28 may- Respublika Gününə həsr olunmuş konserti keçirilib

Beynəlxalq Muğam Mərkəzində Üzeyir Hacıbəyli adına Bakı Musiqi Akademiyasının “İxtisas fortepiano” kafedrasının tələbələrinin 28 may- Respublika Gününə həsr olunmuş konserti keçirilib.BMA-dan Azərtac-a bildirilib ki, konsertdə dünya və Azərbaycan bəstəkarlarının əsərlərinə müraciət edilib.Təqdim olunan peşəkar ifalar konserti maraqlı edib, ifaçılar alqışlarla qarşılanıb.xeber100.com

Baltikyanı ölkələrdən gələn turistlərin sayı açıqlanıb

Azərbaycana gələn turistlərin sayı ilbəil artmaqdadır. Bunların arasında Baltikyanı ölkələr və Polşadan gələnlərin ilk 3 ay üçün statistikası açıqlanıb.Azertac xəbər verir ki, 2019-cu ilin ilk 3 ayında Polşadan Azərbaycana 649, Latviyadan 325, Litvadan 345, Estoniyadan 141 turist gəlib. Azərbaycan turistləri əsasən yaz və yay aylarında daha çox cəlb etdiyi üçün məhz şimal ölkələrindən qışda gələn turistlərin sayında xüsusi artım qeydə alınmayıb.Ötən il Polşadan Azərbaycana 5049, Latviyadan 2433, Litvadan 1903, Estoniyadan 1163 turist daxil olub.Qeyd edək ki, məhz yay-payız mövsümü üçün Azərbaycan və Latviya arasında birbaşa aviauçuşlar həyata keçirilir.xeber100.com

“Avroviziya” mahnı müsabiqəsinin final mərhələsi keçirilib

İsrailin Tel-Əviv şəhərinin "Ekspo Tel-Əviv" arenasında 64-cü "Avroviziya" beynəlxalq mahnı müsabiqəsinin final mərhələsi keçirilib.Trend-in məlumatına görə, beynəlxalq mahnı müsabiqəsinin qalibi "Arcade" mahnısını ifa edən Niderland təmsilçisi Dunkan Lourens olub.Beynəlxalq mahnı müsabiqəsində ikinci yeri İtaliya təmsilçisi, üçüncü yeri isə Rusiya təmsilçisi tutublar.Azərbaycan təmsilçisi Çingiz Mustafayev finalda 20 nömrə altında çıxış edib və 7-ci yerdə qərarlaşıb.xeber100.com

Opera və Balet Teatrı təqdim edir

Mayın 26-da Opera və Balet Teatrında üçpərdəli “Aşıq Qərib” operası nümayiş olunacaq.Azərtac xəbər verir ki, libretto müəllifi dahi bəstəkar Üzeyir Hacıbəyli olan səhnə əsərinin xronometrajı 1 saat 50 dəqiqədir.Baletin dirijoru Əməkdar incəsənət xadimi Sevil Hacıyeva, quruluşçu rejissoru Əməkdar incəsənət xadimi Hafiz Quliyev, quruluşçu rəssamı isə Əməkdar incəsənət xadimi Əyyub Fətəliyevdir.Səhnə əsərində rolları Elnur Zeynalov, Aytən Məhərrəmova, Taleh Yahyayev, Rafiq Abbasov, Elşad Məmmədov, Mülahim Həsrətova, Səbinə Vahabzadə, Fəridə Məmmədova və Mütəllim Dəmirov ifa edəcəklər.xeber100.com

Qafqaz Müsəlmanları İdarəsinin Ramazan təqviminə əsasən…

Sabah Ramazan ayının 12-ci günüdür.Trend-in məlumatına görə, Qafqaz Müsəlmanları İdarəsinin açıqladığı Ramazan təqviminə əsasən, mayın 17-də Bakıda imsak saat 03:41, iftar isə saat 20:07-dədir.Ramazan ayının 12-ci gününün duası:"Allahummə zəyyinni fihi bis-sətri vəl-əfaf. Vəsturni fihi bilibasil-qünui vəl-kəfaf. Vəhmilni fihi ələl-ədli vəl-insaf. Və amilni fihi min kulli ma əxaf. Bi-ismətikə ya ismətəl-xaifin".Tərcüməsi:"İlahi, bu ayda məni həya və iffətlə zinətləndir, itaət və razılıq libasını geyindir. Bu ayda məni ədalət və insaf yolu ilə apar, qorxduğum hər şeydən məni hifz et. Səni Öz ismətinə and verirəm, ey (ürəklərində) Allah qorxusu olanların Himayədarı!"Allah orucunuzu qəbul etsin!xeber100.com

Beynəlxalq mahnı müsabiqəsinə start verilib

“Eurovision 2019” beynəlxalq mahnı müsabiqəsi İsraildə, Təl-Əviv şəhərinin mərkəzində, Qabim teatrında, 41 milli nümayəndə heyətinin iştirakı ilə başlayıb.TASS-ın məlumatında qeyd edilir ki, “Eurovision kəndi” Təl-Əvivin sahilyanı cənub hissəsində Çarlz Klora parkında açılıb. Təşkilatçılar bildirirlər ki, bu, müsabiqənin keçirilməsi illəri ərzində yaradılmış ən böyük kompleksdir. Altı hektar ərazidə rəsmi fan-zona yerləşir. Burada çıxışların yayımı üçün 4 böyük ekran, 100 metr uzunluğunda bar və 85 növ müxtəlif yeməklərin təklif ediləcəyi çadırlar quraşdırılıb.“Eurovision 2019” beynəlxalq mahnı müsabiqəsinin yarımfinalları Təl-Əvivdəki Sərgi mərkəzində, mayın 14-ü və 16-da keçiriləcək. Müsabiqənin finalı da burada, mayın 18-də olacaq.Qeyd edək ki, Azərbaycanın “Eurovision 2019” təmsilçisi Çingiz Mustafayev ikinci məşqini də uğurla tamamlayıb. Təmsilçimiz “Eurovision-2019”da ikinci yarımfinalda “Truth” mahnısı ilə 18-ci nömrə altında çıxış edəcək.xeber100.com

Azərbaycan-Türk Mədəniyyət Mərkəzinin açılışı olub

İsveçrənin Solothurn şəhərində Azərbaycan səfirliyinin dəstəyi ilə ərsəyə gələn Azərbaycan-Türk Mədəniyyət Mərkəzinin açılışı olub. Açılışda bu ölkədə fəaliyyət göstərən Azərbaycan diaspor təşkilatlarının rəhbərləri, soydaşlarımız və ölkəmizin İsveçrədəki səfirliyinin əməkdaşları iştirak ediblər.Azərtac xəbər verir ki, tədbiri giriş sözü ilə açan Azərbaycan-Türk Mədəniyyət Mərkəzinin rəhbəri Cevzet Aras gələn qonaqları salamlayıb və mərkəzin tikintisi üçün dəstək göstərən hər kəsə, xüsusilə Azərbaycanın İsveçrə Konfederasiyasındakı səfirliyinə təşəkkürlərini çatdırıb. O, soydaşlarımızın sıx yaşadığı Solothurn şəhərində həmrəyliyin möhkəmləndirilməsi üçün belə bir milli mədəniyyət mərkəzinin yaradılmasının zəruriliyinə diqqət çəkib.xeber100.com

9 May – Qələbə Günü münasibətilə sərgi keçiriləcək

Mayın 6-da Rəssamlıq Akademiyasının muzey-sərgi kompleksində 9 May - Qələbə Günü münasibətilə A.Mürvətovanın “Manifest” adlı fərdi sərgisi keçiriləcək.Azərtac xəbər verir ki, mayın 10-dək muzey-sərgi kompleksində, həmçinin may ayından etibarən Bakı Metropoliteninin “Gənclik” stansiyasında nümayiş olunacaq sərgi Böyük Vətən müharibəsi veteranlarının tariximizdə qoyduğu qəhrəmanlıq izlərini ehtiva edir.Çətin və şərəfli yol keçmiş qəhrəmanların müasir həyatımızdakı yeri və fəaliyyətlərinin foto-ekspozisiyasını ərsəyə gətirməyi özünə borc bilən gənc fotoqrafın məqsədi XX əsrin ən dəhşətli illərində əvəzsiz xidmətləri olmuş insanların fədakarlıqlarını cəmiyyətimizə və gələcək nəsillərə bir daha xatırlatmaqdır. Həmçinin məqsəd müharibə şəraitində olan ölkəmizdə Böyük Vətən müharibəsi veteranlarının qəhrəmanlıq şücaətlərini gələcək nəslə ötürməkdir.xeber100.com

Müasir İncəsənət Muzeyində sərgi açılacaq

Mayın 3-də Müasir İncəsənət Muzeyində latviyalı rəssam İveta Vetsenanenin “Müasir incəsənət zövqü. Kəhrəba sapların ehtizazı” adlı sərgi açılacaq.Muzeydən Azərtac-a bildirilib ki, Latviya Respublikasının 100 illiyinə həsr ediləcək sərgidə rəssamın 20- dən artıq qobelen əsəri təqdim ediləcək. Əsərlərin arasında kəhrəba saplarla işlənmiş və heç vaxt nümayiş etdirilməyən qobelenlər də var.Sərgi mayın 1-dən 14-dək davam edəcək 3-cü “İMAGİNE” Avropa Tolerantlıq Festivalı çərçivəsində reallaşacaq.xeber100.com

Opera və Balet Teatrı may ayının repertuarını təqdim edir

Opera və Balet Teatrının yaradıcı kollektivi gələn ay tamaşaçıların görüşünə maraqlı səhnə əsərləri ilə gələcək.Sənət ocağının may ayı üçün nəzərdə tutduğu repertuarını təqdim edirik: 4 may – “Jizel” 5 may - İvan Abramovun solo konserti 8 may - “Leyli və Məcnun” 9 may – “Şəhrizad” 12 may – “Toska” 15 may –“Şah İsmayıl” 18 may –“Boqema” 19 may - “Aşıq Qərib” 25 may – “Nəsimi” 26 may - “Arşın mal alan” 29 may – “Karmen”.xeber100.com