Avropa İttifaqının yaradılmasının 60 illik yubileyi qeyd edilib

Martın 25-də İtaliyanın paytaxtı Roma şəhərindəki Kapitoli təpəsində Avropa İttifaqının yaradılmasının 60 illik yubileyi qeyd edilib.Azərtac xarici KİV-lərə istinadla bildirir ki, yubiley mərasimində Avropa İttifaqına üzv olan 27 ölkənin dövlət və hökumət başçıları yekun bəyannamə imzalayıblar.Böyük Britaniyanın Baş naziri Tereza Meyin qatılmadığı tədbirdə iştirakçılar heç vaxt olmadığı qədər vahid və bölünməz Avropa yaradılması ilə bağlı müzakirələr aparıblar.Tereza Mey martın 29-dan etibarən “Brexit” prosesinə başlamağı qərara alıb.Qeyd edək ki, 60 il əvvəl – 1957-ci il martın 25-də 6 ölkənin nümayəndələri məhz Kapitoli təpəsində Avropa İttifaqının varisi olduğu Avropa İqtisadi Birliyinin və Avropa Atom Enerjisi Birliyinin əsasını qoyublar.xeber100.com

“Tokyo Elelctrik Power Co.” şirkətinin məlumatı

“Fukusima-1” atom elektrik stansiyasının (AES) operatoru “Tokyo Elelctrik Power Co.” şirkəti bildirib ki, robot vasitəsilə AES-in 1 nömrəli reaktorunda ərimiş nüvə yanacağının yerini müəyyən etmək cəhdi uğursuzluqla nəticələnib.Şirkət bunu son beş gün ərzində nüvə reaktorunun daxilinə buraxılan robot vasitəsilə araşdırmağa çalışıb. Robot reaktorun daxilində radiasiyanın səviyyəsini müəyyən etməklə yanaşı, ərimiş yanacağın və reaktorun digər hissələrinin fotolarını da çəkməli idi.xeber100.com

Müdafiə nazirlərinin “2+2” formatında görüşü…

Yaponiya və Avstraliya arasında xarici işlər və müdafiə nazirlərinin “2+2” formatında görüşünün keçirilməsi ilə əlaqədar danışıqlar aparılır. Bu barədə NHK telekanalı məlumat yayıb.Məlumatda qeyd edilir ki, görüşün aprelin sonlarında keçirilməsi nəzərdə tutulur. Həmin görüşdə Koreya Xalq Demokratik Respublikasının hərəkətləri fonunda Asiya-Sakit okean regionunda vəziyyətin gərginləşməsinin müzakirə olunacağı vurğulanır.Cari ilin yanvarında Avstraliyaya səfər edən Baş nazir Şinzo Abe həmkarı Malkolm Ternbulla müzakirələr apararaq müdafiə sahəsində logistik fəaliyyətin genişləndirilməsi barədə razılıq əldə edib. ABŞ ilə üçtərəfli qarşılıqlı fəaliyyətin əhəmiyyətini vurğulayan tərəflər, eyni zamanda, Asiya-Sakit okean regionunda təhlükəsizliklə bağlı vəziyyəti müzakirə ediblər.xeber100.com

TASS agentliyinin məlumatına görə…

Martın 24-nə keçən gecə Rusiya Milli Qvardiyasının Çeçenistanın Naur rayonu ərazisindəki hərbi hissəsinə hücum olub.TASS agentliyi xəbər verir ki, hadisə yerli vaxtla saat 02:30-da baş verib. Səkkiz nəfər silahlı güclü duman şəraitində Rusiya Milli Qvardiyasının hərbi şəhərciyinin ərazisinə daxil olmağa cəhd göstərib. Baş verən döyüş zamanı onlardan 6-sı öldürülüb. İkisi isə gizlənməyə nail olub.Rusiya Milli Antiterror Mərkəzindən bildirilib ki, hərbçilər arasında ölənlər və yaralananlar var.xeber100.com

“RİA Novosti”nin məlumatına əsasən…

Londonda törədilən terror aktı nəticəsində ölənlərin sayı, terrorçu da daxil olmaqla, 5 nəfərə çatıb. “RİA Novosti” xəbər verir ki, bu barədə Skotland Yard polisi məlumat verib.Məlumatda, həmçinin hadisə nəticəsində 40 nəfərin də yaralandığı bildirilir.Baş nazir Tereza Mey Təhlükəsizlik Şurasının iclasında terrora təslim olmayacaqlarını deyərək, birlik və bərabərlik mesajı verib. O, həmçinin Böyük Britaniyada terror təhlükəsi səviyyəsinin dəyişməz qalacağını qeyd edib. “Terror təhlükəsinin səviyyəsi “ciddi” olaraq qalacaq, səviyyə yüksəldilməyəcək”, - deyə T.Mey bildirib.Qeyd edək ki, Böyük Britaniyada terror təhlükəsinin “aşağı”, “sadə”, “ciddi”, “yüksək” və “böhran” səviyyələri mövcuddur.xeber100.com

Fövqəladə iclas keçiriləcək

Ukrayna Ali Radasının milli təhlükəsizlik və müdafiə məsələləri üzrə komitəsi Xarkovun Balakleya şəhərində hərbi anbarda baş vermiş partlayışlarla əlaqədar fövqəladə iclas keçirəcək.Azərtac xəbər verir ki, bu barədə komitənin üzvü Yuri Bereza açıqlama yayıb.Xatırladaq ki, partlayışlarla əlaqədar Balakleya şəhərinin, həmçinin Verbovka və Yakovenkovo kəndlərinin sakinləri, ümumilikdə 20 min insan təxliyə edilib.Ukraynanın Müdafiə Nazirliyi partlayışların təxribat nəticəsində törədildiyini güman edir.xeber100.com

NATO üzvü olan dövlətlər Brüsseldə görüşəcəklər

NATO üzvü olan dövlətlərin başçıları mayın 25-də Brüsseldə görüşəcəklər.RİA Novosti informasiya agentliyi xəbər verir ki, liderlər Donald Trampın ABŞ prezidenti seçilməsindən sonra ilk dəfə bir araya gələcəklər.Alyans nümayəndəsinin məlumatına görə, sammitdə “NATO-nun terrorizmlə mübarizədə rolu və müdafiə xərclərinin artırılmasının vacibliyi, həmçinin məsuliyyətin müttəfiqlər arasında daha ədalətlə bölüşdürülməsi məsələsi” müzakirə olunacaq.ABŞ Prezidenti Donald Tramp liderlərin Brüssel görüşündə iştirak edəcək. Bu barədə Ağ evin mətbuat katibi Şon Spayser məlumat verib. Bundan başqa, Trampın aprelin 12-də Ağ evdə Şimali Atlantika alyansının baş katibi Yens Stoltenberqi qəbul etməyi planlaşdırdığı bildirilir.xeber100.com

London taksilərinin yeni istehsal fabriki açılacaq

Britaniyanın Koventri bölgəsində London taksilərinin yeni istehsal fabriki açılacaq. Dəyəri 300 milyon funt sterlinq olan zavod elektrik ilə işləyən taksilər istehsal edəcək.Zavod illik 20 min nəqliyyat vasitəsi istehsal gücünə malik olacaq. Londonun özünəməxsus taksilərini 69 ildir ki, istehsal edən taksi şirkətində 1500-ə yaxın işçi çalışır. Yeni açılacaq zavodda isə min yeni iş yeri açılacaq.xeber100.com

Rəsmi Tokionun qənaətinə görə…

Yaponiya və Rusiyanın xarici işlər nazirlərinin əldə etdiyi razılaşmaya əsasən, Baş nazir Şinzo Abe aprelin sonunda Rusiyaya səfər edərək Prezident Vladimir Putinlə görüşəcək. Bu barədə Jiji Press agentliyi məumat yayıb.Rəsmi Tokionun qənaətinə görə, ölkə liderlərinin növbəti görüşü Hokkaydonun yaxınlığında yerləşən dörd şimal adasında təsərrüfat fəaliyyəti ilə bağlı müzakirələrin inkişafı ilə yanaşı, ərazi mübahisəsinin həllinə və sülh müqaviləsinin imzalanmasına təkan verə bilər.Nazirlər Fumio Kişida və Serqey Lavrov birgə fəaliyyətlə bağlı prioritet obyektlərin və hüquqi məsələlərin seçilməsi və onların müzakirəsinin davam etdirilməsi barədə də razılığa gəliblər.xeber100.com

TASS agentliyinin məlumatı

ABŞ ordusunun pilotsuz uçan aparatı Əfqanıstanın şərqində terroristlər olan avtomobilə raket zərbəsi endirib.TASS agentliyi “Doon” qəzetinin məlumatına istinadla xəbər yayıb. Məlumatda bildirilir ki, raket zərbəsi nəticəsində 4 silahlı şəxs və həmçinin “Əl-Qaida”nın səhra komandiri ölüb.Məhv edilən terrorçulardan ikisinin şəxsiyyəti məlum olub. Onlardan biri “Əl-Qaida” terror təşkilatının tanınmış səhra komandiri Ustad Aslam kimi tanınan Kari Yasin olduğu təsdiq edilib. O, əslən Pakistanın Pəncab əyalətindəndir. Burada onun həbsinə 50 min dollar mükafat təyin edilmişdi. Kari Yasin bir sıra terror hadisələrinin, həmçinin prezident Pərviz Müşərrəfə qarşı baş tutmayan sui-qəsdin təşkilində şübhəli bilinirdi.Digər öldürülən şəxs isə “Pakistanın taliblər hərəkatı”ndan olan Amin Şah Mahsud olduğu qeyd olunur. O, bu təşkilat üçün kamikadze-terrorçular hazırlayan təlimatçı olub.xeber100.com