Yaponiya hökumətinin qərarına əsasən…

Yaponiya hökumətinin qərarına əsasən ölkənin Müdafiə Nazirliyi nəzdində kosmosda və kiberməkanda əməliyyatların idarə edilməsi məqsədilə xüsusi mərkəz yaradılacaq.Kyodo agentliyi xəbər verir ki, həmin mərkəz ABŞ və NATO-nun müvafiq hərbi strukturları ilə sıx əməkdaşlıq edəcək.Mərkəzin həmkarları ilə birlikdə yerətrafı orbitdə yerləşən digər aparatları məhv etmək üçün nəzərdə tutulan hərbi süni peykləri izləyəcəyi nəzərdə tutulur. Eyni zamanda, nazirliyini nəzdində fəaliyyət göstərən kibertəhlükəsizlik üzrə bölmənin əməkdaşlarının sayının da hazırkı 110 nəfərdən 1000 nəfərədək artırılması planlaşdırılır.Agentliyin bildirdiyinə görə, yeni mərkəzin yaradılması hökumətin 2018-ci ildə milli müdafiə proqramının əsas istiqamətlərinin müəyyən edilməsi layihəsi çərçivəsində həyata keçiriləcək.xeber100.com

Atatürk Hava Limanında uçuş qrafiki pozulub

İstanbulda fırtınalı hava şəraiti Atatürk Hava Limanında uçuş qrafikini pozub.Azərtac xəbər verir ki, güclü külək səbəbindən dekabrın 17-də gecə saatlarından başlayaraq sərnişin təyyarələrinin eniş və qalxışında yaranmış problemlərin dekabrın 20-dək davam edəcəyi bildirilir. Ləngiyən və təxirə salınan reyslər barədə sərnişinlərə məlumat verilir.xeber100.com

Avstriya federal hökumətinin andiçmə mərasimi keçirilib

Yeni qurulmuş Avstriya federal hökumətinin dekabrın 18-də andiçmə mərasimi keçirilib.Dövlət başçısı Aleksander Van der Bellen yeni hökumətin üzvlərini qəbul edib. Bununla da Avstriya tarixində üçüncü dəfə mühafizəkar Avstriya Xalq Partiyası (ÖVP) və sağçı Avstriya Azadlıq Partiyasının (FPÖ) koalisiyasından ibarət hökumət rəsmi fəaliyyətə başlayıb.Avstriya Prezidenti andiçmə mərasimində yeni hökumətdən insan haqlarının qorunmasına, eləcə də Avropa dəyərlərinə sadiqlik gözlədiyini bildirib.Sağçı-populist Avstriya Azadlıq Partiyasının hökumətdə təmsil olunması həm ölkə daxilində, həm də xaricdə birmənalı qarşılanmır. Avropa dəyərləri, miqrant və qaçqın məsələlərində radikal mövqeyi ilə tanınan partiyanın hakimiyyətə gəlişi ilə bağlı dekabrın 18-də Vyanada Prezident Administrasiyasının yerləşdiyi “Hofburq” sarayı qarşısında bir neçə min nəfərin iştirakı ilə nümayiş keçirilib.xeber100.com

“RİA Novosti” agentliyinin məlumatı

Bu gün ABŞ-ın İndiana ştatında bir mühərrikli təyyarə qəzaya uğrayıb. "RİA Novosti" agentliyinin verdiyi məlumata görə, qəza nəticəsində təyyarədə olan 3 nəfər ölüb.Təyyarənin Missuridən Merilendə uçduğu bildirilir.xeber100.com

TSN telekanalının məlumatına görə…

Ukrayna əhalisi bu ilin 9 ayı ərzində 150 min nəfər azalıb.Apa-nın məlumatına görə, bu barədə TSN telekanalı Dövlət Statistika Komitəsinə istinadən məlumat yayıb.Əhalinin azalmasında yüksək ölüm səviyyəsi vacib rol oynasa da, doğum səviyyəsinin aşağı olması əsas amil olaraq qalır. BMT reytinqinə əsasən Ukrayna doğum səviyyəsinə görə 172-ci yerdədir.Ukraynanın şərqində silahlı qarşıdurma, valideynlərin maliyyə durumu və sosial zəmanətlər də əhalinin azalmasına təsir göstərən amillər sırasında qeyd edilib.xeber100.com

5,2 bal gücündə zəlzələ baş verib

Yaponiya sahillərində 5,2 bal gücündə zəlzələ baş verib.Apa-nın xəbərinə görə, bu barədə Avropa-Aralıq dənizi Seysmoloji Mərkəzi məlumat yayıb.Yeraltı təkanların episentri Miyako adasından 6 km şərqdə, ocağı isə 60 km dərinlikdə yerləşib.Dağıntı və zərərçəkənlər barədə məlumat daxil olmayıb.xeber100.com

“La Nazione” qəzeti yazır…

İtaliyanın Florensiya şəhəri yaxınlığında katolik kilsəsinin ərazisində məscid inşa ediləcək.Bu barədə ölkənin nüfuzlu “La Nazione” qəzeti məlumat yayıb.Florensiya şəhəri yaxınlığındakı katolik kilsəsinin ərazisində məscidin inşası ilə bağlı anlaşma protokolu bu gün imzalanacaq.Protokola əsasən Fiorentinanın Sesto əyalətindəki universitetin ərazisində dini mərkəzin yaradılması da nəzərdə tutulur.xeber100.com

İspaniya parlamenti yeni qanun qəbul edib

İspaniya parlamenti ev heyvanlarının statusunu müəyyənləşdirən qanuna dəyişiklik edib.Azərtac xəbər verir ki, parlamentin yekdilliklə qəbul etdiyi yeni qanuna görə, ev heyvanları artıq mülkiyyət hesab edilməyəcək. Onlar “canlı varlıq” statusu almaqla hüququn subyektinə çevrilirlər.Bu qanun ev heyvanlarının hüquqlarını insanlarla bərabərləşdirməsə də, onlar əvvəlkindən fərqli status əldə edirlər. Köhnə qanuna görə, ev heyvanları avtomobil, ev əşyaları kimi insanın mülkiyyəti hesab edilirdi. Bu, bəzən ona gətirib çıxarırdı ki, məhkəmə borca görə heyvanın müsadirə edilməsi barədə qərar verə bilirdi. Yeni qanuna görə isə bu, mümkün olmayacaq. Ailələr boşanarkən hakim ev heyvanının tərəflərdən hansı ilə qalacağına qərar verməli olacaq.xeber100.com

İtaliya Kosmik Agentliyinin məlumatı

Avropa Kosmik Agentliyinin (EKA) ekipaj üzvləri - italiyalı Paolo Nespoli, amerikalı Rendolf Breznik və rusiyalı Sergey Ryazanskiy “Soyuz” kosmik gəmisində Qazaxıstan ərazisində yerə eniblər.Azərtac xəbər verir ki, EKA-nın ekipaj üzvləri 139 gün kosmosda qaldıqdan sonra yerə qayıdıblar.İtaliya Kosmik Agentliyi (ASI) kosmonavtlara verilən tapşırığın yerinə yetirildiyini bildirib.xeber100.com

“Trans Austria Gasleitung” boru kəməri vasitəsilə

İtaliyanın qaz-infrastruktur şirkəti SNAM bildirib ki, Rusiyadan Avstriya ərazisindən keçməklə “Trans Austria Gasleitung” boru kəməri vasitəsilə İtaliyaya qaz nəqli yenidən bərpa olunub.Xatırladaq ki, dekabrın 12-də səhər saatlarında Rusiyadan İtaliyaya nəql olunan qazın kəsilməsinə səbəb Avstriyanın Baumqarten qazpaylayıcı terminalında baş verən partlayış olub. Qəza nəticəsində 1 nəfər həyatını itirib, 21 nəfər yaralanıb.xeber100.com