Sinqapurda aviasiya uçuşlarına məhdudiyyət qoyulacaq

KXDR lideri Kim Çen In və ABŞ Prezidenti Donald Trampın planlaşdırılan görüşü zamanı Sinqapur hökuməti ölkə üzərindən hava nəqliyyatının hərəkətinə məhdudiyyətlər qoyacaq.TASS informasiya agentliyi xəbər verir ki, bu barədə Beynəlxalq Mülki Aviasiya Təşkilatı və ABŞ-ın Federal Aviasiya İdarəsi məlumat yayıb. Onların bildirdiyinə görə, iyunun 11-dən 13-dək bəzi vaxtlarda Sinqapurun hava məkanı bağlanacaq. Bu ölkəyə uçan təyyarələr də “milli təhlükəsizlik səbəbindən” uçuş-eniş zolağında bir sıra çətinliklərlə üzləşəcək.Xatırladaq ki, əvvəlcə sammitin ləğv olunduğu barədə Kim Çen Ina məktub göndərən Donald Tramp sonradan görüşün nəzərdə tutulan vaxtda - iyunun 12-də Sinqapurda keçiriləcəyini bildirmişdi.xeber100.com

Venesuela Amerika Dövlətləri Təşkilatında

Venesuela bundan sonra Amerika Dövlətləri Təşkilatında (ADT) təmsil olunmayacaq.“Gazeta.ru”-nun verdiyi xəbərə görə, bunu Venesuelanın prezidenti Nikolas Maduro bəyan edib.Onun sözlərinə görə, hazırda Vaşinqtonda keçirilən ADT-in Baş Assambleyası onun rəhbərlik etdiyi ölkə üçün sonuncu olacaq.“Biz Amerika Dövlətləri Təşkilatının fəaliyyətini pisləyirik və qurumu tərk edirik. Bu artıq təsdiqlənib”, deyə N.Maduro bildirib. O, həmçinin deyib ki, təşkilatda təmsil olunan ABŞ nümayəndələri Latın Amerikası ölkələrinə qarşı şantaj və təhdidlərlə dolu kampaniya aparırlar.Bundan əvvəl ABŞ-ın dövlət katibi Mayk Pompeo Venesuelanın ADT-də üzvlüyünü dayandırmağa çağırıb. Eyni zamanda ABŞ rəsmisi Venesuelada keçirilən son prezident seçkilərini “saxta" adlandırıb.xeber100.com

ABŞ Dövlət Departamentinin məlumatı

Tramp administrasiyası İtaliyanın yeni hökumət ilə işləməyə hazırdır.Azərtac xəbər verir ki, bu barədə ABŞ Dövlət Departamenti məlumat yayıb.Məlumatda bildirilir ki, İtaliya uzun illərdir NATO-nun etibarlı müttəfiqi, beynəlxalq təhlükəsizlik məsələlərində aparıcı ölkə və Avropa iqtisadiyyatının hərəkətverici qüvvəsidir. Buna görə də Tramp administrasiyası yeni hökumətlə əməkdaşlıq etməkdə maraqlıdır.xeber100.com  

Sloveniyada növbədənkənar parlament seçkiləri keçirilib

Bu gün Sloveniyada növbədənkənar parlament seçkilərində səsvermə başlayıb.TASS agentliyinin verdiyi məlumata görə, seçki məntəqələri yerli vaxtla saat 07.00-da açılıb, saat 19.00-da bağlanacaq.Ölkədə səsvermə hüququna malik 1,7 milyon seçici 88 deputatı seçməlidir. Parlamentdə təmsil olunmaq üçün partiyalar 4 faizlik baryeri aşmalıdır.Sosioloji sorğuların nəticələrinə əsasən hər hansı siyasi qüvvənin təkbaşına hökuməti formalaşdırmaq üçün yetərli səs toplayacağı gözlənilmir. Sorğularda sabiq baş nazir Yaneş Yanşanın rəhbərlik etdiyi sağ-mərkəzçi Sloveniya Demokratik Partiyası (SDS) öndə gedir. Buna səbəb isə Y.Yanşanın qaçqın və miqrant problemi ilə bağlı sərt mövqe tutması, bununla da narazı elektoratı öz tərəfinə çəkməyi bacarmasıdır. “Hər şeydən öncə Sloveniya” şüarı altında seçki kampaniyası aparan sağ-mühafizəkar siyasətçi Macarıstan nümunəsi əsasında qaçqın problemini həll etmək niyyətindədir. İkinci yerdə sol-mərkəzi "Maryana Şaretsin Siyahısı"nın qərarlaşacağı proqnozlaşdırılır.Hazırkı hökumətə rəhbərlik edən çaş nazir Miro Tserarın sədri olduğu mərkəz-solçu Müasir Mərkəz Partiyasının (SMC) 2014-cü il parlament seçkilərindəki uğurunu təkrarlama ehtimalı aşağıdır.xeber100.com

İspaniya parlamentinin növbəti iclasında…

İspaniya parlamentinin iyunun 1-də keçirilən iclasında İspaniya Sosialist Partiyasının lideri Pedro Sançes ölkənin yeni Baş naziri seçilib.Xatırladaq ki, Pedro Sançesin təşəbbüsü ilə İspaniyanın deputatlar konqresində sabiq Baş nazir Mariano Raxoya etimadsızlıq göstərilməsi məsələsi müzakirə edilib. Konqresin üzvləri Mariano Raxoya etimadsızlıq göstərərək Pedro Sançesi dəstəkləyiblər.Bu qərarı İspaniya Sosialist Partiyasından olan 84 deputatla bərabər, “Podemos”un üzvü olan 67 millət vəkili, katalon və bask millətçilərinin təmsilçiləri də dəstəkləyiblər.xeber100.com

“Perkuno griausmas” adlı hərbi təlimlər başlanıb

Bu gün Litvada “Perkuno griausmas” (“Perkunasın gurultusu”) adlı hərbi təlimlər başlanıb. Bu, ölkə tarixində ən iri milli manevrlərdir.Azərtac xəbər verir ki, Litva silahlı qüvvələrinin komandanlığının məlumatına görə iyunun 1-dən 15-dək keçiriləcək genişmiqyaslı təlimlərdə 9 minə yaxın hərbçi və müvafiq qurumların nümayəndələri iştirak edəcək. Müdafiə xarakteri daşıyan bu təlimin məqsədi ordunu ölkənin və regionun təhlükəsizliyini, Litvanın suverenliyini təmin etməyə hazırlamadır.Manevrlərin milli statusuna baxmayaraq, bəzi epizodlarda Litvanın NATO üzrə müttəfiqləri olan Almaniya, Böyük Britaniya və Portuqaliyanın bu ölkədə yerləşdirilmiş yığma batalyonu da iştirak edəcək.xeber100.com

“WhatsApp”da yeni funksiya istifadəyə verilib

“WhatsApp” messencerində qrup şəklində ünsiyyət həvəskarları üçün çoxdan gözlənilən funksiya istifadəyə verilib.Azərtac xarici KİV-lərə istinadla xəbər verir ki, artıq messencer istifadəçiləri qrup şəklində səsli və videozənglər funksiyasından yararlanmaq imkanı əldə ediblər.Məlumata görə, iki istifadəçinin başladığı söhbətə sonradan daha iki nəfəri əlavə etmək mümkündür. Bunun üçün danışıq rejimində ekranın sağ yuxarı küncündə yerləşən xüsusi işarənin üzərinə toxunmaq kifayətdir.“WhatsApp”da qrup şəklində videodanışıq funksiyasından ilkin olaraq “iOS”, daha sonra “Android” əməliyyat sistemlərinin idarəetməsi ilə işləyən qurğu sahibləri yararlanmağa başlayıb.xeber100.com

İran mətbuatının məlumatı əsasında…

Təbrizdə 23 yaşlı gənc ana ilk hamiləliyində altı övlad dünyaya gətirib.İran mətbuatı xəbər verir ki, doğulan körpələrdən dördü qız, ikisi oğlandır. Körpələrin çəkisi 550-960 qram arasında dəyişir. Vaxtından əvvəl - yeddi aylıq olarkən dünyaya gələn körpələrdən ikisi süni tənəffüs aparatına qoşulub, qızlardan biri isə vəfat edib.İranda sonuncu dəfə şirazlı ana altı il əvvəl, məşhədli qadın isə dörd il əvvəl ilk hamiləliklərində altı uşaq dünyaya gətiriblər.xeber100.com

Aİ-nin xarici siyasət xidmətinin bəyanatında

Avropa İttifaqı miqrasiya böhranına qarşı mübarizəyə təqribən 0,5 milyard avro ayırıb. Azərtac xəbər verir ki, Aİ-nin xarici siyasət xidmətinin mayın 31-də Brüsseldə yayılmış bəyanatında belə deyilir.Sənəddə deyilir: “Aİ 467 milyon avro həcmində yeni yardım toplayır”.xeber100.com

İstanbulun fəth olunması münasibətilə mərasim keçirilib

İstanbulun fəth olunması münasibətilə “Fatehin 565-ci ili” devizi altında mərasim keçirilib.Azərtac xəbər verir ki, mərasimdə çıxış edən Türkiyə Prezidenti Rəcəb Tayyib Ərdoğan 1453-cü ildə İstanbulun fəth olunmasını türk dünyasının yeni qalibiyyət tarixinin başlanğıcı kimi dəyərləndirib.Qeyd edək ki, 1453-cü il mayın 29-da Fatih Sultan Mehmetin sərkərdəliyi ilə İstanbul boğazı fəth olunaraq Osmanlının tabeliyinə keçib.xeber100.com