Türkiyə mətbuatının məlumatı əsasında…

Türkiyənin Van əyalətində 3,6 bal gücündə zəlzələ baş verib.“Haberturk”ün verdiyi xəbərə görə, yerli vaxtla saat 22:14-də qeydə alınan yeraltı təkanların episentri Özalp rayonunda, ocağı isə 5 km dərinlikdə yerləşib.Eyni ərazidə 20 dəqiqə sonra 2,8 maqnitudalı təkan qeydə alınıb.xeber100.com

ABŞ Senatının xarici işlər üzrə komitəsində

Aprelin 12-də ABŞ Senatının xarici işlər üzrə komitəsində Mərkəzi Kəşfiyyat İdarəsinin (MKİ) sabiq rəhbəri Mayk Pompeonun dövlət katibi postuna təsdiqi ilə bağlı dinləmələr keçiriləcək.Apa-nın RT-yə istinadən verdiyi xəbərə görə, bunu komitənin sədri Bob Korker bəyan edib.Martın 13-də prezident D. Tramp Reks Tillersonu istefaya göndərərək dövlət katibi vəzifəsinə M. Pompeonun namizədliyini irəli sürüb.Hazırda müvvəqəti olaraq ABŞ-ın dövlət katibi səlahiyyətlərini Con Sallivan icra edir. O bu vəzifəni M. Pompeonun namizədliyi Konqres tərəfindən rəsmən təsdiq edilənədək tutacaq.xeber100.com

ANSA informasiya agentliyinin məlumatı

2017-ci ildə İtaliyada ev təsərrüfatlarının gəlirləri 1,7 faiz çoxalıb ki, bu da 2011-ci ildən bəri müşahidə edilən ən böyük artımdır.ANSA informasiya agentliyi xəbər verir ki, bu barədə İtaliyanın Milli Statistika Agentliyi (İSTAT) məlumat yayıb.Agentliyinin məlumatına görə, ailələrin alıcılıq qabiliyyəti 0,6 faiz artsa da, bu göstərici əvvəlki ilin müvafiq göstəricisi ilə müqayisədə (1,3 faiz) aşağıdır. 2017-ci ildə ölkənin ev təsərrüfatlarının istehlak xərcləri 2,5 faiz artıb.Agentlik onu da qeyd edib ki, keçən il bu ölkədə qənaət etmək qabiliyyəti 8,5 faizdən 7,5 faizə düşüb ki, bu da 2012-ci ildən bəri qeydə alınan ən aşağı rəqəmdir.xeber100.com

“Toyota” korporasiyası Çin bazarında

Yaponiyanın “Toyota” korporasiyası Çin bazarında satdığı 313 min 712 avtomobili təhlükəsizlik yastıqlarındakı qüsurlara görə geri çağırır.Azərtac Çinin Keyfiyyətə Nəzarət, Təftiş və Karantin Baş Administrasiyasına istinadla xəbər verir ki, geri çağırılan avtomobillər həm “Toyota”nın Çindəki birgə müəssisələrində istehsal olunan, həm də xaricdən idxal edilənlərdir. Buraya “Corolla”, “Vios”, “Yaris”, “Leahead” və “Alphard” modellərindən olan avtomobillər daxildir.Administrasiyanın mütəxəssisləri hesab edirlər ki, həmin avtomobillərin təhlükəsizlik yastıqlarının normal çalışmaması sürücü və sərnişinlərin həyatına təhlükə yarada bilər. İstehsalçı şirkət qüsurlu detalları öz hesabına dəyişəcək.xeber100.com

Mindanao adası yaxınlığında 5,9 bal gücündə zəlzələ olub

Aprelin 5-də Filippinin Mindanao adası yaxınlığında 5,9 bal gücündə zəlzələ baş verib.ABŞ Geoloji Xidməti xəbər verir ki, yeraltı təkanların episentri Tarraqona yaşayış məntəqəsindən 45 kilometr cənub-şərqdə, ocağı 64, 4 kilometr dərinlikdə yerləşib.Dağıntılar və zərərçəkənlər barədə məlumat verilmir.xeber100.com

Türkiyə ilə sərhəddə yunan hərbi qüvvələrinin sayı artırılacaq

Yunanıstanın müdafiə naziri Panos Kammenosun verdiyi bəyanata əsasən, Türkiyə ilə sərhəddə yunan hərbi qüvvələrinin sayı artırılacaq.Azərtac xəbər verir ki, məlumata görə, Egey dənizində yerləşən adalara və Evros bölgəsinin hər birinə 3500 hərbçi göndəriləcək. Əsas səbəb kimi iki ölkə arasında münasibətlərin pisləşməsi göstərilir.Qeyd edək ki, iki ölkə arasında münasibətlər martın əvvəlində Türkiyənin Evros bölgəsi yaxınlığında iki yunan hərbçini saxlaması nəticəsində gərginləşib.xeber100.com

Baltik ölkələrinə 70 milyon dollar ayrılacaq

ABŞ Litva, Latviya və Estoniyaya 100 milyon dollar məbləğində iriçaplı döyüş sursatları verməyi planlaşdırır. Həmçinin hərbi yardıma əlavə olaraq 70 milyon dollar ayrılacaq.Azərtac xəbər verir ki, Ağ Evin Prezident Donald Trampın Baltik ölkələrinin liderləri ilə zirvə görüşünün nəticəsinə dair bəyanatında hərbi yardımın bu dövlətlərin milli silahlı qüvvələrinin və milli təhlükəsizlik qüvvələrinin imkanlarını möhkəmləndirəcəyi qeyd edilir. ABŞ-ın beş mindən çox hərbi qulluqçusu Baltik regionunda olduqca böyük tədbir sayılan Saber Strike təlimlərində çoxmillətli qüvvələrə qoşulacaq.Qeyd edək ki, Latviya, Litva və Estoniya rəhbərləri hazırda ABŞ-da işgüzar səfərdədirlər.xeber100.com

Yeni hökumət yaratmaq üçün məsləhətləşmələr başlayacaq

İtaliya prezidenti Sergio Matarella yeni hökuməti yaratmaq üçün aprelin 4-də Senatın sədri Mariya Elizabetta Alberti Kasellati ilə məsləhətləşmələrə başlayacaq.İtaliyanın ANSA agentliyinə istinadən xəbər verir ki, ölkə prezidenti məsləhətləşmələri parlamentin aşağı palatasının spikeri Roberto Fiko və sabiq prezident Corco Napolitano ilə də davam etdirəcək.Qeyd edilir ki, aprelin 5-də İtaliya prezidentinin iqamətgahında ölkədəki bır sıra partiyaların rəhbərləri ilə də görüşlər keçiriləcək.xeber100.com

Avropa və Aralıq dənizi Seysmoloji Mərkəzin məlumatı

Salvador sahillərində 5,9 bal gücündə zəlzələ baş verib.Bu barədə Avropa və Aralıq dənizi Seysmoloji Mərkəzin (EMSC) məlumatında bildirilir. Yerli vaxtla saat 17:23-də qeydə alınan yeraltı təkanların episentri paytaxt San-Salvadordan 84 km cənub-şərqdə, ocağı 80 km dərinlikdə yerləşib.Dağıntı və zərərçəkənlər barədə məlumat verilmir.xeber100.com

İndoneziya hökuməti xəbərdarlıq edib

İndoneziya hökuməti iyunda keçiriləcək ümumi yerli seçkilərlə əlaqədar yalan məlumatlar yayacağı təqdirdə “Facebook” sosial şəbəkəsinin ölkədə bağlana biləcəyi barədə xəbərdarlıq edib.“The Straits Times” nəşri xəbər verir ki, belə bir bəyanatla İndoneziyanın kommunikasiyalar və informasiya naziri Rudiantara çıxış edib.Nazirin sözlərini sitat gətirən nəşr yazıb: “Əgər lazım gələrsə, heç bir tərəddüd etmədən mən platformanın bağlanması barədə göstəriş verəcəyəm”. Rudiantara xatırladıb ki, onun rəhbərlik etdiyi qurum ötən il “Teleqram”ın messencerini bütün ölkədə bağlayıb. Bundan əlavə, nazir bildirib ki, o, “Facebook”un nümayəndələrindən bu sosial şəbəkənin Britaniyanın “Cambridge Analytica” şirkəti ilə əməkdaşlığı barədə tam hesabat da tələb edib. Onun sözlərinə görə, bununla bağlı hələlik bir cavab verilməyib. Nazir qeyd edib ki, fərdi məlumatların sızmasına cavabdeh olan sosial şəbəkənin nümayəndələri qanun qarşısında məsuliyyət daşıyırlar və belə bir hadisə baş verəcəyi təqdirdə onlar 12 il müddətinədək azadlıqdan məhrum edilə bilərlər.xeber100.com