşr olunub”.Yeni kitabda Aqşin Babayevin 17 pyesi verilib. Mövzusu real həyatımızdan alınan bu əsərlərin böyük bir qismi teatr səhnələrində nümayiş olunub, Azərbaycan televiziyası və radiosunun qızıl fonduna daxil edilib.xeber100.com

“Park Bulvar”da aksiya təşkil olunacaq

Fevralın 14-də “Park Bulvar”da “Kitab tutan əllər” adlı aksiya təşkil olunacaq. 14 fevral - Beynəlxalq Kitab Bağışlanma Gününə həsr olunacaq aksiya F.Köçərli adına Respublika Uşaq Kitabxanasının təşkilatçılığı ilə gerçəkləşəcək.Kitabxanadan Azərtac-a bildirilib ki, mərasim Nizami rayon Uşaq Yaradıcılıq Mərkəzinin “Azəri inciləri” rəqs qrupunun ifasında “Kitab tutan əllər” adlı fleşmob rəqsi ilə açılacaq.Tədbirdə uşaqların sevimli yazarları Aygün Bünyadzadə, Elvira Məmmədova, Gülzar İbrahimova, Reyhan Yusifqızı və digərləri iştirak edəcəklər.xeber100.com

Milli Dram Teatrı qastrol səfərinə hazırlaşır

Akademik Milli Dram Teatrının kollektivi cənub bölgəsinə qastrol səfərinə hazırlaşır.Teatrın mətbuat xidmətindən bildirilib ki, sənət ocağının yaradıcı heyəti qastrol çərçivəsində yazıçı-dramaturq Hüseynbala Mirələmovun “Axirətdən gələn zəng” pyesi əsasında səhnələşdirilən “Vəsiyyət” tamaşası ilə çıxış edəcək. Belə ki, səhnə əsəri Lənkəran, Astara, Masallı, Cəlilabad və Biləsuvarda teatrsevərlərə təqdim olunacaq.Qeyd edək ki, ikihissəli qara komediyanın quruluşçu rejissoru Əməkdar Artist Firudin Məhərrəmov, rejissoru Əlif Cahangirli, quruluşçu rəssamı Xalq Rəssamı Nazim Bəykişiyev, musiqi tərtibatçısı isə Kamil İsmayılovdur.xeber100.com

“Azərbaycan Televiziya və Radio Verilişləri” QSC-nin məlumatı

Fevralın 16-da altıncı “Muğam televiziya müsabiqəsi”nin seçim turları başa çatacaq.“Azərbaycan Televiziya və Radio Verilişləri” QSC-nin mətbuat xidmətindən Azərtac-a bildirilib ki, münsiflər heyəti fevralın 13-dən başlayaraq 4 gün ərzində müsabiqəyə Bakı şəhərindən qatılan 170 gəncin ifasını dinləyəcək.Ümumiyyətlə, builki müsabiqəyə 300-dən çox ifaçı qatılıb. Onlardan 6-sı qonşu İran İslam Respublikasındandır. İsmayıllı, Gəncə, Bərdədə və Ağcabədidə keçirilən seçimlər zamanı 38 ifaçı müsabiqənin II turuna vəsiqə qazanıb.Altıncı “Muğam televiziya müsabiqəsi”nin martda başlaması gözlənilir.xeber100.com

Xətai Sənət Mərkəzində eskiz müsabiqəsinə start verilib

Bakı Xətai Sənət Mərkəzində “Eskizimdə sizi düşündüm” adlı eskiz müsabiqəsinə start verilib.Azərtac xəbər verir ki, tələbələr arasında keçirilən müsabiqə Azərbaycan Xalq Cümhuriyyətinin yaranmasının 99-cu ildönümünə həsr olunub. Məqsəd müasir eskiz planlamanın inkişafına stimul yaratmaq, müasir Azərbaycan infrastrukturunun - yaşayış massivləri, binalar, məktəblər, istirahət mərkəzləri, xəstəxanalar, marketlər, ofislər, yollar və başqa kommunikasiya sistemlərinin daha müasir və planlı tərtibatına nail olmaqdır.xeber100.com

Böyük Teatrda “Çar gəlini” operası nümayiş etdiriləcək

Martın 3-dən 5-dək Böyük Teatrda Nikolay Rimski-Korsakovun "Çar gəlini" operası nümayiş etdiriləcək.Azərtac teatrın saytına istinadla xəbər verir ki, martın 3-də və 5-də bu səhnə əsərində Qriqori Qriqoryeviç Qryaznoyun partiyasını əməkdar Artisti Elçin Əzizov ifa edəcək.Xatırladaq ki, E.Əzizov 2008-ci ildən Böyük Teatrın solistidir.xeber100.com

“Azərbaycanın mədəni sərvəti” layihəsi çərçivəsində…

Fevralın 11-də Xalça Muzeyində “Azərbaycanın mədəni sərvəti” layihəsi çərçivəsində naxışlı çətən toxuma texnologiyası üzrə mühazirə və ustad dərsləri keçirilib.Dərslərdə Rəssamlar İttifaqının üzvü, bir çox portret və süjetli xalçaların müəllifi, əsərləri dünya muzeylərində və şəxsi kolleksiyalarda saxlanılan, Azərbaycan Xalça Muzeyinin xalçaçı-rəssamı Taryer Bəşirovun və muzeyin Şuşa filialının müdiri Səbinə Əzizovanın “Çətən dünyanı gəzər, yurdumu bəzər” adlı mühazirələri dinlənilib.Xalça Muzeydən Azərtac-a bildirilib ki, mühazirədə 33 il xalçaçı-rəssam kimi fəaliyyət göstərən, bir sıra portret, tematik xalça və çətənlərin müəllifi olan Taryer Bəşirov bu sənətin yaranma tarixi, inkişaf mərhələləri, hazırlanma texnologiyası və məişətdəki əhəmiyyətindən bəhs edib. Xalçaçı-rəssamın müəllifi olduğu “Nizami-850”, “İçərişəhər”, “Oğuznamə”, “XX əsrin korifeyi” adlı müasir çətən nümunələrindən ibarət sərgi də açılıb.xeber100.com

“ÜNS” Yaradıcılıq Mərkəzi təqdim edir

Fevralın 14-də “ÜNS” Yaradıcılıq Səhnəsində Sevgililər Gününə həsr olunmuş “Sevdiyim insan” adlı konsert təqdim ediləcək.“ÜNS”dən Azərtac-a bildirilib ki, konsertdə Azərbaycan Dövlət Simli Kvarteti, “LUMİNEUX” vokal ansamblı və solistlər Səidə Tağızadə, Nərgiz Kərimova çıxış edəcəklər.Biletləri şəhərimizin kassalarından və iticket.az saytından əldə etmək olar.xeber100.com