Səhiyyə Nazirliyinin məlumatına görə…

İctimai Səhiyyə və İslahatlar Mərkəzi Prezident yanında Bilik Fondu ilə birlikdə Bakının Nardaran qəsəbəsindəki 295 nömrəli tam orta məktəbdə tədbir keçirib.Səhiyyə Nazirliyinin mətbuat xidmətindən Azərtac-a verilən məlumata görə, yuxarı sinif şagirdlərinin iştirakı ilə keçirilən tədbirdə “Erkən nikahlar və onların fəsadları” mövzusunda müzakirə və maariflənmə işi aparılıb.Mərkəzin mütəxəssisi Aysel Əkbərzadə məktəblilərə uşaq hüquqları haqqında Beynəlxalq Konvensiyalar və “Uşaq hüquqları haqqında” Azərbaycan Respublikasının Qanunu haqqında məlumat verərək bildirib ki, erkən yaşda qurulan nikahlar 18 yaşı tamam olmayan yeniyetmələrin sağlamlığı və gələcək həyatına mənfi təsir göstərir, ailədaxili zorakılıq hallarını ortaya çıxarır.İctimai Səhiyyə və İslahatlar Mərkəzinin başqa bir mütəxəssisi Cəmilə Kərimova erkən yaşlarda nikaha daxil olan yeniyetmələrin reproduktiv sağlamlıqla bağlı problemlər yaşadığı, eləcə də ana və uşaq ölümləri barədə bəhs edib. Onun sözlərinə görə, gələcək nəslin sağlamlığı yeniyetmə qızların - gələcək anaların sağlamlığından birbaşa asılıdır və həmin dövrdə yeniyetmə orqanizmdə bəzi xroniki xəstəliklər kəskinləşir.xeber100.com

Səhiyyə Nazirliyinin məlumatına görə…

Səhiyyə Nazirliyinin mətbuat xidmətindən Azərtac-a verilən xəbərə görə, Kiyevdə keçirilən “Actual GMP Requirements” mövzusunda təlimdə Səhiyyə Nazirliyi Analitik Ekspertiza Mərkəzinin altı mütəxəssisi iştirak edib. Ukrayna Milli Əczaçılıq Universitetinin professoru Yuri Podprujnikovun apardığı təlimdə steril dərman vasitələri, onların istehsal və keyfiyyətinə nəzarətdə statistik üsullar, risk analizi və bir sıra beynəxalq tələblər barədə mövzular müzakirə olunub.Təlimdən sonra Analitik Ekspertiza Mərkəzinin mütəxəssisləri aparılan test imtahanında uğurlu nəticələr göstərərək sertifikat alıblar.xeber100.com

Tibb Universitetində “dəyirmi masa” keçirilib

Tibb Universitetinin Tədris-Terapevtik Klinikasında sağlam həyat tərzinin təbliğinə həsr edilmiş “dəyirmi masa” keçirilib. Səhiyyə Nazirliyinin mütəxəssislərinin və diyetoloq həkimlərin iştirakı ilə keçirilən tədbir “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün strategiya” çərçivəsində təşkil edilib.Azərtac xəbər verir ki, tədbirdə Tibb Universitetinin müəllimlərinin qeyri-infeksion xəstəliklərin risk amillərinə - siqaretçəkmə, alkoqolizm, oturaq həyat tərzi və digər məsələlərə həsr edilmiş məruzələri dinlənilib.xeber100.com

“Tütünlə mübarizəyə dair Azərbaycan qanunvericiliyinin gücləndirilməsi”…

Səhiyyə Nazirliyinin İctimai Səhiyyə və İslahatlar Mərkəzində “Tütünlə mübarizəyə dair Azərbaycan qanunvericiliyinin gücləndirilməsi” layihəsi çərçivəsində növbəti tədbir təşkil olunub.Mərkəzdən Azərtac-a daxil olan xəbərə görə, tədbirdə Ədliyyə Nazirliyi, Vergilər Nazirliyi, Azərbaycan Respublikasının İnsan Hüquqları üzrə Müvəkkili (Ombudsman), Azərbaycan Tibb Universiteti, “Asan Agentlik” və “ASAN Könüllüləri Gənclər Təşkilatı” İctimai Birliyi, “Həmrəy Gənclərin Maarifləndirilməsinə Dəstək” İctimai Birliyi, “Ümidli Gələcək” İctimai Birliyi və “LAYF” Xeyriyyə İctimai Birliyinin əməkdaşları iştirak ediblər.İctimai Səhiyyə və İslahatlar Mərkəzinin əhalinin sağlamlığı şöbəsinin müdiri Tofiq Musayev qanunvericiliyin gücləndirilməsi sahəsində məşvərətçi xidmətlər göstərmək və mövcud qanunvericiliyin təhlili üçün yaradılan Texniki Məsləhətçi Qrupun tütünlə mübarizə sahəsində əldə etdiyi uğur və üzləşdiyi problemlər barədə məlumat verib. O, layihənin üçüncü rübündə qarşıda duran vəzifələrdən bəhs edərək qanunvericiliyin gücləndirilməsi istiqamətində həyata keçirilən tədbirlərin əhəmiyyəti barədə söhbət açıb.xeber100.com

Uşaqlar üçün endirimli kardioloji check-up kampaniyası keçirilir

Azərbaycan Tibb Universitetinin (ATU) Tədris Cərrahiyyə Klinikasında uşaqlar üçün xüsusi endirimli kardioloji check-up kampaniyası keçirilir.ATU-nun mətbuat xidmətindən Azərtac-a bildiriblər ki, kampaniyaya həkim müayinəsi, pediatrik EXO və EKQ daxildir.Müayinələr aprelin 1-dək davam edəcək.xeber100.com

Səhiyyə Nazirliyinin məlumatı

Respublika Perinatal Mərkəzində “Ana və uşaqların sağlamlığının qorunması” proqramı çərçivəsində tədbir keçirilib.Səhiyyə Nazirliyinin mətbuat xidmətindən Azərtac-a verilən məlumata görə, tədbirdə paytaxtın aparıcı doğuşayardım müəssisələrinin həkim-ginekoloq, anestezioloq və funksional diaqnostika həkimləri iştirak ediblər.Tədbirdə mamalığın ən aktual məsələlərindən olan qanaxmaların profilaktika, diaqnostika, müayinə və müalicəsi barədə məruzələr dinlənilib.xeber100.com

Ümumdünya Səhiyyə Təşkilatının məlumatı

Ümumdünya Səhiyyə Təşkilatının (ÜST) Baş direktoru Marqaret Çan havanın çirklənməsini insanların sağlamlığı üçün "ən təhlükəli təhdidlərdən biri" adlandırıb. O, hətta çirkli havanın QİÇS və Ebola viruslarından daha dəhşətli olduğunu söyləyib.sciencedaily.com saytıxəbər verir ki, çirklənmiş havanın uşaqlar və gənclərə təsiri daha çoxdur. Çirkli hava səbəbindən uşaqlar pnevmaniya (ağciyər iltihabı) və digər tənəffüs xəstəliklərindən əziyyət çəkirlər. Hər il beş yaşa qədər 600 mindən çox uşaq ağciyər iltihabından dünyasını dəyişir. Dünyada yalnız hər 10 insandan biri ÜST-ün standartlarına cavab verən, keyfiyyətli hava olan ərazilərdə yaşayır.xeber100.com

Səhiyyə Nazirliyində seminar keçirilib

Səhiyyə Nazirliyinin İctimai Səhiyyə və İslahatlar Mərkəzində Amerika Birləşmiş Ştatlarının Miçiqan ştatında regional səhiyyə qurumu idarə heyətinin üzvü və vitse-prezidenti Voren Vaytın iştirakı ilə seminar keçirilib. Regional səhiyyə sistemi və xəstəxanaların idarə edilməsində 35 ildən artıq təcrübəyə malik mütəxəssis iki gün davam edən seminarda səhiyyə sistemi və xəstəxana idarəçiliyi mövzusunda çıxış edib.Mərkəzdən Azərtac-a bildirilib ki, seminarda Səhiyyə Nazirliyinin müvafiq qurumları, Azərbaycan Tibb Universitetinin nümayəndələri, Azərbaycan Dövlət Həkimləri Təkmilləşdirmə İnstitutunun müəllim heyəti, o cümlədən sosial gigiyena və səhiyyənin təşkili ixtisasları üzrə rezidentura keçənlərlə yanaşı mərkəzin əməkdaşları da iştirak ediblər.Amerikalı mütəxəssis tədbir iştirakçılarına fəaliyyət göstərdiyi tibb müəssisələrində xəstəxanaların keyfiyyətli idarə olunması sahəsində qazandığı təcrübə və regional səhiyyə ilə əlaqədar 15 tendensiya haqqında ətraflı məlumat verib.Seminarda xəstələrin təhlükəsizliyinin təmin olunması, tibbi xidmət zamanı israfçılığın qarşısının alınması haqqında ətraflı bəhs edən mütəxəssis xəstələrə göstərilən xidmətin yaxşılaşdırılması üçün rezidentlərin və tələbələrinin tibb ocaqlarındakı təlim və hazırlıq proqramlarından da danışıb. O, kadrların idarə olunması, xəstəxanaların keyfiyyətli və uzunmüddət fəaliyyət göstərməsi məqsədilə strateji planlaşdırma aparılmasının vacibliyini söyləyib.xeber100.com

Tibb Universitetinin məlumatına görə…

Azərbaycan Tibb Universitetinin həkimləri piylənmədən və artıq çəkidən xilas olmaq istəyənlərə yeni növ əməliyyat təklif edirlər.Universitetin mətbuat xidmətindən Azərtac-a daxil olan xəbərə görə, bu barədə Tibb Universitetinin I Cərrahi xəstəliklər kafedrasının əməkdaşı, Azərbaycan Bariatrik və Metabolik Cərrahlar Dərnəyinin sədri, tibb üzrə fəlsəfə doktoru Tariyel Ömərov məlumat verib. Həkimin dediyinə görə, uzun illərdən bəridir ki, piylənməyə qarşı mübarizədə cərrahi üsuldan istifadə edilir. Həmin üsula əsasən bədən kütlə indeksi 35-dən çox olan, qeyri-cərrahi yolla arıqlaya bilməyən və piylənmə nəticəsində yaranmış bir neçə patologiya ilə üzləşən xəstələr məruz qalırlar. Lakin cərrahi üsul bu sahədə son vasitədir və əgər beynəlxalq təcrübəyə əsaslanaraq düzgün seçim edilməsə xəstə onun səmərəsini görməyə bilər. Bariatik metabolik (mədə kiçildmə) cərrahiyyə müasir üsullarla həyata keçirilən və dünyada geniş yayılan əməliyyatlardan biridir. Azərbaycan həkimləri bir neçə üsulu birləşdirən və minimum az fəsadla ötüşən yeni əməliyyat növü təklif ediblər. Bu, mədəkiçildilməsi zamanı standart üsulla müqayisədə daha dar və həcm baxımından kiçik mədə formalaşadırmaq üçün yeni təklifdir.xeber100.com

Tibb Universitetində xeyriyyə aksiyası keçirilib

Azərbaycan Tibb Universitetinin (ATU) Tədris-Cərrahiyyə Klinikasında bir həftə ərzində “circumcizio” əməliyyatı üzrə (sünnət) xeyriyyə aksiyası keçirilib.ATU-nun mətbuat xidmətindən Azərtac-a bildiriblər ki, aksiya çərçivəsində professor Çingiz Quliyev və digər əməkdaşlar tərəfindən uşaqlara ambulator baxış keçirilib, göstəriş üzrə əməliyyatlar icra olunub.Aksiya ərzində aztəminatlı ailələrdən olan 50 uşaq sünnət edilib.Əməliyyatlar uğurla başa çatıb.xeber100.com