“Məhəbbət əfsanəsi” üçpərdəli baleti nümayiş etdiriləcək

Fevralın 7-dən 9-dək Rusiya Dövlət Akademik Böyük Teatrında bəstəkar Arif Məlikovun “Məhəbbət əfsanəsi” üçpərdəli baleti nümayiş etdiriləcək.Azərtac teatrın saytına istinadla xəbər verir ki, səhnə əsərinə Rusiyanın Əməkdar Artisti Pavel Sorokin dirijorluq edəcək.Əsərin dünya premyerası 1961-ci il martın 23-də Leninqrad Opera və Balet Teatrında (indiki Sankt-Peterburq Dövlət Akademik Mariya Teatrı) reallaşıb.xeber100.com

Xalça Muzeyinin birgə təşkilatçılığı ilə…

Yanvarın 25-də Bakıda “Zərgərlik sənəti muzey məkanında: dünən, bu gün, sabah” mövzusunda regional seminar keçiriləcək. Seminar Beynəlxalq Muzeylər Şurasının (ICOM) Azərbaycan Milli Komitəsi, Gürcüstan Milli Komitəsi və Azərbaycan Xalça Muzeyinin birgə təşkilatçılığı ilə reallaşacaq.Xalça Muzeyindən AZərtac-a bildirilib ki, seminar çərçivəsində “Zərgərlik nümunələrinin muzey fondlarında saxlanılması və təhlükəsizliyi”, “Zərgərlik nümunələrinin bərpa və konservasiyası”, “Müasir zərgərlərin muzeylərlə əməkdaşlığı”, “Ənənəvi və müasir üslublarda hazırlanan zərgərlik nümunələrinin muzeylər tərəfindən satın alınması”, “Zərgərlik kolleksiyaları üzrə kuratorluq işi”, “İctimai proseslərlə sıx bağlı olan yeni düşüncə tərzinin səviyyəsini müəyyənləşdirən marketinqlə bağlı məsələlər” mövzusunda mühazirələr dinləniləcək.xeber100.com

“The Art Thema Gallery”də sərgi açılacaq

Fevralın 23-dən 28-dək Brüsseldə “The Art Thema Gallery”də “Evə aparan beş yol” adlı sərgi açılacaq.Azərtac xəbər verir ki, bu barədə məlumat Avropa Azərbaycan Cəmiyyətinin saytında yer alıb.Xocalı soyqırımının 25-ci ildönümü ilə əlaqədar təşkil olunacaq sərgidə tanınmış fotoqraf Filip Ratmerin Azərbaycanda lentə aldığı məcburi köçkünlərin fotoşəkilləri nümayiş etdiriləcək.Filip Ratmer əsas diqqəti insanların təsirli hekayətlərinə cəlb etmək məqsədilə bütün şəkilləri qara arxa fonda çəkib.xeber100.com

2017-ci ilin ilk premyerası keçiriləcək

Musiqili Teatrda 107-ci mövsümün növbəti, 2017-ci ilin isə ilk premyerası keçiriləcək. Teatrın mətbuat katibi bildirib ki, 11 yanvar saat 19.00-da İmre Kalmanın dünyaca məşhur olan “Silva” operettası tamaşaçılara təqdim olunacaq. Xatırladaq ki, teatrın rus bölməsi tərəfindən hazırlanan yeni tamaşanın quruluşçu rejissoru Boris Lukinski, quruluşçu dirijoru Nazim Hacıəlibəyov, quruluşçu rəssamı Aleksandr Fyodorov, geyim üzrə rəssamı Yelena Almazova, quruluşçu baletmeysterləri Yelena və Zakir Ağayevlər, xormeysteri Vaqif Məstanovdur.xeber100.com

Xalça Muzeyində ustad dərsləri keçirilib

Xalça Muzeyində tanınmış keçəçi-rəssam Rauf Əbdülhüseynoğlu tərəfindən ustad dərsləri keçirilib.Azərtac xəbər verir ki, rəssam mühazirədə keçə sənətinin yaranma tarixi, inkişaf mərhələləri, hazırlanma texnologiyası və məişətdəki əhəmiyyəti barədə geniş məlumat verib. Mühazirədə Azərbaycan Dövlət Rəssamlıq Akademiyasının, Azərbaycan Dövlət Mədəniyyət və İncəsənət Universitetinin tələbələri iştirak ediblər.xeber100.com

“Dünya Alpaqut Federasiyası”nın toplantısı keçirilib

Yanvarın 7-də Azərbaycan Atatürk Mərkəzində “Dünya Alpaqut Federasiyası” beynəlxalq idman təşkilatının növbədənkənar toplantısı keçirilib.Federasiyadan Azərtac-a bildiriblər ki, toplantıda Dünya Alpaqut Federasiyasının idarə heyətinin yeni tərkibi müəyyənləşib.Azərbaycan Respublikası Milli Məclisinin deputatı Qənirə Paşayeva federasiyanın birinci vitse-prezidenti, Araz Abdullasoy isə təşkilatın hüquqi məsələlər üzrə vitse-prezidenti seçilib.xatırladaq ki, dünya Alpaqut Federasiyası 2014–cü ildə Alpaqut Turan Döyüş sənətini inkişaf etdirmək məqsədilə rəsmi qeydiyyatdan keçmiş beynəlxalq idman təşkilatıdır.xeber100.com

Pantomima Teatrı təqdim edir…

Yanvarın 21-də Pantomima Teatrının səhnəsində yeni səhnə əsərlərindən olan “Underground” tamaşası yenidən nümayiş olunacaq.Teatrdan Azərtac-a bildirilib ki, tamaşada sənət ocağının bütün yaradıcı kollektivi iştirak edəcək. Xatırladaq ki, tamaşa aktyorların fantaziyasında qaranlıq yeraltı dünyada baş verən proseslərdən, insanın qarşılaşdığı problemlərdən necə xilas ola bilmək bacarığından bəhs edir.xeber100.com

“Leyli və Məcnun” operası yeni versiyada təqdim olunub

Yanvarın 6-7-də ABŞ-da Hopkins İncəsənət Mərkəzində Üzeyir Hacıbəylinin “Leyli və Məcnun” operası yeni versiyada böyük uğurla təqdim olunub.Operadakı əsas ifaları iştirakçılara A.Qasımov və F.Qasımova çatdırıb. Layihə müasir xoreoqrafiya sənətinin ən məşhur simalarından biri Mark Morrisin “Rəqs” qrupu tərəfindən gerçəkləşdirilib. İfalarda dövrümüzün ən məşhur violençel ifaçısı Yo-Yo Manın rəhbərlik etdiyi “İpək Yolu” ansamblı da iştirak edib.“Leyli və Məcnun” layihəsində britaniyalı rəssam Hovard Hockin də iştirak edib. Hockin qədim Şərq miniatürlərinin dərin araşdırılması əsasında səhnənin tərtibatını, rəqqasların və musiqiçilərin geyiminin dizaynını hazırlayıb.xeber100.com

“Muğam və klassik ənənələr” mövzusunda tədbir keçiriləcək

Yanvarın 16-da Londonda “Azərbaycanda muğam: yeni tendensiyalar və klassik ənənələr” mövzusunda tədbir keçiriləcək.Azərtac Avropa Azərbaycan Cəmiyyətinin “facebook” səhifəsinə istinadla xəbər verir ki, tədbirdə sənətşünaslıq üzrə fəlsəfə doktoru S.Bağırova mövzu üzrə çıxış edəcək. Onun çıxışı musiqi parçaları ilə müşayiət olunacaq. Bundan başqa tədbirdə müasir muğam sənətində son tendensiyalar, onların yaranması və irəli sürülməsi məsələləri son vaxtlar həyata keçirilən birgə yaradıcılıq işlərinə, o cümlədən xanəndə Qoçaq Əsgərov və fransız caz ifaçısı Pyer de Treqomənin əməkdaşlığına istinad olunmaqla müzakirə ediləcək.xeber100.com

Cüzeppe Verdinin “Traviata” əsəri nümayiş etdiriləcək

Fevral ayında Rusiya Böyük Teatrında Cüzeppe Verdinin “Traviata” əsəri nümayiş etdiriləcək. Teatrın saytı xəbər verir ki, fevralın 2-də səhnə əsərində Violetta Valeri obrazını Azərbaycanın Əməkdar Artisti Dinara Əliyeva, Jorj Jermon obrazını Əməkdar Artist Elçin Əzizov ifa edəcək. Elçin Əzizov bu rolda, həmçinin fevralın 4-də tamaşanın gündüz seansında, eləcə də fevralın 5-də çıxış edəcək. Dinara Əliyeva isə Violetta Valeri obrazını fevralın 4-də də canlandıracaq.xeber100.com