“Erginskoye” neft yatağı tenderə çıxarılıb

Rusiyadakı “Erginskoye” neft yatağı tenderə çıxarılıb.“ria.ru” xəbər verir ki, “Rosnedra” Federal Yeraltı Mənbələri Agentliyi ölkənin qurudakı son böyük neft yatağı olan “Erginskoye”ni tenderə çıxarıb.Qeyd edək ki, əvvəllər də “Erginskoye” neft yatağının tenderə çıxarılması nəzərdən keçirilmişdi.xeber100.com

BMT Uşaq Fondu xəbərdarlıq edir

Somalidə ishal və vəba xəstəliklərindən əziyyət çəkən uşaqların sayı kəskin artıb. 2011-ci ildə bu ölkədə eyni səbəbdən 130 min uşaq həlak olub. BMT Uşaq Fondu (UNİCEF) belə bir faciənin yenidən təkrarlanmasına yol verməmək üçün Somaliyə köməyi artırır.Azərtac BMT-nin Xəbərlər Mərkəzinə istinadla bildirir ki, martın sonu üçün UNİCEF-in məlumatına görə, bu il uşaqlarda vəba və ishal xəstəliklərinə tutulma ilə bağlı 18400 hadisə qeydə alınıb. Müqayisə üçün bildirək ki, keçən il belə halların sayı 15600 olub.UNİCEF-in regional direktoru Leyla Pakkala deyib: “Bu rəqəmlər bizim üçün həyəcan siqnalıdır. Biz faciənin təkrarlanmasına yol verməmək üçün tərəfdaşlarımızla birlikdə yorulmadan çalışırıq”.Yanvar və fevral aylarında bütün Somali ərazisində 35400 uşağa qidalı qarışıqlar verilib. Bu, keçən ilin müvafiq dövrü ilə müqayisədə 58 faiz çoxdur.UNİCEF bu uşaqlar üçün həyatı əhəmiyyət kəsb edən yardımın iyun ayının sonuna qədər fasiləsiz çatdırılmasını təşkil edib. Fond əhalinin su, ərzaq, gigiyena vasitələri və dərmanlarla təchiz edilməsi miqyasını genişləndirir. Ən çox zərər çəkmiş rayonlarda Uşaq Fondunun komandaları işləyir.Ekspertlərin proqnozlarına görə, 2017-ci ildə Somalidə 944 min uşaq aclıq həddində qala bilər. Lakin aprel ayında gözlənilən yağışlar yağsa belə, bu rəqəm arta bilər.xeber100.com

TASS informasiya agentliyinin məlumatı

Böyük Britaniya Avropa İttifaqının tərkibindən çıxmasına görə bu quruma kompensasiya üçün iri pul vəsaiti ödəməyəcək.TASS informasiya agentliyi xəbər verir ki, bu barədə martın 30-da Birləşmiş Krallığın ölkənin Aİ-dən çıxması məsələləri üzrə naziri Devid Devis ITV telekanalında Londonun Brüsselə 50 milyard avro ödəyəcəyi barədə yerli KİV-lərdə dərc olunan informasiyaları şərh edərkən bildirib.“Əslində bizə Avropa Komissiyası tərəfindən belə bir tələb irəli sürülməyib, - deyə Devis bildirib. – Bu barədə mövqeyimiz çox sadədir: biz qanunsevən ölkə olduğumuz üçün bütün öhdəliklərimizi yerinə yetirəcəyik. Lakin bizim tərəfimizdən hər hansı iri pul vəsaitinin ödənilməsi gözlənilmir”.Bir qədər əvvəl Britaniya KİV-lərində dərc olunan məlumatlara əsasən, Avropa İttifaqının “brexit” üzrə əsas vasitəçisi Mişel Barnyö hazırda Böyük Britaniyanın həyata keçirmədiyi öhdəliklər üzrə 50 milyard avrodan 60 milyard avroya qədər təzminat ödəməsini London və Brüssel arasında sövdələşməyə daxil etmək üçün işlər aparır. Burada söhbət əsasən Aİ ölkələrində yaşayan britaniyalılara pensiya verilməsi, kreditlər üzrə zəmanətin təqdim olunması və digər ehtiyacların ödənilməsindən gedir. Bu məbləğin dəqiq müəyyən edilməsi Avropa İttifaqı ilə Birləşmiş Krallıq arasında danışıqların əsas mövzusu olacaq.Xatırladaq ki, martın 29-da Böyük Britaniya hökumətinin başçısı Tereza Mey ölkənin Aİ-nin tərkibindən çıxması prosesinin rəsmən başlaması barədə Avropa İttifaqının hakimiyyət dairələrini xəbərdar edib.xeber100.com

“Samsung” şirkəti yeni smartfonlarını təqdim edib

"Samsung" şirkəti Nyu-Yorkda keçirilmiş təqdimatda yeni "Galaxy S8" və "S8 Plus" smartfonlarını nümayiş etdirib.Azərtac xəbər verir ki, hər iki cihaz tərəflər nisbəti 18,5:9 olan və 2960x1440 piksel təsvir ölçülü əyri kənarlara malik ekranla təchiz edilib. Böyük modeldə ekranın diaqonalı 6,2, kiçikdə isə 5,8 düymdür.Şirkətin yaydığı məlumata görə, telefonun korpusu metal çərçivəyə malik şüşədən hazırlanıb. İdarəetmə düymələri ekrana inteqrasiya edilib və barmaq izi skanerinin yeri arxa tərəfə keçirilib. Yeni qabaqcıl smartfon gözün qüzehi qişasının skaneri ilə təchiz edilib.Yeni "S8" smartfonları "IP68" standartına uyğun olaraq su və toza qarşı dayanıqlıdır, yəni telefon 1,5 metr dərinliyində suyun içində 30 dəqiqə qalmaq qabiliyyətinə malikdir.Bu smartfonlar iki modifikasiyada əlçatan olacaq: "Samsung Exynos 8895" və "Qualcomm Snapdragon 835" prosessorları ilə. Həmçinin 4 giqabayt əməli və 64 giqabayt daxili yaddaşla təchiz edilib. Yaddaş kartı dəstəklənir. Əsas kameranın təsvir ölçüsü 12, ön kamerada isə 8 meqapikseldir. Hər iki aparat "Dual Pixel" texnologiyasına malik "f1.7" linzasına malikdirlər. Bundan əlavə, "Galaxy S8" smartfonu şirkətin "Bixby" səs assistentini dəstəkləyən ilk qurğusudur. İstehsalçının iddiasına görə, həmin səs assistent bazarda ən "ağıllı"dır və başqa şirkətlərin həllindən son dərəcə fərqlənir.xeber100.com

İkitərəfli əməkdaşlıq məsələləri müzakirə olunub

Tacikistan Prezidenti Emomali Rahmon Avropa Yenidənqurma və İnkişaf Bankının birinci vitse-prezidenti və bankın Tacikistan üzrə nümayəndəliyinin yeni rəhbəri Aytən Rüstəmovanı qəbul edib.Görüşdə Tacikistan ilə AYİB arasında ikitərəfli əməkdaşlıq məsələləri və bankın bu ölkədəki fəaliyyəti ilə bağlı geniş müzakirələr aparılıb.Emomali Rahmon Aytən Rüstəmovaya nümayəndəliyin yeni rəhbəri kimi fəaliyyətində uğurlar arzulayıb.Söhbət zamanı Tacikistan iqtisadiyyatına təsir edən neqativ amillərin qarşısının alınması və makroiqtisadi vəziyyətin sabitləşməsi üçün istehsal və ixrac potensialının gücləndirilməsinə, enerji sektorunda müxtəlif layihələrin həyata keçirilməsinə kömək göstərilməsi məsələləri diqqət mərkəzində olub.xeber100.com

Kolumbiya ilə bağlı vergi sanksiyası ləğv ediləcək

Nikaraqua 1999-cu ildən Kolumbiyadan gətirilən mallara ərazi mübahisələrinə görə tətbiq edilən 35 faizlik vergini ləğv etməyi planlaşdırır.Azərtac bildirir ki, Prezident Daniel Orteqa Milli Assambleyaya bu barədə müraciət edib.Qeyd olunub ki, Nikaraqua eyni səbəbə görə Hondurasdan gətirilən mallara da vergi tətbiq edib, lakin həmin sanksiya 2003-cü ildə ləğv olunub.xeber100.com

Ərəb Dövlətləri Liqasının 28-ci sammiti keçirilir

Xəbər verdiyimiz kimi, İordaniyada Ərəb Dövlətləri Liqasının (ƏDL) 28-ci sammiti keçirilir.Liqanın üzvü olan 18 ölkənin dövlət başçısının iştirak etdiyi bu sammitdə BMT-nin baş katibi Antoniu Quterreş çıxış edib. Baş katib bildirib ki, Fələstinlə İsrail arasında münaqişənin tənzimlənməsinin yeganə yolu “iki dövlət” konsepsiyasına əsaslanmalıdır.Onun sözlərinə görə, münaqişənin bu yolla həllinə əngəl törətmək üçün göstərilən bütün cəhdlərə son qoyulmalıdır.Sammitin əsas müzakirə mövzuları Fələstin problemi, ərəb sülh təşəbbüsünün fəallaşması və İsrailin Yerusəlimdə yeni məskənlər salmaq fəaliyyəti ilə bağlı məsələlərdir.Sammit iştirakçıları, o cümlədən Suriyada və Liviyada regional problemlərin və münaqişələrin bütün kompleksini, Sudanda sülh prosesinin dəstəklənməsi, Somalinin inkişafı məsələlərini müzakirə edəcək, münaqişələrin tənzimlənməsinə ümumi münasibət və ərəb regionunda mövcud təhdidlərə qarşı birgə fəaliyyət barədə fikir mübadiləsi aparacaqlar.xeber100.com

Valyuta mübadiləsinin yeni sistemi tətbiq ediləcək

Gələn həftə Venesuelada valyuta mübadiləsinin yeni sistemi tətbiq ediləcək. "lenta.ru" xəbər verir ki, bu açıqlama ilə ölkə prezidenti Nikolas Maduro çıxış edib. Hakimiyyət ümid edir ki, yeni mübadilə sisteminin tətbiqi ilə ölkənin milli valyutası bolivar sərbəst dönərli olacaq. Yeni sistemin qaydalarına görə, hər həftə iki hərrac aparılacaq.Prezidentin sözlərinə görə, yeni sistemə giriş ölkənin bütün müəssisələri və təbəqələri üçün açıq olacaq. O, eyni zamanda, yeni valyuta sistemini saxta dollarların təsirindən qorumağa çağırıb.Hazırda Venesuelada bolivarın 3 müxtəlif məzənnəsi mövcuddur: rəsmi sabit məzənnə DİPRO-da 10 bolivar/dollar, əlavə valyuta mübadiləsi sistemi - DİCOM-da 706 bolivar/dollar, “qara bazar”da isə 3 000 bolivar/dollardan artıqdır.Qeyd edək ki, 2014-cü ildə neftin qiymətinin aşağı düşməsi səbəbindən Venesuela uzunsürən iqtisadi böhran yaşayır. Beynəlxalq Valyuta Fondunun proqnozlarına görə, bu il ölkədə inflyasiya 1640 faiz təşkil edəcək.xeber100.com

Bolqarıstanda parlament seçkiləri keçirilir

Bu gün Bolqarıstanda növbədənkənar parlament seçkiləri keçirilir. Seçki məntəqələri yerli vaxtla saat 7:00-da (Bakı vaxtı ilə 9:00) səsvermə üçün açılıb. RİA Novosti informasiya agentliyi xəbər verir ki, Bolqarıstan parlamentinin 240 deputatı ümumxalq səsverməsi ilə dörd il müddətinə seçilir. Seçicilərin 4 faizindən çoxunun səsini alan partiya parlamentdə təmsil olunmaq hüququ qazanır. Ölkənin Mərkəzi Seçki Komissiyasının məlumatına görə, bu seçkilərdə 13 partiya, 9 koalisiya, 21 təşəbbüs qrupu iştirak edir və ümumilikdə 4732 deputat qeydə alınıb.Bolqarıstan Daxili İşlər Nazirliyi seçki günü ictimai asayişin qorunmasına 14 min polis əməkdaşının cəlb olunduğunu bildirib.xeber100.com

Avropa İttifaqının yaradılmasının 60 illik yubileyi qeyd edilib

Martın 25-də İtaliyanın paytaxtı Roma şəhərindəki Kapitoli təpəsində Avropa İttifaqının yaradılmasının 60 illik yubileyi qeyd edilib.Azərtac xarici KİV-lərə istinadla bildirir ki, yubiley mərasimində Avropa İttifaqına üzv olan 27 ölkənin dövlət və hökumət başçıları yekun bəyannamə imzalayıblar.Böyük Britaniyanın Baş naziri Tereza Meyin qatılmadığı tədbirdə iştirakçılar heç vaxt olmadığı qədər vahid və bölünməz Avropa yaradılması ilə bağlı müzakirələr aparıblar.Tereza Mey martın 29-dan etibarən “Brexit” prosesinə başlamağı qərara alıb.Qeyd edək ki, 60 il əvvəl – 1957-ci il martın 25-də 6 ölkənin nümayəndələri məhz Kapitoli təpəsində Avropa İttifaqının varisi olduğu Avropa İqtisadi Birliyinin və Avropa Atom Enerjisi Birliyinin əsasını qoyublar.xeber100.com