Azərbaycan Şahmat Federasiyası: Şahmat üzrə Avropa çempionatı başa çatıb

Albaniyada keçirilən məktəblilər arasında şahmat üzrə Avropa çempionatı başa çatıb. Azərbaycan Şahmat Federasiyası xəbər verir ki, 25 ölkədən 208 şahmatçının iştirak etdiyi qitə birinciliyində təmsilçilərimiz beş medal qazanıblar. Şahmatçılarımız iki qızıl, iki gümüş və bir bürünc medala layiq görülüb. Bununla komandamız medal sıralamasında üçüncü yeri tutub. On yeddi yaşadək oğlanların yarışında Aqil İsrailov və 9 yaşadək oğlanların mübarizəsində Yasin Əzimov çempionatın qızıl medalına sahib çıxıblar. On üç yaşadək olan kateqoriyada Səadət Bəşirli qızların, Mirsaleh Seyidli isə oğlanların yarışında gümüş mükafat qazanıb. On beş yaşadək qızlar kateqoriyasında çıxış edən Nurtən Nuriyeva bürünc medalla mükafatlandırılıb.xeber100.com

Qılıncoynatmanın Bakı birinciliyinə yekun vurulub

Qılıncoynatmanın sablya və şpaqa növləri üzrə Bakı birinciliyinə yekun vurulub. Azərbaycan Texniki Universitetinin İdman Sarayında keçirilən yarışda sablyaçı oğlanların mübarizəsində Saleh Məmmədov, qızlar arasında isə Zərifə Hüseynova birinci olublar. Şpaqa yarışlarında Səid Əliyev və Xədicə Həsənli qızıl medala yiyələniblər. Azərbaycan Qılıncoynatma Federasiyası və Bakı Şəhər Gənclər və İdman Baş İdarəsinin birgə təşkilatçılığı ilə keçirilən birinciliyin mükafatçıları diplom və medallarla təltif olunublar.xeber100.com  

“Real Madrid” basketbol klubu Avroliqanın qalibi olub

İspaniyanın “Real Madrid” basketbol klubu Avroliqanın qalibi olub. Çempionluq uğrunda görüşdə Madrid təmsilçisi Yunanıstanın “Olimpiakos” komandasını 79:78 hesabı ilə məğlub edib. Matç Litvanın Kaunas şəhərindəki “Jalgiris Arena”da keçirilib. Üçüncü yer uğrunda görüşdə isə “Monako” klubu “Barselona”dan üstün olub – 78:66. Turnirin yarımfinal mərhələsində “Olimpiakos” komandası “Monako”ya 76:62, “Real Madrid” klubu isə “Barselona”ya 78:66 hesabı ilə qalib gəlib. “Olimpiakos” sonuncu dəfə 2013-cü, “Real Madrid” isə 2018-ci ildə turnirin qalibi olub.xeber100.com

Bədii gimnastika üzrə 39-cu Avropa çempionatına yekun vurulub

Bakıda təşkil olunan bədii gimnastika üzrə 39-cu Avropa çempionatına mayın 21-də yekun vurulub. Çempionatın bağlanış mərasimində əvvəlcə iştirakçı ölkələrin paradı olub. Sonra Azərbaycan Gimnastika Federasiyasının vitse-prezidenti Altay Həsənov Avropa Gimnastikasının bayrağını qitə qurumunun vitse-prezidenti Edvard Kolara təqdim edib. Avropa Gimnastikasının rəsmisi isə bayrağı 2024-cü ildə qitə çempionatına ev sahibliyi edəcək Macarıstan nümayəndəsinə verib. Bayrağı Avropa çempionatının Təşkilat Komitəsinin sədri Andraş Tari təhvil alıb. Avropa Gimnastikasının vitse-prezidenti E.Kolar bədii gimnastika üzrə 39-cu Avropa çempionatının yüksək təşkilatçılığına görə qurumun rəhbərliyi adından Azərbaycan Gimnastika Federasiyasına minnətdarlığını bildirib və çempionatı bağlı elan edib. Xatırladaq ki, “Ulduz kimi parla” şüarı ilə keçirilən qitə çempionatında 38 ölkədən 315 gimnast (böyüklər – 191, gənclər 124) mübarizə aparıb. Gənclərdən ibarət qrup komandamız çoxnövçülükdə və beş topla yarışlarda bürünc medal qazanıb. Böyüklərdən ibarət komandamız çoxnövçülükdə üçüncü pillədə yer alsa da, üç lent və iki topla yarışda Avropa çempionu olub. Gimnastımız Zöhrə Ağamirova isə topla yarışda bürünc mükafata layiq görülüb.xeber100.com

Azərbaycan Premyer Liqasının XXXV turuna start verilib

Mayın 21-də “Kəpəz”-“Neftçi” oyunu ilə futbol üzrə Azərbaycan Premyer Liqasının XXXV turuna start verilib. Turun açılış matçında paytaxt təmsilçisi 3:1 hesabı ilə qələbə qazanıb. Kamran Əliyevin idarə etdiyi oyunda hesabı ilk hissənin sonunda (45+3) “Kəpəz”in heyətində Abdullahi Şuaybu açıb. “Neftçi” hesabda geri düşməsinə baxmayaraq, Ataa Caber (65), Ömər Buludov (87) və Kilan Lebonun (90+4) qolları sayəsində qələbə qazanıb. Tur çərçivəsində keçiriləcək digər dörd qarşılaşma mayın 22-də oynanılacaq. Çempionluğunu ötən turda rəsmiləşdirən “Qarabağ” komandası “Azersun Arena”da “Sumqayıt”ı qəbul edəcək. “Səbail” klubu “Turan Tovuz”un, “Qəbələ” isə “Şamaxı”nın qonağı olacaq. Çempionatın XXXV turuna “Sabah” – “Zirə” matçı ilə yekun vurulacaq. Hazırda Ağdam klubunun aktivində 87 xal var. “Sabah” 80 xalla ikinci, “Neftçi” 65 xalla üçüncü sıradadır. Sonrakı yerləri “Qəbələ” (48 xal), “Zirə” (46 xal), “Turan Tovuz” (38), “Kəpəz” (30), “Sumqayıt” (28), “Səbail” (25), “Şamaxı” (24) qərarlaşıblar.xeber100.com

“Sabah” və “Gəncə” komandaları arasında final seriyasının ilk oyunu keçirilib

Mayın 20-də “Sərhədçi” İdman Mərkəzində Azərbaycan Basketbol Liqasının "Sabah" və "Gəncə" komandaları arasında final seriyasının ilk oyunu keçirilib. Oyuna üstün başlayan "Gəncə" basketbolçuları bu üstünlüyü sona qədər qoruyub saxlaya bilməyiblər. İkinci hissədə geri dönüş edən paytaxt klubu "Sabah" yekunda 71-69 hesablı qələbə qazanıb. Bu qələbə ilə "Sabah" seriyadakı hesabda 1-0 önə keçib. Final seriyasının ikinci oyunu mayın 22-də saat 19:30-da baş tutacaq. Ən məhsuldar basketbolçular: "Sabah" (Entoni Patti - 12 xal, 12 ribaund), "Gəncə" (Kollin Törner - 17 xal, 11 asist).

“Mançester Siti” klubu İngiltərə Premyer Liqasının qalibi olub

“Mançester Siti” futbol klubu İngiltərə çempionatının bitməsinə bir tur qalmış çempionluq titulunu qazanıb. Bu, onun ən yaxın izləyicisi olan “Arsenal”ın İngiltərə Premyer Liqasının 37-ci turunun səfər matçında “Nottinqem”ə məğlub olmasından (0:1) sonra məlum olub. "Mançester Siti" "Arsenal"ı 4 xal qabaqlamaqda davam edir. Bu liqa çempionluğu ispaniyalı baş məşqçi Xosep Qvardiola üçün “Mançester Siti”nin baş məşqçisi kimi ardıcıl üçüncü olub. Ümumilikdə, Qvardiola klubun düşərgəsində işlədiyi müddətdə beş liqa titulunu qazanıb.xeber100.com

Bakıda hava şəraitinin əsasən yağmursuz keçəcəyi gözlənilir

Azərbaycanda mayın 20-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal küləyi əsəcək. Havanın temperaturu gecə 12-16°, gündüz 22-27° isti olacaq. Atmosfer təzyiqi norma daxilində 760 millimetr civə sütunu olacaq. Nisbi rütubət gecə 65-75 faiz, gündüz 45-55 faiz təşkil edəcək. Azərbaycanın rayonlarında havanın bəzi yerlərdə arabir yağıntılı olacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 11-16°, gündüz 22-27° isti, dağlarda gecə 3-8°, gündüz 8-13° isti olacaq. Naxçıvan şəhərində, Culfa, Ordubad, Sədərək, Şahbuz və Şərur rayonlarının bəzi yerlərində havanın arabir yağıntılı olacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 10-15°, gündüz 20-25° isti olacağı proqnozlaşdırılır. Xankəndi şəhərində, Şuşa, Xocalı, Xocavənd, Ağdam, Daşkəsən, Gədəbəy rayonlarının bəzi yerlərində havanın arabir yağıntılı olacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 3-8°, gündüz 8-13°, bəzi yerlərdə 15-17° isti olacağı bildirilir. Şərqi Zəngəzur: Cəbrayıl, Kəlbəcər, Qubadlı, Laçın, Zəngilan rayonlarının bəzi yerlərində havanın arabir yağıntılı olacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 3-8°, gündüz 8-13°, bəzi yerlərdə 15-19° isti olacağı ehtimal edilir. Gəncə şəhərində, Qazax, Goranboy, Tərtər, Füzuli rayonlarının bəzi yerlərində arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 10-15°, gündüz 19-24° isti olacağı ehtimalı var. Mingəçevir şəhərində, Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarının bəzi yerlərində havanın arabir yağıntılı olacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi ehtimalı var. Axşam tədricən kəsiləcək. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 9-14°, gündüz 18-23° isti, dağlarda gecə 3-8°, gündüz 10-15° isti olacağı gözlənilir. Şirvan şəhərində, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Hacıqabul, Zərdab, Salyan, Neftçala rayonlarında hava əsasən yağmursuz keçəcək. Lakin axşam bəzi yerlərdə arabir yağış yağacağı gözlənilir. Ayrı-ayrı yerlərdə şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 11-16°, gündüz 22-27° isti olacaq. Masallı, Yardımlı, Lerik, Lənkəran, Astara, Cəlilabad rayonlarında hava əsasən yağmursuz keçəcək. Lakin gündüz dağlıq ərazilərdə, axşam isə əksər rayonlarda arabir yağış yağacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi ehtimalı var. Bəzi yerlərdə duman olacaq. Mülayim şərq küləyi əsəcək. Havanın temperaturunun gecə 10-15°, gündüz 21-26° isti, dağlarda gecə 8-12°, gündüz 15-19° isti olacağı ehtimal edilir.xeber100.com

Leysan xarakterli intensiv olacağı, dolu düşəcəyi ehtimalı var

Mayın 19-u səhər, mayın 20-si gündüzdən 22-si gündüzədək bəzi rayonlarda hava şəraitinin qeyri-sabit keçəcəyi, arabir yağıntılı olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Xidmətindən verilən xəbərə görə, ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Çaylarda sululuğun artacağı, bəzi dağ çaylarından və digər çaylardan qısamüddətli daşqın və sel keçəcəyi ehtimal edilir.xeber100.com

Bədii gimnastika üzrə 39-cu Avropa çempionatı davam edir

Bakıda bədii gimnastika üzrə 39-cu Avropa çempionatı davam edir. Çempionatın üçüncü günündə gimnastlar fərdi proqramda mübarizə aparırlar. Yarışda ölkəmizi fərdi növdə Zöhrə Ağamirova və İlona Zeynalova təmsil edirlər. Çempionatın üçüncü günündə gimnastlar lent və gürzlərlə proqramlarını nümayiş etdirirlər. “Ulduz kimi parla” şüarı ilə keçirilən qitə çempionatında 38 ölkədən 315 gimnast (böyüklər – 191, gənclər 124) mübarizə aparacaq. Fərdi gimnastlar ayrı-ayrı alətlər (top, halqa, gürzlər lent), komanda hesabı və çoxnövçülük proqramında çıxış edəcəklər. Qrup hərəkətləri üzrə komandalar böyüklər arasında beş halqa, üç lent və iki top ilə yarışlarda güclərini sınayacaqlar. Xatırladaq ki, gənclərdən ibarət qrup komandamız çempionatın ilk günündə çoxnövçülükdə və beş topla yarışlarda bürünc medal qazanıb. Yarışa mayın 21-də yekun vurulacaq.xeber100.com