Moskvada ikitərəfli münasibətlər müzakirə ediləcək

Rusiyanın baş naziri Dmitri Medvedev və onun türkiyəli həmkarı Binəli Yıldırım dekabrın 6-da Moskvada ikitərəfli münasibətləri müzakirə edəcəklər. “RİA Novosti”nin verdiyi xəbərə görə, bu barədə Rusiya Nazirlər Kabinetinin mətbuat xidmətinin məlumatında bildirilir. Hökumət başçıları Rusiya-Türkiyə münasibətlərinin əsas məsələlərini  - iqtisadi-ticarət,  sərmayə sahələrində əməkdaşlığı, energetika, sənaye, nəqliyyat və digər sahələrdə birgə layihələri   müzakirə edəcəklər”, - deyə press-relizdə bildirilir.xeber100.com

“ABC News”ın məlumatı…

ABŞ xüsusi xidmət orqanları ölkənin yeni seçilmiş prezidenti Donald Tramp və vitse-prezidenti Maykl Pens üçün brifinq keçiriblər. “ABC News” xəbər verir ki, Tramp və Pens brifinq zamanı ABŞ xüsusi xidmət orqanlarının məxfi materialları ilə tanış olublar. Xəbərə görə, analoji məlumatlar hər gün hazırkı prezident Barak Obamaya təqdim olunur. Bu tip məlumatlar “prezident rezümesi” adlandırılır.Telekanal qeyd edir ki, əgər Tramp istəyərsə, ona hər gün məxfi məlumatlar təqdim edilə bilər.  Həmçinin qeyd olunur ki, Trampa təqdim ediləcək məxfi məlumatları Obama özü müəyyən edir. Məmurların sözlərinə görə, Obama ona təqdim edilən “rezümenin” tam mətninin Trampa da verilməsinə dair göstəriş verib.Bu prosedur hakimiyyətin yeni administrasiyaya ötürülməsinin sürətləndirilməsi üçün həyata keçirilir.xeber100.com

Anadolu agentliyinin məlumatı…

Bu gün Türkiyə Prezidenti Rəcəb Tayyib Ərdoğanın Pakistan və Özbəkistana səfəri başlayır. Anadolu agentliyi xəbər verir ki, Türkiyə Prezidenti səfər öncəsi Ankaranın Esenboğa hava limanında keçirdiyi mətbuat konfransında ölkəsinin Özbəkistanla münasibətlərdə yeni səhifə açılmasını istədiyini deyib.Türkiyə Prezidentinin mətbuat xidmətinin məlumatına görə, Rəcəb Tayyib Ərdoğan noyabrın 17-18-də Daşkəndə səfəri zamanı Özbəkistan prezidentinin səlahiyyətlərini icra edən Baş nazir Şavkat Mirziyayev ilə görüşəcək. Görüşdə ikitərəfli münasibətlərin inkişafının, habelə regional və beynəlxalq proseslərin müzakirə olunması planlaşdırılır.xeber100.com

Fövqəladə vəziyyət prezident seçkilərinə qədər davam edəcək

Fransa Prezidenti Fransua Olland ölkədə fövqəladə vəziyyətin 2017-ci ildə keçiriləcək prezident seçkilərinə qədər davam edəcəyini açıqlayıb.“France 24” kanalı xəbər verir ki, Fransa Prezidenti ölkədə fövqəladə vəziyyətin gələn ilin aprel və may aylarında keçiriləcək iki mərhələli prezident seçkilərinə qədər uzadılacağını deyib.“Fövqəladə vəziyyətin prezident seçkilərinə qədər uzadılmasını istəyirəm. Terror təhlükəsinə qarşı fövqəladə tədbirlər görməyə ehtiyacımız var. Həmçinin qarşıdakı həftələrdə seçki kampaniyaları başlayacaq. Toplantılar və mitinqlər keçiriləcək. Hökumətin fövqəladə vəziyyətin uzadılması ilə bağlı təklifi ölkə Parlamentinə təqdim olunacaq”, - deyə F.Olland bildirib.Xatırladaq ki, ötən il noyabrın 13-də Fransanın paytaxtı Parisin müxtəlif yerlərində törədilən terror aktlarından sonra ölkədə ilk dəfə fövqəladə vəziyyət elan edilmişdi.xeber100.com

Meteorologiya Departamentinin verdiyi məlumata görə…

Astanada havanın kəskin soyuması ilə əlaqədar orta ümumtəhsil məktəblərində dərslər təxirə salınıb. Havanın temperaturunun -30C dərəcə olmasının uşaqların sağlamlığı üçün təhlükə yarada biləcəyi nəzərə alınaraq bu qərar qəbul edilib. Qazaxıstan Hava Meteorologiya Departamentinin verdiyi məlumata görə, əgər hava şəraiti gözlənildiyi kimi -35C dərəcə olarsa, dərslər həftəsonuna kimi təxirə salına bilər.xeber100.com

BQ brendi “Belief” ilk müsəlman smartfonunu təqdim edib

Rusiyanın BQ brendi “Belief” ilk müsəlman smartfonunu təqdim edib. “lenta.ru” saytı xəbər verir ki, qurğu duanın dəqiq vaxtını hesablamağı və namazın başladığını xəbər verə bilir. Eyni zamanda, “Belief” sahibinə yaxınlıqda məscidin və menyusunda halal təamlar olan restoranın yerləşdiyi yeri də müəyyən edir. Qurğuya yüklənən “Quran”ı mətn formasında oxumaq və yaxud audiovariantda səsləndirmək də olar.Telefonun arxa qapağı ərəb üslubunda rəsmlə bəzədilib. Smartfon Android 6.0 mobil əməliyyat sisteminin idarəetməsi ilə işləyir.xeber100.com

Bolqarıstanda keçirilən prezident seçkilərinin 2-ci turu sona çatıb

“Alfa Research” və “Gallup” sosial agentliklərin “exit-poll”arının nəticələrinə görə, noyabrın 13-də Bolqarıstanda keçirilən prezident seçkilərinin 2-ci turunda Rumen Radev 58,5 faiz səs toplayaraq qalib gəlib. Rəsmi olaraq Bolqarıstanın yeni prezidentinin adı gələn həftə açıqlanacaq. Buna baxmayaraq, o, rəsmi olaraq vəzifəsini yanvar ayında, hazırkı prezidentin səlahiyyətləri bitdikdən sonra icra edəcək.xeber100.com

Prezident seçkilərinin ikinci turu keçirilib

Moldovada prezident seçkilərinin ikinci turunun ilkin yekunlarına görə Sosialistlər Partiyasının sədri İqor Dodon qalib gəlib. Bu barədə Moldova KİV-ləri xəbər verir. İnauqurasiya mərasiminin tarixi hələlik müəyyən edilməyib: Moldova MSK seçkilərə qəti yekun vurandan sonra bu nəticələr ölkənin Konstitusiya Məhkəməsi tərəfindən təsdiq edilməlidir. MSK noyabrın 14-də səslərin tam hesablanmasını başa çatdıracaq. Lakin artıq aydındır ki, Moldovanın beşinci prezidenti vəzifəsinə İqor Dodon seçilib. Sosialistlərin lideri seçkilərin birinci turunda olduğu kimi, ikinci turda da Qaqauziyada şəksiz (99 faizdən çox) dəstək qazanıb. Bundan əlavə, o, Moldovanın şimal rayonlarının əksəriyyətində Mayya Sandunu xeyli qabaqlayıb.xeber100.com

“Global Times” qəzetinin məlumatına əsasən…

Çində “Alibaba” elektron ticarət saytı dünyanın ən böyük alış-veriş günü kimi qəbul edilən noyabrın 11-də “subaylar günü”nün ilk 7 dəqiqəsində 10 milyard yuan (1,43 milyard dollar), ilk saatında isə 36,2 milyard yuan (təxminən 5 milyard dollar) məbləğində satışa nail olub. Anadolu informasiya agentliyi xəbər verir ki, Çin Kommunist Partiyasının rəsmi orqanı olan “Global Times” qəzetinin məlumatına əsasən, ölkənin internet ticarətinin nəhəngi ötən ilin eyni gününün ilk saatındakı 3,9 milyard dollarlıq rekordunu 25 faizlik artımla yeniləyib. Ticarətin böyük əksəriyyəti mobil cihazların satışı ilə bağlı olub. Qeyd edək ki, Çində internet vasitəsilə ticarətin 84 faizi “Alibaba” saytı üzərindən həyata keçirilir.

Parlament hökumətin strukturunu və proqramını təsdiq edib

Qırğızıstanın Baş nazirinin səlahiyyətlərini icra edən Sooronbay Jeenbekovun təqdimatına əsasən ölkə parlamenti-Joqorku Keneş noyabrın 9-da keçirilən plenar iclasında hökumətin strukturunu və proqramını təsdiq edib. Sooronbay Jeenbekov Qırğızıstanın Baş naziri, Muxammetkalıy Abulqaziev birinci müavin, Oleq Pankratov, Çolpon Sultanbekova və Jeniş Razakov Baş nazirin müavinləri, Akılbek Osmonaliev nazir ranqında Hökumət Aparatının rəhbəri vəzifələrinə təsdiq ediliblər. Parlamentin iclasında Arzıbek Kojoşevi iqtisadiyyat, Adılbek Kasımaliev maliyyə, Nurbek Muraşev kənd təsərrüfatı, yeyinti sənayesi və meliorasiya, Jamşitbek Kapilov nəqliyyat və yollar, Uran Axmetov ədliyyə, Erlan Abdıldaev xarici işlər, Ulan İsrailov daxili işlər, Kubatbek Boronov fövqəladə hallar, Talantbek Batıraliev səhiyyə, Tuqelbay Kazakov mədəniyyət, informasiya və turizm, Qulmira Kudayberdieva təhsil və elm, Talaykul İsankulov əmək və sosial inkişaf nazirləri vəzifələrinə təyin ediliblər.xeber100.com