Rumıniya Konstitusiyasına görə…

Rumıniya Prezidenti Klaus Yohannis sabiq Baş nazir Mixay Tudosenin istefasından sonra onun yerinə müvəqqəti olaraq hazırkı müdafiə naziri Mixay Fiforu təyin edib.Azərtac xəbər verir ki, Rumıniya Konstitusiyasına görə, Prezident hökumətin hər hansı bir üzvünü müvəqqəti Baş nazir vəzifəsinə təyin edə bilər. Müvəqqəti Baş nazir səlahiyyətlərini Yeni hökumətin formalaşmasına kimi ən çox 45 gün icra etmək olar.Qeyd edək ki, Rumıniyanın hakim Sosial-Demokrat Partiyasının icraiyyə komitəsi Baş nazirin siyasi dəstəkdən məhrum edilməsinin lehinə səs verib. Nəticədə Baş nazir Mixay Tudose istefa verdiyini bəyan edib.xeber100.com

Vyanada etiraz mitinqi keçirilib

Avstriyada yeni hökumətin fəaliyyətinə etiraz olaraq Vyananın mərkəzində 20 mindən artıq nümayişçinin iştirakı ilə dinc etiraz aksiyası keçirilib.Azərtac xəbər verir ki, şəhərin əsas küçələri ilə hərəkət edən nümayiş Prezident Aparatı və Federal Kansler Aparatının yerləşdiyi Heldenplatz meydanında etiraz mitinqi ilə yekunlaşıb. Bir neçə siyasi qurumun birgə təşkil etdiyi etiraz yürüşündə Avstriya Xalq Partiyası (ÖVP) və sağçı-radikal Avstriya Azadlıq Partiyasının (FPÖ) təşkil etdiyi hökumət rassist və sağçı eksremist tendensiyalarına meyilli olmaqda tənqid olunub. “Humanist sığınacaq siyasəti”, “Sağçılara qarşı hücum”, “Radikal solçular” platformaları ilə yanaşı, aksiyaya yaşlı nəslin nümayəndələrindən ibarət “Nənələr sağçılara qarşı” kimi sosial şəbəkələr vasitəsilə formalaşmış qruplar da qatılıblar.Nümayişçilərin əsas hədəfi isə yeni hökumətdə daxili işlər naziri vəzifəsini tutan Herbert Kikl (FPÖ) olub. Qaçqın və miqrantlarla bağlı sərtləşdirilmiş qaydaların tətbiqinə tərəfdar olan H. Kiklin gələcəkdə ölkəyə gələn qaçqınları mərkəzləşdirilmiş şəkildə kamplarda saxlamaq təklifi mediada böyük səs-küyə səbəb olub. Daxili işlər nazirini tənqid edənlər onu bilərəkdən nasist əsir düşərgələri ilə assosiasiya yaradan anlayışlardan istifadə etməkdə və siyasətini də bu istiqamətdə təşkil etməkdə günahlandırıblar.xeber100.com

Türkiyə Xarici İşlər Nazirliyinin məlumatı

Türkiyənin Xarici İşlər Nazirliyi ABŞ-ın rəhbərlik etdiyi koalisiyanın PKK-nın Suriya qolu sayılan PYD/YPG-nin əsasında təşkil edəcəyi 30 minlik sərhəd təhlükəsizliyi qüvvələri yaratmaq planı barədə açıqlamaya kəskin etirazını bildirib.Azərtac Türkiyə XİN-in rəsmi saytına istinadla xəbər verir ki, rəsmi Ankara Suriya ərazısındə İŞİD terrorçu qruplaşmasından təmizlənən bölgələrin Suriya Sərhəd Təhlükəsizliyi Qüvvələri adı altına qurulacaq, əslində isə PYD/YPG terrorçu qruplaşmasının yerləşməsinə şərait yaradılmasını və dəstəklənməsini yolverilməz hesab edir. Bildirilir ki, koalisiya qüvvələri bu məsələni Türkiyə ilə müzakirə etməyib.Prezidentin sözçüsü İbrahim Kalın da məsələyə dərhal kəskin reaksiya verərək qeyd edib ki, Türkiyə beynəlxalq hüquq normaları çərçivəsində öz təhlükəsizliyini bundan sonra da təmin edəcək.xeber100.com

Türkiyə ordusu hərbi əməliyyata hazırlaşır

Türkiyə ordusu yaxın günlərdə Suriyanın Afrin bölgəsinin PKK terror təşkilatının Suriya qolu PYD/YPG-dən azad edilməsi əməliyyatına başlayacaq.Apa-nın məlumatına görə, bunu bu gün Türkiyə prezidenti, hakim Ədalət və İnkişaf Partiyasının (AKP) sədri Rəcəb Tayyib Ərdoğan Tokat rayonunda AKP-nin rayon təşkilatının konfransında bəyan edib.R. T. Ərdoğan deyib ki, Türkiyə ordusunun Afrin əməliyyatı zamanı ABŞ və digər müttəfiqlərdən özlərini müttəfiq kimi aparmasını gözləyir: "Biz bölgədə ABŞ-la birlikdə hərəkət edə biləcəyimizi düşünürük. Biz onlardan Türkiyənin qanuni səylərinə dəstək verməyi gözləyirik. Afrin əməliyyatı zamanı onların bölgədəki hərbi qüvvələrinin terrorçularla eyni sırada yer almayacağına ümid edirik. Afrin əməliyyatının da "Fərat qalxanı" əməliyyatı kimi zəfərlə yekunlaşacağına inanıram".xeber100.com

BMT çərçivəsində beynəlxalq konfrans keçiriləcək

Fələstin Azadlıq Təşkilatı (FAT) İcraiyyə Komitəsi paytaxtı Şərqi Qüdsdə olmaqla Fələstin dövlətinin yaradılması məqsədi ilə BMT çərçivəsində beynəlxalq konfrans keçirməyə çağırıb.Bu barədə FAT-ın ötən axşam yaydığı bəyanatda deyilir.FAT müstəqil Fələstin dövlətinin 1967-ci ildən əvvəl olan sərhədlərdə yaradılmasına ümid edilir.Bundan başqa, konfransın işində Fələstin qaçqınlarının problemlərinin həlli variantları, İsrail həbsxanalarında fələstinli məhbusların vəziyyəti və BMT qətnamələrinə uyğunluluq müzakirə ediləcək.xeber100.com

Çili hökumətinin tələbinə əsasən…

Çili hökuməti Dünya Bankından ölkə iqtisadiyyatının rəqabət qabiliyyətliliyinə dair faktların təhrif edilməsi ilə bağlı "Doing Business" reytinqinin müəyyənləşdirilməsi sahəsində təhqiqat aparmağı tələb edib.TASS agentliyinin verdiyi məlumata görə, bunu Çili prezidenti Mişel Baçelet bəyan edib.Çili prezidenti "Twitter" sosial şəbəkəsindəki səhifəsində yazıb ki, ölkələrin reytinqinin müəyyənləşdirilməsi ilə məşğul olan beynəlxalq institutlar etibarlı olmalıdır: "Çünki həmin beynəlxalq təşkilatların açıqladığı reytinqlər sərmayə qoyuluşuna və ölkənin inkişafına təsir göstərir".xeber100.com

5,3 maqnitudalı zəlzələ baş verib

Bu gün Əfqanıstanın şimalında 5,3 maqnitudalı zəlzələ baş verib.Bu barədə ABŞ Geologiya Xidməti məlumat yayıb.Zəlzələnin ocağı Fayzabad şəhərindən 71,1 km uzaqlıqda, 204,2 km dərinlikdə yerləşib.Dağıntı və tələfat barədə məlumat daxil olmayıb.xeber100.com

Britaniyanın Müdafiə Nazirliyi yeni ixtisarlar planlaşdırır

Böyük Britaniyanın Müdafiə Nazirliyi yeni ixtisarlar planlaşdırır. Krallığın hərbi büdcəsi növbəti 10 ildə 27 milyard dollar azala bilər. Həmçinin 14 min əsgərin ordudan tərxis olunacağı gözlənilir.“The Times” qəzeti xəbər verir ki, tərxis olunacaq əsgərlər arasında 11 min hərbçi, 2 min dəniz piyadası və Hərbi Hava Qüvvələrinin 1200 mütəxəssisi var. Bundan başqa, qənaət məqsədilə dəniz piyadaları və desantlar bir bölmədə birləşdiriləcək.Qeyd edək ki, hazırda Böyük Britaniya Silahlı Qüvvələrinin sayı 83 min nəfər təşkil edir. 2003-cü ildə bu göstərici 112 min nəfər idi. İxtisarlardan sonra Birləşmiş Krallıq ordusunun heyəti son 200 il ərzində ən aşağı miqdara enəcək. Yeri gəlmişkən, 2017-ci ildə britaniyalılar müdafiəyə 60 milyard dollar ayırıb.xeber100.com

İranın Təhlükəsizlik Nazirliyinin bəyanatı…

Qanunsuz yollarla İrana daxil olan terrorçu dəstə zərərsizləşdirilib.Azərtac-ın məlumatına görə, bu barədə İranın Təhlükəsizlik Nazirliyi bəyanat yayıb.Bəyanatda deyilir ki, İranın qərbində yerləşən Sərdəşt şəhərində aparılan əməliyyat-axtarış tədbirləri nəticəsində 3 nəfər saxlanılıb. Onların üzərinə baxış keçirilib və qanunsuz olaraq “Kalaşnikov” avtomatı aşkar edilib. Həbs olunanların yaşadıqları mənzillərə baxış zamanı “Molotov kokteyli” hazırlamaq üçün maddə aşkar edilərək müsadirə olunub.Bəyanatda bildirilib ki, bu adamlar Avropada təlim keçərək İrana göndərilib və burada sabitliyi pozmaq tapşırığı alıblar.Hələlik istintaq davam edir. Həbs olunanların İrandakı əlaqələri və sabitliyi pozmaq planları araşdırılır.xeber100.com

ATƏT-in Daimi Şurasının xüsusi iclası keçirilib

Yanvarın 11-də İtaliyanın ATƏT-də sədrliyinin başlaması münasibətilə Vyanada ATƏT-in Daimi Şurasının xüsusi iclası keçirilib. İclasda təşkilatın fəaliyyətdə olan sədri, İtaliyanın xarici işlər naziri Ancelino Alfano ölkəsinin sədrlik dövrü üçün proqramını və prioritet istiqamətləri açıqlayıb.Xüsusi iclasdan öncə yayılan bəyanatda qeyd edilib ki, İtaliya beynəlxalq təşkilata sədrliyi dövründə “Dialoq, himayədarlıq, məsuliyyət” şüarı altında açıq, şəffaf və əhatəli fəaliyyət göstərəcək. Bildirilib ki, İtaliya sədrlik dövründə ATƏT-in bütün iştirakçı dövlətləri daxilində və onlar arasında bölünmələri aradan qaldırmaq üçün səylərini aparmağa çalışacaq.Çıxışında, həmçinin ATƏT məkanında münaqişələrə toxunan sədr ölkəsinin ATƏT-in Minsk qrupu həmsədrlərinin Dağlıq Qarabağ münaqişəsinin sülh yolu ilə həlli istiqamətində səylərini dəstəkləməyə davam edəcəyini vurğulayıb.xeber100.com