5,7 bal gücündə zəlzələ baş verib

Çinin şimal-şərqində 5,7 bal gücündə zəlzələ baş verib.RİA Novosti agentliyinin verdiyi xəbərə görə, yeraltı təkanların episentri Tszilin əyalətində, ocağı 2 km dərinlikdə yerləşib.Dağıntı və zərərçəkənlər barədə məlumat daxil olmayıb.xeber100.com

Güclü daşqınlar səbəbindən fövqəladə vəziyyət elan olunub

ABŞ-ın Merilend ştatının Ellikot şəhərində güclü daşqınlar səbəbindən fövqəladə vəziyyət elan olunub.RİA Novosti agentliyinin verdiyi xəbərə görə, bunu Merilend ştatın qubernatoru Larri Hoqan bəyan edib.Məlumata əsasən, 2016-cı ildə güclü güclü yağış və daşqınlarla üzləşmiş şəhər yenidən su altında qalıb.Yerli hökumət əhalini təhlükəli əraziləri tərk etməyə, xəbərləri izləməyə və təlimatlara riayət etməyə çağırıb.Qeyd edək, Ellikot şəhərində 70 minədək insan yaşayır.xeber100.com

Almaniya Federal Hesablama Palatasının hesabatında

Almaniya Federal Hesablama Palatasının hesabatında Almaniya ordusunun acınacaqlı durumda olması əksini tapıb.Apa-nın məlumatına görə, bu barədə "Bild" nəşri məlumat yayıb.Hesablama Palatası Almaniya müdafiə naziri Ursulu fon der Lyayenni hərbi texnikanın istifadəyə yararsız durumda olmasını gizlətməkdə ittiham edib. Sənəddə qeyd edilir ki, müdafiə nazirinin hərbi gəmi və təyyarələrin döyüşə hazır olması barədə bəyanatı həqiqətə uyğun deyil. Hesabatda nəzərə çatdırılır ki, keçən il heç bir sualtı qayıq istismara yararlı olmayıb. Döyüş gəmilərinin və tankların yarıdan azı, hərbi vertolyotların isə 1/3-i istismar üçün yararlı olub. Sənəddə qeyd olunur ki, müdafiə nazirinin döyüşə hazır olduğunu bəyan etdiyi gəmilər idarə olunan raketlər, müvafiq silahlar olmayıb, sualtı qayıqlar üçün isə heyət çatışmır.xeber100.com

Kolumbiyanın NATO-ya daxil olması rəsmiləşdiriləcək

Kolumbiyanın prezidenti Xuan Manuel Santos NATO ilə tərəfdaşlığa dair razılaşmanın əldə edildiyini bəyan edib.RİA Novosti agentliyinin verdiyi xəbərə görə, bu barədə dövlət başçısı özünün “Tvitter” hesabında yazıb.“Gələn həftə biz Kolumbiyanın NATO-ya qlobal tərəfdaş qismində daxil olmasını rəsmiləşdirəcəyik", X.M.Santos yazıb.Onun sözlərinə görə, Kolumbiya belə imtiyazı olan yeganə Latın Amerikası ölkəsi olacaq.xeber100.com

Yonhap agentliyinin məlumatı

KXDR ordusunun hərbçiləri xarici jurnalistlərin iştirakı ilə mayın 24-də “Phunqeri” nüvə poliqonunda üç sınaq şaxtasını partladıb.Cənubi Koreyanınyi Yonhap agentliyi xəbər verir ki, poliqondakı yerüstü müşahidə məntəqələri və digər obyektlər də məhv edilib. “KXDR-in Nüvə Silahı İnstitutu nüvə sınaqlarının dayandırılması məsələsində şəffaflıq nümayiş etdirmək üçün 2018-ci il mayın 24-də şimal sınaq poliqonunun sökülməsi mərasimini həyata keçirib”, - institutun mərasim başa çatdıqdan sonra yayılan bəyanatında belə deyilir.Poliqonun sökülmə prosesini beş ölkədən - Koreya Respublikası, Böyük Britaniya, Rusiya, Çin və ABŞ-dan olan jurnalistlər izləyiblər.Qeyd edək ki, 6 nüvə sınağından 5-i poliqonun şimal şaxtasında aparılıb. Poliqonda ümumilikdə 4 şaxta mövcud olub. Birinci şaxta cəmi bir dəfə - ilk yeraltı sınağın həyata keçirildiyi 2006-cı ildə istifadə olunub və sonra bağlanılıb.xeber100.com

Yaponiya hökumətinin növbəti bəyanatında…

Yaponiya Nazirlər Kabinetinin baş katibi Yoşihide Suqa Şimali Koreyaya qarşı təzyiqləri davam etdirməyin zəruri olduğunu bildirib.Y.Suqa bu barədə bəyanatla ABŞ Prezidenti Donald Tramp Şimali Koreya lideri Kim Çen In ilə planlaşdırılan ikitərəfli sammiti gözlənilmədən ləğv etdikdən sonra çıxış edib.Baş katib deyib ki, əsas məsələ sammitin keçirilməsi yox, onun Şimali Koreyanın nüvə və raket proqramları, həmçinin bu ölkənin agentləri tərəfindən oğurlanmış yapon vətəndaşları kimi problemlərin həllinə göstərəcəyi təsirdir. O əlavə edib ki, Yaponiya ABŞ və Cənubi Koreya ilə Pxenyanın öz siyasətindən əl çəkməsi və tezliklə yapon vətəndaşlarını qaytarması üçün sıx əməkdaşlığı davam etdirəcək. Yaponiya hökuməti Vaşinqton və Seul ilə birlikdə Şimali Koreyanın nüvə-raket proqramları ilə bağlı bütün kəşfiyyat məlumatlarını toplayaraq təhlil etməkdə davam edəcək.xeber100.com

Avropa İttifaqı Türkiyəyə 1,5 milyard yardım ayıracaq

Avropa İttifaqı miqrasiya böhranına qarşı mübarizə aparmaq üçün 2019-cu ildə Türkiyəyə əlavə 1,5 milyard avro ayıracaq. Azərtac xəbər verir ki, mayın 23-də Avropa Komissiyası tərəfindən açıqlanmış Aİ-nin büdcə layihəsində belə deyilir.Avropa Komissiyası xatırladıb ki, miqrasiya böhranına qarşı mübarizə aparmaq üçün bu ilin büdcəsi çərçivəsində Ankaraya daha əvvəl vəd olunduğu kimi, 500 milyon avro təqdim ediləcək.Xatırladaq ki, Brüssel və Ankara 2016-cı il martın 17-18-də Aİ-Türkiyə sammitində miqrasiya axınının azaldılması üzrə tədbirləri nəzərdə tutan saziş imzalayıblar. O vaxt Avropa İttifaqı Türkiyəyə 6 milyard dollar ayırmağı, Aİ ilə Türkiyə arasında vizasız rejim tətbiq olunmasını, habelə Ankaranın ittifaqa üzv qəbul edilməsi üzrə danışıqları irəlilətməyi öhdəsinə götürmüşdü. Bunun müqabilində Yunanıstan adalarına Türkiyə ərazisindən gələn qeyri-qanuni miqrantlar geriyə - Türkiyəyə qaytarılacaq. Aİ isə Türkiyənin miqrasiya xidməti tərəfindən yoxlanılmış, leqal status almış və müvafiq sənədlər paketi olan qaçqınları birbaşa bu ölkənin ərazisindən qəbul etməlidir.O vaxtdan Brüssel Türkiyəyə yalnız 3 milyard avro ayırıb.xeber100.com

Kataloniya genişmiqyaslı əməliyyata başlayıb

İspaniya polisi və korrupsiya ilə mübarizə üzrə xüsusi prokurorluq Kataloniyada 2017-ci ilin oktyabrında keçirilən müstəqillik barədə referendumun qanunsuz maliyyələşməsi ilə bağlı genişmiqyaslı əməliyyata başlayıb.Europa Press agentliyi xəbər verir ki, əməliyyat çərçivəsində 22 nəfər saxlanılıb və yeni həbslər istisna edilmir. Saxlanılan şəxslər arasında “Kataloniya uğrunda birgə” partiyasının deputatı Fransesk de Dalmasesin də olduğu bildirilir.Kataloniya ali məhkəməsinin məlumatına görə, hazırda iqtisadi və maliyyə cinayətləri üzrə polis dəstələri və korrupsiya ilə mübarizə üzrə prokurorluq əməkdaşları Barselona Şurası və Jeneralitet binalarında, həmçinin digər müəssisələrdə axtarışlar aparır. Madrid tərəfindən göndərilən polis əməkdaşları Barselonadan başqa, Tarraqona və Jironada da axtarış əməliyyatlarına cəlb olunublar.Bir ildən artıq davam edən təhqiqatın nəticəsinə əsasən, müxtəlif kompaniyalar vasitəsi ilə müstəqillik tərəfdarı olan assosiasiya və təşkilatların hesablarına 2 milyon avro vəsait köçürülüb. Bununla əlaqədar dövlət vəsaitini mənimsəmə, vəzifə səlahiyyətlərindən sui-istifadə, dövlət məmurları tərəfindən qanuna zidd fəaliyyət, sənəd saxtakarlığı və dələduzluqla bağlı cinayət işləri açılıb.Xatırladaq ki, Kataloniyada İspaniya hökumətinin tanımadığı və ölkənin Konstitusiya Məhkəməsi tərəfindən keçirilməsi qadağan edilən müstəqillik haqqında referendum 2017-ci il oktyabrın 1-də baş tutub. Səsvermədə seçki hüququ olan vətəndaşların 43,03 faizi iştirak edib və onların 90,18 faizi müstəqilliyin lehinə səs verib. Səsvermə günü bəzi məntəqələrdə polis və seçicilər arasında toqquşmalar qeydə alınıb.xeber100.com

Dacia Duster krossover avtomobilinin təqdimatı keçirilib

Rumıniyada hərbi texnika və avadanlığa həsr olunmuş BSDA adlı sərgi çərçivəsində “Tırtıllı” Dacia Duster (MDB ölkələrində Renault Duster kimi tanınan) krossover avtomobilinin təqdimatı keçirilib.Azərtac xəbər verir ki, istehsalçıların məlumatına əsasən, yeni avtomobil səhiyyə, hərbi, kənd təsərrüfatı və özəl biznesdə istifadə oluna bilər. Modelin normal təkərli vəziyyətdən tırtıllı vəziyyətə dəyişdirilməsi təxminən bir saat vaxt tələb edir. Avtomobilin başlanğıc qiyməti 11 min avro olacaq.Qeyd edək ki, dözümlülüyü, keyfiyyəti və münasib qiyməti ilə seçilən krossover avtomobil həvəskarlarının rəğbətini qazanıb.xeber100.com

Türkiyə Mərkəzi Bankının məlumatı əsasında…

Türkiyənin milli valyutası lirənin məzənnəsi may ayında sürətlə aşağı düşməyə başlayıb. Hələlik, Türkiyənin Mərkəzi Bankının həmlələri nəticə vermir.Azərtac xəbər verir ki, Türkiyənin Mərkəzi Bankı mayın 23 üçün 1 ABŞ dollarının alışını 4.57 lirə müəyyən etsə də, qara bazarda bir dolların alışı təxminən 4.9 lirə civarında dəyişir.Qeyd edək ki, cari il fevralın ilk günlərində 1 ABŞ dolları 3.75 lirəyə alınıb.xeber100.com