Gürcüstan parlamentinin növbədənkənar iclasında…

Gürcüstan parlamenti ötən gün növbədənkənar iclasında hökumətin yeni tərkibinə etimad göstərib.APA-nın yerli bürosunun məlumatına görə, yeni hökumətin lehinə 101, əleyhinə isə 12 deputat səs verib.Qonşu ölkənin yeni hökuməti 10 nazirlik və bir dövlət naziri aparatından ibarət olacaq.Əvvəlki hökumətdən fərqli olaraq yeni hökumətdə üç yeni nazir təmsil olunub. Bunlar iqtisadiyyat və davamlı inkişaf naziri Giorgi Kobulia, təhsil, elm, mədəniyyət və idman naziri Mixeil Batiaşvili və maliyyə naziri İvane Maçavarianidir.Digər nazirlər isə yeni hökumətdə öz vəzifələrini saxlayıblar. Bunlara xarici işlər naziri David Zalkaliani, regional inkişaf və infrastruktur naziri Maya Tskitişvili, daxili işlər naziri Giorgi Qaxariya, ədliyyə naziri Tea Tsulukiani, müdafiə naziri Levan İzoria, qaçqınlarla iş, əmək, səhiyyə və sosial müdafiə naziri David Sergeenko və ətraf mühitin mühafizəsi və kənd təsərrüfatı naziri Levan Davitaşvili daxildir.Barışıq və vətəndaş bərabərliyi məsələləri üzrə dövlət naziri Ketevan Tsixelaşvili də vəzifəsində qalıb.Qeyd edək ki, Gürcüstanın əvvəlki hökumətində 13 nazirlik və bir dövlət naziri aparatı olub.xeber100.com

ABŞ prezidenti prezidentliyə namizədliyin irəli sürəcək

ABŞ prezidenti Donald Tramp 2020-ci ildə keçiriləcək prezident seçkilərində namizədliyini irəli sürəcək.“RİA Novosti”nin verdiyi xəbərə görə, bunu D.Tramp Britaniyanın “Daily Mail” nəşrinə müsahibəsində bildirib.D.Tramp seçki prosesində Demokratlar düşərgəsində ona rəqib ola biləcək namizəd görmədiyini qeyd edib.“Mən rəqib görmürəm. Mən onların hamısını tanıyıram, onlarda heç kim yoxdur... Onlarda düzgün namizəd yoxdur”, - deyə D.Tramp qeyd edib.xeber100.com

Qazaxıstanda vergi güzəşti tətbiq olunacaq

Qazaxıstan Prezidenti Nursultan Nazarbayev parlamentin hər iki palatasının birgə iclasında əməkhaqqısı aşağı olan vətəndaşlardan tutulan verginin məbləğini on dəfə azaltmağı təklif edib.Azərtac vergiler.az saytına istinadla bildirir ki, dövlət başçısı nisbətən az əməkhaqqı alan qazaxıstanlılara yardım məqsədilə 2019-cu il yanvar ayının 1-dən həmin şəxslərin vergi yükünün on dəfə azaldılmasını və onlardan 1 faiz həcmində vergi tutulması təklifini irəli sürüb.Onun sözlərinə görə, bu addımın atılması ölkənin iki milyon sakininin yaşayışına müsbət təsir göstərəcək: “Muzdlu işçilərin üçdə birindən çoxunun - bu, iki milyondan artıq insan deməkdir - əməkhaqqı işəgötürənlərə əlavə vergi yükü düşmədən artacaq”.N.Nazarbayev onu da bildirib ki, gələcəkdə Qazaxıstanda fiziki şəxslərin gəlir vergisinin proqressiv şkalası qəbul edilə bilər.xeber100.com

Gürcüstanda hökumətin yeni tərkibi elan edilib

Gürcüstanın Baş naziri Mamuka Baxtadze bu gün keçirdiyi brifinqdə hökumətin yeni tərkibini elan edib.Azərtac xəbər verir ki, yeni strukturda üç nazir vəzifəsini itirib.Bildirilib ki, yeni hökumətdə əvvəlki kimi 14 deyil, 10 nazirlik və bir dövlət naziri vəzifələri qalıb.Nazirlərdən üçü isə dəyişib: elm, təhsil və mədəniyyət naziri vəzifəsinə Biznes Universitetinin rektoru Mixail Batiaşvili təyin olunub. İqtisadiyyat və davamlı inkişaf naziri postuna Georgi Kobuliya gətirilib. Q.Kobuliya Rusiyada özəl sektorda bizneslə məşğul olub. Maliyyə naziri vəzifəsinə isə “Gürcüstan Bank”ın sabiq baş direktoru Arçil Qaçeçiladze təyin olunub.Digər nazirlər isə vəzifələrində qalıblar.Regional inkişaf naziri Mayya Tsikitaşvili, ətraf mühit və kənd təsərrüfatı naziri Levan Davitaşvili, xarici işlər naziri David Zalkaliani, daxili işlər naziri Georgi Qaxariya, ədliyyə naziri Teya Tsulukiani, müdafiə naziri Levan İzoria, məcburi köçkünlər, əmək, səhiyyə və sosial müdafiə naziri David Serqeenko, barış və vətəndaş bərabərliyi məsələləri üzrə dövlət naziri isə Ketevan Tsexelaşvilidir.Yaxın günlərdə parlament hökumətin yeni tərkibinə münasibət bildirəcək.xeber100.com

“Showa Shell” şirkəti “Idemitsu” şirkətinin filialına çevriləcək

Yaponiyanın iki nəhəng neft emalı şirkəti “Idemitsu Kosan” və “Showa Shell Sekiyu” birləşmə barədə razılığa gəliblər.NHK telekanalı xəbər verir ki, iki şirkət arasında üç ildən çoxdur davam edən danışıqlar, nəhayət, müsbət nəticə verib və onlar gələn ilin aprelində birləşmək qərarına gəliblər.Danışıqların uzanmasına səbəb kimi “Idemitsu” şirkətinin əsasını qoymuş ailənin bu birləşməyə qarşı olması göstərilir.Əldə edilən razılaşmaya görə, “Showa Shell” şirkəti səhmlərin mübadiləsi müqabilində “Idemitsu” şirkətinin filialına çevriləcək.Xatırladaq ki, həmin şirkətlər ilk dəfə 2015-ci ildə birləşmək niyyətində olduqlarını bildirmişdilər. Lakin həmin vaxt səhmlərin əksəriyyətinə malik olan İdemitsu ailəsi bu addımın qarşısını almışdı.xeber100.com

2020-ci ildə ilk qaz tədarükü həyata keçiriləcək

İsrail təbii qazını İordaniyaya daşıyacaq boru kəməri nəzərdə tutulduğu vaxtda, 2020-ci ilin əvvəlində ilk qaz tədarükünü həyata keçirəcək.Xarici KİV-lər xəbər verir ki, 2020-ci ilin əvvəlində İsrail təbii qazının İordaniyaya çatdırılması gözlənilir. İsraildəki “Leviathan” yatağından hasil olunacaq qazı İordaniyaya çatdıracaq boru kəmərinin inşası 2019-cu ilin sonunda tamamlanacaq. 15 il boyunca İordaniyaya 10 milyard dollarlıq İsrail qazının nəql edilməsi planlaşdırılır.İsrail-İordaniya sərhədindən İordaniyanın Mafraq bölgəsinə qədər uzanan və tikintisinə başlanılan 65 kilometrlik boru kəməri 2020-ci ildə təbii qaz nəql etməyə başlayacaq. Kəmərlə hər il 3 milyard kubmetr qaz nəql ediləcək.Bu boru kəməri tamamlandıqdan sonra Mafraqdakı qaz xəttinə birləşəcək və sonra ölkədəki enerji sisteminə paylanacaq. 2020-ci ilin əvvəlində isə “Noble Energy” qaz tədarükünə başlayacaq.İsrail tərəfində də boru kəmərinin çəkilməsi işləri davam edir. İşlər İordaniyanın “NEPCO” dövlət enerji şirkəti və “Noble Energy” arasında 2016-cı ildə imzalanan 15 illik və 10 milyard dollarlıq müqavilə çərçivəsində aparılır.xeber100.com

“NHK” telekanalının məlumatı əsasında…

Yaponiyada leysan yağışlar nəticəsində 35 nəfər ölüb.“NHK” telekanalının verdiyi xəbərə görə, 4 nəfər ağır vəziyyətdədir. 47 nəfərin isə itkin düşdüyü bildirilir.Hazırda 48 min polis, xüsusi mühafizə qüvvələri, yanğından mühafizə xidmətinin əməkdaşları axtarış-xilasetmə işləri aparır.Baş nazir Şinzo Abe daşqınlardan təsirlənən ərazilərdə vəziyyətin olduqca ciddi qiymətləndirib.Qeyd edək ki, cümə günündən başlayan güclü yağışlar Yaponiyanın mərkəzi və cənub-qərb hissələrində ciddi fəsadlar törədib.xeber100.com

Gürcüstanın Fövqəladə Hallar Xidməti xəbərdarlıq edib

Gürcüstanın Fövqəladə Hallar Xidməti Qara dəniz sahillərində gözlənilən növbəti qasırğa ilə əlaqədar yerli əhali və bu ölkəyə gələn turistlərə xəbərdarlıq edib.Azərtac xəbər verir ki, Fövqəladə Hallar Xidməti Qara dənizdə sahilboyu bütün xilasetmə məntəqələrində qırmızı fənərlər yandırılıb.Bildirilir ki, iyulun 6-7-də Qara dəniz sahillərində 4 ballıq qasırğa gözlənilir. Bu da insan həyatı üçün çox təhlükəlidir.Xatırladaq ki, iyulun 4-5-də də Qara dəniz sahillərində qasırğa olub. İyulun 4-də iki nəfər dənizdə boğulub.Ekspertlər bildirirlər ki, Gürcüstanın Svaneti bölgəsində baş vermiş təbii fəlakət də həmin qasırğadan sonra baş verib.xeber100.com

Çin ABŞ mallarına rüsum tətbiq edəcək

Çin Pekin vaxtı ilə iyulun 6-na keçən gecədən başlayaraq ABŞ-dan idxal olunan, təqribən 34 milyard dollar məbləğində mallara rüsum tətbiq edəcək. Bu barədə “Reuters” agentliyi məlumat yayıb.TASS informasiya agentliyi xəbər verir ki, “Bloomberg” iyun ayında sözügedən rüsumun ABŞ-dan idxal edilən avtomobilə, kənd təsərrüfatı və  dəniz məhsullarına tətbiq olunacağını bildirib. “Bloomberg”in məlumatına görə, ümumilikdə, 50 milyard məbləğində ABŞ malına rüsum tətbiqi planlaşdırılır.xeber100.com

Antiterror əməliyyatının növbəti mərhələsi başa çatıb

Türkiyənin və ABŞ-ın hərbi bölmələrinin Suriyanın Münbiç bölgəsində həyata keçirdiyi antiterror əməliyyatının səkkizinci hissəsi uğurla başa çatıb.Azərtac rəsmi mənbələrə istinadla xəbər verir ki, xüsusi hərbi əməliyyatın aparıldığı Münbiç bölgəsi ABŞ-ın dəstəyi ilə 2016-cı ilin avqustunda İŞİD terrorçu qruplaşmasından təmizlənərək YPG/PKK terrorçu qruplaşmasının əlinə keçib. Türkiyə YPG/PKK terrorçu qruplaşmasının bölgədə mövcudluğunu yolverilməz hesab edir.Qeyd edək ki, Münbiç əhalisinin 90 faizini ərəblər təşkil edir.xeber100.com