Avropa İttifaqına üzv ölkələrin hökumət başçılarının görüşü keçirilir

Bu gün Brüsseldə Avropa İttifaqına (Aİ) üzv ölkələrin dövlət və hökumət başçılarının ikigünlük görüşü keçirilir. Azərtac xəbər verir ki, bu sammit qaçqınlar probleminin Aİ səviyyəsində beynəlxalq həllinə nail olmaq üçün Almaniya kansleri Angela Merkelin son imkanı ola bilər. Əks halda AFR-in daxili işlər naziri yaranmış vəziyyəti öz daxili tədbirləri ilə tənzimləyəcək.Problemin əsas subyekti sənədi olmayan, yaxud Aİ-nin digər ölkələrində, xüsusilə İtaliyada qeydiyyatdan keçmiş, lakin Almaniyada sığınacaq almaq ümidi ilə Avropanın şimalına hərəkət edən qaçqınlardır. Məsələ ilə bağlı Aİ çərçivəsində yaxın günlərdə təsirli tədbirlər görülməsə, növbəti həftədən Almaniyanın daxili işlər naziri Horst Zeyehofer ölkənin cənub sərhədini bu miqrantların üzünə bağlamaq niyyətindədir.

“Huawei” şirkəti ilk smartfonunu təqdim edəcək

Çinin elektronika nəhənginin nümayəndələri yeni mobil rabitə standartının inkişaf planları haqda məlumat veriblər.“life.ru” saytı bildirir ki, “Huawei” şirkəti 2019-cu ilin iyununda “5G” texnologiyasını dəstəkləyən ilk smartfonunu təqdim edəcək. Bu haqda şirkətin icraçı direktoru Erik Syuya istinadən “Digitimes” nəşri yazıb.“5G” mobil rabitəsinin dəstəyi “Wi-Fi” qoşulması olmadan canlı yayım aparmağa, artırılmış və ya virtual reallığa malik proqramlardan istifadəyə imkan verəcək. “Huawei” şirkəti “5G” mobil rabitəsinin hazırlanmasında aktiv iştirak edir.“5G” tezlik parametrləri artıq məlumdur. Bu şəbəkə 600-700 MHs-lik aşağı tezlik spektrini, 3,5 QHs-lik orta tezlik və 50 QHs-lik yüksək tezlik spektrini dəstəkləyir.xeber100.com

JAXA aerokosmik agentliyinin məlumatı əsasında…

Yaponiyaya məxsus “Hayabusa-2” zondu kosmosda 3 illik səyahətdən sonra hədəfinə - Ryuqu asteroidinin 20 kilometrliyinə çatıb.Azərtac xəbər verir ki, Yaponiyanın JAXA aerokosmik agentliyinin məlumatına əsasən, zond bu müddət ərzində 3,2 milyard kilometr məsafə qət edib.Kosmik zond 2014-cü ildə fəzaya buraxılaraq Yerdən 2,8 milyard kilometr məsafədə yerləşən asteroidə doğru yola düşüb. O, diametri 900 metr olan Ryuqu asteroidinin yaxınlığında yarım il qalaraq üç dəfə torpaq nümunəsi götürməyə çalışacaq və sonra Yerə qayıdacaq. Onun ilk cəhdi payız aylarına planlaşdırılıb.Qeyd edək ki, “Hayabusa-2” zondunun sələfi “Hayabusa” 2010-cu ildə İtokava asteroidində analoji tapşırıq yerinə yetirib. Ryuqunun orbiti Yerlə Marsın orbitləri yaxınlığından keçdiyi üçün alimlər burada su və orqanik maddələrin aşkarlanacağına ümid edirlər.xeber100.com

“RİA Novosti” agentliyinin məlumatına görə…

Belarus prezidenti Aleksandr Lukaşenko ölkəsinin müstəqilliyini itirə biləcəyini bəyan edib."RİA Novosti" agentliyinin verdiyi məlumata görə, A. Lukaşenko bu gözlənilməz bəyanatı Moqilevsk vilayətinin Şklosk rayonuna səfəri zamanı səsləndirib.A. Lukaşenko deyib ki, əgər xalq ölkənin qarşısına qoyulan iqtisadi məqsədə nail olmasa, respublika müstəqilliyini itirə bilər: "Əgər bu illər ərzində uğur qazana bilməsək, uğursuzluğa düçar olsaq, hansısa dövlətin tərkibinə daxil olmaq lazım gələcək, ya da sadəcə, bizi diz çökdürəcəklər".xeber100.com

Prezident seçkilərində bülletenlərin 82 faizi hesablanıb

Türkiyədə keçirilən prezident seçkilərində bülletenlərin 82 faizi hesablanıb.“Anadolu” agentliyinin verdiyi xəbərə görə, ilk yeri səslərin 54,11%-ni toplayan Türkiyənin hazırkı prezidenti Rəcəb Tayyib Ərdoğan tutur.İkinci yerdə Cümhuriyyət Xalq Partiyasının (CHP) namizədi Məhərrəm İncə (29,96%), üçüncü isə İyi Partiyanın sədri Meral Akşenerdi (07,49%).xeber100.com

ABŞ hərbi təlimləri dayandırıb

ABŞ Cənubi Koreya ilə birgə keçirdiyi hərbi təlimləri qeyri-müəyyən müddətə dayandırıb.RİA Novosti agentliyinin verdiyi xəbərə görə, bu barədə Pentaqonun məlumatında bildirilir.Məlumata əsasən, söhbət “Freedom Guardian” təlimi və hərbi-dəniz mübadiləsi proqramından gedir. Bundan əvvəl Cənubi Koreya və ABŞ avqustda keçirilməsi nəzərdə tutulan "Ulchi Freedom Guardian" hərbi təlimləri üzrə bütün tədbirlərin təxirə salınması barədə məlumat verilmişdi.Qeyd edək ki, Sinqapur sammitindən sonra ABŞ prezidenti Donald Tramp Cənubi Koreya ilə müştərək hərbi təlimləri dayandırmaq barədə vəd verib.xeber100.com

Avropa Statistika İdarəsinin məlumatı əsasında…

Avropa Statistika İdarəsinin (Eurostat) məlumatına əsasən, 2017-ci ildə italiyalı gənclər arasında işsizliyin səviyyəsi 25,7 faiz olub. Belə ki, İtaliyada 18-24 yaşlı hər dörd gəncdən biri işsizdir. Bu, Avropa İttifaqına (Aİ) üzv ölkələr arasında ən yüksək göstəricidir.ANSA agentliyi xəbər verir ki, Aİ ölkələrində həmin yaş qrupu üzrə işsizliyin səviyyəsinə görə orta göstərici 14,3 faizdir. Avropa ölkələrində gənclər arasında işsizliyin səviyyəsinə görə İtaliyadan sonrakı yerləri Kipr (22,7 faiz), Yunanıstan (21,4 faiz), Xorvatiya (20,2 faiz), Rumıniya (19,3 faiz) və Bolqarıstan (18,6 faiz) tutur.Bu kateqoriya üzrə ən yaxşı göstərici (5,3 faiz) Niderlanda məxsusdur. Sonrakı yerlərdə Sloveniya və Avstriya durur.Eurostatın məlumatda qeyd olunub ki, 2017-ci ildə Aİ ölkələrində yaşı 18-24 arasında olan 5,5 milyon nəfər nə işləməyib, nə təcrübə keçməyib, nə də ali təhsil almayıb. Bu rəqəm Slovakiyanın və ya Finlandiyanın əhalisinin sayına bərabərdir.xeber100.com

Hökumət daxilində struktur dəyişiklikləri çərçivəsində

“Gürcüstanda nazirliklərin sayı 14-dən 11-dək azaldılacaq”.Apa-nın yerli bürosunun məlumatına görə, bu barədə Gürcüstanın baş nazirliyinə namizəd Mamuka Baxtadze bildirib.M. Baxtadze deyib ki, dəyişikliklər hökumət daxilində struktur dəyişiklikləri çərçivəsində həyata keçiriləcək: “Bu islahat dərhal yerinə yetirilməlidir. Yeni Nazirlər Kabinetində bir neçə yeni sima olacaq”.xeber100.com

Kolumbiyada prezident seçkiləri keçirilir

Bu gün Kolumbiyada prezident seçkilərinin ikinci turu başlayıb."RİA Novosti" agentliyinin verdiyi məlumata görə, yerli vaxtla saat 08.00-da 36,2 milyon seçicinin səs verməsi üçün 11 min seçki məntəqəsi açılıb.Mayın 27-də keçirilən prezident seçkilərinin birinci turunda 31,14 faiz səs toplayan İvan Duke və 25,08 səs toplayan Qustavo Petro ikinci turda mübarizə aparır. Hələ 10 gün əvvəl aparılan sosioloji sorğulara əsasən, Demokratik Mərkəz Partiyasının namizədi İ. Dukeni seçicilərin 45,5 faizi, "İnsan Kolumbiyası" Koalisiyası və Hindu və Sosial Alternativ Hərəkatının namizədi Q. Petronu isə seçicilərin 40 faizi dəstəkləyir. Aralarındakı fərqin az olması səbəbindən hər iki namizədin şansı yüksək qiymətləndirilir.Kolumbiya prezidenti 4 il müddətinə seçilir. Bir şəxs ikinci dəfə prezident seçilə bilməz.xeber100.com

Bu gün 7 maqnitudalı zəlzələ olub

Bu gün Yaponiyada 7 maqnitudalı zəlzələ olub.TASS agentliyinin verdiyi məlumata görə, zəlzələ Xonsyu adasının mərkəzindəki Qumma əyalətində qeydə alınıb.Yaponiya Meteoroloji İdarəsi zəlzələnin ocağının 20 km dərinlikdə yerləşdiyini açıqlayıb.Dağıntı və tələfat barədə məlumat daxil olmayıb.xeber100.com