Yaponiyada raket buraxılışı ilə əlaqədar təlimlər keçiriləcək

Avqustun 18-də Yaponiyanın doqquz prefekturasında Koreya Xalq Demokratik Respublikası (KXDR) Quam adası istiqamətində raket buraxacağı təqdirdə fövqəladə vəziyyətlə əlaqədar təcili xəbərdarlıq sisteminin yoxlanması üçün təlimlər keçiriləcək. NHK telekanalının yaydığı məlumata görə, həmin prefekturalar arasında 1945-ci ildə atom bombardmanına məruz qalmış Hiroşima da var.Təlimlər KXDR-in Quam rayonuna “Xvason-12” raketləri buraxacağı və bu raketlərin Şimane, Hiroşima və Koti prefekturalarının üzərindən uçacağı barədə rəsmi bəyanatından sonra təcili yardım sistemlərinin yoxlanması məqsədilə keçiriləcək.Təlimlər qeyd edilən prefekturalarla yanaşı, Tottori, Okayama, Yamaquçi, Tokuşima, Kaqava və Ehime prefekturalarında yerləşən yaşayış məntəqələrini də əhatə edəcək.xeber100.com

Beynəlxalq Miqrasiya Təşkilatının məlumatı

İlin əvvəlindən bu günə qədər Avropaya gedən miqrant və qaçqınların sayı 118 min 227 nəfər təşkil edir.RİA Novosti agentliyi xəbər verir ki, bu barədə Beynəlxalq Miqrasiya Təşkilatının nümayəndəsi Coel Millman açıqlamasında bildirib.Onun sözlərinə görə, bu keçən ilə nisbətən iki dəfə azdır. Belə ki, keçən il bu rəqəm 265 min 640 olub.İlin əvvəlindən avqustun 13-nə olan məlumata görə isə Aralıq dənizində Avropa getməyə cəhd göstərərkən ölənlərin sayı 2 min 408 təşkil edir.O bildirib ki, İtaliyaya 97 min 293, Yunanıstana 12 min 191, İspaniyaya 8 min 385, Kipr adalarına 358 miqrant üz tutub.xeber100.com

Koreya Xalq Demokratik Respublikası ətrafında müzakirə

Yaponiyanın Baş naziri Şinzo Abe və ABŞ Prezidenti Donald Tramp telefon danışığı zamanı Koreya Xalq Demokratik Respublikası (KXDR) ətrafında vəziyyəti müzakirə ediblər.NHK telekanalının məlumatına görə, Baş nazir deyib: “Biz Şimali Koreya ətrafında vəziyyətlə əlaqədar açıq söhbət apardıq. Quam istiqamətində raketin buraxılacağı barədə xəbərdarlıq vəziyyəti həddindən artıq gərginləşdirib. Belə vəziyyətdə mən Prezident Donald Trampın müttəfiqlik öhdəliklərinə sadiqliyini yüksək qiymətləndirirəm. Biz belə bir rəyə gəldik ki, Şimali Koreya tərəfindən raket buraxılışının qarşısını Yaponiya, ABŞ və Koreya Respublikası ilə birlikdə üçtərəfli formatda, həmçinin ilk növbədə Çin və Rusiya daxil olmaqla beynəlxalq ictimaiyyətin köməyi ilə almalıyıq”.Xatırladaq ki, Koreya yarımadasında vəziyyət Şimali Koreya və ABŞ liderlərinin kəskin bəyanatlarından sonra xeyli gərginləşib.xeber100.com

“Apple” şirkətinin xahişinə əsasən…

“Apple” şirkəti Hindistan hökumətindən vergi güzəştlərinin bu şirkətin tədarükçülərinə də tətbiq olunmasını xahiş edib.Azərtac “vergiler.az” saytına istinadla bildirir ki, yalnız bu halda ölkə “iPhone” cihazları və onların hissələrinin istehsalı sahəsində mərkəzə çevrilə bilər.Hökumət rəsmilərinin sözlərinə görə, bu xahişin yerinə yetirilməsi üçün qanunvercilik dəyişdirilməlidir.Xatırladaq ki, keçən ilin may ayından ABŞ-ın bu nəhəng texnologiya şirkəti Hindistan hökuməti ilə danışıqlar aparır. Bu danışıqların nəticələri barədə Hindistanın Baş naziri Narendra Modi və şirkətin baş direktoru Tim Kuk arasında “iPhone” cihazlarının ölkə ərazisində istehsalına baza yaratmaq barədə razılaşma əldə edilib.Tərəflər amerikalıların hələ keçən il oktyabr ayında irəli sürdükləri bütün “zəruri şərtlərin” siyahısını müzakirə ediblər. Danışıqların mövzusuna vergi güzəştləri, o cümlədən ayrı-ayrı komponentlərin hazırlanması üçün avadanlıqların və xammalın 15 il müddətinə gömrük rüsumundan azad edilməsi də daxildir.“Apple” şirkəti Tayvandan olan podratçısı “Winstron” ilə birlikdə bu ilin may ayından Hindistanın Banqalor şəhərində “iPhone” istehsalına başlayıb. Buna qədər isə həmin telefonlar yalnız Çində hazırlanırdı.xeber100.com

“Aeroflot” aviaşirkəti 20 aviareysini təxirə salıb

“Aeroflot” aviaşirkəti “Şeremetyevo” aeroportundan bu günə həyata keçirilməli olan 20 aviareysini təxirə salıb.Azərtac aeroportun onlayn tablosuna istinadla xəbər verir ki, buna səbəb Moskva və şəhər ətrafında baş verən güclü külək və yağışdır.Bundan başqa, aviaşirkətin Varşava, Arxangelsk və Sıktıvkara olan reyslərində də ləngimə müşahidə olunub.xeber100.com

Ticarət məhsullarının daşınması üçün yeni dəniz yolu açılıb

Qətər ilə Pakistan arasında ticarət məhsullarının daşınması üçün yeni dəniz yolu açılıb.CNN xəbər verir ki, bu addım iki ölkə arasında ticarət əlaqələrinin inkişafına şərait yaradacaq.Qətər Limanları İdarəsinin məlumatına görə, dəniz ticarət səfərlərinin başlanıldığı bir vaxtda bu addımın atılması müsbət haldır. Bu çərçivədə 1200 konteyner yüklü gəmi artıq Qətərə doğru yola çıxıb.xeber100.com

ABŞ Geoloji Xidmətinin məlumatına görə…

İndoneziyanın Cənubi Sumatra adası sahillərində 6,4 bal gücündə zəlzələ baş verib.Azərtac xəbər verir ki, bu barədə ABŞ Geoloji Xidməti məlumat yayıb.Yeraltı təkanların episentri Benqkulu şəhərindən 73,9 kilometr cənubda, ocağı 35,9 kilometr dərinlikdə qeydə alınıb.Sunami təhlükəsi elan olunmayıb. Dağıntılar və zərərçəkənlər barədə məlumat verilmir.xeber100.com

Genişmiqyaslı antiterror əməliyyatı keçirilib

Türkiyənin Bingöl bölgəsində İŞİD terrorçu qruplaşmasına qarşı genişmiqyaslı antiterror əməliyyatı keçirilib.Azərtac ölkənin rəsmi mənbələrinə istinadla xəbər verir ki, terrorçu fəaliyyətdə şübhəli bilinən 10 nəfər saxlanılıb. Onlara məxsus avtomobildə çoxlu sayda silah və sursat, o cümlədən iki əl qumbarası götürülüb.Qeyd edək ki, Türkiyənin təhlükəsizlik qüvvələri bu əməliyyatdan bir gün əvvəl də Bingöldə 4 İŞİD mənsubunu həbs edib.xeber100.com

5,9 bal gücündə zəlzələ baş verib

Çilinin Coquimbo şəhərindən 102 kilometr cənub-şərqdə 5,9 bal gücündə zəlzələ baş verib.Azərtac xarici KİV-lərə istinadla xəbər verir ki, bu barədə ABŞ-ın Geoloji Xidməti məlumat yayıb. Zəlzələ 10 kilometr dərinlikdə qeydə alınıb.Dağıntı və insan tələfatı barədə hələlik məlumat yoxdur.xeber100.com

“Morava qəsrləri” adlı musiqi festivalına start veriləcək

Avqustun 11-də Çexiyada “Morava qəsrləri” adlı musiqi festivalına start veriləcək.Azərtac xəbər verir ki, tədbirin proqramında müasir pop və rok musiqisi ulduzlarının, o cümlədən Tomaş Klus, Lutsiya Bilaya və “No Name” qrupunun çıxışları, habelə Morava qəsrlərinə səfərlər və şərabların pulsuz dequstasiyası daxildir. Festival iştirakçıları qradların və qalaların qarşısında qurulmuş çadır şəhərciklərində yaşayacaqlar.“Çexiya qəsrləri” festivalının alternativi olan Moraviya (Morava) festivalı avqustun 26-dək davam edəcək.xeber100.com