“Qarabağnamə” tamaşası nümayiş olunacaq

Akademik Milli Dram Teatrında 20 Yanvar faciəsinin 29-cu ildönümü münasibətilə “Qarabağnamə” tamaşası nümayiş olunacaq.Teatrın mətbuat xidmətindən Azərtac-a bildirilib ki, görkəmli dramaturq İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Mərahim Fərzəlibəyov, quruluşçu rəssamı İsmayıl Məmmədovdur.Yanvarın 20-də nümayiş ediləcək tamaşanın musiqi tərtibatçısı Həmid Kazımzadə, geyim rəssamı Aygün Mahmudova, işıq üzrə rəssamı Rafael Həsənovdur.Səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.O dövrdə xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur.xeber100.com

“Vətənpərvərlik kinosu həftəsi” çərçivəsində

Mədəniyyət Nazirliyinin kinematoqrafiya şöbəsinin və Bakı Şəhər Mədəniyyət Baş İdarəsinin birgə təşkilatçılığı ilə yanvarın 14-dən 18-dək “Vətənpərvərlik kinosu həftəsi” çərçivəsində Milli qəhrəmanlara həsr olunmuş filmlərin nümayişi keçiriləcək.Baş İdarədən Azərtac-a bildirilib ki, kino həftəsinin keçirilməsində əsas məqsəd əhali arasında vətənpərvərlik ruhunu gücləndirmək, torpaqlarımız uğrunda döyüşlərdə igidlik göstərən Milli qəhrəmanlarımızı gənc nəslə tanıtmaq, Qarabağ müharibəsinin qəhrəmanlıq səhifələrini əks etdirməkdir.xeber100.com

Xətai Sənət Mərkəzində “Qrafika 2019” adlı yekun sərgi açılacaq

Yanvarın 8-də Xətai Sənət Mərkəzində “Azərbaycan təsviri sənətində qrafika dünən və bu gün” adlı respublika rəsm müsabiqəsinin “Qrafika 2019” adlı yekun sərgisi açılacaq.Mərkəzdən Azərtac-a bildirilib ki, sərgi Mədəniyyət Nazirliyi, Azərbaycan Rəssamlar İttifaqı, Dövlət Rəssamlıq Akademiyasının dəstəyi, Dövlət Rəsm Qalereyası və Xətai Sənət Mərkəzinin təşkilatçılığı ilə reallaşacaq. 380-dan çox qrafika və qrafika yönlü əsərlərin təqdim edildiyi müsabiqədə 76 əsər seçilərək sərgidə iştirak etmək şansı qazanıb.Qaliblər üçün mükafatla yanaşı, “Mədəniyyət” qəzetində ən yaxşı əsər və onun müəllifi haqqında yazı dərc olunması nəzərdə tutulub. Yanvarın 18-dək davam edəcək sərgidə klassik və gənc qrafiklərin əsərləri yer alacaq.Qeyd edək ki, müsabiqə müasir Azərbaycan incəsənətinin əsas növlərindən olan qrafikanın rolunu və mövqeyini genişləndirmək, mədəni ictimaiyyətin diqqətini bu sənət növünə cəlb etmək, qrafika sənəti ustalarının yaradıcılığını təbliğ etmək və rəssamların bu sahəyə intensiv müraciət etmələrini stimullaşdırmaq məqsədi ilə elan olunub.xeber100.com

Rus Dram Teatrı yanvar repertuarını təqdim edir

Rus Dram Teatrı yanvar repertuarını açıqlayıb.Azərtac teatrın repertuarını təqdim edir: 6 yanvar – “Payız sonatası”; 11 yanvar – “Xalam bundu”; 12 yanvar – “Kazanova: sevgi dərsləri”; 13 yanvar – “Afina axşamları”; 18 yanvar – “Kraliçanın son ehtirası”; 19 yanvar – “Karamazov qardaşları”; 25 yanvar – “Yuxularımdan kənar ol” (“Təhminə və Zaur”); 26 yanvar – “Evlənmə” (premyera); 27 yanvar – “Senyor Todero-xuliqan”. Uşaqlar üçün: 6 yanvar – “Düyməcik” (premyera); 12 yanvar – “Üç donuz balası, Qırmızı papaq və boz canavarlar”; 19 yanvar – “Durnabalığının buyruğu ilə”; 26, 28-31 yanvar – “Düyməcik” (premyera). Teatrda böyüklər üçün tamaşalar saat 19:00-da, uşaqlar üçün isə saat 12:00-da başlanır.xeber100.com

“Qədim musiqi alətləri ekspozisiyası”nın təqdimatı olacaq

Beynəlxalq Muğam Mərkəzinin fəaliyyətə başlamasının 10 ili tamam olur.Azərtac xəbər verir ki, dekabrın 27-də Beynəlxalq Muğam Mərkəzində əlamətdar yubiley münasibətlə tədbir keçiriləcək.Tədbirdə əvvəlcə mərkəzin muzey hissəsində “Qədim musiqi alətləri ekspozisiyası”nın təqdimatı olacaq. Sonra görkəmli muğam ustadlarının büstlərinin qarşısında “İnteraktiv lövhələr” təqdim ediləcək. Ardınca “Müasir musiqi alətləri ekspozisiyası”nın təqdimatı keçiriləcək. Həmçinin foyedə “Əsrlərin sədası” ansamblı çıxış edəcək.Yubiley mərasimi Beynəlxalq Muğam Mərkəzinin salonunda muğam konserti ilə davam edəcək.xeber100.com

Beynəlxalq Muğam Mərkəzində konsert proqramı təqdim edilib

Dekabrın 22-də Beynəlxalq Muğam Mərkəzində Dünya Azərbaycanlılarının Həmrəylik Günü və Yeni il bayramına həsr olunmuş konsert proqramı təqdim edilib.Mərkəzdən Azərtac-a bildirilib ki, konsert proqramı Muğam Mərkəzinin təşəbbüsü və Mədəniyyət Nazirliyi ilə Bakı Şəhər Mədəniyyət Baş İdarəsinin təşkilati dəstəyi ilə reallaşıb.Konsertdə çərçivəsində Azərbaycan və dünya bəstəkarlarının əsərlərindən ibarət musiqi kompozisiyaları təqdim edilib.Leopold və Mstislav Rostropoviçlər adına 21 nömrəli onbirillik musiqi məktəbinin şagirdlərinin iştirakı ilə gerçəkləşən konsert maraqla qarşılanıb.xeber100.com

“Səfirin seçimi” adlı kinofestival çərçivəsində

“Arşın mal alan” filminin rəngli versiyası Ər-Riyad şəhərində keçirilən “Səfirin seçimi” adlı kinofestival çərçivəsində təqdim edilib.Azərtac xəbər verir ki, Azərbaycanın Səudiyyə Ərəbistanındakı səfirliyi tərəfindən təşkil olunmuş təqdimat mərasimində ölkədə fəaliyyət göstərən diplomatik korpusun nümayəndələri, həmvətənlərimiz iştirak ediblər.Tədbirdə çıxış edən səfir Şahin Abdullayev bildirib ki, 1945-ci ildə çəkilmiş “Arşin mal alan” filmi 2013-cü ildə Heydər Əliyev Fondunun təşəbbüsü ilə ABŞ-in Los-Anceles şəhərində rənglənərək bərpa edilib. Bəstəkar Üzeyir Hacıbəylinin yaradıcılığından söz açan diplomat onun operettası əsasında lentə alınmış “Arşın mal alan” filminin müxtəlif dillərə tərcümə edilərək bir çox ölkələrdə uğurla nümayiş olunduğunu diqqətə çatdırıb.xeber100.com

Rəşid Behbudovun anadan olmasının 103-cü ildönümü tamam olur

Dekabrın 14-ü görkəmli müğənni Rəşid Behbudovun anadan olmasının 103-cü ildönümü tamam olur. Səsi, sənəti, fitri istedadı ilə əbədiyaşarlıq qazanan Rəşid Behbudov 1915-ci ildə Tbilisidə xanəndə Məcid Behbudovun ailəsində dünyaya göz açıb. Uşaq yaşlarından məktəb xorunda oxuyan R.Behbudov 1933-cü ildə Dəmir Yolu Texnikumuna daxil olub. Təhsili dövründə tələbə özfəaliyyət orkestrində çalışıb. Hərbi xidməti zamanı ordu ansamblının solisti olan R.Behbudov əsgərlik illərindən sonra Tbilisi estrada qruplarından birinin solisti olub.Rəşid Behbudov 1943-cü ilin sonunda Bakı kinostudiyasında Üzeyir Hacıbəylinin eyniadlı operettasının motivləri əsasında çəkilən “Arşın mal alan” filmində baş rola dəvət alıb. 1945-ci ildə efirə çıxan film çox tez bir zamanda nəinki Azərbaycanda, bütün SSRİ məkanında böyük populyarlıq qazanıb. 1946-cı ildə bu filmdəki Əsgər roluna görə Rəşid Behbudov “Stalin” mükafatına layiq görülüb. Əsgər obrazını yaradan müğənninin şirin və könül oxşayan səsi hər bir dinləyicini valeh edib. Bundan sonra sevimli müğənninin səsini eşitmək arzusunda olanların sayı gündən-günə artıb. Azərbaycan kinosunun qızıl fonduna daxil olan həmin film 60 ildən çoxdur ki, müvəffəqiyyətlə nümayiş etdirilir.R.Behbudov uzun illər Müslüm Maqomayev adına Azərbaycan Dövlət Filarmoniyasının, Azərbaycan Dövlət Akademik Opera və Balet Teatrının solisti olub. 1966-cı ildən musiqi və estrada sənətinin caz, balet, pantomima kimi müxtəlif janrlarını özündə birləşdirən Azərbaycan Dövlət Mahnı Teatrını təşkil edib və ömrünün sonunadək onun solisti və bədii rəhbəri olub. Hazırda bu teatr dahi sənətkarın adını daşıyır.İfaçılıqda xalq yaradıcılığını, vokal sənətini, estrada janrını sintez edən Rəşid Behbudov təkraredilməz məlahətli səsi, xarici görünüşü və aktyorluq istedadı ilə dinləyicinin və tamaşaçının qəlbini ovsunlayan ifaçılardandır.Xalqını sonsuz bir məhəbbətlə sevən sənətkar sovet respublikaları ilə yanaşı, Argentina, Bolqarıstan, Belçika, Çili, Çin, Efiopiya, Finlandiya, Hindistan, İran, İraq, İtaliya, Misir, Türkiyə və s. ölkələrdə geniş konsert proqramları ilə Azərbaycan xalq mahnılarının və bəstəkar əsərlərinin populyarlaşmasında çox böyük rol oynayıb.xeber100.com  

Bakı Dövlət Sirki təqdim edir

Bakı Dövlət Sirki Yeni il şənliyi üçün Rusiya və Belarus artistlərindən ibarət komandanı ölkəmizə dəvət edib.Sirkdən Azərtac-a bildirilib ki, tamaşalar dekabrın 28-dən yanvarın 13-dək fasiləsiz nümayiş olunacaq.Sirk şousunda əhliləşdirilmiş heyvanlar, cigitlər qrupu, hava gimnastları, akrobatlar, perş qeyri-adi lazer və işıq effektləri, şən klounlar, Şaxta baba və Qar qızın çıxışları təqdim olunacaq.Biletlər sirkin kassalarında hər gün saat 10-dan 20-dək satılır.xeber100.com

“Vırgın sprıng cınefest 2018” kinofestivalında

“Çölçü” filmi Avropa, Asiya və Amerikadan olan kino ekspertlərindən ibarət münsiflər heyətinin rəyi nəticəsində “Vırgın sprıng cınefest 2018” kinofestivalında “Golden galaxy awards” mükafatına layiq görülüb.Bu barədə məlumat verən filmin rejissoru Şamil Əliyev bildirib ki, təqdimetmə mərasimi noyabrın 29-da Hindistanın Kolkata şəhərində keçirilib.Yarışmada 70 ölkəni təmsil edən ekran əsərləri iştirak edib.Xatırladaq ki, “Çölçü” filmi  “Azərbaycanfilm” kinostudiyasında 2012-ci ildə istehsal olunub. Film 5 qitəni əhatə edən 40 beynəlxalq kino festivalında iştirak edərək mükafatlara layiq görülüb.xeber100.com