Regional və beynəlxalq məsələlər müzakirə edilib

Türkiyə Prezidenti Rəcəb Tayyib Ərdoğan Özbəkistanda səfərdədir.Səfər çərçivəsində R.T.Ərdoğan Özbəkistan Prezidentinin səlahiyyətlərini icra edən Baş nazir Şavkat Mirziyayevlə görüşüb.Görüşdə Özbəkistan ilə Türkiyə arasında ikitərəfli münasibətlərin indiki vəziyyəti və perspektivləri ətrafında fikir mübadiləsi aparılıb, tərəfləri maraqlandıran regional və beynəlxalq məsələlər müzakirə edilib.Türkiyə Prezidenti dekabrın 4-də Özbəkistanda keçiriləcək prezident seçkilərində Şavkat Mirziyayevə uğurlar arzulayıb, iki ölkə arasında əlaqələrin daha da inkişaf edəcəyinə əminliyini bildirib.R.T.Ərdoğan prezident seçiləcəyi təqdirdə Ş.Mirziyayevi Türkiyəyə səfərə dəvət edib.Səfər çərçivəsində Türkiyə dövlətinin başçısı Özbəkistanın birinci Prezidenti İslam Kərimovun məzarını ziyarət edib, onun xatirəsinə ehtiramını bildirib.xeber100.com

Rusiya hökuməti icazə kvotası müəyyən edib

Rusiya hökuməti 2017-ci il üçün əcnəbilərin ölkədə müvəqqəti yaşamasına icazə kvotasını müəyyən edib. Bu il kvotanın sayı ötən illə müqayisədə 11,9 faiz azalıb.Müvafiq sərəncama əsasən, gələn il əcnəbi vətəndaşların və vətəndaşlığı olmayan şəxslərin Rusiyada müvəqqəti yaşaması üçün 110 min 880 icazə sənədi verilə bilər. Bu say ölkənin bütün subyektləri arasında bölünəcək.xeber100.com

Sloveniya parlamentinin qərarına əsasən…

Sloveniya Avropa İttifaqında ilk dövlət olaraq içməli sudan istifadə hüququnu konstitusiya ranqına qaldıraraq təməl hüquqlar sırasına daxil edib. Ölkə parlamentinin deputatları konstitusiyaya əlavə fəslin daxil edilməsinə dair qərarı yekdilliklə dəstəkləyiblər. Həmin fəsildə “hər bir şəxsin içməli sudan istifadə hüququ” olduğu göstərilib və içməli suyun “əmtəə olmadığı” qeyd edilib. Əhalinin içməli su ilə təchizatı dövlət tərəfindən bələdiyyələr vasitəsilə həyata keçirilməli və bu, “birbaşa və qeyri-kommersiya” formasında olmalıdır.Bununla da içməli su mənbələri və içməli su ilə təchizatın özəlləşdirilməsinə dair ölkədə uzun müddətdən bəri aparılan müzakirələrə son qoyulub. Müxtəlif cəmiyyətlər tərəfindən özəlləşdirməyə qarşı qaldırılan təşəbbüsə Baş nazir Miro Tserarın rəhbərlik etdiyi mərkəz-solçu hökumət də qoşulub.xeber100.com

22 milyon dollar kompensasiya ödəniləcək

Noyabrın 17-də Okinava dairə məhkəməsinin Naha bölməsi bu ərazidə yerləşən ABŞ hərbi bazasına məxsus aviasiyanın yaratdığı səs-küy nəticəsində dəyən zərərə görə mərkəzi hökumət orqanlarının yerli əhaliyə 22 milyon dollar kompensasiya ödəməsi barədə qərar qəbul edib.Bununla yanaşı, məhkəmə sakinlərin müəyyən edilmiş standartları aşan səs-küyün qarşısının alınması barədə tələbini rədd edib.ABŞ-ın Futemmada yerləşən dəniz piyadaları korpusunun aviapostu ətrafında yaşayan təqribən 3400 sakin 2012-ci ildə mərkəzi hökumətə qarşı iddia qaldırıb. Onlar hökumətdən aviasiyanın yaratdığı səs-küyü mövcud standartlar səviyyəsinə qədər azaltmaq üçün tədbirlər görməyi və əhalinin sağlamlığına dəyən zərərə görə kompensasiya ödəməyi tələb edirdilər.xeber100.com

ABŞ Konqresinin rəyinə görə…

ABŞ Konqresi işçi qrupu üzvlərinin rəyinə görə, əgər Trans-Sakit Okean Tərəfdaşlığı (TPP) üzrə müqavilə qüvvəyə minməsə və Asiyada azad ticarət barədə Çinin təklif etdiyi layihə həyata keçərsə, bu ölkənin iqtisadiyyatı sürətlə inkişaf edəcək.NHK televiziya kanalının yaydığı məlumata görə, ABŞ-Çin iqtisadi və təhlükəsizlik komissiyası noyabrın 16-da illik hesabatını dərc edib.Sənəddə deyilir ki, əgər TPP üzrə müqavilə imzalanmasa və Hərtərəfli Regional İqtisadi Tərəfdaşlıq işə başlasa, Çin iqtisadiyyatı əlavə 88 milyard dollar qazanacaq.xeber100.com

Böyük Britaniya 60 milyard avro ödəməli olacaq

Böyük Britaniya Avropa İttifaqını tərk etmək üçün 40 milyard avrodan 60 milyard avroyadək ödəməli olacaq.“banks.eu” saytı xəbər verir ki, xüsusilə, London Aİ-nin büdcəsində “Brexit” nəticəsində meydana gələn maliyyə boşluğunu doldurmalı olacaq.“Financial Times”in məlumatına görə, bu məbləğə Böyük Britaniyada pensiya və büdcə öhdəlikləri, layihələrə zəmanət və kreditlər üzrə xərclər daxildir. Həmçinin əgər ölkə keçid dövrünü tələb etsə, uzun illər ərzində Aİ-də büdcə haqlarını ödəməli olacaq.xeber100.com  

“Riksbank” Mərkəzi Bankının məlumatına görə…

İsveç yaxın iki il ərzində "ekrona" adlı milli rəqəmsal valyutasını buraxmağı planlaşdırır.Bu barədə "banks.eu" saytı xəbər verir.İsveçin "Riksbank" Mərkəzi Bankının müdirinin müavini Sesiliya Skinqsley bildirib ki, İsveç ölkədə nağd vəsaitlərin istifadəsinin kəskin düşməsindən atılacaq addımları nəzərdən keçirir. Belə ki, 2009-cu ildən ölkədə dövriyyədə olan banknot və sikkələrin sayı 40 faiz düşüb.Bu ilin əvvəllərində Böyük Britaniyanın Daxili İşlər Nazirliyi rəqəmsal valyutanın ölkə üçün bir sıra üstünlüklərə malik olduğunu deyib.Qeyd edək ki, 1660-cı ildə İsveçin "Riksbank" bankı dünyada kağız əsginaslar buraxmağa başlayan ilk Mərkəzi Bank olub.xeber100.com

Hitachi” şirkəti kameranın hazırlanması texnologiyasını təqdim edib

Yaponiyanın elektron məhsullar istehsalı sahəsində tananmış “Hitachi” şirkəti çəkilişləri linzasız aparmağa qadir olan kameranın hazırlanması texnologiyasını təqdim edib. Şirkətin məlumatına görə, yeni texnologiya çox nazik korpusa malik daha ucuz kameraların hazırlnmasına imkan yaradacaq. Həmin kameralar avtomat idarə sisteminə malik avtomobillər və robotlar daxil olmaqla müxtəlif istiqamətlərdə istifadə ediləcək.Şirkətin tədqiqatçılarının bildirdiyinə görə, bu kameralarda linza əvəzinə sensordan daxil olan görüntünü çəkməyə qadir xüsusi qeydiyyat lenti yerləşdiriləcək. Bu texnologiyanın tətbiqi smartfonların qalınlığını 0,5 millimetrədək azaltmağa imkan verəcək ki, bu da hazırda istifadə edilənlərdən 10 dəfə nazikdir.xeber100.com

“Wall Street”dən dəvət…

ABŞ-ın yeni seçilmiş prezidenti Donald Tramp gələcək administrasiyasını formalaşdırmaq üçün yaxın dairəsindən namizədlərin seçimini davam etdirir.Euronews telekanalı xəbər verir ki, Tramp iqtisadiyyatla bağlı yüksək mövqelərə “Wall Street”dən nüfuzlu şəxsləri dəvət edib. Hələlik yeni seçilmiş prezidentin planında bir nəfər də qadın namizəd yoxdur. Bu baxımdan adı ölkənin baş prokuroru postuna təklif edilən namizədlərin sırasında yer alan Pem Bondi istisna ola bilər.Yeni seçilmiş respublikaçı-prezident maliyyə naziri postuna may ayından onun seçki qərargahına başçılıq edən multimilyonçu Stiv Mnuçini dəvət edib. Mnuçinin kütləvi vergi islahatlarının tərəfdarı olduğu bildirilir. Tramp ticarət naziri postuna 78 yaşlı milyarder Uilbur Rossu dəvət etməyi planlaşdırır. “Wall Street”in iri oyunçusu Ross ilk kapitalını iflasların idarə olunmasından qazanıb. Son 15 ildə o, sənaye sahəsinə investisiya yatırmaqla məşğuldur.Nyu-Yorkun sabiq meri Rudolf Culiani isə dövlət katibi ola bilər. O, bu postu ABŞ-ın baş prokuroru vəzifəsindən imtina edərək seçib. Dövlət katibi postuna alternativ namizəd isə ABŞ-ın BMT-dəki keçmiş daimi nümayəndəsi Con Boltondur.Analitiklər Rayns Pribusun Ağ ev administrasiyanın başçısı seçilməsini Trampın aralarında onu seçkilərdə dəstəkləməyənlərin də olduğu respublikaçıların dominantlıq etdiyi Konqreslə işçi münasibətlərin qurulması istəyi kimi xarakterizə edirlər.Tramp prezident müşaviri roluna ifrat-sağ qanada mənsub mühafizəkar siyasətçi Stiv Bennonu dəvət edib.

ASEAN ölkələri ilə əməkdaşlıq genişləndiriləcək

Yaponiyanın və Cənub-Şərqi Asiya ölkələrinin müdafiə nazirləri Laosda keçirilən növbəti görüşləri zamanı təhlükəsizlik sahəsində əməkdaşlığı davam etdirmək niyyətində olduqlarını bildiriblər.NHK televiziya kanalının yaydığı məlumata əsasən, noyabrın 16-da Yaponiyanın müdafiə naziri xanım Tomomi İnada ilə Cənub-Şərqi Asiya Dövlətləri Assosiasiyasına (ASEAN) daxil olan 10 dövlətin müdafiə nazirlərinin görüşü keçirilib.Görüşə sədrlik edən Laosun müdafiə naziri Tyansamon Tyannalat ASEAN ölkələri ilə Yaponiya arasında əlaqələrin möhkəmləndiyini bildirib. Nazir qeyd edib ki, Yaponiya regionda sülhün və sabitliyin qorunmasında əhəmiyyətli rola malikdir.xeber100.com