Rusiya mətbuatının məlumatına görə…

Bu gün səhər Sankt-Peterburq metrosunun “Sennaya ploşad” stansiyası yenidən bağlanıb.Rusiya KİV-lərinə istinadla xəbər verir ki, stansiyanın vestibülündə və eyni adlı meydanda onlarla yanğınsöndürən və tibb xidməti maşınları toplaşıb. Stansiyaya giriş dayandırılıb. Buna stansiyanın minalanmasına dair anonim zəngin səbəb olduğu bildirilir.Hazırda xüsusi təyinatlılar və kinoloqlar stansiyaya baxış keçirirlər. Qatarlar bu stansiyadan dayanmadan keçir.Xatırladaq ki, dünən Sankt-Peterburq metrosunda baş vermiş partlayışla əlaqədar RF Cinayət Məcəlləsinin 205-ci maddəsi (terror aktı) üzrə cinayət işi açılıb. Rusiya səhiyyə Nazirliyinin son məlumatına görə, terror aktı nəticəsində həlak olanların sayı 14 nəfərə çatıb.xeber100.com

“Peoples Viennaline” aviaşirkəti dünyanın ən qısa reysini ləğv edib

Avstriyanın "Peoples Viennaline" aviaşirkəti dünyanın ən qısa reysini ləğv edib."vistanews.ru" saytı xəbər verir ki, Fridrixshaven şəhərindən Sankt-Qallenə uçuş cəmi 8 dəqiqə çəkirdi. Aviadaşıyıcı rəhbərliyi bu istiqamətə sərnişin axınını təhlil edərək, Almaniyadan İsveçrəyə rentabelsiz marşrutun bağlanması ilə bağlı qəti qərar qəbul edib.Sərnişinlərə iki Avropa ölkəsi arasında mürəkkəb dağlıq ərazidə ən qısa uçuş təklif olunurdu. Nəqliyyat şirkəti Boden gölü vasitəsilə sərnişinləri alternativ marşrutla cəlb etmək istəyirdi, lakin sərnişinlər görünür aerofobiyaya görə daha etibarlı yerüstü nəqliyyata üstünlük veriblər.Son yarım il ərzində aviaşirkətin xidmətlərindən iki mindən çox sərnişin istifadə edib.xeber100.com

“IDC” analitik şirkətinin qənaətinə görə…

“IDC” analitik şirkəti 2017-ci ildə dünyada kompüter təhlükəsizliyi ilə əlaqədar avadanlıq, proqram təminatı və xidmətlərin satış həcminin 8,2 faiz artaraq 81,7 milyard dollar təşkil edəcəyini proqnozlaşdırır. Yaxın illərdə illik artımın orta hesabla 8,7 faiz olmaqla bir qədər sürətlənəcəyi və 2020-ci ilədək bazarın həcminin 105 milyard dollaradək yüksələcəyi gözlənilir.“Computerworld” resursu xəbər verir ki, analitiklərin qənaətinə görə, rəqəmli transformasiya şirkətləri təhlükəsizlik vasitəçilərinə aktiv investisiya yatırmağa məcbur edir. Bu halda alışın 30 faizindən çoxu bank sahəsi, diskret istehsal və dövlət strukturlarının payına düşür. Alışı digərlərindən tez genişlənən (ildə 12 faiz) telekommunikasiya sahəsi artıq 2018-ci ildə ən böyük alıcılar beşliyinə daxil ola biləcək.Proqnoza görə, yaxın illərdə bazarın ən böyük seqmenti xidmətlər - ilk növbədə idarə olunan təhlükəsizlik servisləri, eləcə də inteqrasiya və konsultasiya xidmətləri olacaq. Bu il onların payının 31,2 milyard dollara yaxın olacağı ehtimal edilir. 2017-ci ildə şəbəkə təhlükəsizliyi aparat və proqram vasitələri seqmentinin həcmi 15,2 milyard dollar, son nöqtə təhlükəsizlik vasitələrinin həcmi 10,2 milyard dollar təşkil edəcək. Bundan başqa, avadanlıqlarda boşluqların qiymətləndirilməsi proqram vasitələri (ildə 6 faiz) seqmentləri və idarə olunan servis təhlükəsizliyi (ildə 12,2 faiz), istifadəçilərin davranışının analizi (ildə 12,2 faiz) və inteqrasiya olunmuş təhlükəsizlik idarəetmə qurğu (UTM) (ildə 11,9 faiz) proqramları aktiv inkişaf edəcək.xeber100.com

RİA Novosti agentliyinin məlumatı

Pakistanın Pəncab əyalətində məbəd keşikçisi 20 nəfəri öldürüb, 3 nəfəri yaralayıb.RİA Novosti agentliyi bildirir ki, hadisə Sarqodha şəhərində baş verib. Keşikçi əvvəlcə sakinləri telefonla məbədə çağıraraq onları bir otağa yığıb. Daha sonra onları çubuqla döyüb və xəncərlə qətlə yetirib.Qatilin ruhi xəstə olduğu bildirilir.xeber100.com

Prezident seçkiləri keçirilir

Serbiyada prezident seçkiləri keçirilir.TASS agentliyi bildirir ki, səsvermə yerli vaxtla saat 07.00-da (Bakı vaxtı ilə saat 09.00) başlayıb, saat 20.00-da (Bakı vaxtı ilə 22.00) başa çatacaq.Serbiya Konstitusiyasına əsasən səsvermənin yekun nəticələri seçki məntəqələrinin bağlanmasından sonra 4 gün ərzində açıqlanmalıdır. Prezident postuna əsas favorit hazırkı Baş nazir Aleksandar Vuçiç hesab edilir.Serbiya prezidenti 5 illik müddətə seçilir və bu postu iki dəfədən çox tuta bilməz.xeber100.com

“Mulhouse Freiburg” hava limanı ilə bağlı vergi sazişi imzalanıb

Fransa və İsveçrə hökumətləri arasında Bazeldəki “Mulhouse Freiburg” hava limanı ilə bağlı vergi sazişi imzalanıb.Azərtac “vergiler.az” saytına istinadla bildirir ki, müqavilənin şərtlərinə görə, İsveçrədə toplanılan əlavə dəyər vergisi yerli vergi orqanları tərəfindən tutulacaq və yerli fondlara köçürüləcək.Korporativ vergidən əldə olunan məbləğ isə iki dövlət arasında bölünəcək.İsveçrə zonasındakı şirkətlər Fransanın gəlir vergisinə və İsveçrənin kapital vergisinə cəlb olunacaq.xeber100.com

Yaponiyanın hökuməti təxliyə rejimini ləğv edib

Yaponiyanın hökumət orqanları “Fukusima-1” atom elektrik stansiyasında qəza ilə əlaqədar eyniadlı prefekturanın üç rayonunda təxliyə rejimini ləğv edib. Bu barədə Yaponiya Ətraf Mühit Nazirliyi məlumat yayıb.Təxliyə rejimi Namie qəsəbəsində, İitate kəndində və Kavamata qəsəbəsinin Yamakayi rayonunda ləğv edilib. Ümumilikdə, bu yaşayış məntəqələrində 22 min sakinin yaşadığı bildirilir.Dezaktivasiya işləri başa çatdırıldıqdan sonra sakinlərə evlərinə dönməyə icazə verilib. Digər yaşayış məntəqələrində olduğu kimi, bu ərazilərdə də sakinlərin çoxu geri dönməyə ehtiyat edir. Əsas səbəb kimi radiasiyanın uşaqlara mənfi təsiri və uşaqlı ailələrin yeni iş yerləri və məktəb tapdıqlarına görə hər şeyi yenidən başlamamaq istəyi göstərilir.Aprelin 1-də təxliyə rejimi ləğv edildikdən sonra Tomioka qəsəbəsində yaşayış üçün yararlı olmayan yoluxmuş torpaq sahəsinin 370 kvadratkilometrədək azalacağı bildirilir.xeber100.com

“Erginskoye” neft yatağı tenderə çıxarılıb

Rusiyadakı “Erginskoye” neft yatağı tenderə çıxarılıb.“ria.ru” xəbər verir ki, “Rosnedra” Federal Yeraltı Mənbələri Agentliyi ölkənin qurudakı son böyük neft yatağı olan “Erginskoye”ni tenderə çıxarıb.Qeyd edək ki, əvvəllər də “Erginskoye” neft yatağının tenderə çıxarılması nəzərdən keçirilmişdi.xeber100.com

BMT Uşaq Fondu xəbərdarlıq edir

Somalidə ishal və vəba xəstəliklərindən əziyyət çəkən uşaqların sayı kəskin artıb. 2011-ci ildə bu ölkədə eyni səbəbdən 130 min uşaq həlak olub. BMT Uşaq Fondu (UNİCEF) belə bir faciənin yenidən təkrarlanmasına yol verməmək üçün Somaliyə köməyi artırır.Azərtac BMT-nin Xəbərlər Mərkəzinə istinadla bildirir ki, martın sonu üçün UNİCEF-in məlumatına görə, bu il uşaqlarda vəba və ishal xəstəliklərinə tutulma ilə bağlı 18400 hadisə qeydə alınıb. Müqayisə üçün bildirək ki, keçən il belə halların sayı 15600 olub.UNİCEF-in regional direktoru Leyla Pakkala deyib: “Bu rəqəmlər bizim üçün həyəcan siqnalıdır. Biz faciənin təkrarlanmasına yol verməmək üçün tərəfdaşlarımızla birlikdə yorulmadan çalışırıq”.Yanvar və fevral aylarında bütün Somali ərazisində 35400 uşağa qidalı qarışıqlar verilib. Bu, keçən ilin müvafiq dövrü ilə müqayisədə 58 faiz çoxdur.UNİCEF bu uşaqlar üçün həyatı əhəmiyyət kəsb edən yardımın iyun ayının sonuna qədər fasiləsiz çatdırılmasını təşkil edib. Fond əhalinin su, ərzaq, gigiyena vasitələri və dərmanlarla təchiz edilməsi miqyasını genişləndirir. Ən çox zərər çəkmiş rayonlarda Uşaq Fondunun komandaları işləyir.Ekspertlərin proqnozlarına görə, 2017-ci ildə Somalidə 944 min uşaq aclıq həddində qala bilər. Lakin aprel ayında gözlənilən yağışlar yağsa belə, bu rəqəm arta bilər.xeber100.com

TASS informasiya agentliyinin məlumatı

Böyük Britaniya Avropa İttifaqının tərkibindən çıxmasına görə bu quruma kompensasiya üçün iri pul vəsaiti ödəməyəcək.TASS informasiya agentliyi xəbər verir ki, bu barədə martın 30-da Birləşmiş Krallığın ölkənin Aİ-dən çıxması məsələləri üzrə naziri Devid Devis ITV telekanalında Londonun Brüsselə 50 milyard avro ödəyəcəyi barədə yerli KİV-lərdə dərc olunan informasiyaları şərh edərkən bildirib.“Əslində bizə Avropa Komissiyası tərəfindən belə bir tələb irəli sürülməyib, - deyə Devis bildirib. – Bu barədə mövqeyimiz çox sadədir: biz qanunsevən ölkə olduğumuz üçün bütün öhdəliklərimizi yerinə yetirəcəyik. Lakin bizim tərəfimizdən hər hansı iri pul vəsaitinin ödənilməsi gözlənilmir”.Bir qədər əvvəl Britaniya KİV-lərində dərc olunan məlumatlara əsasən, Avropa İttifaqının “brexit” üzrə əsas vasitəçisi Mişel Barnyö hazırda Böyük Britaniyanın həyata keçirmədiyi öhdəliklər üzrə 50 milyard avrodan 60 milyard avroya qədər təzminat ödəməsini London və Brüssel arasında sövdələşməyə daxil etmək üçün işlər aparır. Burada söhbət əsasən Aİ ölkələrində yaşayan britaniyalılara pensiya verilməsi, kreditlər üzrə zəmanətin təqdim olunması və digər ehtiyacların ödənilməsindən gedir. Bu məbləğin dəqiq müəyyən edilməsi Avropa İttifaqı ilə Birləşmiş Krallıq arasında danışıqların əsas mövzusu olacaq.Xatırladaq ki, martın 29-da Böyük Britaniya hökumətinin başçısı Tereza Mey ölkənin Aİ-nin tərkibindən çıxması prosesinin rəsmən başlaması barədə Avropa İttifaqının hakimiyyət dairələrini xəbərdar edib.xeber100.com