Dekabrın 22-də Yaponiyanın hakimiyyət orqanları 2018-ci maliyyə ili (2018-ci il aprelin 1-də başlayır) üçün büdcə layihəsini təsdiq edib.Azərtac xəbər verir ki, bu barədə Yaponiya hökuməti məlumat yayıb.Sənədə görə, növbəti maliyyə ili üçün dövlət büdcəsinin ümümi məbləği 97,7 trilyon yen (təqribən 861 milyard dollar) təşkil edəcək ki, bu da cari ildəkindən 260 milyard yen (təqribən 2,2 milyard dollar) çoxdur. Büdcənin üçdə birindən çox hissəsi sosial sahəyə, o cümlədən əhaliyə səhiyyə xidmətinin göstərilməsinə sərf ediləcək. Təqribən 5,19 trilyon yen (45,7 milyard dollar) vəsaitin müdafiə xərclərinə yönəldilməsi nəzərdə tutulur ki, bunun da əsas hissəsi Koreya yarımadasında artan gərginliklə əlaqədar yeni silahların alınmasına xərclənəcək.Burada söhbət Tokionun Vaşinqtonla birlikdə hazırladığı yeni “SM-3 Bock 2A” raket əleyhinə sistemdən gedir. Bundan əlavə, hökumət vəsaitin bir hissəsini ABŞ-a məxsus yerüstü “Aegis Ashore” raket əleyhinə sistemlərin alınmasına və Yaponiya ərazisində yerləşdirilməsinə hazırlıq işlərinə sərf etməyi planlaşdırır. Cari illə müqayisədə gələn il müdafiə məqsədlərinə ayrılacaq xərclər 1,5 faiz artacaq.Yaponiya hökuməti, eyni zamanda, cari maliyyə ili üçün 2,89 trilyon yen (25,4 milyard dollar) məbləğində əlavə büdcə ayrılması barədə də qərar qəbul edib. Həmin vəsaitin bir çox regionlarda, o cümlədən Hokkaydo adasında təbii fəlakət nəticəsində dəymiş zərərin aradan qaldırılmasına sərf olunacağı bildirilir. Bununla yanaşı, hökumət “Aegis Ashore” komplekslərinin yerləşdiriləcəyi Akita və Yamaquçi prefekturalarında ekoloji ekspertiza üçün də 2,1 milyard yen (18 milyon dollar) xərcləməyi nəzərdə tutur.xeber100.com
