“Gem Diamonds Ltd” kompaniyasının məlumatı

Dünya tarixi ərzində ölçüsünə görə ən böyük almazlardan biri martın 12-də Belçikanın Antverpen şəhərində keçirilən hərracda 40 milyon dollara satılıb.Xarici KİV-lər xəbər verir ki, bu barədə Böyük Britaniyanın almaz hasilatı ilə məşğul olan “Gem Diamonds Ltd” kompaniyası məlumat yayıb.Bu ilin yanvar ayında Afrikanın Lesoto krallığında yerləşən Letsenq mədənində tapılmış 910 karatlıq almaz “Lesoto əfsanəsi” (Lesotho Legend) adlanır. O, rəngsiz və qatışığı olmayan qiymətli daşdır.Xatırladaq ki, Letsenq mədəni “Gem Diamonds” və Lesoto hökumətinin müştərək mülküdür. Ölçüsünə görə dünyanın 15-ci ən böyük almazı olan 603 karatlıq “Lesotonun vədi” də 2006-cı ildə bu mədəndə tapılmışdı.xeber100.com

Türkiyə Böyük Millət Məclisi yeni qanun layihəsi qəbul edib

Türkiyə Böyük Millət Məclisi siyasi partiyaların seçki ittifaqına dair qanun layihəsi qəbul edib.Azərtac xəbər verir ki, bu layihə hakim Ədalət və İnkişaf Partiyası ilə müxalifətdə olan Millətçi Hərəkat Partiyası tərəfindən hazırlanmış 26 maddəlik sənəddir. Qanuna əsasən, eyni binada yaşayan seçicilər yaşayış yerinin saxlanılması və eyni seçki dairəsində qalmaları şərti ilə müxtəlif seçki məntəqələrində qeydiyyata düşə biləcəklər.xeber100.com

Ukrayna Kosmik Agentliyi kosmodrom tikməyi planlaşdırır

Ukrayna Dövlət Kosmik Agentliyi Avstraliyanın qərbində kosmodrom tikməyi planlaşdırır.Azərtac yerli mətbuata istinadən xəbər verir ki, Ukrayna tərəfi bu təkliflə hələ 2016-cı ildə çıxış edib.Ukraynanın Avstraliyadakı səfiri Nikolay Kuliniç bildirib ki, ölkəsinin qlobal kosmik yarışda böyük təcrübəsi var. Bu çox real təklifdir. Əgər Avstraliyada istifadə oluna biləcək yer varsa, biz ekspertlərimizi təklif edə bilərik.Kosmik Agentliyin məlumatına əsasən, kosmodrom tikintisi üçün 5-7 min kvadrat kilometr sahə lazımdır. Bu ərazinin ölkənin qərbində, Kertin aviabazasının yaxınlığında olması daha məqsədəuyğun hesab edilir.xeber100.com

Avropa İttifaqı yeni makro-maliyyə layihəsi çərçivəsində

Avropa İttifaqı yeni makro-maliyyə layihəsi çərçivəsində Ukraynaya 1 milyard avro məbləğində kredit ayırmağa hazırdır.Azərtac xəbər verir ki, bu fikri Kiyevdə keçirdiyi mətbuat konfransında Avropa İttifaqının xarici siyasət və təhlükəsizlik məsələləri üzrə ali nümayəndəsi Federika Moqerini söyləyib.Onun sözlərinə görə, Ukraynada iqtisadiyyatın inkişafı Avropa İttifaqının marağındadır. Bu yardım Ukrayna iqtisadiyyatının inkişafı və struktur islahatlarına ayrılacaq.“Bu dəstək onu göstərir ki, Avropa İttifaqı ilə Ukrayna arasında dostluq sözdə yox, əməldədir”, - deyə F.Moqerini əlavə edib.xeber100.com

Təhlükəsizlik məsələləri ABŞ Konqresində müzakirə ediləcək

Gürcüstan prezidenti Georgi Marqvelaşvili Brüsselə rəsmi səfərini başa çatdıraraq, ABŞ-a səfərə yola düşüb.“RİA Novosti”nin verdiyi xəbərə görə, bu barədə Gürcüstan Təhlükəsizlik Şurasının katibi David Rakviaşvili bildirib.“Gürcüstanın milli təhlükəsizlik məsələləri səfərin əsas məqsədidir. Bir neçə tədbir nəzərdə tutulub. Onlardan biri – regional təhlükəsizlik məsələləri və ölkə qarşısında duran çağırışların ABŞ Konqresində müzakirəsi. Prezident ABŞ Senatında da analoji çıxışlar edəcək”, - deyə David Rakviaşvili bildirib.Onun sözlərinə görə, səfər çərçivəsində bir neçə mühümlər keçiriləcək, universitetlərdə çıxışlar da nəzərdə tutulub.xeber100.com

Liviya sahillərində 335 miqrant xilas edilib

Liviya Hərbi-Dəniz Qüvvələri ötən gün Aralıq dənizində 335 miqrant xilas edib.“RİA Novosti”-nin verdiyi xəbərə görə, bu barədə Hərbi-Dəniz Qüvvələrinin komandanı Əyyub Qasım bildirib.“Miqrantlar Misir, Mərakeş və Əlcəzair daxil olmaqla bir neçə Afrika və ərəb ölkələrinin vətəndaşlarıdır”, - deyə komandan bildirib.Onun sözlərinə görə, ümumilikdə, martın 10-da üç xilasetmə əməliyyatı keçirilib.Miqrantlar paytaxt Tripolidəki hərbi dəniz bazasına gətirib.Qaçqınlara tibbi yardım göstərildikdən sonra onlar Tripolidəki qanunsuz miqrasiya ilə mübarizə departamentinə aparılıblar.xeber100.com

Yonhap informasiya agentliyinin məlumatı

Cənubi Koreya Prezidenti Mun Ce-in onun KXDR lideri Kim Çen Inla görüşünün hazırlığı ilə məşğul olacaq komissiya yaradıb. Komissiyaya prezident administrasiyasının rəisi İm Çjon Sok rəhbərlik edəcək.Yonhap informasiya agentliyinə istinadla xəbər verir ki, bu barədə Koreya Respublikası prezidentinin mətbuat katibi məlumat yayıb. “Komitənin əsas vəzifəsi aprel sammitinə dair real sazişə nail olmaqdır”, - deyə məmur bildirib.Bundan əlavə, Mun Ce-in ABŞ Prezidenti Donald Trampla KXDR lideri Kim Çen Inın görüşü barədə əldə olunan razılaşmanı da təqdir edib. “May ayında baş tutacaq görüş Koreya yarımadasında real sülhə nail olmaq üçün tarixi mərhələdir. Əgər Prezident Tramp və Kim Çen In Koreyalararası sammitdən sonra görüşsələr, Koreya yarımadasının nüvəsizləşdirilməsi doğru məcraya yönələr”, - deyə prezident qeyd edib.Bu ərəfədə məlum olub ki, Prezident Donald Tramp Şimali Koreya lideri Kim Çen Inla may ayınadək görüşməyə razılıq verib. Eyni zamanda, KXDR konkret addımlar atana qədər ABŞ ona təzyiq göstərmək mövqeyində dayanır.xeber100.com  

ABŞ-da rüsumlar tətbiq edilərsə…

ABŞ-da rüsumlar tətbiq edilərsə, Avropa dərhal buna münasibət bildirəcək.Azərtac xəbər verir ki, Avropa İttifaqının iqtisadiyyat və maliyyə məsələləri üzrə komissarı Pyer Moskovisi bu fikirləri Fransanın BFM-TV telekanalına bu gün verdiyi müsahibədə söyləyib.Əgər metallurqların məhsullarına Tramp tərəfindən anons edilmiş rüsumlar qüvvəyə minərsə, Avropa İttifaqı özünün sərəncamında olan cavab tədbirlərinin “bütöv arsenalı”ndan istifadə etməyə hazırdır. Belə mümkün tədbirlər sırasına ABŞ-dan idxal edilən sitrus meyvələri, tütün və viski üçün rüsumlar tətbiq edilməsi daxildir.Trampın elan etdiyi rüsumlar Almaniya iqtisadiyyatı üçün ciddi təhlükə mənbəyidir. Məsələn, Almaniyada poladtökmə sənayesi sahəsində yaradılmış on minlərlə iş yerinin bir hissəsi zərbə altına düşə bilər.Avropa İttifaqı ölkələrindən avtomobil idxalı üçün rüsumların tətbiq edilməsi imkanı da iqtisadiyyat üçün ciddi problemlər yaradacaq.xeber100.com  

5,7 maqnitudalı zəlzələ baş verib

Bu gün İndoneziya sahillərində 5,7 maqnitudalı zəlzələ olub.Apa-nın məlumatına görə, bu barədə ABŞ Geologiya Xidməti məlumat yayıb.Yerli vaxtla saat 03.51 po radələrində baş verən zəlzələnin ocağı Amaxay yaşayış qəsəbəsindən 221 km şərqdə, 7,9 km dərinlikdə yerləşib.Dağıntı və tələfat barədə məlumat daxil olmayıb.xeber100.com

RİA Novosti agentliyinin məlumatı

ABŞ-ın şimal-şərqində tüğyan edən güclü qar fırtınası səbəbindən 3 mindən çox aviareys ləğv edilib, 9 mindən çoxu isə təxirə salınıb.RİA Novosti agentliyinin verdiyi xəbərə görə, təbii fəlakətdən ən çox Nyu-York, Konnektikut, Vermont, Massaçusets və Pensilvaniya ştatlarının zərər çəkdiyi bildirilir.Qeyd olunur ki, bu son həftə ərzində regionda müşahidə olunan sayca ikinci güclü qar fırtınasıdır.xeber100.com