“Barselona” klubu mövsümün qalibi olmaqla 99-cu titulunu qazanıb

“Barselona” klubu La Liqanın 2022-2023-cü il mövsümünün qalibi olmaqla tarixində 99-cu titulunu qazanıb. Kataloniya təmsilçisi bu titullardan 77-nə milli səviyyədə yiyələnib. Belə ki, klub 27 dəfə ölkə çempionatının qalibi olub. Klub 31 dəfə ölkə kuboku, 2 dəfə Liqa kuboku, 14 dəfə ölkə Superkuboku və 3 dəfə Evı Duarte kubokuna sahib olub. Kataloniya təmsilçisinin muzeyində, həmçinin 22 beynəlxalq mükafat var. Komanda 5 dəfə Çempionlar Liqasının, 4 dəfə kuboklar kubokunun, 3 dəfə Yarmarok kubokunun, 5 dəfə UEFA Superkubokunun, 2 dəfə Latin kubokunun və 3 dəfə klublararası dünya çempionatının qalibi adını qazanıb. Qeyd edək ki, “Barselona” La Liqanın XXXIV turu çərçivəsində “Espanyol”u 4:2 hesabı ilə məğlub edərək xallarının sayını 85-ə çatdırıb və çempionluğunu rəsmiləşdirib. Çempionatın bitməsinə dörd tur qalmış turnir cədvəlində ikinci pillədə qərarlaşan “Real Madrid”in hesabında 71 xal var.xeber100.com

Azərbaycan Premyer Liqasının 2022-2023-cü il mövsümündə

Futbol üzrə Azərbaycan Premyer Liqasının 2022-2023-cü il mövsümündə 17-ci avtoqol qeydə alınıb. XXXIV turunun “Neftçi” – “Şamaxı” oyununda (1:1) qonaqların qapıçısı Rəşad Əzizli öz qapısına qol vurub. Bu matçadək cari mövsümdə 16 avtoqol olmuşdu. Peşəkar Futbol Liqası xəbər verir ki, bununla da Azərbaycan çempionatları tarixinin antirekordu təkrarlanıb. 1992-ci ildən keçirilən yarışda ən çox avtoqol 2014-2015-ci il mövsümündə yaşanıb. Həmin vaxt 17 avtoqol qeydə alınıb. Bu antirekord 8 ildən sonra təkrarlanıb.xeber100.com

Azərbaycan Cüdo Federasiyasının məlumatına görə…

Litvanın Kaunas şəhərində keçirilən gənc cüdoçular arasında Avropa kuboku turnirində Azərbaycan millisi iki medal əldə edib. Azərbaycan Cüdo Federasiyası bildirir ki, qızların mübarizəsində Leyla Dəmirova (48 kq) və Nigar Süleymanova (78 kq ) bürünc medal qazanıblar. Qeyd edək ki, digər cüdoçularımız Rita Əliyeva (52 kq), Pərvanə Abdullayeva (70 kq), Nərmin Əmirli (78 kq) beşinci, Gülnarə Bayramova və Nuray Quliyeva (hər ikisi 57 kq) isə yeddinci yerlə kifayətləniblər.xeber100.com

Azərbaycan Basketbol Federasiyasının birgə təşkilatçılığı ilə…

Mayın 14-də Elm və Təhsil Nazirliyi və Azərbaycan Basketbol Federasiyasının birgə təşkilatçılığı ilə “Sərhədçi” İdman Mərkəzində Ümummilli Lider Heydər Əliyevin 100 illik yubileyinə həsr olunmuş beynəlxalq basketbol turnirinin yarımfinal oyunları keçirilib. İlk yarımfinal görüşündə "LDU" (Rusiya) rəqibi "TTU" (Türkmənistan) kollektivinə 106-65 hesabı ilə qalib gələrək ilk finalçı olub. İkinci yarımfinal oyununda "AzTU" tələbələri "ADBTİA" komandasına 59-53 hesabı ilə qalib gəlib və ikinci finalçı olub. Qeyd edək ki, mayın 15-də saat 12:00-da 3-cü yer uğrunda oyun ("ADBTİA" - "TTK"), saat 14:30-da isə final oyunu ("LDU" - "AzTU") reallaşacaq.xeber100.com

Atıcılıq üzrə dünya kuboku yarışları sona yaxınlaşır

Bakıda atıcılıq üzrə dünya kuboku yarışları sona yaxınlaşır. Bu gün daha bir növdə mükafatçılar bəlli olub. Kişilər arasında 25 metr məsafəyə tapançadan cəld atəş üzrə yarışın final mərhələsi keçirilib. 6 idmançının medallar uğrunda yarışdığı finalda üçüncü yeri almaniyalı Florian Peter tutub. O, mərhələni 27 xalla başa vurub. Gümüş medalı Fransa təmsilçisi Klemen Besua əldə edib. O, 32 xal qazanıb. Yarışın qalibi isə Çin idmançısı Yu Heng Li olub. 33 xal toplayan idmançı bütün rəqiblərini qabaqlayıb. Qeyd edək ki, bu gün qadınlar arasında 50 metr məsafəyə tüfəngdən 3 mövqedən atəş yarışları ilə “Dünya Kuboku 2023”ə yekun vurulacaq.xeber100.com

“Sabah” və “Beşiktaş” klubları arasında xeyriyyə oyunu təşkil olunacaq

Bu gün Bakının “Sabah” və Türkiyənin “Beşiktaş” futbol klubları arasında xeyriyyə oyunu keçiriləcək. Tofiq Bəhramov adına Respublika Stadionunda keçiriləcək matçı baş hakim Tural Qurbanov idarə edəcək. Ona Vüsal Məmmədov və Rəhman İmami kömək edəcəklər. Dördüncü hakim funksiyasını isə İnqilab Məmmədov yerinə yetirəcək. Oyuna saat 18:00-da start veriləcək. Qeyd edək ki, matçdan əldə olunacaq gəlirlərin hamısı Türkiyədə zəlzələdən zərər görmüş insanlara yardım üçün göndəriləcək.xeber100.com

Azərbaycan Premyer Liqasının XXXIV turu çərçivəsində daha iki oyun keçiriləcək

Bu gün Azərbaycan Premyer Liqasının XXXIV turu çərçivəsində daha iki oyun keçiriləcək. Günün ilk qarşılaşmasında “Qəbələ” doğma meydanda "Turan Tovuz"u qəbul edəcək. Saat 18:00-da start götürəcək matç baş hakim Nicat İsmayıllıya həvalə olunub. Hesabında 48 xal olan “Qəbələ” turnir cədvəlində dördüncü, Tovuz klubu isə 35 xalla altıncı pillədə qərarlaşıb. Günün son oyununda “Səbail” klubu “ASCO Arena”da "Qarabağ” ilə qarşılaşacaq. Matça 20:30-da start veriləcək və qarşılaşmanı baş hakim Kamal Umudlu idarə edəcək. Səksən dörd xalla turnir cədvəlinə başçılıq edən Ağdam klubu qalib gələcəyi təqdirdə çempionluğu vaxtından əvvəl təmin edəcək. Elitada qalmaq uğrunda mübarizə aparan "Səbail" isə 25 xalla 9-cu sırada yer alıb. Qeyd edək ki, XXXIV turun açılış oyununda "Zirə" evdə "Kəpəz"lə 1:1 hesablı heç-heçəyə razılaşıb. Turun "Neftçi" - "Şamaxı" matçı mayın 14-də, "Sumqayıt" - "Sabah" qarşılaşması isə mayın 17-də keçiriləcək.xeber100.com

“Baku Open-2023” beynəlxalq şahmat festivalı çərçivəsində

“Baku Open-2023” beynəlxalq şahmat festivalı çərçivəsində keçirilən veteranlar arasında Azərbaycan çempionatına yekun vurulub. Azərbaycan Şahmat Federasiyası xəbər verir ki, doqquz turdan 6,5 xal toplayan Fikrət Sideifzadə üçüncü yeri tutdu. Yeddi xalı olan Asəf Abdullayev turniri ikinci pillədə başa vurub. Maksimum nəticə göstərən İlqar Xələfov (9 oyun və 9 qələbə) veteranlar arasında Azərbaycan çempionatının qalibi olub. Qeyd edək ki, Azərbaycan çempionatında yaşı 60-dan yuxarı olan 36 veteran şahmatçı iştirak edib.xeber100.com

“Baku Open-2023” beynəlxalq şahmat festivalına yekun vurulub

Ümummilli Lider Heydər Əliyevin xatirəsinə həsr olunan “Baku Open-2023” beynəlxalq şahmat festivalına yekun vurulub. Festivalın bağlanış mərasimində çıxış edən Azərbaycan Şahmat Federasiyasının prezidenti, Beynəlxalq Şahmat Federasiyasının vitse-prezidenti Mahir Məmmədov ölkə şahmatının inkişafında Ulu Öndər Heydər Əliyevin misilsiz xidmətlərinin olduğunu xatırladıb. Yarışın yüksək səviyyədə keçirildiyini bildirən Gənclər və İdman Nazirliyinin İdman şöbəsinin müdiri Elnur Məmmədov qalibləri təbrik edib, onlara gələcək turnirlərdə uğurlar arzulayıb. “Baku Open-2023”ün baş hakimi Faiq Həsənov festivalda 32 qrosmeysterin mübarizə apardığını və bütün qruplarda gərgin idman mübarizəsinin şahidi olduqlarını söyləyib. C qrupu üzrə qaliblərə sertifikatlar və hədiyyələr təqdim edilib. Festivalın C turnirində hər yaş qrupunda qalib olan şahmatçıların Rumıniyada keçiriləcək yeniyetmələrin Avropa çempionatına ezam olunacağı barədə məlumat verilib. B qrupunda 7,5 xalı olan Akaki Qaliçava (Gürcüstan) üçüncü olub. Səkkiz xal toplayan Fariz Əhmədov ikinci pillədə qərarlaşıb. Eyni xala malik Eldar Musayev əlavə göstəricilərə görə qalib olub. A qrupunda qadınların yarışında milli komandanın üzvü Xanım Balacayeva ikinci yerə layiq görülüb. Bolqarıstan təmsilçisi Nurgül Səlimova fəxri kürsünün ən yüksək pilləsinə qalxıb. Open turnirinin A kateqoriyasında Hindistan şahmatçısı Leon Luke Mendonca yeddi xalla yarışın qalibi adını qazanıb. Eyni xala malik digər şahmatçılar Aleksandr İndjic (Hindistan) və Vladislav Kovalyov (FIDE) əlavə əmsallara görə müvafiq olaraq ikinci-üçüncü yerləri bölüşüblər. Qeyd edək ki, turnirin ümumi mükafat fondu 55 min ABŞ dolları təşkil edib. Yarışın A qrupunun qalibi olan şahmatçı 12 min ABŞ dolları və xüsusi hazırlanan kuboka sahib çıxıb.xeber100.com

Futbol üzrə Uruqvay millisinin yeni baş məşqçisi bəlli olub

Futbol üzrə Uruqvay millisinin yeni baş məşqçisi bəlli olub. Bunu ölkənin futbol federasiyasının İcraiyyə Komitəsinin üzvü Xorxe Kasales açıqlayıb. O bildirib ki, yığmanı Marselo Byelsa çalışdıracaq. Argentinalı mütəxəssis ilə müqavilə imzalanmasa da, tərəflər arasında razılıq əldə olunub. Qeyd edək ki, Byelsanın son iş yeri “Lids” olub. Mütəxəssis 2018-2022-ci illərdə Argentina klubuna rəhbərlik edib.xeber100.com