“Borajet” aviaşirkəti fəaliyyətini müvəqqəti dayandırıb

Türkiyəyə məxsus “Borajet” aviaşirkəti fəaliyyətini müvəqqəti dayandırıb.“NTV” telekanalı xəbər verir ki, xarici və daxili 80 istiqamətdə uçuşlar həyata keçirən aviaşirkət bu gündən etibarən uçuşlarına fasilə verir. Şirkət fəaliyyətini üçüncü İstanbul hava limanı istifadəyə verildikdən sonra bərpa edəcək. “SBK Holding” tərəfindən alınan aviaşirkət yeni hava limanının açılışına qədər hazırlıqlara başlayıb.Məlumata görə, hazırda şirkət təyyarələrinin texniki nasazlıqlarını aradan qaldırmaq və yeni istiqamətlər üzrə danışıqlar aparmaq üçün işlər görür. “Borajet” aviaşirkəti qabaqcadan alınan biletlərin sərnişinlərini “Türk Hava Yolları”na yönləndirib.xeber100.com

TBMM-nin fəaliyyətə başlamasının 97-ci ildönümü qeyd olunub

Aprelin 23-də Türkiyədə Milli Suverenlik və Uşaq Bayramı, həmçinin Türkiyə Böyük Millət Məclisinin fəaliyyətə başlamasının 97-ci ildönümü qeyd olunur. Bu münasibətlə ölkənin bütün ərazisində, o cümlədən təhsil müəssisələrində tədbirlər, şənlik və konsertlər təşkil olunub. Küçə və meydanlar bayramsayağı bəzədilib.Baş nazir Binəli Yıldırım, milli təhsil naziri İsmət Yılmaz, TBMM-nin rəhbər şəxsləri, siyasi partiyaların liderləri və digər rəsmi şəxslər, həmçinin məktəblilər, eləcə də ölkə ictimaiyyətinin nümayəndələri Türkiyə Respublikasının banisi Mustafa Kamal Atatürkün məzarını ziyarət ediblər.xeber100.com

“L’Express”in məlumatına görə…

On bir milyon fransız seçici səs verə bilməyəcək“L'Express”in verdiyi məlumata görə, əsasən 7 milyon fransızın adı və ya ünvanı səhv yazıldığından səsvermədə iştirak edə bilməyəcək. 4 milyon fransız seçicinin adı isə heç seçki siyahısına salınmayıb. Bunun demokratik anomaliya olduğu qeyd edilir.xeber100.com

“Baker Hughes” şirkətinin məlumatı

ABŞ-dakı aktiv neft quyularının sayı 688-ə çatıb.Azərtac “Baker Hughes” şirkətinə istinadla xəbər verir ki, ötən hesabat həftəsində ABŞ-dakı aktiv neft quyularının sayı 5 ədəd artaraq 688-ə çatıb. Bu, 2015-ci ilin aprel ayından indiyədək maksimum göstəricidir. Eyni zamanda, ölkədəki neft quyularının sayı ardıcıl 14 həftədir ki artır.xeber100.com

“Schlumberger” şirkətinin gəliri 6 faiz artıb

ABŞ-ın enerji nəhəngi “Schlumberger” şirkətinin gəliri 6 faiz artıb.Azərtac şirkətə istinadla xəbər verir ki, “Schlumberger”in gəliri bu ilin birinci rübündə 2016-cı ilin eyni dövrü ilə müqayisədə 6 faiz artıb. Belə ki, şirkətin gəliri 6,52 milyard dollardan 6,89 milyard dollara yüksəlib.“Schlumberger”in ilin ilk rübündəki xalis mənfəəti isə 279 milyon dollara düşüb. Şirkətin ötən ilin eyni dövründəki xalis mənfəəti 501 milyon dollar olmuşdu.xeber100.com

Prezident seçkilərinə cəmi bir gün qalsa da…

Fransada prezident seçkilərinə cəmi bir gün qalsa da, çətin seçki kampaniyasında vəziyyət hələ də qeyri-müəyyəndir. Fransa Respublikasının lideri postuna 11 namizədin qərargahlarında və müstəqil analitika xidmətlərində sürprizlərin ola biləcəyi istisna edilmir. Əsas intriqa seçimini hələ də dəqiqləşdirməyən seçicilərin çoxluğu və səsvermədə iştirakın aşağı ola biləcəyidir.TASS informasiya agentliyi xəbər verir ki, ictimai rəy sorğuları ilk turda fransız elektoratının səsvermədə 70 faizdən az hissəsinin iştirak edəcəyini göstərir. Bu, konstitusiyanın geniş səlahiyyətlər verdiyi Beşinci respublikanın dövlət başçısının seçkisinə adətən yüksək marağın olduğu Fransa üçün aşağı göstəricidir. Belə ki, 5 il əvvəl, 2012-ci ildə keçirilən səsvermənin ilk turunda seçicilərin 79,5 faizi, 10 il öncə, 2007-ci ildə isə 83,7 faizi iştirak etmişdi.Bununla yanaşı, tədqiqatlar göstərir ki, səsverməyə bir gün qalmış fikrini dəqiqləşdirməyən seçicilərin sayı həddən artıq çoxdur: fransızların 30 faizi hələ də kimə səs verəcəyini müəyyənləşdirməyib.xeber100.com

“Welt” qəzeti yazır…

Almaniyanın paytaxtı Berlin 2016-cı il üçün əhalisi 100 min nəfərdən çox olan yaşayış məntəqələri arasında ən təhlükəli şəhər seçilib. Bu barədə polisin ötən il üçün kriminal məruzəsinə əsaslanan “Welt” qəzeti yazıb.TASS informasiya agentliyi xəbər verir ki, keçən il Berlində hər 100 min sakinə 16 min 161 cinayət hadisəsi düşüb. Bu göstərici üzrə Almaniya paytaxtı son illər qanun pozuntularına görə liderlik edən Frankfurt-Mayn şəhərini geridə qoyub.Almaniyanın ən kriminal ilk üç şəhəri arasında, həmçinin Leypsiq (15 min 811 cinayət) və Hannover (15 min 764 cinayət) də var. Ən təhlükəsiz şəhər statusunu isə artıq neçə illərdir ki, Bavariyanın paytaxtı Münxen daşıyır (7 min 909 cinayət).Ekspertlər qeyd edirlər ki, 2016-cı ildə Almaniyada cinayətkarlığın ümumi sayı əvvəlki illə müqayisədə 0,7 faiz artıb. Cinayətlərin açılması səviyyəsi isə demək olar ki, dəyişməz qalıb – 56,2 faiz.xeber100.com

Elmi müdafiə etmək məqsədilə…

Elmi faktlara siyasi hücumlara etiraz əlaməti olaraq, dünyanın yüzlərlə şəhərində alimlər küçələrə çıxıblar.Azərtac xəbər verir ki, Yer Gününə təsadüf edən yürüşlər diqqəti ətraf mühitin problemlərinə yönəltmək məqsədi daşıyır.Əsas tədbir bir qədər sonra Vaşinqtonda keçiriləcək. Təşkilatçılar bildirirlər ki, yürüş ABŞ Prezidenti Donald Trampa qarşı deyil, onun ətraf mühitə bilavasitə təsir göstərən fəaliyyətinə yönəlib. BBC xatırladır ki, Tramp bir müddət əvvəl iqlim dəyişikliyi problemini uydurma adlandırmışdı və onun bu baxışları elmi ictimaiyyətdə ciddi narahatlıq doğurub.xeber100.com

Böyük Britaniyada parlament seçkilərinə hazırlıq prosesi başlayıb

Avropa Parlamentinin sədri Antonio Tayani Böyük Britaniyanın Aİ-nin tərkibindən çıxma prosesini istənilən an dayandıra biləcəyini bildirib. Bu məsələ Baş nazir Tereza Meyin elan etdiyi növbədənkənar parlament seçkiləri ərəfəsində daha da aktuallaşıb.Interfax informasiya agentliyi xəbər verir ki, Tayaninin sözlərinə görə, əgər yeni hökumət “Brexit”ə başqa cür yanaşsa, Lissabon sazişinin 50-ci maddəsinə əsasən başlayan bu prosesi dayandıra bilər.Avroparlament sədrinin bu fikri Tereza Meyin “Brexit”in geriyə dönüşünün olmadığı barədə iddialarına əsla uyğun gəlmir.Xatırladaq ki, Böyük Britaniyada əvvəlcə 2020-ci ilə təyin olunan parlament seçkiləri bu il iyunun 8-də keçirilməlidir. Britaniya hökumətinin başçısı ölkənin Avropa İttifaqının tərkibindən çıxması prosesini həyata keçirmək üçün müəyyənliyə, sabitliyə və güclü rəhbərliyə ehtiyac olduğunu və növbədənkənar parlament seçkilərinin məhz buna hesablandığını vurğulayıb.xeber100.com

RTL teleradio kompaniyasının məlumatına əsasən…

Belçika polisinin terroristlərlə əlaqədə şübhəli bilinən şəxslər barədə məlumatlar bazasında 18 min 884 nəfərin adı keçir ki, bu da 2010-cu illə müqayisədə 10 dəfə çoxdur.RTL teleradio kompaniyasının Belçika Daxili İşlər Nazirliyinə istinadla yaydığı məlumata əsasən, adları polisin siyahısına daxil edilənlərin 2,2 min nəfəri radikallığa və təcavüz aktlarına potensial hazır olan şəxslərdir.Xatırladaq ki, 2016-cı il martın 24-dən Belçikada üçüncü terror təhlükəsi səviyyəsi tətbiq olunur. Martın 22-də Brüssel metrosunda və hava limanında baş verən terror hücumlarından sonra elan edilən ən yüksək dördüncü təhlükə səviyyəsi hadisədən iki gün sonra üçüncü səviyyəyə endirilib.Parisdə 2015-ci ilin noyabrında törədilmiş terror aktlarından sonra Belçikada ictimai yerlərdə təhlükəsizliyin təmin olunmasına hərbçilər də cəlb edilib. Hazırda onların sayı 1250 nəfərə çatır. Ölkənin müdafiə naziri Steven Vandeputun sözlərinə görə, hərbçilərin antiterror əməliyyatlarında iştirakı indiyədək Krallıq büdcəsinə 100,289 milyon avroya başa gəlib.xeber100.com