İtaliyada COVID-19-a qarşı aparılan geniş peyvənd kampaniyası çərçivəsində

İtaliyada son 24 saatda COVID-19-a yoluxanların sayı 2748 nəfər artaraq ümumilikdə 4 milyon 698 min 38-ə çatıb.Ötən sutka ərzində ölkədə COVID-19-un qurbanlarının sayı isə 46 nəfər artaraq 131 min 274-ə yüksəlib.2020-ci il dekabrın 27-dən İtaliyada COVID-19-a qarşı aparılan geniş peyvənd kampaniyası çərçivəsində bu vaxtadək 86 milyon 201 min 755 doza vaksin vurulub. Ölkədə cari il avqustun 6-da qüvvəyə minən qaydaların, oktyabrın 16-dan isə bütün dövlət və özəl sektorda çalışan işçilər üçün məcburi olacaq “Yaşıl keçid kartı”nın (“Green pass” və ya vaksin sertifikatı) tətbiqinin vaksinasiya kampaniyasını sürətləndirdiyi bildirilir.Səhiyyə Nazirliyinin qərarı ilə sentyabrın 20-dən etibarən ölkədə yaşı 80-dən yuxarı və xroniki xəstəlikləri olanlar üçün üçüncü doza peyvəndin tətbiqinə başlanılıb. İndiyədək 296 min 624 nəfər üçüncü doza peyvənd edilib.xeber100.com

Qazaxıstan Energetika Nazirliyinin məlumatı əsasında…

Qazaxıstan “OPEC+” razılaşması çərçivəsində neft hasilatını artıracaq. Bu barədə oktyabrın 4-də “OPEC+” sazişində iştirak edən ölkələrin nazirlər görüşünün videokonfrans formatında qərar verilib.Bu barədə Qazaxıstanın Energetika Nazirliyi məlumat yayıb.İclasda Qazaxıstanı energetika naziri Maqzum Mirzaqaliyev “OPEC+” çərçivəsində imzalanan Sazişə sadiq və öhdəliklərini yerinə yetirməyə hazır olduğunu təsdiqlədi. Bundan başqa nazir, qarşıdakı aylarda istehsalın tədricən artırılmasının tərəfdarı olduğunu qeyd edib.Görüşün nəticəsi olaraq, bir müddət “OPEC+” ölkələri tərəfindən hazırkı istehsal səviyyəsinin hər ay gündəlik 400 min barrel artırılması qərara alınıb.Beləliklə, oktyabr ayında Qazaxıstan üçün “OPEC+” kvotası gündəlik 1,524 milyon barrel təşkil edəcək və hər ay hasilat gündə orta hesabla 16 min barrel artacaq.xeber100.com

Rixter cədvəli üzrə 4.3 bal gücündə zəlzələ baş verib

Türkiyənin Muğla vilayətinin Datça rayonunda rixter cədvəli üzrə 4.3 bal gücündə zəlzələ baş verib.Məlumatı Türkiyənin Fövqəladə Halların İdarə olunması Agentliyi (AFAD) yayıb. Bildirilir ki, yeraltı təkanın episentri Egey dənizi sahilindən 8.09 kilometr aralıda olub. Dağıntı və tələfat barədə məlumat verilməyib.Qeyd edək ki, son günlər Egey dənizi bölgəsində seysmoloji gərginlikdə yenidən artım müşahidə olunur.xeber100.com

Reuters xəbər agentliyinin məlumatına görə…

Avropa İttifaqının (Aİ) üzvləri Balkan ölkələrinin İttifaqa qəbul olunacaqlarına dair verdiyi sözə əməl edə bilməyib.Reuters xəbər agentliyinin məlumatına görə, oktyabrın 6-da Aİ-Balkan sammitində 18 il əvvəl Qərbi Balkan ölkələrinin Avropaya daxil olma perspektivinin qeyd-şərtsiz dəstəklənməsinin bir daha təsdiqlənməsi planlaşdırılmışdı. Lakin danışıqlar Danimarka, Fransa və Niderlandın Balkan ölkələrinin Rumıniya və Bolqarıstan kimi İttifaqa sürətlə daxil olmasından ehtiyat etdiklərinə görə dayandırılıb. Eyni zamanda, Bolqarıstanın özü də dil mübahisəsinə görə Şimali Makedoniyanın Aİ-də üzvlüyünə qarşı çıxır.İttifaqın genişlənməsini dəstəkləyən Avstriya, İtaliya, Xorvatiya, Sloveniya və Baltikyanı ölkələr Almaniya və Fransanı Bolqarıstanın vetosunu açmaq istəməməkdə günahlandırırlar.Aİ artıq Monteneqro və Serbiya ilə üzvlük danışıqları aparır.xeber100.com

ZDF telekanalında yayımlanan ilkin ekzitpolun məlumatına görə…

Olaf Şoltsun rəhbərlik etdiyi alman sosial-demokratları bundestaqa (parlament) seçkilərində 26 faiz səslə liderlik edir. ZDF telekanalında yayımlanan ilkin ekzitpolun məlumatlarına görə, Almaniya Mühafizəkarlar Partiyası (Angela Merkelin bloku) Armin Laşetin liderliyi ilə 24 faiz səs toplayaraq ikinci yerdə gedir. Yaşıllar ittifaqı partiyası Annalena Berbokun başçılığı ilə 14,4 faiz səslə üçüncü sırada qərarlaşır. Həmçinin “sollar” 5 faiz səslə parlamentə keçir.Seçkilərin ilkin rəsmi nəticələri bazar sentyabrın 27-nə keçən gecə, yekun nəticələr isə təxminən iki həftə sonra dərc ediləcək.xeber100.com

COVID-19 əleyhinə peyvəndin üçüncü dozasının tətbiqinə başlanılıb

İtaliyada COVID-19 əleyhinə peyvəndin üçüncü dozasının tətbiqinə başlanılıb.Ölkədə 80 yaşdan yuxarı və xəstəliklərə qarşı həssas olan insanlara peyvəndin üçüncü dozası vurulur.İtaliyanın səhiyyə naziri Roberto Speranza deyib: “Xroniki xəstəlikləri olan insanlara əlavə doza peyvəndin vurulmasına başlayırıq. Bu, immuniteti zəif olanları qorumaq üçün mühüm addımdır. Bütün səhiyyə işçilərinə təşəkkür edirəm”.Ölkədə xərçəng xəstələri və orqan nəqli əməliyyatı keçirən təxminən 3 milyon nəfərə peyvəndin üçüncü dozasının vurulacağı bildirilir.İndiyədək İtaliyada 82 milyon 410 min 9 nəfərə peyvənd vurulub, hər iki dozanı qəbul edənlərin sayı 40 milyon 997 min 762-yə çatıb.xeber100.com

Türkiyə Qırğızıstana humanitar yardım kimi “Sinovac” vaksini göndərib

Türkiyə Qırğızıstana humanitar yardım kimi 150 min doza “Sinovac” vaksini göndərib.“Manas” beynəlxalq hava limanında humanitar yardımı Qırğızıstanın səhiyyə və sosial inkişaf naziri Alımkadır Beyşenaliyev, Türkiyənin bu ölkədəki səfiri Əhməd Sadık Doğan və digər şəxslər qəbul edib.A.Beyşenaliyev humanitar yardıma görə Türkiyə hökumətinə minnətdarlığını bildirib, bu partiyanın 18 yaşından yuxarı vətəndaşların vaksinasiyasında istifadə olunacağını söyləyib. Nazir deyib ki, 6.5 milyon ölkə əhalisinin indiyədək 700 mini peyvənd olunub və vaksinasiya prosesi davam edir.xeber100.com

COVID-19-la bağlı yeni qaydalar qüvvəyə minib

Türkiyədə ötən ilin mart ayından etibarən COVID-19 pandemiyası səbəbindən fəaliyyəti müvəqqəti dayandırılan təhsil müəssisələri bu gündən etibarən fəaliyyətə başlayıb. Lakin, bununla yanaşı qardaş ölkədə COVID-19-la bağlı yeni qaydalar da qüvvəyə minib.Qardaş ölkədə artıq bir neçə aydır əhalinin vaksinasiyası prosesi gücləndirilmiş şəkildə aparılır. Peyvənd vurdurmaq istəyən hər bir kəs növbə götürərək vaksin oluna bilər. Yeni qaydalara əsasən, sentyabrın 6-dan etibarən ölkədə peyvənd olunmayan və ya xəstəliyi keçirməyən şəxslərdən məktəb, kinoteatr, konsert və teatr salonları, eləcə də şəhərlərarası ictimai nəqliyyatdan istifadə edərkən neqativ nəticəli PCR (COVID-19) testi tələb olunacaq. 18 yaş və daha yuxarı yaşda olan şəxslərdən tələb olunan test nəticələri 48 saat etibarlı hesab ediləcək. Yeni qaydalara əsasən, peyvənd olunmaq istəməyən işçilərin həftədə bir dəfə PCR testindən keçmələri istəniləcək. Bunlara məktəblərin təlim heyəti, yeməkxana işçiləri, sürücülər və bələdçilər də daxildir.xeber100.com

Xalq məclisi prezident seçkilərini noyabrın 14-nə təyin edib

Bolqarıstan xalq məclisi (parlament) bu gün keçirilən plenar iclasında növbəti prezident seçkilərinin noyabrın 14-də keçirilməsi barədə qərar qəbul edib.Bolqarıstan mətbuatı xəbər verir ki, təklifin lehinə 152 deputat səs verib, 25 nəfər bitərəf qalıb.“Xalq məclisi Bolqarıstan Respublikası prezidenti seçkilərini noyabrın 1-nə, bazar gününə təyin etməyi qərara alıb”, - deyə qərarda bildirilir.Xatırladaq ki, iyulda Bolqarıstan parlamentinə növbədənkənar seçkilər keçirilib. Seçkilərdə şoumen Stanislav Trifonovun “Belə bir xalq var” partiyası azacıq üstünlüklə qalib gəlib.xeber100.com

Vaksinasiyanın üçüncü mərhələsinin keçirilməsi planlaşdırılır

Orta hesabla hər üç macardan biri koronavirus əleyhinə peyvəndin üçüncü inyeksiyasına hazırdır, vətəndaşların yarısı isə pandemiyanın yeni dalğasından ümumiyyətlə qorxmur.“Hungary Today” nəşri xəbər verir ki, bu, ötən günlərdə ölkədə aparılan bir araşdırmanın nəticələridir. İyulun sonu və avqustun əvvəllərində keçirilən təmsilçilik sorğusu, yaşı 18-dən yuxarı olan insanların 28 faizinin pandemiyanın dördüncü dalğasından “heç qorxmadıqlarını”, daha 21 faizinin isə “qorxmamağı üstün tutduqlarını” göstərir - cəmi 49 faiz. Eyni zamanda, sorğu olunanların 9 faizi virusdan “çox qorxur”, üçdəbiri isə “pandemiyanın dördüncü dalğasının Macarıstana da təsir edəcəyi” qorxusundadır. Dördüncü dalğadan ən az qorxanlar tələbələr (69 faiz) və təqaüdçülərdir (61 faiz).Macarıstanda üçüncü vaksinasiyaya tələbat da yüksəkdir: 26 faizi mütləq vaksinasiya olunacaq, daha 31 faizi isə bunu bilmir, lakin ona daha çox meyillidir.Üçüncü peyvəndə tələbat kənd sakinləri üçün daha aşağıdır: bu fürsətdən istifadə etmək niyyətində olmayan 38 faizi ilə müqayisədə 18 faizi bunu açıq şəkildə istəyərdi.xeber100.com