Mədəniyyət və Turizm Nazirliyinin təşkilatçılığı ilə…

Dekabrın 13-də Azərbaycan Milli İncəsənət Muzeyində Mədəniyyət və Turizm Nazirliyinin təşkilatçılığı ilə Xalq Rəssamı Elbəy Rzaquliyevin anadan olmasının 90 illiyinə həsr edilmiş sərgi açılacaq.Nazirlikdən Azərtac-a bildirilib ki, dekabrın 17-dək davam edəcək sərgidə rəssamın ailəsinin kolleksiyasında, Azərbaycan Dövlət Rəsm Qalereyası və Milli İncəsənət Muzeyinin fondunda saxlanılan əsərlər nümayiş olunacaq.Qeyd edək ki, Azərbaycanın rəssamlıq məktəbinin görkəmli nümayəndəsi Elbəy Rzaquliyev “Görüş”, “Ögey ana”, “Sevil” və s. kimi uğurlu ekran həyatı yaşamış filmlərin rəssamı olub.xeber100.com

“Bir eksponatın tarixi” layihəsi çərçivəsində tədbir keçiriləcək

Dekabrın 17-də Azərbaycan Xalça Muzeyində "Bir eksponatın tarixi" layihəsi çərçivəsində tədbir keçiriləcək.Muzeydən Azərtac-a bildiriblər ki, tədbirdə öz fərdi üslubu ilə hər zaman digərlərindən fərqlənən, təkrarolunmaz və bir-birindən maraqlı fəlsəfi obrazlı xalçalar yaratmış xalçaçı-rəssam Eldar Mikayılzadənin "Nağıllar aləmində" xalçası təqdim olunacaq.İştirakçılar həmin xalçanın yaranma tarixinə səyahət imkanı əldə edəcəklər.xeber100.com

Rəşid Behbudovun 100 illiyinə həsr olunmuş yubiley gecəsi keçiriləcək

Dekabrın 14-də Xalq Artisti Rəşid Behbudovun anadan olmasının 100 illiyinə həsr olunmuş yubiley gecəsi keçiriləcək.Nazirlikdən Azərtac-a bildirilib ki, Heydər Əliyev Sarayında reallaşacaq tədbir Prezidentin Rəşid Behbudovun 100 illik yubileyinin keçirilməsi haqqında müvafiq Sərəncamına əsasən təşkil olunacaq.xeber100.com  

“Azərbaycan” kinoteatrının fəaliyyəti bərpa olunub

“Azərbaycan” kinoteatrı yenidən fəaliyyətə başlayıb. Bütünlüklə yenilənmiş kinoteatr “CinemaPlus” premium kinoteatrlar şəbəkəsinə daxildir.“CinemaPlus”dan Azərtac-a bildirilib ki, dünya standartlarına cavab verən və iki mərtəbədən ibarət kinoteatrda 3 zal və 190 oturacaq yeri var. Qeyd edək ki, “CinemaPlus” kinoteatrlar şəbəkəsinə “CinemaPlus 28 Mall”, “Cinema Plus Ganjlik Mall”, “CinemaPlus Aygün City”, “Cinema Plus Amburan Mall” və Gəncə şəhərində yerləşən “Cinema Plus Khamsa” da daxildir.xeber100.com

Muğam Mərkəzində musiqili gecə təşkil olunacaq

Dekabrın 23-də Beynəlxalq Muğam Mərkəzində “Vətəni sevməyən insan olmaz” layihə çərçivəsində musiqili gecə təşkil olunacaq.Azərtac xəbər verir ki, Mədəniyyət və Turizm Nazirliyinin təşkilatçılığı ilə reallaşacaq konsert proqramında “Xarı bülbül” muğam qrupu çıxış edəcək.Konsertdə Əməkdar Artist Əliağa Seyidovun rəhbərliyi ilə gənc xanəndə Kamilə Seyidovanın ifasında bir sıra xalq və bəstəkar mahnıları dinləniləcək.xeber100.com

Anlaşma memorandumu imzalanıb

Bakı Dövlət Universitetinin kitabxanaşünaslıq-informasiya fakültəsi ilə Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi arasında mövcud qanunvericiliyə və mövcud əsasnamələrinə uyğun olaraq, anlaşma memorandumu imzalanıb.Mərkəzdə Azərtac-a bildirilib ki, memorandumun məqsədi ölkəmizdə kitabxanaşünaslıq üzrə kadrların yetişdirilməsində BDU-nun və mərkəzin arasında işgüzar elmi-mədəni əlaqələrinin qurulması, kitabxanaşünas kadrların elmi potensialından muzey və kitabxanalarda səmərəli istifadə və göstərilən sahəyə müvafiq yeni elmi-metodiki üsulların axtarışlarının gücləndirilməsidir.xeber100.com

Xalq Çalğı Alətləri Orkestri – 85

Dekabrın 21-də Xalq Çalğı Alətləri Orkestrinin yaranmasının 85 illiyi münasibətilə konsert proqramı təşkil olunacaq.Azərtac xəbər verir ki, Filarmoniyada gerçəkləşəcək tədbir tədbirdə orkestrin yaranmasından, Azərbaycan Televiziya və Radiosunda, o cümlədən ölkəmizin mədəni həyatındakı fəaliyyətindən də söz açılacaq.Konsertdə xalq çalğı alətləri orkestrinin müşayiəti ilə bir sıra xalq və bəstəkar mahnıları səsləndiriləcək.xeber100.com

“Mədəniyyətlərarası dialoq” adlı konfrans keçirilib

UNESCO-nun baş qərargahında “İrs naminə birlik” kampaniyası çərçivəsində “Mədəniyyətlərarası dialoqdan insan təhlükəsizliyinə, sülhdən davamlı inkişafa” adlı konfrans keçirilib.Konfrans zamanı bu təşkilatdakı daimi nümayəndəliyimizin rəhbəri Anar Kərimovun moderatorluğu ilə “Hədəfimiz İrs: dialoq vasitəsilə irsin qorunması - yeni paradiqmalar axtarışında” adlı yüksək səviyyəli panel müzakirələri keçirilib.Panel müzakirələrində Azərbaycan mədəniyyət və turizm naziri Əbülfəs Qarayev, UNESCO-nun baş direktoru İrina Bokova, BMT-nin Sivilizasiyalar Alyansının, Dünya Turizm Təşkilatının rəhbərləri iştirak ediblər.xeber100.com

“Azərbaycanfilm” kinostudiyasının məlumatına görə…

Xalq Yazıçısı Elçinin eyniadlı pyesi əsasında lentə alınan “Qatil” bədii filminin 17-ci Tbilisi Beynəlxalq Film Festivalının “Avropa film forumu” bölümündə nümayişi baş tutub.“Azərbaycanfilm” kinostudiyasından bildirilib ki, festivalda filmin quruluşçu rejissoru Kamran Şahmərdan və icraçı prodüseri Katri Lətt iştirak ediblər.Qeyd edək ki, “Qatil” filmi həmçinin Bakıda keçirilən 6-cı Avropa Film Festivalı və Finlandiyanın “Qara və Ağ” Teatr Festivalında iştirak edib.xeber100.com  

“İlmələrin rəqsi” adlı fərdi yaradıcılıq sərgisi açılıb

Rəssamlar İttifaqında tanınmış xalçaçı rəssam Eldar Hacıyevin “İlmələrin rəqsi” adlı fərdi yaradıcılıq sərgisi açılıb.Azərtac xəbər verir ki, müxtəlif mövzulu xalçaların əks olunduğu sərgidə xalq Rəssamı Ağəli İbrahimov çıxış edərək xalçaçı rəssamın yaratdığı füsunkar sənət incilərindən danışıb.Vurğulanıb ki, Eldar Hacıyev xalçaçı rəssam kimi mükəmməl xalça ilə miniatürün uğurlu sintezini yarada bilib. Onun əsərlərində xalça və miniatür sənətinin bütün atributları öz əksini tapıb.Qeyd olunub ki, müəllifin xalçaları ipək saplarla toxuması onun sənətinin özəlliklərindən hesab olunur.Daha sonra qonaqlar sərgi ilə tanış olublar.xeber100.com