Ağ Evdən müsəlman dünyasına bayram təbriki…

Barak Obama ABŞ və dünyadakı bütün müsəlmanları müqəddəs Ramazan bayramı münasibətilə təbrik edib. Anadolu xəbər agentliyi məlumat verir ki, Obama bayram təbrikində ramazanın müsəlmanlar üçün ruhən yenilənmə və yoxsullara yardım ayı olduğunu söyləyib. O, ABŞ-da Ramazan bayramının keçirilməsini ölkənin fərqli mədəniyyətlərini xatırlamaq baxımından əhəmiyyətli hesab edib. ABŞ Prezidenti deyib: “Ramazan ayı ərzində günahsız insanlar həyatını itirdi. Dünyanın müxtəlif bölgələrində zorakılıq hadisələrinin şahid olduq. Bu ay boyunca Orlandoda, İstanbulda, Bağdadda, Mədinədə və digər şəhərlərdə yüzlərlə günahsız insan öldürüldü”. “Dünyada müsəlmanlara qarşı hücumların artdığını görürük. Kimsə ibadətgahda özünü təhlükə içində hiss etməməlidir. Bir çox Amerikalı ramazan boyunca içində yaşadığı cəmiyyətdə müsəlmanlara yardım etmiş, hətta bu dindən olan qonşuları ilə birlikdə oruc tutmuşdur. Nifrətə qarşı Amerikalı dəyərlərimiz bizi bir araya gətirəcək və birlik içində olaraq bir-birimizi qoruyacağı”,- deyə Barak Obama təbrik məktubunda vurğulayıb.xeber100.com

NATO-nun sammitində 41 xarici işlər naziri və 39 müdafiə naziri iştirak edəcək

NATO-nun iyulun 8-9 da Varşavada keçiriləcək sammitində 18 prezident, 21 hökumət başçısı, 41 xarici işlər naziri və 39 müdafiə naziri iştirak edəcək. Azərtac TASS informasiya agentliyinə istinadla xəbər verir ki, sammitdə iştirak etmək üçün NATO-nun 28 üzv və 26 tərəfdaş ölkəsindən 2103 nəfər və 65 nümayəndə heyəti, həmçinin BMT, Avropa İttifaqı, Beynəlxalq Bank və NATO-nun mənzil qərargahının nümayəndələri qeydiyyatdan keçib. Onlar Varşavanın milli stadiondakı futbol meydanında quraşdırılan çadırda toplaşacaq. İyulun 7-də Polşa Prezidenti Anjey Duda Baş katib Yens Stoltenberqin başçılıq etdiyi NATO nümayəndələri ilə görüşəcək. Növbəti gün onlar “NATO sülhün müdafiəsində: 2016-cı il və sonra” beynəlxalq ekspert konfransının açılışında iştirak edəcəklər. Elə həmin gün keçiriləcək dövlət və hökumət başçılarının ilk görüşündə NATO-nun şərq cinahının möhkəmlənməsinə dair qərarların qəbul ediləcəyi gözlənilir. Sammitin ikinci günü Əfqanıstanla bağlı müzakirələr başlayacaq. Daha sonra Avropa İttifaqı ilə əməkdaşlığa həsr olunan sessiyada Avropa Şurasının sədri Donald Tusk və Avropa Komissiyasının başçısı Jan-Klod Yunker iştirak edəcəklər. Həmin gün yerli vaxtla saat 15:00-da isə Ukraynaya dair iclas start götürəcək. Tədbiri 2 min jurnalist işıqlandıracaq, təhlükəsizliyin təmin olunmasına 6 min polis əməkdaşı cəlb ediləcək.xeber100.com

Polşa müvəqqəti olaraq gömrük nəzarətini bərpa edib

Polşa bu gündən etibarən Avropa Birliyi ölkələri ilə sərhəddə müvəqqəti olaraq gömrük nəzarətini bərpa edib. Bu barədə informasiyanı Polşa mətbuatı yayıb. Sərhədlərdə nəzarətin bərpa olunması Varşavada iyulun 8-də başlayacaq NATO sammiti ilə əlaqədardır. Nəzarət 2 avqusta qədər davam edəcək.

Üç kənd İŞİD terror qruplaşmasından azad edilib

İraq qoşunları Mosul şəhərinin cənub-şərqində üç kəndi İŞİD terror qruplaşmasından azad edib. Bu barədə “Əl Sumaria” telekanalı İraq ordusunun zabitinə istinadən xəbər verib.Məlumatda bildirilir ki, İraqın şimalındakı şəhər İŞİD-in ölkədəki əsas dayağı olaraq qalır.”İraq hərbçiləri qərbdəki Mahmur rayonunun Əl-Haram, Əл-Ədriyə və Əl-Mahal kəndlərini İŞİD-dən azad edib” – deyə zabit telekanala bildirib.Onun sözlərinə görə, əməliyyat zamanı 29 terrorçu məhv edilib. İraq ordusunun istehkamçıları hazırda geri alınan əraziləri minalardan təmizləyir.xeber100.com

İsrail parlamentində “soyqırım” müzakirəsi…

Uydurma “erməni soyqırımı”nın tanınması ilə bağlı məsələ İsrail Knessetinin gündəliyinə daxil edilib. Apa-nın verdiyi xəbərə görə, bu məsələ Knessetin sabah keçiriləcək iclasında müzakirə olunacaq. Erməni Apostol Kilsəsinin Yerusəlim yeparxiyasının nümayəndəsi Koryun ata bildirib ki, iyulun 5-də erməni və yəhudilərdən ibarət qrupun Knessetin qarşısında "soyqırım”ın tanıması tələbi ilə etiraz aksiyası keçirəcək.xeber100.com

Türkiyənin Manisa vilayətində zəlzələ baş verib

Türkiyənin Manisa vilayətində 4,0 bal gücündə zəlzələ baş verib.   “Milliyet” xəbər verir ki, yerli vaxtla saat 21:04-də baş verən zəlzələnin episentri Saruhanlı rayonunda, ocağı isə 9 km dərinlikdə yerləşib. Dağınti və zərərçəkən olmayıb.xeber100.com

Türkiyə hərbi hava bazasını Rusiya hərbi aviasiyasına açmağa hazırlaşır

Türkiyə hökuməti NATO-nun ölkə ərazisindəki İncirlik hərbi hava bazasını Rusiya hərbi aviasiyasına açmağa hazırlaşır.Apa-nın xəbərinə görə, bunu Türkiyənin xarici işlər naziri Mövlud Çavuşoğlu “TRT Haber” telekanalına müsahibəsində deyib. M. Çavuşoğlu rusiyalı həmkarı Sergey Lavrovla Soçidə keçirdiyi görüşün detallarından danışaraq ikitərəfli əlaqələr və regional problemlərin müzakirəsi baxımından görüşün çox faydalı olduğunu bildirib. İŞİD-lə mübarizə məsələsində Rusiya ilə əməkdaşlığa hazır olduqlarını nəzərə çatdıran nazir İncirlik hərbi hava bazasını Rusiyaya aça biləcəklərini vurğulayıb: “İŞİD terror təşkilatına qarşı biz hər kəslə əməkdaşlıq edə bilərik. Bilirsiniz ki, İŞİD-ə qarşı aktiv mübarizəyə qatılmaq istəyənlərə İncirlik hava bazamızı açmışıq. Rusiya ilə də eyni şəkildə niyə əməkdaşlıq etməyək? Çünki bu terror təşkilatı hamımızın düşmənidir və ona qarşı mübarizə aparılmalıdır, bu məsələdə Sergey Lavrovun da dediyi kimi, razılığa gəlmişik”. M. Çavuşoğlu iyulun sonu, avqustun əvvəlində iki ölkə prezidentinin görüşəcəyini də söyləyib: “Digər nazirlərlə birlikdə bu görüşə hazırlıq görəcəyik. İqtisadiyyatla bağlı addımlar atılacaq və qərarlar qəbul olunacaq. Enerji sahəsində və digər sahələrlə əlaqədar müvafiq nazirlər bir araya gələcək”. M. Çavuşoğlu Rusiya-Türkiyə Yüksək Səviyyəli Strateji Əməkdaşlıq Şurasının toplantısına hazırlığın başladığını və həmkarı S. Lavrovu Antalyaya dəvət etdiyini də əlavə edib.  Qeyd edək ki, Türkiyənin İncirlik hərbi hava bazası eyni zamanda NATO-nun istifadəsində olan hərbi bazalardan biridir. Burada hazırda Türkiyə ilə yanaşı, ABŞ, Britaniya və Almaniyanın hərbi təyyarələri yerləşdirilib.xeber100.com

Rusiyanın Kemerovo vilayətində zəlzələ baş verib

Rusiyanın Kemerovo vilayətində 4,8 bal gücündə zəlzələ baş verib.  “İnterfaks” agentliyinin verdiyi xəbərə görə, yeraltı təkanların episentri Kemerovo şəhərindən 137 km şərqdə, Xakasiya ilə sərhəddə yerləşib. Dağıntı və zərərçəkənlər barədə məlumat verilmir.xeber100.com

Suriyalı qaçqınlara Türkiyə vətəndaşı olmaq şansı veriləcək

Türkiyədə məskunlaşan milyonlarla suriyalı qaçqınlara Türkiyə vətəndaşı olmaq şansı veriləcək. Türkiyə mətbuatının verdiyi xəbərə görə, bunu Türkiyə prezidenti Rəcəb Tayyip Ərdoğan 120 min qaçqının məskunlaşdığı Suriya ilə həmsərhəd Kilis əyalətində çıxışı zamanı deyib. Ərdoğan qeyd edib ki, Türkiyədə məskunlaşan suriyalı qaçqınların əksəriyyəti ölkənin vətəndaşı olmağa can atır. “Addımlar atılır, bizim Daxili İşlər Nazirliyi bu məsələ ilə bağlı əlindən gələni edəcək”. “Biz qardaş və bacılarımıza yardım edərək, onlara vətəndaşlıq almaq üçün imkanlar yaradacağıq və DİN-də yaradılan xüsusi büro vasitəsilə bu prosesi nəzarətdə saxlayacağıq”, - deyə Ərdoğan bildirib. Qeyd edək ki, Türkiyənin ərazisində yaradılan sığınacaq və düşərgələrdə 2,7 mln. suriyalı məskunlaşıb.xeber100.com

TASS agentliyinin verdiyi məlumata görə…

Ukraynada 5 şəhər “Eurovision-2017’ Mahnı Müsabiqəsinin keçirilməsi üçün Ukrayna Milli Teleşirkətinə müraciət edib. TASS agentliyinin verdiyi məlumata görə, bunu müsabiqənin təşkilinə məsul olan Ukrayna Milli Teleşirkətinin rəhbəri Zurab Alasaniya açıqlayıb. Z. Alasaniya “Facebook” sosial şəbəkəsindəki səhifəsində yazıb ki, Kiyev, Lvov, Dnepr, Odessa və Xarkov artıq “Eurovision-2017’ Mahnı Müsabiqəsini qəbul etməklə bağlı müraciət edib. Müraciətlərə cavab olaraq onlara müsabiqənin şərtləri təqdim edilib. Qeyd edək ki, bu il Stokholmda keçirilən “Eurovision-2016” Mahnı Müsabiqəsində Ukrayna təmsilçisi Cəmilə (Suzana Camaləddinova) qalib gəlib. İyunun 24-də Ukraynada “Eurovision-2017” Mahnı Müsabiqəsinin keçiriləcəyi şəhərin müəyyənləşdirilməsi üçün rəsmi prosedura start verilib. Bu proses avqustun 1-ə kimi başa çatmalıdır.xeber100.com