Musiqili Teatr təqdim edir…

Musiqili Teatrda həftəsonu 4 tamaşa nümayiş olunacaq.Teatrdan bildirilib ki, 17, 18 dekabr tarixlərində saat 12.00 və 19.00-da tamaşaçılara “O olmasın, bu olsun” (Ü. Hacıbəyli), A. Sadıqovun səhnələşdirməsində “Yatmış gözəl və cırtdanlar” (Ş. Pero), “Toya bir gün qalmış” (Ə. Səmədli) və “Yağış göbələyinin macərası” (R. Şəfəq, V. Zimin) tamaşaları təqdim olunacaq.Xatırladaq ki, Musiqili Teatr bu həftə də rusdilli və balaca tamaşaçılarını da unutmayıb. Belə ki, 17 dekabr tarixində saat 12.00-da Ş. Peronun “Yatmış gözəl və cırtdanlar” əsəri Azərbaycan dilində, 18 dekabr tarixində saat 12.00-da isə R. Şəfəq, V. Ziminin “Yağış göbələyinin macərası” tamaşası rus dilində uşaqlar üçün nümayiş olunacaq.xeber100.com

Müasir İncəsənət Muzeyində sərgi açılıb

Dekabrın 14-də Müasir İncəsənət Muzeyində tanınmış Azərbaycan heykəltəraşı Zakir Mehdiyevin sərgisi açılıb.Azərtac xəbər verir ki, Z.Mehdiyev ekspozisiyaya daş, mərmər, ağac və digər materiallardan hazırlanmış 35 heykəlin daxil edildiyini deyib.Xatırladaq ki, Z.Mehdiyev Almaniya, Rusiya, Macarıstan, Finlandiya, Türkiyə, İngiltərə, Suriya və Azərbaycanda müxtəlif sərgilərin iştirakçısı olub. O, İsmayıl bəy Qutqaşınlının (Qəbələ), Şah İsmayil Xətainin (Bakı) və Mustafa Kamal Atatürkün (Antakya) xatirələrinə ucaldılmış abidələrin müəllifidir.xeber100.com

Opera və Balet Teatrı təqdim edir

Dekabrın 24-də Azərbaycan Dövlət Akademik Opera və Balet Teatrında dünya klassik opera sənətinin ən dəyərli nümunələrindən biri - Cüzeppe Verdinin “Aida” operası nümayiş olunacaq.Teatrın mətbuat xidmətindən bildirilib ki, səhnə əsərində əsas partiyalardan birini - Aida partiyasını ilk dəfə teatrın aparıcı solisti - Əməkdar Artist Afaq Abbasova ifa edəcək. Digər partiyaları Xalq Artisti Əli Əsgərov, Əməkdar artistlər Əkrəm Poladov, Gülnaz İsmayılova və gənc solist Nina Makarova ifa edəcək. Səhnə əsərində iştirak etmək üçün Gürcüstanın tanınmış vokal ustaları Teymuraz Ququşvili və Əməkdar Artist Sulxan Qvelesiani da dəvət olunub.Tamaşanı dirijoru Xalq artisti, professor Cavanşir Cəfərovdur.xeber100.com

Mahnı Teatrında musiqi proqramı təşkil olunacaq

Dekabrın 23-də Mahnı Teatrında “Gənc solistlərin premyera konserti” adlı musiqi proqramı təşkil olunacaq.Musiqili gecədə dünya şöhrətli argentinalı bəstəkar Astor Pyazzollanın tanqo musiqiləri ilə yanaşı, İtaliyan bəstəkarı Antonio Vivaldinin “İlin fəsilləri” adlı klassik musiqi əsəri ifa ediləcək. Bundan başqa, konsert çərçivəsində bir sıra dünya bəstəkarlarının klassik musiqi əsərləri də səslənəcək.Hər kəsin qatıla biləcəyi konsert proqramında yalnız klassik musiqi nömrələri təqdim olunacaq.xeber100.com

Moda dərsləri təşkil olunacaq

Dizayner-rəssam Renarə Şəmsiyevanın rəhbərliyi ilə pulsuz moda dərsləri təşkil olunacaq.R.Şəmsiyeva Azərtac-a bildirib ki, dekabrın 18-də “Fabrika Coworking Center” ünvanında təşkil ediləcək dərslərdə iştirakçılara rəng və forma anlayışı, geyim eskizlərinin hazırlanması, dünya və milli geyimlər, dünyaca məşhur moda evlərinin iş fəaliyyəti, geyim kolleksiyasının hazırlanması və başqa mövzularda məlumatlar veriləcək.xeber100.com

Beynəlxalq kinofestivalın açılışı olub

Bişkekdəki “Manas” kinoteatrında “Qırğızıstan – qısametrajlı filmlər ölkəsi” altıncı beynəlxalq kinofestivalın açılışı olub.Kinofestival tanınmış qırğız kinorejissoru Bolot Şamşiyevin “Manasçı” sənədli filmi ilə açılıb.Kinofestivalda ölkəmizi "Azərbaycanfilmi"in istehsalı olan “Qara bağ” bədii filmi təmsil edir.Filmin ssenari müəllifi A.Məmiyev, quruluşçu operatoru R.Qurbanəliyev, quruluşçu rəssamı Ə.Məmmədovdur. Festival dekabrın 15-də başa çatacaq.xeber100.com

“Ərəb dili üzrə xəttatlıq sənəti” adlı treninq kursları təşkil olunacaq

Dekabrın 20-də Misirin Azərbaycandakı səfirliyinin Mədəniyyət və Təhsil Əlaqələri Mərkəzində “Ərəb dili üzrə xəttatlıq sənəti” adlı treninq kursları təşkil olunacaq.Mərkəzdən Azərtac-a bildirilib ki, treninqlər xəttatlıq sənəti üzrə 20 illik təcrübəyə malik misirli mütəxəssis Əhməd Əbdülvahab Əşrəf tərəfindən aparılacaq.Treninqlərdə ərəb dili müəllimləri və ərəb dilini yaxşı səviyyədə bilən və bu dildə yaxşı yazmağı bacaran tələbələr iştirak edə bilərlər.Sonda imtahandan uğurla keçən iştirakçılara Misirin Ali Təhsil Nazirliyinin sertifikatı təqdim olunacaq.Hər kəsin qatıla biləcəyi treninq kursları dekabrın 23-dək davam edəcək.xeber100.com

Ümumdünya İrs Siyahısına daxil edilmə məsələsi müzakirə olunub

Məlum olduğu kimi, Mədəniyyət və turizm nazirinin müavini S.Məmmədəliyeva Parisdə UNESCO-nun baş qərargahında silahlı münaqişələr zamanı mədəni mülkiyyətin qorunması üzrə hökumətlərarası komitənin 11-ci sessiyasında iştirakla bağlı səfərdədir. Səfər çərçivəsində S.Məmmədəliyeva “Şəki və onun tarixi hissəsi”nin UNESCO-nun Ümumdünya İrs Siyahısına daxil edilməsi üçün Dünya İrs Komitəsinə üzv ölkələr ilə danışıqlar aparıb.Nazirlikdən Azərtac-a bildirilib ki, görüşdə komitə üzvləri tərəfindən Azərbaycanın quruma üzv kimi fəaliyyətinin mədəni irsin həm ölkə səviyyəsində, həm də beynəlxalq səviyyədə qorunmasının bariz göstəricisi olduğu bildirilib.xeber100.com  

“Azərbaycanfilm” kinostudiyasının məlumatı…

Hindistanın 5-ci Delhi Beynəlxalq Film Festivalının müsabiqə proqramında C.Cabbarlı adına “Azərbaycanfilm” kinostudiyasının istehsalı olan “Dərs” və “Onun atası” bədii filmlərinin nümayişi baş tutub.“Azərbaycanfilm” kinostudiyasından bildirilib ki, festival Yeni Delhi şəhərində keçirilib.Xatırladaq ki, “Dərs” tammetrajlı bədii filminin ssenari müəllifləri Elza Ağayeva və Anastasiya Volkova, quruluşçu rejissorları Rafiq Əliyev və Cavid Təvəkkül, quruluşçu operatoru Rauf Qurbanəliyev, quruluşçu rəssamı Fikrət Ələkbərov, bəstəkarı Tünzalə Ağayeva, icraçı prodüseri Vüsal Abbasov, prodüseri Müşfiq Hətəmovdur.xeber100.com  

“Heykəl sərgisi” adlı sərgi açılacaq

Dekabrın 14-də Müasir İncəsənət Muzeyində heykəltəraş Zakir Mehdiyevin “Heykəl sərgisi” adlı sərgisi açılacaq.Muzeydən Azərtac-a bildirilib ki, dekabrın 31-dək davam edəcək sərgidə müəllifin 35-ə yaxın heykəltəraşlıq əsəri nümayiş olunacaq.Xatırladaq ki, Zakir Mehdiyev Almaniya, Rusiya, Macarıstan, Finlandiya, Türkiyə, İngiltərə, Suriya və Azərbaycanda müxtəlif sərgilərin iştirakçısı olub. O, İsmayıl bəy Qutqaşınlının (Qəbələ), Şah İsmayil Xətainin (Bakı) və Mustafa Kamal Atatürkün (Antakya) xatirələrinə ucaldılmış abidələrin müəllifidir.xeber100.com