“Rheinische Post” qəzeti yazır…

“Rheinische Post” qəzetinin bu gün Nazirlər Kabinetinin müzakirəsinə təqdim olunacaq məruzəyə istinadla yazdığına görə, 2016-cı ildə Almaniya federal hökuməti qaçqınlarla bağlı xərclər üçün əyalətlərin kommunal hakimiyyət orqanlarına 9,3 milyard avro məbləğində vəsait ayırıb.Həmin məbləğdən 5,5 milyard avro qaçqın statusu verilməsi üçün müraciətləri hələ baxılma mərhələsində olan miqrantların dəstəklənməsinə sərf edilib. İnteqrasiya tədbirləri üçün daha 2 milyard, yataqxanaların tikintisi və təchizatı üçün 400 milyon, Almaniya ərazisinə valideynlərinin müşayiəti olmadan gəlmiş yetkinlik yaşına çatmayan qaçqınların saxlanması üçün 350 milyon avro nəzərdə tutulur.Bundan əlavə, AFR Maliyyə Nazirliyinin məlumatına görə, Federal hökumət insanların öz ölkələrindən qaçqın düşməsi səbəblərini aradan qaldırmağa və ya ən azı bu cür səbəbləri azaltmağa yönəldilən tədbirlər üçün 11 milyard avrodan çox pul ayırıb.xeber100.com

“Samsung” şirkəti dünyada ilk uzadıla bilən ekran təqdim edəcək

“Samsung” şirkəti dünyada ilk uzadıla bilən ekran təqdim edəcək. Yeni displey 23-25 may tarixlərində keçiriləcək “SID” (“Society for Information Display”) konfransında nümayiş etdiriləcək.“therunet.com” saytı bildirir ki, indi “Samsung” şirkəti yalnız bir istiqamət üzrə bükülən ekranlar istehsal edir, yeni displeyi isə hər iki istiqamət üzrə istənilən formada əymək, bükmək mümkündür. Ekranın ölçüsü 9,1 düymdür (23 sm), onun səthi 12 mm uzadıla bilər və mobil qurğu və avtomobillərdə tətbiq edilə bilər.Analitiklərin proqnozuna görə, 2022-ci ilədək elastik ekranlar bazarının həcmi 15,5 milyard dollar təşkil edəcək. Ötən il bu göstərici 3,7 milyard dollar olub.xeber100.com

Diplomatik münasibətlərin 25-ci ildönümü ilə əlaqədar…

Türkiyənin Baş naziri Binəli Yıldırım mayın 23-də Gürcüstana rəsmi səfər gəlib.Rəsmi qarşılanma mərasimindən sonra Baş nazir Binəli Yıldırım gürcü həmkarı Georgi Kvirikaşvili ilə görüşüb.Görüşdə bir sıra məsələlər, o cümlədən regional təhlükəsizlik və birgə həyata keçirilən irimiqyaslı, enerji, infrastruktur və nəqliyyat layihələrinin perspektivləri müzakirə olunub.Türkiyə-Gürcüstan diplomatik münasibətlərinin 25-ci ildönümü ilə əlaqədar Tbilisidə Türkiyə-Gürcüstan Strateji Araşdırmalar Şurasının ikinci iclası keçiriləcək.xeber100.com

TASS informasiya agentliyinin məlumatı

Mançester polisi stadionda baş verən terror aktı ilə bağlı şübhəli bilinən 23 yaşlı şəxsin saxlanılması faktını təsdiqləyib.TASS informasiya agentliyi xəbər verir ki, bir qədər əvvəl “Manchester Evening News” qəzeti hadisə ilə əlaqədar bir neçə nəfərin həbs olunduğu ilə bağlı məlumat yaymışdı. Bu informasiya hökumət orqanları tərəfindən öz təsdiqini tapmayıb.Xatırladaq ki, ötən gecə yerli vaxtla təxminən saat 22:35-də “Manchester Arena” stadionunda amerikalı müğənni Ariana Grandenin çıxışından sonra partlayış baş verib. Partlayıcı qurğu konsert zalının foyesində işə salınıb. Son məlumata əsasən, terrorçu-kamikadze tərəfindən törədilən partlayış nəticəsində 22 nəfər həlak olub, 50-dən çox insan yaralanıb.Terror aktı ilə əlaqədar Britaniyanın bütün siyasi partiyaları seçkiqabağı kampaniyalarını dayandırıb.xeber100.com

Türkiyənin “Yeriyən Köşk”ü UNESCO-nun siyahısına daxil ediləcək

Türkiyənin Yalova şəhərindəki “Yeriyən Köşk” UNESCO-nun Dünya İrsi siyahısına daxil ediləcək.CNN Türkə istinadla xəbər verir ki, Yalova şəhər bələdiyyəsinin başçısı Vəfa Salman bu istiqamətdə işlərin davam etdirildiyini vurğulayıb.V.Salman bildirib ki, həmin yeri Atatürk belə adlandırıb. Atatürk orada yerləşən çinar ağacının kəsilməsinə izn verməyib. Hazırda həmin ağacın 400 yaşı var. Burada, həmçinin çox sayda toy mərasimləri keçirilir.xeber100.com

“Mercedes-Benz” üçün 10 illik vergi güzəşti tətbiq ediləcək

Moskva vilayətinin Solneçnoqorsk rayonunda “Mercedes-Benz” - Rusiya zavodu 2019-cu ildən başlayacaq avtomobil istehsalı üçün dövlətdən on il müddətində vergi güzəştləri alacaq.Azərtac “vergiler.az” saytına istinadla bildirir ki, xüsusi investisiya sazişinin şərtlərinə uyğun olaraq, sazişin iştirakçısı ilk mənfəəti götürdüyü zamandan on il müddətinə dövlətdən vergi güzəşti alacaq.Belə ki, 2025-ci ildən Moskva vilayətinin büdcəsinə aid verginin dərəcəsi 0 faiz, 2026-cı ildən 2028-ci ilə qədər 10 faiz, 2029-cu ildən sonra isə 13,5 faiz təşkil edəcək.“Daimler AG” konserni ilə Moskva vilayətində “Mercedes-Benz” zavodunun inşa edilməsi ilə bağlı saziş 2016-cı ilin iyununda Sankt-Peterburq iqtisadi forumu çərçivəsində imzalanıb.Layihənin dəyəri ilkin hesablamalara görə, 300 milyon avro təşkil edir. Avtomobillər “Yesipovo” sənaye parkının ərazisində istehsal ediləcək. Zavodun illik istehsal gücü isə 20 min avtomobildən artıq olacaq. Layihənin həyata keçirilməsi ilə 1000-dən artıq yeni iş yeri açılacaq.xeber100.com

“Guardian” qəzeti yazır…

Böyük Britaniyanın “Guardian” qəzeti istifadəçilərin səhifələrinin modernizə olunması barədə “Facebook” sosial şəbəkəsinin daxili qaydalarından bəhs edib.Azərtac xəbər verir ki, nəşr nifrət, terrorizm, irqçilik və kannibalizmin müzakirə olunması halları ilə əlaqədar şəbəkədə hansı məhdudiyyətlərin tətbiq edilməsinə dair 100-dən çox təlimatı nəzərdən keçirib.Qaydalara əsasən, moderatorlar ilk növbədə konkret şəxslərə qarşı birbaşa təhdid daşıyan paylaşmaları mümkün qədər tez bir zamanda blok etməlidir. Kompaniyanın əməkdaşının nəşrə verdiyi məlumata görə, moderatorlara qərar qəbul etmək üçün cəmi 10 saniyə vaxt verilir.“Facebook” bütün kontentə nəzarət edə bilmir. Bu, həddən artıq çoxdur və tez bir zamanda peyda olur”, - deyə şirkətin nümayəndəsi qeyd edib.xeber100.com

İsveçrədə keçirilən növbəti referendumda…

Mayın 21-də İsveçrədə keçirilən növbəti referendumda ölkə əhalisi bərpa olunan enerji mənbələrindən istifadənin gücləndirilməsi və nüvə enerjisinin istehsalının tədricən məhdudlaşdırılmasına tərəfdar çıxıblar. Səsvermədə iştirak edən seçicilərin 58,2 faizi yeni enerji qanununun lehinə səs veriblər.Qanuna əsasən, ölkədə yeni nüvə reaktorlarının inşası qadağan ediləcək, havaya buraxdığı zəhərli emissiyalara görə avtomobillərin idxalı məhdudlaşdırılacaq və bərpa olunan enerji sektoruna ayrılan dövlət vəsaitlərinin həcmi artırılacaq. Mövcud binaların daha yüksək enerji səmərəliliyi üçün müvafiq təmir-izolyasiya işlərinə də subsidiyalar ayrılacaq. Qanunda nəzərdə tutulan vəsaitlər elektrik enerjisi istifadəçilərinin ödəyəcəyi əlavə vergilər hesabına formalaşacaq.xeber100.com  

Beynəlxalq koalisiyaya qoşulmaq məsələsi müzakirə ediləcək

NATO-ya üzv dövlətlər mayın 25-də Brüsseldə keçiriləcək sammitdə İŞİD terror qruplaşmasına qarşı beynəlxalq koalisiyaya qoşulmaq məsələsini müzakirə edəcəklər.Azərtac xəbər verir ki, bu barədə NATO-nun baş katibi Yens Stoltenberq Almaniyanın “Bild” qəzetinə müsahibəsində bildirib.“Biz koalisiyaya siyasi və təşkilati baxımdan da kömək edə bilərik”, - deyə baş katib qeyd edib.Yens Stoltenberq deyib ki, NATO Suriyada və İraqdakı vəziyyətə qarışmaq niyyətində deyil. Bu ölkələrdəki vəziyyətə hərbi müdaxilə, ümumiyyətlə, gündəlikdə deyil. NATO nə Suriyada, nə də İraqda hərbi əməliyyatlarda iştirak etməyəcək.xeber100.com

Təhsil haqqında qanunla əlaqədar etiraz aksiyası keçirilib

Mayın 21-də Macarıstanın paytaxtı Budapeştdə təxminən on min insan təhsil haqqında qanunla əlaqədar etiraz aksiyası keçirib.Frans Pres agentliyinə istinadla xəbər verir ki, yeni qanuna edilən düzəlişlər ölkədə fəaliyyət göstərən Mərkəzi-Avropa Universitetinin bağlanmasına icazə verir.Macarıstanın Baş naziri Viktor Orban universitetin fəaliyyətində nöqsanların olduğunu bildirib.xeber100.com