RİA Novosti agentliyinin məlumatına görə…

Şri-Lankada daşqınlar nəticəsində ölənlərin sayı artmaqda davam edir. Son məlumata görə, təbii fəlakət qurbanların sayı 164 nəfərə çatıb.RİA Novosti agentliyi xəbər verir ki, daha 102 nəfər itkin düşmüş sayılır.Yerli hakimiyyət orqanlarının məlumatına əsasən, mayın 29-da və 30-da ölkənin mərkəzi və cənub hissələrində sürəti saatda 80 kilometrə çatan güclü külək əsəcəyi, bəzi yerlərdə leysan yağışlar yağacağı gözlənilir.Xatırladaq ki, Şri-Lankada dağıdıcı daşqınlar səbəbindən 500 min insan evini tərk etməyə məcbur olub. Təbii fəlakətlə mübarizə mərkəzi ümumilikdə 2 minə yaxın evin zərər çəkdiyini və ya tamamilə dağıldığını qeydə alıb.Şri-Lanka hökuməti BMT-yə və Cənubi Asiya ölkələrinə müraciət edərək təbii fəlakətin nəticələrinin aradan qaldırılmasına kömək istəyib.xeber100.com

Moskva Səhiyyə Departamentinin məlumatı

Moskvada qasırğa nəticəsində 11 nəfər həlak olub, 70 adam yaralanıb. Bu barədə Moskvanın Səhiyyə Departamenti məlumat yayıb.TASS agentliyinin verdiyi xəbərə görə, həlak olanlar güclü küləyin yıxdığı ağacların altında qalıblar, daha bir nəfər isə dayanacağın aşması nəticəsində həlak olub.Rusiya paytaxtının bir çox küçələrində reklam qurğuları və ağacların aşması şəxsi avtomobillərin zədələnməsinə səbəb olub.Hazırda Moskvada hava aydın olsa da, sinoptiklər axşam saatlarında qasırğanın təkrarlana biləcəyini bildirirlər.xeber100.com

Şimali Koreyaya qarşı sanksiyalar paketi hazırlanır

Yaponiya Koreya Xalq Demokratik Respublikası (KXDR) tərəfindən keçirilən ballistik raket sınaqları ilə əlaqədar öz sanksiyalar paketini hazırlayır.NHK telekanalının yaydığı məlumata görə, Yaponiya BMT Təhlükəsizlik Şurası tərəfindən yeni sanksiyaların qəbulu zamanı Rusiya və Çinin də dəstəyinə ümid edir. Lakin bu iki ölkənin Pxenyan ilə dialoqa üstünlük verməsi səbəbindən Tokio Şimali Koreyaya qarşı öz sanksiyalarını tətbiq etmək qərarına gəlib.Yaponiya tərəfdən Şimali Koreyaya qarşı hazırda tətbiq edilən sanksiyalara əsaəsn iki ölkə arasında bərə əlaqəsi dayandırılıb, bu ölkənin gəmilərinin Yaponiya limanlarına daxil olmasına qadağa qoyulub, bütün növ idxal və ixrac kəsilib. Yeni sanksiyaların tətbiqi isə qeyri-qanuni ixracın tamimlə dayandırılmasını nəzərdə tutur.Xüsusilə, kütləvi qırğın silahlarının hazırlanması üçün nəzrdə tutulan detalların Şimali Koreyaya qeyri-qanuni ixracının qəti şəkildə qarşısının alınması, gəmilərdə əvvəllər nəzərdə tutulan yoxlama sisteminə əsasən tətbiq edilən siyahıya əlavə qurğu və detalların daxil edilməsi də planlaşdırılır.xeber100.com

TASS informasiya agentliyinin məlumatı

“Temperer” xüsusi əməliyyatı çərçivəsində hökumət binalarını və əsas tarixi abidələri qorumaq üçün polisin köməyinə göndərilmiş Böyük Britaniya silahlı qüvvələrinin əsgər və zabitləri mayın 30-u gecə yarısına qədər bu funksiyaları yerinə yetirəcək.TASS informasiya agentliyi xəbər verir ki, bu barədə ölkənin Baş naziri Tereza Mey bildirib.“Bank tətilləri ilə əlaqədar zəngin keçəcək həftə sonunda bir çox idman tədbirləri baş tutacaq. İnsanlarda maksimum əminlik yaratmaq üçün təhlükəsizliyin təmin olunmasının detallı planı həyata keçirilir. “Temperer” əməliyyatı bank tətilləri bitənə qədər davam edəcək”, - deyə Britaniya hökumətinin başçısı “Downing Street”dəki iqamətgahda keçirilən fövqəladə hökumət komitəsinin iclasından sonra bildirib.Xatırladaq ki, mayın 22-də “Manchester Arena” stadionunda amerikalı müğənni Ariana Qrandenin konsertindən sonra partlayış baş verib. Partlayıcı qurğu konsert zalının xaricində - foyedə işə salınıb. Hadisə nəticəsində çox sayda insan həlak olub və yaralanıb.xeber100.com

“Sberbank” dron sınaqdan keçirəcək

Rusiyanın "Sberbank"ı nağd vəsaitlərin çatdırılması üçün dron sınaqdan keçirəcək. Bu barədə kredit təşkilatının idarə heyətinin sədr müavini Stanislav Kuznetsov bildirib.Azərtac "lenta.ru"ya istinadla xəbər verir ki, sədr müavininin sözlərinə görə, bankın laboratoriyası işin səmərəliliyinin artırılması üçün pilotsuz uçuş aparatlarının istifadə imkanlarını araşdırır."Dron-daşıyıcının sınağı bir ay sonra Kazanda keçiriləcək. Əlbəttə Rusiyada müəyyən məhdudiyyətlər var, amma biz bununla bağlı iş aparırıq", - deyə Kuznetsov qeyd edib.xeber100.com

G7 ölkələrinin sammitinin yekun bəyannaməsi qəbul edilib

İtaliyanın Taormina şəhərində G7 ölkələrinin sammiti başa çatıb.Sammitin yekun bəyannaməsi qəbul edilib. Bəyannamədə terrorizmlə və ekstremizmlə mübarizənin vacibliyi qeyd edilir.Ekspertlər hesab edirlər ki, bu sammit əsas problemlərin həlli üçün konkret qərarların olmaması baxımından əvvəlkilərdən daha faydasızdır. İndi bütün diqqət G20-nin Hamburqda keçiriləcək toplantısına yönəlib.Xatırladaq ki, G7-nin sammitində ABŞ, Böyük Britaniya, Kanada, Fransa, İtaliya, Almaniya və Yaponiya rəhbərləri iqlim dəyişikliyi, miqrasiya böhranı, terrorizmlə, Afrika ölkələrində aclıqla və epidemiya ilə mübarizə və s. məsələləri müzakirə ediblər.xeber100.com

“Apple” şirkəti təhlükəsizlik səviyyəsini gücləndirəcək

“Apple” şirkəti hazırladığı əlavələrin təhlükəsizlik səviyyəsini gücləndirmək niyyətindədir.“Planet Today” resursu bildirir ki, iyundan etibarən “iCloud” servisinin istifadəçilərindən kənar proqramlardan istifadə üçün parolları dəyişmək tələb olunacaq. “iCloud” istifadəçiləri “bulud” əlavəsinə daxil olmazdan əvvəl bir sıra əməliyyatları yerinə yetirməli olacaqlar. Hazırda “Apple” parolların göstərilməsini mütləq tələb kimi tətbiq etməyə başlamayıb.Ekspertlərin fikrincə, ABŞ istehsalçısı bu addımı Çində “Apple” əlavələrinin mühafizə səviyyəsinin zəif siyahıya daxil edilməsini bildirən hesabat dərc edildikdən sonra atmalı olub. Bundan əlavə, bu yaxınlarda dünyada milyonlarla kompüteri yoluxduran virus hücumu nəzərə alınıb.İlk dəfə 2011-ci ilin ortalarında təqdim edilən “Apple” şirkətinin “iCloud” “bulud” servisi qurğular (PC, “Mac”, “iPod Touch”, “iPhone”, “iPad”) arasında müxtəlif informasiyanı sinxronlaşdırmağa imkan verir. Burada bütün istifadəçilərə müxtəlif informasiyanı saxlamaq üçün 5 qiqabaytlıq disk verilir. Servis, həmçinin “iTunes” musiqi pleyeri ilə sinxronizə edilib. “iCloud” vasitəsilə elektron poçt məlumatlarının mübadiləsi mümkündür. Yaxın insanların və dostların əvvəlcədən razılığı ilə onların olduqları yerlər haqqında məlumat əldə etməyə imkan verən “Dostları tap” əlavəsi xüsusi diqqət cəlb edir.xeber100.com

“Böyük yeddilik” ölkələrinin hökumət başçılarının növbəti görüşü keçiriləcək

Mayın 26-27-də Siciliyada, Etna dağının ətəyində “böyük yeddilik” ölkələrinin dövlət və hökumət başçılarının növbəti görüşü keçiriləcək. Dörd ölkənin rəhbərlərinin ilk dəfə iştirak edəcəyi bu sammit cümə günü yerli vaxtla saat 11:30-da başlanacaq. Tədbirin əvvəlində vulkan fonunda salamlama mərasimi və qrup halında fotoşəkil çəkilməsi nəzərdə tutulur. Sonra birgə nahar çərçivəsində ilk işçi iclas olacaq. Sammitdə cəmi altı iclas, o cümlədən geniş tərkibdə - bir neçə Afrika dövlətinin nümayəndələrinin və bir sıra beynəlxalq təşkilatların rəhbərlərinin də iştirakı ilə iki iclas keçiriləcək.Budəfəki görüşün yekun rəsmi məlumatı həm G7-nin əvvəlki görüşlərində qəbul edilmiş kommunike ilə müqayisədə xeyli qısa olacaq, həm də yalnız Siciliyada, cümə günündən şənbə gününə keçən gecə qəti razılaşdırılacaq.Berlində həmin sammitin yekun sənədinə böyük əhəmiyyət verilir. Axı bir var G7 liderlərinin qeyri-rəsmi şəraitdə fikir mübadiləsi etməsi və bəyanatlar verməsi, bir də var dünya siyasətinin bir sıra problemləri barədə kağız üzərində qeydə alınmış və razılaşdırılmış mövqe. Alman KİV-lərində AFR kansleri Angela Merkelin yüksək vəzifəli müşavirinin bu sözləri sitat gətirilir: “Məhz yekun rəsmi sənədində yazılacaq fikir bütün yeddi ölkənin vahid rəyi olacaq”.“Böyük yeddilik” görüşlərinin yekun sənədləri üzərində iş, kompromislər axtarışı və ortaq məxrəcə gəlmək həmişə mürəkkəb məsələ olub. Bu dəfə isə Vaşinqtondan alınan ziddiyyətli siqnallar, iqlimin qorunması və azad ticarət kimi məsələlər barəsində ABŞ ilə fikir ayrılıqları, Amerika administrasiyasında bir sıra vəzifələrin indiyə qədər vakant qaldığı bir şəraitdə ilkin danışıqlar aparılması üçün tərəfdaşların çatışmaması kimi əlavə amillər həmin məsələni daha da mürəkkəbləşdirir.xeber100.com

“Rheinische Post” qəzeti yazır…

“Rheinische Post” qəzetinin bu gün Nazirlər Kabinetinin müzakirəsinə təqdim olunacaq məruzəyə istinadla yazdığına görə, 2016-cı ildə Almaniya federal hökuməti qaçqınlarla bağlı xərclər üçün əyalətlərin kommunal hakimiyyət orqanlarına 9,3 milyard avro məbləğində vəsait ayırıb.Həmin məbləğdən 5,5 milyard avro qaçqın statusu verilməsi üçün müraciətləri hələ baxılma mərhələsində olan miqrantların dəstəklənməsinə sərf edilib. İnteqrasiya tədbirləri üçün daha 2 milyard, yataqxanaların tikintisi və təchizatı üçün 400 milyon, Almaniya ərazisinə valideynlərinin müşayiəti olmadan gəlmiş yetkinlik yaşına çatmayan qaçqınların saxlanması üçün 350 milyon avro nəzərdə tutulur.Bundan əlavə, AFR Maliyyə Nazirliyinin məlumatına görə, Federal hökumət insanların öz ölkələrindən qaçqın düşməsi səbəblərini aradan qaldırmağa və ya ən azı bu cür səbəbləri azaltmağa yönəldilən tədbirlər üçün 11 milyard avrodan çox pul ayırıb.xeber100.com

“Samsung” şirkəti dünyada ilk uzadıla bilən ekran təqdim edəcək

“Samsung” şirkəti dünyada ilk uzadıla bilən ekran təqdim edəcək. Yeni displey 23-25 may tarixlərində keçiriləcək “SID” (“Society for Information Display”) konfransında nümayiş etdiriləcək.“therunet.com” saytı bildirir ki, indi “Samsung” şirkəti yalnız bir istiqamət üzrə bükülən ekranlar istehsal edir, yeni displeyi isə hər iki istiqamət üzrə istənilən formada əymək, bükmək mümkündür. Ekranın ölçüsü 9,1 düymdür (23 sm), onun səthi 12 mm uzadıla bilər və mobil qurğu və avtomobillərdə tətbiq edilə bilər.Analitiklərin proqnozuna görə, 2022-ci ilədək elastik ekranlar bazarının həcmi 15,5 milyard dollar təşkil edəcək. Ötən il bu göstərici 3,7 milyard dollar olub.xeber100.com