NATO 71 milyon avro yatırmağı planlaşdırır

NATO 2021-ci ilə qədər Latviyanın müdafiəsinə təxminən 71 milyon avro yatırmağı planlaşdırır. Bu barədə məlumatı “nra.lv” saytı Latviya Müdafiə Nazirliyinə istinadla yayıb.Həmin vəsaiti Latviya Milli Silahlı Qüvvələrinin (HBC) infrastrukturunun inkişafına, müttəfiqlərin qəbul edilməsinin və yerləşdirilməsinin təmin olunmasına yatırmaq planlaşdırılır.Latviya Nazirlər Kabinetinin fevral tarixli əmrinə görə, Latviya Müdafiə Nazirliyi 2017-2021-ci illərdə üzərinə uzunmüddətli öhdəliklər götürə, NATO-nun təhlükəsizliyə investisiyalar üzrə proqramının maliyyələşdirilməsi üçün təqribən 71 milyon avro xarici maliyyə yardımı, layihələrin Latviya hökuməti hesabına və xarici ölkələrlə müştərək maliyyələşdirilməsi üçün vergilərin ödənilməsinə 27 milyon avroya qədər vəsait cəlb edərək müqavilələr imzalaya bilər.xeber100.com

Hökumətlərarası Şuranın iclası keçirilib

Bişkekdə Qırğızıstanın Avrasiya İqtisadi Birliyinə (AİB) sədrliyi çərçivəsində qurumun Hökumətlərarası Şurasının iclası keçirilib.İclasda Rusiya, Qazaxıstan, Qırğızıstan, Belorus və Ermənistanın baş nazirləri iştirak edib.Tədbirdə bu ölkələr arasında inteqrasiya proseslərinin gücləndirilməsi, 2019-cu ilə qədər vahid energetika bazarının yaradılması, bu ölkələrin iqtisadiyyatına sərmayə qoyuluşu, 2025-ci ilə qədər AİB-nin üzvü olan ölkələr arasında iqtisadi inkişafın əsas istiqamətləri, kənd təsərrüfatı üçün maşın və mexanizmlərin buraxılmasının qaydaya salınması və digər məsələlər müzakirə edilib.İclasda bu və digər məsələlərlə bağlı 10 sənəd imzalanıb.Avrasiya İqtisadi Birliyi Hökumətlərarası Şurasının növbəti iclası Tatarıstanın mərkəzi Kazan şəhərində keçiriləcək.xeber100.com

“New Straits Times” qəzeti yazır…

NHK telekanalının Malayziyanın “New Straits Times” qəzetinə istinadla yaydığı məlumata görə, Şimali Koreyanın 37 vətəndaşı Borneoda Malayziya hökuməti tərəfindən saxlanılıb.Qəzetin hökumətdəki mənbələrə istinadla yaydığı məlumatda bildirilir ki, Malayziyanın İmmiqrasiya İdarəsinin apardığı yoxlama zamanı Borneoda qeyri-leqal yaşayan və tikinti işlərində çalışan 37 nəfər Şimali Koreya vətəndaşı saxlanılıb.İki ölkə arasında münasibətlər fevralın 13-də Kuala-Lumpurun beynəlxalq hava limanında Şimali Koreya vətəndaşı Kim Çan Namın qətlindən sonra gərginləşib. Cənubi Koreya rəsmi Pxenyanı bu qətlin təşkilində günahlandırıb. Malayziya hökuməti hadisədə bir neçə Şimali Koreya vətəndaşını təqsirli bilərək bir diplomatın və “Air Koryo” aviaşirkətinin əməkdaşının həbsi barədə order verib.xeber100.com

İmmiqrasiya haqqında yeni fərman imzalanıb

Prezident Donald Tramp Suriya, Sudan, Somali, İran, Liviya və Yəmən vətəndaşlarının 90 gün ərzində ABŞ-a gəlişini qadağan edən yeni fərman imzalayıb. Fərmanda İraq siyahıdan çıxarılıb. Bundan əvvəl Pentaqon və Dövlət Departamenti Ağ Evə davamlı təzyiq göstərib, D.Tramp Administrasiyasını İŞİD-ə və bütövlükdə terrorizmə qarşı mübarizədə mühüm rol oynayan bu ölkəni yeni siyahıya salmamağa çağırıb. Beləliklə, yeni fərmanda Suriya, Sudan, Somali, İran, Liviya və Yəmən vətəndaşlarının ABŞ-a gəlişi qadağan olunur, bundan əvvəl viza verilmiş adamlar istisna təşkil edir.xeber100.com

ABŞ Patent və Əmtəə Nişanları Bürosuna müraciət…

Cənubi Koreyanın “Samsung” şirkəti insanabənzər robotun yaradılmasına patent hüququ əldə etmək üçün ABŞ Patent və Əmtəə Nişanları Bürosuna müraciət edib.“Rusnews Info” resursu xəbər verir ki, müraciətdə insan kimi addımlamağı bacaran insanabənzər robot təsvir edilib.Sənəd barədə məlumat internetdə bu yaxınlarda yayılsa da, şirkətin büroya ərizəsi 2011-ci ildə daxil olub. Sənədə görə, “Samsung” insanın yerişini tam imitasiya edən, kök hüceyrəsinə cavabdeh xüsusi sistem sayəsində nəfəsi təkrarlayan robot ərsəyə gətirəcək. Robot hərəkət zamanı adi yerimə sürətinə nail olmaq üçün marşrutu təhlil edəcək.Qeyd olunur ki, A nöqtəsindən B nöqtəsinə çatmaq üçün “Samsung” robotu öz ağırlıq mərkəzini bölüşdürməklə hündürlüyə qalxma və ya dağdan aşağı enmə zamanı şaquli vəziyyəti saxlamaqla yolu bir neçə hissəyə ayıracaq. Qeyri-adi robotun hansı sahədə tətbiq ediləcəyi barədə məlumat verilmir.xeber100.com

Cənubi Amerikanın şimal-şərqində beşinci Avropa peyki buraxılıb

Martın 7-nə keçən gecə Cənubi Amerikanın şimal-şərqində, Fransa Qvianası ərazisindəki Kuru kosmodromunda beşinci Avropa peyki buraxılıb. Yerin müşahidə edilməsi üçün nəzərdə tutulan və “Sentinel-2B” adlanan bu peyk analoji “Sentinel-2A” aparatı ilə birlikdə materiklərin, adaların və sahilyanı rayonların şəklini çəkəcək.“Sentinel” aparatları Avropa İttifaqının və Avropa Kosmik Agentliyinin (ESA) büdcəsi hesabına maliyyələşdirilən “Copernicus” proqramı çərçivəsində buraxılıb. Bu peyklər vasitəsilə alınan məlumatlar pulsuz istifadə üçün əlyetərli olacaq. Həmin məlumatlardan meşə sənayesində və meşə təsərrüfatında istifadə etmək planlaşdırılır.xeber100.com

Prezident seçkilərinin ilk turu aprelin 23-də keçiriləcək

Bordo şəhərinin meri Alen Jüppe prezident seçkilərində “Respublikaçılar” partiyasından namizədliyini irəli sürməkdən qəti surətdə imtina edib. O, bu barədə qərarını təcili çağırılan konfransda açıqlayıb.TASS informasiya agentliyi xəbər verir ki, Fransua Fiyonla bağlı qalmaqal fonunda prezident seçkilərində mübarizəyə qoşulmaq barədə partiya yoldaşlarından çoxsaylı təkliflər aldığını deyən Jüppe bu “bazarlıqda” iştirak etmək istəmədiyini vurğulayıb.Siyasətçi “Respublikaçılar” partiyasında baş verən böhrana və mərkəzçilərlə ənənəvi vahid mövqenin olmadığına görə da təəssüf hissini dilə gətirib. Onun sözlərinə görə, Fransada seçkilər heç vaxt belə dolaşığa düşməyib. “Marşda” hərəkatının lideri Emmanuel Makronun seçilməsi Fransua Olandın məhvedici siyasətinin davamı ola bilər, “Milli cəbhə” isə ölkəni fəlakətə aparar.Xatırladaq ki, Fransada prezident seçkilərinin ilk turu aprelin 23-də, ikinci turu mayın 7-də keçiriləcək. Namizədlərin qeydiyyatı isə martın 17-də başa çatır.xeber100.com  

TASS informasiya agentliyinin məlumatı

Prezident Donald Tramp İraqı vətəndaşlarının Birləşmiş Ştatlara girişi məhdudlaşdırılan müsəlman ölkələrinin siyahısından çıxarıb.TASS informasiya agentliyi xəbər verir ki, Bağdad hökumətinin Vaşinqtonla terrorizmə qarşı əməkdaşlığı aktivləşdirməsi İraqın siyahıdan çıxarılmasına şərait yaradıb. Bu barədə xarici jurnalistlərə məlumat verən Ağ ev rəsmiləri ölkə başçısının miqrasıya ilə bağlı yeni sənəd imzalanmaq niyyətində olduğunu bildiriblər.Qeyd edilib ki, İran, Yəmən, Liviya, Suriya, Somali və Sudan vətəndaşlarının ABŞ-a girişinin 90 günlük məhdudlaşdırılması artıq təsdiqlənib. İraqın istisna edilməsinin səbəbi hökumətin ölkədən çıxanlara qarşı yeni yoxlamalar tətbiq etməsidir.xeber100.com

Yaponiya qanunlarına əsasən…

Yaponiyanın hakim Liberal Demokratik Partiyası (LDP) növbəti qurultayında Nizamnamədə dəyişiklik edərək partiya liderinin səlahiyyət müddətini 9 ilədək uzadıb. Bu barədə Kyodo agentliyi məlumat yayıb.LDP-nin növbəti qurultayı martın 5-də Tokioda öz işinə başlayıb. Qurultayın qərarına əsasən, partiya sədrinin səlahiyyət müddəti hər biri 3 il olmaqla iki müddətdən üç müddətə uzadılıb.Yaponiya qanunlarına əsasən, parlamentin aşağı palatasının seçkilərində qalib gələn partiya ölkənin Baş naziri vəzifəsinə öz namizədini irəli sürür. Beləliklə, hakim partiyanın lideri Nazirlər Kabinetinə rəhbərlik edir. Bu, o deməkdir ki, əgər qarşıdakı seçkilərdə LDP parlamentdəki mövqelərini saxlamağa nail olarsa, Şinzo Abe 2021-ci ilədək Baş nazir vəzifəsində qalacaq. Əvvəlki sistemə görə, partiya sədrinin səlahiyyət müddəti 2018-ci ildə başa çatmalı idi.xeber100.com

“Channel News Asia” tv-nin məlumatı

2014-cü ildə itmiş, Malayziya Hava Yollarına məxsus “Boeing-777” təyyarəsinin sərnişinlərinin qohumları onun axtarışının davam etdirilməsində təkid edirlər. “Channel News Asia” telekanalının yaydığı məlumata görə, onlar təyyarənin parçalarının özəl qaydada axtarışı üçün kampaniyaya start veriblər.Xəbər verdiyimiz kimi, Avstraliya, Malayziya və Çinin nümayəndələrinin daxil olduğu Axtarışları Əlaqələndirmə Mərkəzi (JACC) yanvarın ortalarında bəyanatla çıxış edərək 2014-cü il martın 8-də itmiş təyyarənin axtarışlarının dayandırıldığını bildirib. Bundan sonra Malayziya hökuməti fərdi şəxslərə və təşkilatlara qırıntıların axtarışını davam etdirməyə icazə verib.xeber100.com