5,4 bal gücündə zəlzələ baş verib

Oktyabrın 2-də Yaponiyanın cənub-qərbində 5,4 bal gücündə zəlzələ baş verib.Azərtac xəbər verir ki, Yaponiya Meteorologiya Agentliyinin yaydığı məlumata görə, zəlzələnin episentri Vakayama prefekturasının sahillərində, ocağı 50 kilometr dərinlikdə yerləşib.Dağıntılar və zərərçəkənlər barədə məlumat verilmir. Sunami təhlükəsi elan edilməyib.xeber100.com

El Pais qəzetinin məlumatına görə…

Kataloniya jeneralitetinin rəhbəri Kim Torra İspaniya prokurorluğunun sabiq yerli siyasətçilərə qarşı ittiham irəli sürməsindən sonra hökumət şurasının təcili iclasını çağırıb. Bu barədə məlumat hökumətin “Twitter” səhifəsində yerləşdirilib.El Pais qəzetinin məlumatına görə, ittiham tərəfi regional hökumətin sabiq sədr müavini Oriol Junkeras üçün 25 il, Katoloniya parlamentinin və milli assambleyasının sabiq sədrləri Karme Furkadey və Jordi Sançes üçün 17 il həbs cəzası istəyib. İttiham edilənlər arasında, həmçinin kabinetin beş sabiq müşaviri və digər şəxslər də var.Xatırladaq ki, 2017-ci il oktyabrın 1-də Kataloniyada İspaniya hökumətinin tanımadığı və ölkənin Konstitusiya Məhkəməsi tərəfindən keçirilməsi qadağan edilən müstəqillik haqqında referendum baş tutub. Səsvermədə seçki hüququ olan vətəndaşların 43,03 faizi iştirak edib və onların 90 faizindən çoxu müstəqilliyin lehinə səs verib.Oktyabrın 21-də krallıq hökumətinin başçısı Mariano Rahoy konstitusiyanın indiyədək istifadə olunmayan 155-ci maddəsini tətbiq edərək Kataloniyanın lideri Karles Puçdemonu və hökumət üzvlərini vəzifədən kənarlaşdırıb. Bundan sonra muxtariyyətin liderlərinə, hüquq-mühafizə orqanlarının rəhbərlərinə, parlamentin sabiq üzvlərinə və separatçı ictimai təşkilatların başçılarına qarşı üsyan və qiyamın təşkili, həmçinin dövlət vəsaitinin israf olunması ittihamı üzrə cinayət işləri açılıb.xeber100.com

Gürcüstan Milli Bankının məzənnəsinə əsasən…

Gürcüstan milli valyutası GEL (lari) son iki ildə ucuzlaşaraq ən aşağı həddə düşüb. Noyabrın 1-də Gürcüstan Milli Bankının məzənnəsinə əsasən 1 ABŞ dolları 2,7203 GEL-ə dəyişdirilir. Bu, son iki ildə ən aşağı göstəricidir.Azərtac xəbər verir ki, bundan bir qədər əvvəl 1 dollar 2,50 və ya 2,55 GEL-ə dəyişdiriləndə hökumət təcili tədbirlərin görüləcəyini və milli valyutanın ucuzlaşmasının qarşısının alınacağını bildirmişdi. Lakin bu gün lari dollar, avro və Azərbaycan manatı qarşısında xeyli ucuzlaşıb.Noyabrın 1-də məzənnə 1 avro - 3.0848 GEL, 1 AZN isə 1.6044 müəyyən olunub. Ekspertlərin fikrincə larinin ucuzlaşması davam edəcək və 1 dollar 3 GEL-ə bərabər olacaq. Bu da ölkədə istehlak qiymətlərinin kəskin artmasına səbəb olacaq.Məlumat üçün qeyd edək ki, son 3 ayda ölkədə avtomobil yanacağının qiyməti müvafiq olaraq 15-35 tetri arasında bahalaşıb.Çörəyin qiyməti isə 10-20 tetri bahalaşıb.xeber100.com

Avstriya hökuməti Qlobal Miqrasiya Paktını imzalamayacaq

BŞ və Macarıstanın ardından Avstriya da BMT-nin Qlobal Miqrasiya Paktını imzalamayacaq.Azərtac xəbər verir ki, bu barədə qərar Nazirlər Kabinetinin oktyabrın 31-də keçirilən iclasında qəbul olunub. Koalisiyalı hökumətdə təmsil olunan partiyalar tərəfindən bu addımın ölkənin suverenliyini qorumaq məqsədi daşıdığı bildirilib.Qeyd edək ki, bu ilin ilk yarısında BMT-yə üzv ölkələrin hökumətləri səviyyəsində razılaşdırılan Qlobal Miqrasiya Paktı bu il dekabrın 10-11-də Mərakeşdə keçirilən konfransda imzalanmalı idi. 34 səhifəlik qeyri-icbari sənəd gələcəkdə qaçqın axınlarının daha yaxşı təşkilinə və qaçqınların hüquqlarının daha yaxşı qorunmasına kömək etməlidir. Paktda, həmçinin qeyd edilir ki, bu sənədlə üzv ölkələrin suverenliyinə və qaçqınlarla bağlı milli siyasətinin müstəqil təşkil edilməsinə müdaxilə olunmur, həmçinin bu pakt beynəlxalq hüquqla heç bir icbari funksiya daşımır.Paktın layihəsi iyul ayında qəbul edilərkən Avstriya sənədin lehinə olsa da, sonradan koalisiyalı hökumətdə təmsil olunan Avstriya Azadlıq Partiyasının rəhbərliyi bu paktın hökumətin qaçqın və miqrasiya siyasətinə təsir edəcəyini əsas gətirib və koalisiya tərəfdaşı Avstriya Xalq Partiyasını pakta qoşulmamağa razı salıb.xeber100.com

İspaniya hökuməti icbari sığortanı tətbiq etməyi planlaşdırır

İspaniyanın daxili işlər naziri Fernando Qrande Marlaska velosiped sahibləri üçün icbari sığortanın tətbiq olunması təklifini irəli sürüb. Nazirin fikrincə, onlar nəinki yol-nəqliyyat hadisələrinin qurbanına çevrilirlər, həm də özləri yollarda qəza vəziyyətləri törədirlər.Azərtac xəbər verir ki, bu yeniliklər təkcə adi velosipedlərə deyil, yeni nəqliyyat vasitələrinə, məsələn, yerli sakinlərin və turistlərin şəhər küçələrində hərəkət etdikləri elektrik velosipedlərinə də şamil edilə bilər.Əgər bu layihə həyata keçirilsə, sığorta bazarına milyonlarla yeni müştəri axışacaq. Artıq bəzi sığorta şirkətləri hadisələri qabaqlamaq qərarına gəliblər. Onlar velosipedçilərə ildə 37 avrodan başlayan qiymətlərlə sığortalar təklif edirlər.xeber100.com

“Neue Zürcher Zeitung” qəzeti yazır…

İsveçrə dünyanın ən varlı ölkələrindən biri olsa da, burada əhalinin borclanma səviyyəsi rekord həddə çatıb. “Neue Zürcher Zeitung” qəzeti xəbər verir ki, ölkə əhalisinin 40 faizi borclanmış ailələrdə yaşayırlar. Tipik borclu şəxs 40 yaşlı, ailəsindən ayrılmış, işini itirmiş və ya xəstəliklə əlaqədar böhran vəziyyətində olan kişilərdən ibarətdir. Ailə dağıldıqdan sonra artıq iki ayrı mənzil təsərrüfatının qayğılarını çəkə, yüksək alimentləri ödəyə bilməyən şəxslər borc girdabına yuvarlanırlar.Borcun ödənilməməsinə görə İsveçrənin müvafiq icra orqanları ildən-ilə daha çox müsadirələr həyata keçirirlər. 2017-ci ildə icra məmurları məhkəmə qərarları əsasında 1,7 milyon dəfə borclu şəxslərin əmlakı üzərində müsadirə aparıblar.Ölkədə borclanma vəziyyətinə qarşı qanunvericilikdə addımlar atmaq qərarına gələn parlamentdə “Borclarını ödəmək iqtidarında olmayan insanların yenidən iqtisadi həyata dönüşü” adlı qanun layihəsi müzakirəyə çıxarılıb. Layihənin məqsədi borclanmış şəxsləri yenidən iqtisadi cəhətdən gəlirli vəziyyətə gətirmək, onların ödəmə qabiliyyətini yüksəltmək və borcların bir hissəsini ləğv etməklə iqtisadi-sosial durumlarına dövlət tərəfindən yardım göstərməkdir.xeber100.com

NHK telekanalının məlumatı əsasında…

Yaponiyanın Baş naziri Şinzo Abe və hindistanlı həmkarı Narendra Modi oktyabrın 29-da Tokioda 12-ci sammitlərini keçirəcəklər.NHK telekanalı xəbər verir ki, hər iki lider ölkələri arasında təhlükəsizlik və iqtisadi əməkdaşlığı gücləndirmək niyyətindədirlər.Oktyabrın 28-də Ş.Abe və N.Modi Yaponiyanın mərkəzi hissəsində yerləşən Yamanaşi prefekturasına səfər ediblər və yapon lider hindistanlı həmkarını doğma Narusava kəndindəki iqamətgahına dəvət edib.Birlikdə nahar edən liderlər qarşılıqlı əməkdaşlığın möhkəmləndirilməsi məqsədilə müzakirələr aparıblar. N.Modi Şinzo Abenin evində ilk yüksək səviyyəli qonaq olub.Hər iki lider ertəsi gün keçiriləcək ikitərəfli sammitdə iştirak etmək üçün bazar günü axşam Tokioya dönüblər.Oktyabrın 29-da keçiriləcək sammit zamanı Ş.Abe və N.Modinin Hind və Sakit okeanlarında azad və aşkarlıq şəraitində hərəkəti təmin etmək məqsədilə birgə hərbi təlimləri genişləndirmək barədə razılığa gələcəkləri də gözlənilir.Həmçinin Hindistanın qərbində yüksəksürətli dəmir yolunun çəkilməsinə hər iki hökumətin yardım etməsi üçün razılığın əldə ediləcəyi də nəzərdə tutulur. Hökumətlər arasında həmin dəmir yolu xəttində Yaponiyanın “Şinkansen” superekspresslərinin istifadə edilməsi barədə razılıq artıq əldə edilib.xeber100.com

“Vaşinqton Post” qəzeti yazır…

Səudiyyə Ərəbistanından olan jurnalist Camal Qaşıqçının yazarı olduğu "Vaşinqton Post" qəzetində Stiv Andreasen imzası ilə yayımlanmış məqalədə Ər-Riyadın cinayət işlədib cavabsız qalacağını düşündüyü vurğulanıb.Milli.az bildirir ki, qeyd olunur ki, beynəlxalq media hədəf kütlələri üçün bu "hekayə"ni anlatmaqda açar rolu oynayıb, olayı manşetlərə çıxarıb: "Qəbul etmək lazımdır ki, beynəlxalq mediaya Türkiyə hökumətindən yardım gəldi".Bu arada "Tvitter"dəki "Vaşinqton Post" səhifəsinin redaktoru Karen Attiah və "Buzzfeed" adlı internet saytının redaktoru Tom Qara arasında Türkiyənin beynəlxalq mediadakı rolu mövzusunda dialoqu diqqət çəkib.Tom Qara mesajında "Bu hekayə təxmin edildiyindən daha uzun müddətə gündəmdə qaldı. Türkiyənin bu məsələni bu qədər manşetdə saxlamağı bacarması heyrətamizdir", - deyə bildirib.Karen Attiah isə cavab paylaşımında "Türkiyə unanılmaz və gözəl bir iş ortaya qoydu, ancaq mövzu qapanmadı. Hamımız Qaşıqçı mövzusunu izləməyə davam etməliyik", - deyə bildirib.xeber100.com

Ölkə Konstitusiyasına düzəlişlə əlaqədar səsvermə keçiriləcək

Bu gün Litva Seymində ölkə Konstitusiyasına düzəlişlə əlaqədar səsvermə keçiriləcək. Konstitusiyaya düzəliş impiçment nəticəsində prezident vəzifəsindən kənarlaşdırılmış Rolandas Paksasa yenidən prezidentliyə və deputatlığa namizədliyini irəli sürmək imkanı verəcək.Azərtac xəbər verir ki, oktyabrın 25-də düzəlişlə əlaqədar ilk səsvermə keçiriləcək. Düzəlişi qəbul etmək üçün azı 94 deputat lehinə səs verməlidir.Konstitusiyaya düzəlişlə bağlı arada üç ay fasilə olmaqla iki səsvermə keçirilməlidir.xeber100.com

Büdcə layihəsi ölkənin parlamentinə təqdim edilib

Portuqaliya hökuməti 2019-cu il üçün büdcə layihəsini ölkənin parlamentinə təqdim edib.Azərtac xəbər verir ki, sənəddə müdafiə məqsədləri üçün 2,339 milyard avro ayrılması nəzərdə tutulur. Göstərilən məbləğ 2018-ci ildə bu məqsədlər üçün nəzərdə tutulan xərcləri 17,5 faiz (1,91 milyard avro) üstələyir.“Jane's Defence Weekly”nin məlumatına görə, hökumət 2019-cu ildə texnika və silah-sursat alınmasına 275 milyon avro, digər ölkələrlə hərbi əməkdaşlığa 6,9 milyon avro, Portuqaliya hərbi hissələrinin sülhməramlı missiyalarda iştirakının maliyyələşdirilməsinə 60 milyon avro (bununla yanaşı, BMT əlavə olaraq 5 milyon avro verəcək) ayrılmasını təklif edir. Portuqaliya, həmçinin tədqiqat layihələrinin maliyyələşdirilməsinə 10,58 milyon avro ayırmağı planlaşdırır.Parlament büdcə layihəsini noyabrın 29-da müzakirə edəcək.xeber100.com