İndoneziya hökuməti xəbərdarlıq edib

İndoneziya hökuməti iyunda keçiriləcək ümumi yerli seçkilərlə əlaqədar yalan məlumatlar yayacağı təqdirdə “Facebook” sosial şəbəkəsinin ölkədə bağlana biləcəyi barədə xəbərdarlıq edib.“The Straits Times” nəşri xəbər verir ki, belə bir bəyanatla İndoneziyanın kommunikasiyalar və informasiya naziri Rudiantara çıxış edib.Nazirin sözlərini sitat gətirən nəşr yazıb: “Əgər lazım gələrsə, heç bir tərəddüd etmədən mən platformanın bağlanması barədə göstəriş verəcəyəm”. Rudiantara xatırladıb ki, onun rəhbərlik etdiyi qurum ötən il “Teleqram”ın messencerini bütün ölkədə bağlayıb. Bundan əlavə, nazir bildirib ki, o, “Facebook”un nümayəndələrindən bu sosial şəbəkənin Britaniyanın “Cambridge Analytica” şirkəti ilə əməkdaşlığı barədə tam hesabat da tələb edib. Onun sözlərinə görə, bununla bağlı hələlik bir cavab verilməyib. Nazir qeyd edib ki, fərdi məlumatların sızmasına cavabdeh olan sosial şəbəkənin nümayəndələri qanun qarşısında məsuliyyət daşıyırlar və belə bir hadisə baş verəcəyi təqdirdə onlar 12 il müddətinədək azadlıqdan məhrum edilə bilərlər.xeber100.com

Ukrayna parlamenti Cinayət Məcəlləsində dəyişiklik edib

Ukrayna Ali Radası ölkədə qanunsuz silah gəzdirmə və istifadəsinə görə cəzaları sərtləşdirir.Azərtac Ali Radanın saytına istinadla xəbər verir ki, parlament Cinayət Məcəlləsinə dəyişiklik edərək qanunsuz olaraq silahın, partlayıcı maddənin saxlanılması, istifadəsi, başqasına verilməsi və satılmasına görə azadlıqdan məhrumetmənin 6 ildən 10 ilə qədər artırılması təklifi ilə çıxış edir.Yaxın vaxtlarda qanun layihəsinin Ali Radanın müzakirəsinə çıxarılması gözlənilir.Qeyd edək ki, mövcud qanunvericiliyə görə, qanunsuz olaraq silahın, partlayıcı maddənin saxlanılması, istifadəsi, başqasına verilməsi və satılmasına görə azadlıqdan məhrumetmə 3 ildən 7 ilə qədərdir.xeber100.com

İrimiqyaslı hərbi təlimlər başlayıb

ABŞ və Cənubi Koreya növbəti birgə irimiqyaslı hərbi təlimlərə başlayıb.“Gazeta.ru”nun verdiyi xəbərə görə, təlimlərə Cənubi Koreya Silahlı Qüvvələrinin 300 minədək hərbçisi və 11 500 amerikalı hərbçi cəlb edilib.Məlumata görə, Şimali Koreyanı qıcıqlandırmamaq məqsədi ilə təlimlərdə yalnız müdafiə vasitələrindən istifadə etmək qərara alınıb.xeber100.com

Papua-Yeni Qvineyanın şərq sahillərində sunami təhlükəsi elan edilib

Papua-Yeni Qvineyanın şərq sahillərində baş verən 7,2 bal gücündə zəlzələdən sonra sunami təhlükəsi elan edilib.ABŞ Sakit okean Sunami Xəbərdarlığı Mərkəzi xəbər verir ki, zəlzələdən sonra Papua-Yeni Qvineyanın bəzi rayonlarında qabarma zamanı dalğaların hündürlüyünün 1 metrdən artıq olacağı bildirilir.Eyni zamanda, Solomon adalarında da 0,3 metr hündürlükdə sunami gözlənilir.xeber100.com

5,1 bal gücündə zəlzələ baş verib

Martın 30-da səhər saatlarında Yaponiyanın mərkəzi hissəsində 5,1 bal gücündə zəlzələ baş verib.Azərtac Yaponiya Milli Meteorologiya Agentliyinə istinadla xəbər verir ki, yeraltı təkanların episentri İbaraki prefekturasında, ocağı 60 kilometr dərinlikdə yerləşib.Dağıntılar və zərərçəkənlər barədə hələlik məlumat verilmir. Meteoroloqlar sunami xəbərdarlığı elan etsələr də, onu bir neçə dəqiqədən sonra ləğv ediblər. Zəlzələnin Fukuşima, İbaraki, Çiba və paytaxt regionu daxil olmaqla Yaponiyanın şimal-şərqində yerləşən altı prefekturada hiss olunduğu bildirilir.xeber100.com

ANSA agentliyinin məlumatına görə…

Aprelin 8-də baş tutacaq Roma marafonunda rekord sayda insan öz gücünü sınayacaq.İtaliyanın ANSA agentliyi xəbər verir ki, yarışda 14100 marafonçunun iştirakı gözlənilir.Təşkilatçılar məlumat veriblər ki, iştirakçılardan 7670-i italyan, 6430 nəfər isə ayrı-ayrı 130 ölkədən qatılacaq idmançılar olacaq.xeber100.com

Myanma parlamentində keçirilən seçkidə…

Myanma parlamentində keçirilən seçkidə Vin Mint ölkənin yeni prezidenti seçilib.Xarici KİV-lər xəbər verir ki, martın 21-də Thin Çjonun istefası ilə əlaqədar prezident vəzifəsinə bu gün parlamentdə seçki keçirilib. Vin Min böyük səs çoxluğu ilə dövlət başçısı vəzifəsinə seçilib.Qeyd edək ki, 66 yaşlı Vin Min 2011-2016-cı illərdə ölkənin kommersiya naziri, 2016-cı ilin fevralından cari il martın 11-dək parlamentin sədri vəzifəsində çalışıb.xeber100.com

Azad iqtisadi zona yaradılır

Martın 28-də Ukrayna və İsrail hökumət nümayəndələri iki ölkə arasında azad iqtisadi zonanın yaradılması haqqında razılaşmaya dair danışıqları başa çatdırıblar.Azərtac xəbər verir ki, bu barədə Ukraynanın İqtisadi İnkişaf və Ticarət Nazirliyinin mətbuat xidməti məlumat yayıb.Ukrayna Baş nazirinin birinci müavini Stepan Kupiv jurnalistlərə açıqlamasında bildirib ki, iki ölkə arasında azad iqtisadi zonanın yaradılması Ukrayna mallarının ixracının artmasına öz töhfəsini verəcək. Bundan başqa, iki ölkə arasında idxal rüsumları azaldılacaq, ticarət əməliyyatları artacaq.Ukraynanın Baş naziri Vladimir Qroysman isə vurğulayıb ki, bu razılaşma Ukrayna mallarının ixracatına yeni imkanlar açacaq və ukraynalı biznesmenlər üçün yeni bazar yaradacaq. Onun sözlərinə görə, 2017-ci ildə Ukraynadan İsrailə ixrac həcmi 781,2 milyon dollar olub.xeber100.com

Beynəlxalq konfrans işə başlayıb

Özbəkistanın paytaxtı Daşkənddə Əfqanıstan üzrə “Sülh prosesi, təhlükəsizlik sahəsində əməkdaşlıq və regional qarşılıqlı fəaliyyət” adlı beynəlxalq konfrans işə başlayıb.Azərtac xəbər verir ki, tədbirdə Özbəkistan və Əfqanıstan prezidentləri Şavkat Mirziyoyev və Məhəmməd Əşrəf Qani, BMT-nin Əfqanıstan üzrə xüsusi nümayəndəsi Tadamiti Yamamoto, Avropa İttifaqının xarici siyasət və təhlükəsizlik məsələləri üzrə ali nümayəndəsi Federika Moqerini və digər rəsmi şəxslər iştirak edirlər. Tədbirə Rusiya, ABŞ, Almaniya, Çin, Böyük Britaniya, İtaliya, Fransa, Türkiyə, Hindistan, İran, Pakistan, Səudiyyə Ərəbistanı, Birləşmiş Ərəb Əmirlikləri, Qazaxıstan, Qırğızıstan, Tacikistanın və Türkmənistanın xarici siyasət idarələrinin rəhbərləri və ya müavinləri də qatılıblar. Ümumiyyətlə, konfransda 20 ölkənin və beynəlxalq təşkilatların yüksək səviyyəli nümayəndə heyətləri iştirak edirlər.xeber100.com

Misirdə prezident seçkiləri keçirilir

Misirdə prezident seçkilərində səsvermənin ikinci günü başlanıb. Yerli vaxtla səhər saat 09:00-da seçkim məntəqələri yenidən milyonlarla misirli üçün öz qapılarını açıb. Daha fəal seçicilər səsvermə məntəqələrinin açılmasına bir saat qalmış oraya gəliblər.Azərtac xəbər verir ki, Misir sakinləri gələcək dövlət başçısını iki namizəd arasından seçəcəklər. Dövlət başçısı vəzifəsinə iki namizəd iddia edir – seçkilərin favoriti, ölkənin hazırkı prezidenti Əbdülfəttah əs-Sisi və Misirin “Al Qad” partiyasının lideri Musa Mustafa Musa.Səsvermənin birinci günü sakit şəraitdə və kifayət qədər fəal keçib. Seçicilərin yüksək fəallığı müşahidə olunub. Onların çoxu hələ səsvermə məntəqələri açılana qədər növbə tutublar. Səsvermə prosesində qadınlar xüsusi fəallıq göstəriblər. Misirin Milli Seçki Komissiyasının məlumatına görə, Qahirədə, Giza, İsgəndəriyyə, Qalubiyyə, Asyut və Asuan əyalətlərində, həmçinin Sinay yarımadasının şimalında və Misirin yeni inzibati paytaxtında seçicilərin yüksək fəallığı müşahidə olunub.xeber100.com