Pantomima Teatrı yanvar ayı üçün repertuarını təqdim edir

Azərbaycan Dövlət Pantomima Teatrının yanvar repertuarı da maraqlı tamaşalarla zəngindir. Teatr yanvar ayına olan repertuarını təqdim edir: 7,8 yanvar – “Katarsis”; 14 yanvar – “Son ştrix”; 15 yanvar – “Pantomima buketi”; 21 yanvar – “Underground” (yeni tamaşa); 22 yanvar – “Fəlakət və insan” (uşaq tamaşası), “Adajio”; 28 yanvar – “Dejavü”; 29 yanvar – “Fəlakət və insan” (uşaq tamaşası), “No Comment”. Tamaşalar böyüklər üçün saat 18:00-da, uşaqlar üçün isə saat 14:00-da başlanır.xeber100.com

“Kainat naxışları Minabi” adlı sərgi açılacaq

Fevralın 8-də Muzey Mərkəzinin sərgi qalereyasında rəssam Milena Nəbiyevanın “Kainat naxışları Minabi” adlı fərdi sərgisi açılacaq.Muzeydən Azərtac-a bildirilib ki, sərgi fevralın 11-dək davam edəcək.Milena Nəbiyevanın əsərləri sırasında milli dəyərlərimizə söykənən təsvirlər xüsusi yer tutur. Yaratdığı rəngkarlıq nümunələri rəssamın incə zövqü ilə yanaşı, düşüncələrini və daxili aləmini də əks etdirir.xeber100.com

Xatirə gecəsi keçiriləcək

Yanvarın 27-də Filarmoniyada bəstəkar Nazim Əliverdibəyovun 90 illik yubileyinə həsr olunan xatirə gecəsi keçiriləcək.Filarmoniyadan Azərtac-a bildirilib ki, tədbirdə unudulmaz sənətkarın həyat və yaradıcılığından, musiqi mədəniyyətimizə verdiyi töhfələrdən söz açılacaq, sənət dostları onunla bağlı xatirələrini bölüşəcəklər.xeber100.com

“Məhəbbət əfsanəsi” Sankt-Peterburq səhnəsində…

2017-ci il yanvarın 11-12-də Sankt-Peterburq Dövlət Akademik Mariya Teatrında bəstəkar Arif Məlikovun “Məhəbbət əfsanəsi” baleti nümayiş etdiriləcək. Əsərin dünya premyerası da 1961-ci il martın 23-də məhz bu teatrda reallaşıb.Azərtac teatrın saytına istinadla xəbər verir ki, yanvarın 11-də səhnə əsərində Fərhad obrazını həmvətənimiz Timur Əsgərov ifa edəcək.xeber100.com

Azərbaycanfilm” kinostudiyasının məlumatı…

Rafiq Əliyevin və Cavid Təvəkkülün “Dərs” bədii filmi 15-ci Dəkkə Beynəlxalq film festivalının “Uşaq filmləri” bölümünə dəvət alıb.Cəfər Cabbarlı adına “Azərbaycanfilm” kinostudiyasından Azərtac-a bildirilib ki, festival yanvarın 12-dən 20-dək Banqladeşin paytaxtı Dəkkədə keçiriləcək.Filmin ssenari müəllifləri Elza Ağayeva və Anastasiya Volkova, quruluşçu operatoru Rauf Qurbanəliyevdir.xeber100.com

Milli Dram Teatrı yanvar repertuarını təqdim edir

Azərbaycan Dövlət Akademik Milli Dram Teatrının yanvar ayı üçün nəzərdə tutulan repertuarı maraqlı tamaşalarla zəngindir.Azərtac teatrın yanvar repertuarını təqdim edir. 1, 2, 3, 4, yanvar - Yeni il şənliyi 13 yanvar - “Ölülər” 14 yanvar - “Vəsiyyət” 15 yanvar - “Müfəttiş” 20 yanvar - “Xəcalət” 21, 22 yanvar - “Almaz” 27 yanvar - “Ölülər” 28 yanvar - “Vəsiyyət” 29 yanvar - “Xanuma”

“YARAT”da ustad dərsləri təşkil olunub

“YARAT” Müasir İncəsənət Mərkəzində İtaliyanın tanınmış moda fotoqrafı Canluka Santoronun iştirakı ilə ustad dərsləri təşkil olunub.Azərtac xəbər verir ki, dünyaca məşhur fotoqraf ustad dərsləri çərçivəsində moda fotoqrafiyası və aspektləri haqqında danışaraq dünyanın ən əla brendləri ilə əməkdaşlıq təcrübələrini iştirakçılarla bölüşüb. Mühazirələrdə iştirakçıları maraqlandıran suallar cavablandırılıb, maraq doğuran məsələlər ətrafında qarşılıqlı fikir mübadiləsi aparılıb.Qeyd edək ki, bir sıra dünya şöhrətli şəxslərin portretini çəkməklə populyarlıq qazanan fotoqraf hazırda dünyanın ən məşhur moda brendləri ilə əməkdaşlıq edir.xeber100.com

Rusiya istehsalı olan filmlərin nümayişinə başlanılıb

Nizami Kino Mərkəzində “Qar Kraliçası: 3 alov və buz” 3D animasiya və “Vikinq” bədii filmlərinin nümayişinə başlanılıb.Mərkəzin mətbuat xidmətindən Azərtac-a bildirilib ki, Rusiya istehsalı olan “Vikinq” filmini rejissor Andrey Kravçuk tarixi dram janrında çəkib.Filmdə rollara Danila Kozlovskiy, Svetlana Xodçenkova, Maksim Suxanov, İqor Petrenko, Andrey Smolyakov, Vladimir Epifantsev, Aleksandr Bortiç, Kirill Pletnev, Aleksandr Ustyuqov, Rostislav Berşauer və başqaları çəkilib.Rusiya istehsalı olan “Qar Kraliçası: 3 alov və buz” 3D formatlı animasiya filminin ssenari müəllifi və rejissoru Aleksey Tsitsilindir.Macəra və ailəvi komediya janrında çəkilən filmdə rolları Natalya Bıstrova, Filipp Lebedyev, Diomid Vinoqradov, Aleksandr Qruzdyev, Mixail Tixonov, Nikolay Bıstrov, Olqa Şoroxova, Olqa Zubkova, Vsevolod Kuznetsov, Fill Savenkov və başqaları canlandırıb.xeber100.com

Gənc Tamaşaçılar Teatrının məlumatına görə…

Gənc Tamaşaçılar Teatrının direktoru Mübariz Həmidov mayın 17-dən 27-dək Cənubi Afrika Respublikasının (CAR) Keyptaun şəhərində keçiriləcək XIX ASSİTEJ Dünya Konqresi və Səhnə Sənəti Festivalında iştirak edəcək.Teatrın mətbuat xidmətindən Azərtac-a bildirilib ki, bu nüfuzlu tədbir ASSİTEJ-Azərbaycan Milli Mərkəzi tərəfindən həyata keçirilən layihələr üçün əhəmiyyətli olacaq.Bundan əlavə, beynəlxalq tədbir digər qurum rəhbərləri ilə yaxından tanış olmaq, əməkdaşlıq və yaradıcılıq mübadiləsi baxımından da əlverişli imkanlar yaradacaq.Dünyanın ən nüfuzlu teatr rəhbərlərinin iştirak edəcəyi tədbir yeni yaradıcılıq axtarışları, mədəni əlaqələrin inkişafı və genişləndirilməsi, ortaq layihələrin hazırlanması istiqamətində mühüm rol oynayacaq.xeber100.com

“Yeni il hədiyyəsi” adlı aksiyaya start veriləcək

Milli İncəsənət Muzeyində 31 Dekabr - Dünya Azərbaycanlılarının Həmrəylik Günü və Yeni il münasibətilə “Yeni il hədiyyəsi” adlı aksiyaya start veriləcək.Muzeydən Azərtac-a bildirilib ki, gələn il yanvarın 3 və 4-də muzeyə giriş 1 AZN məbləğində təşkil ediləcək.Bu məqsədlə muzeyin rəhbərliyi paytaxt sakinləri ilə yanaşı, şəhərimizin qonağı olan hər kəsi bu fürsətdən yararlanmağa dəvət edir.Aksiya çərçivəsində iştirakçılar muzeyin zəngin stasionar ekspozisiyası və “Fransa incəsənəti Azərbaycan Milli İncəsənət Muzeyinin kolleksiyasında” adlı möhtəşəm sərgi ilə tanış ola biləcəklər.xeber100.com