Ukrayna Rusiya filmlərinə qadağa qoydu

Ukrayna prezidenti Pyotr Poroşenko 2014-cü il yanvarın 1-dən sonra çəkilmiş Rusiya filmlərinin yayımlanmasına qadağa qoyan qanunu imzalayıb. Rusiyanın NTV telekanalı xəbər verir ki, müvafiq göstəriş Ali Radanın saytında dərc olunub. Qadağa nəinki bədii filmlərə və seriallara, həmçinin televiziya proqramlarına və verilişlərinə də aiddir. Kiyev hökumətinin fikrincə, bu addım “Ukraynanın informasiya sahəsində milli təhlükəsizlik səviyyəsinin yüksəlməsinə” xidmət edəcək. Son iki il ərzində Ukrayna hökuməti “informasiya təcavüzünə” qarşı mübarizə adı ilə Rusiyanın 430 film və serialını “qara siyahı”ya salıb. Həmçinin ölkədə “milli təhlükəsizliyə təhdid” yaradan 80-dən çox rusiyalı mədəniyyət xadiminin siyahısı tərtib olunub, onların iştirakı ilə çəkilən filmlərin yayımı qadağan edilib. Ukraynada bununla yanaşı, mədəniyyət xadimlərinin “ağ siyahı”sı da mövcuddur. Bu siyahıya hazırkı Kiyev hökumətinə dəstəyini ifadə edən Andrey Makareviç, Liya Axedjakova, Mixail Jvanetski, Arnold Şvartsnegger, Corc Kluni və başqaları daxildir.xeber100.com

Pan Qi Mun Azərbaycana səfər edəcək

BMT  baş katibi  Pan Qi Mun 23-24 aprel tarixlərində Gürcüstana rəsmi səfər edəcək.  “TASS”ın verdiyi xəbərə görə, bu barədə Gürcüstan XİN-in mətbuat xidməti məlumat yayıb.  “BMT baş katibi Gürcüstanın baş naziri Georgi Kvirikaşvilinin dəvəti ilə 23-24 aprel tarixlərində Tiflisə səfər edəcək. Pan Qi Mun Tiflisdən Ermənistana, daha  Azərbaycana səfərini davam etdirəcək”, deyə məlumatda bildirilir.  Gürcüstan XİN-i  BMT baş katibinin 1994-cü ildən sonra ilk dəfə Tiflisə səfər edəcəyini bildirib. Səfər çərçivəsində ölkənin rəsmiləri ilə bir sıra görüşlər nəzərdə tutulub.  Qeyd edək ki, 1994-cü ilin noyabrın 1-də BMT baş katibi Butros Butros Qali Tiflisə rəsmi səfər edib.xeber100.com

“Gazeta.ru”nun məlumatına görə…

ABŞ-ın sabiq dövlət katibi Hillari Klinton Nyu-York ştatında demokratlar daxilində praymerizin mühüm raundunun qalibi olub. “Gazeta.ru”nun verdiyi xəbərə görə, hesablanmış 44 faiz səslərdən Klinton  60,6 faiz göstərici ilə rəqibi Vermont ştatından olan senator Berni Sandersi (39,5%) qabaqlayıb.xeber100.com

Hit şəhəri İŞİD silahlılarından azad edildi

İraq təhlükəsizlik qüvvələri Ənbar əyalətində yerləşən Hit şəhərini İŞİD terror qruplaşmasının silahlılarından azad edib. RİA Novosti agentliyinin məlumatına görə, bunu Pentaqonun nümayəndəsi, polkovnik Stiv Uorren bəyan edib. “Şəhər təhlükəsizlik qüvvələri, ordu və könüllülər dəstələrinin birgə əməliyyatı nəticəsində azad olunub. Bundan əlavə, ötən həftə hökumət qüvvələri Fərat çayı vadisində terrorçuların bir neçə hücumunu dəf edib”, deyə S.Uorren bildirib bildirib.  Qeyd edək ki, 100 mindən çox əhalisi olan, strateji əhəmiyyətli Hit şəhəri 2014-cü ilin oktyabrında terrorçuların əlinə keçmişdi. xeber100.com  

“Deutsche Welle”-nin verdiyi məlumata görə, sülh danışıqları başlayıb

Aprelin 21-də Küveytin paytaxtında Yəmən üzrə sülh danışıqları başlayır.Apa-nın  “Deutsche Welle”-yə istinadən verdiyi məlumata görə, bunu BMT baş katibinin nümayəndəsi Stefan Düjarrik bəyan edib. Onun sözlərinə görə, üsyançı husilər və onların müttəfiqləri artıq paytaxt Sənadan Küveytə yollanıblar. Danışıqların məqsədi Yəməndə sülhə nail olmaqdır. Yəmən üzrə sülh danışıqları aprelin 18-də başlamalı idi. Lakin aprelin 10-dan BMT-nin vasitəçiliyi ilə ölkədə qüvvəyə minən atəşkəs rejimi dəfələrlə pozulub. Bu səbəbdən danışıqlar bir neçə dəfə təxirə salınıb. Qeyd edək ki, Yəməndə üsyançı husilər, sabiq prezident Əli Abdulla Salehi dəstəkləyən ordu qüvvələri və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar arasında münaqişə 2014-cü idən davam edir.xeber100.com

“Ukrainskaya pravda” nın məlumatına görə..

Ukrayna prezidenti  ölkədə parlament-hökumət böhranının sona çatdığını bəyan edib. Bu barədə “Ukrainskaya pravda” məlumat yayıb.  “Bizim cari il ərzində keçirilən ilk-bugünkü iclasımız parlament-hökumət böhranının tarixinə nöqtə qoyur”, - deyə o Milli İslahatlar Şurasının iclasında bildirib.  Poroşenko yeni Nazirlər Kabinetini peşəkar və siyasi məsuliyyətə malik olduğunu bildirib.xeber100.com  

NTV telekanalının verdiyi xəbərə görə…

Türkiyə hərbçiləri İraqın şimalında 32 İŞİD silahlısını məhv ediblər. NTV telekanalının verdiyi xəbərə görə, bundan əvvəl Türkiyə mətbuatı İŞİD silahlılarının İraqın şimalındakı “Başik” düşərgəsində Türkiyə ordusuna məxsus tankı qumbaraatanlardan atəşə tutduğu bildirib. İnsident nəticəsində Türkiyə hərbçiləri arasında itki olmayıb.  Türkiyə hərbçiləri cavab atəşi ilə İŞİD silahlıların yerləşdiyi binanı məhv ediblər, 10 silahlı öldürülüb. Sağ qalan terrorçular hadisə yerindən uzaqlaşmağa çalışıblar, lakin Türkiyə ordusunun atəşi nəticəsində daha 22 silahlı öldürülüb.xeber100.com  

Mariya Zaxarova: “Rusiyanın Dağlıq Qarabağ münaqişəsinin həll yolunu tapmağa kömək etmək vəzifəsidir”

Rusiyanın Dağlıq Qarabağ münaqişəsində vasitəçilərdən biri kimi tərəflərə həll yolunu tapmağa və mövqelərini yaxınlaşdırmağa kömək etmək vəzifəsidir. Trend-in xüsusi müxbirinin məlumatına görə, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib. O bildirib: "Bu işin davam etdirilməsi üçün müvafiq ab-havanı yaratmağa kömək etmək vəzifəmizdir. Bu yaxınlarda vəziyyətin gərginləşməsi kimi hallar nizamlanmaya kömək edən ab-havanı pozur".xeber100.com  

Türkiyə növbəti raket atəşinə məruz qalıb

Türkiyənin Kilis vilayəti Suriya ərazisindən növbəti dəfə raket atəşinə məruz qalıb. "Milliyyət" qəzetinin verdiyi məlumata görə, Suriya ərazisindən atılan daha 3 raket mərmisi Kilis vilayətinə düşüb. İlkin məlumata görə, insident nəticəsində heç kəs xəsarət almayıb.xeber100.com

“TransRusiya” Beynəlxalq nəqliyyat-logistika xidmətləri və texnologiyalar sərgisi keçirilir

19-22 aprel tarixlərində Moskva şəhərində 21-ci TransRusiya nəqliyyat-logistik xidmətlər və texnologiyalar sərgisi keçirilir. "Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədovun Trend-ə verdiyi məlumata görə, "TransRusiya" nəqliyyat-logistik xidmətlər və texnologiyalar sərgisi Rusiya Federasiyası, MDB-nin üzvü olan digər ölkələr məkanında ən iri sərgilərdəndir. Sərgidə dəmir yollarının, liman və yük terminallarının milli, eləcə də beynəxalq səviyyəli yükdaşıyıcıları, ekspeditorları, operatorları, yüklərin daşınması və saxlanması üzrə avadanlıq və texnika istehsalçıları, həmçinin gömrük brokerləri, sığorta şirkətləri təqdim olunur. "TransRusiya" sərgisi RF-nın Nəqliyyat Nazirliyi, həmçinin Dövlət Dumasının energetika, nəqliyyat və rabitə Komitəsinin, nəqliyyat üzrə Federal nəzarət xidmətinin, Federal dəmir yolu nəqliyyatı Agentliyinin, Federal dəniz və çay nəqliyyatı Agentliyinin, "Rusiya Dəmir Yolları" ASC-nin, Rusiya Ekspeditorlar Assosiasiyasının və digər qurum və sahə assosiasiyalarının təşkilatçılığı ilə keçirilir. "TranRusiya" sərgi pavilyonunun səhəsi 18000 kv.m-dən artıq bir səhəni əhatə edir. 4 gün ərzində sərgiyə Rusiyanın 71 rergionundan və 50 xarici ölkədən 14716-ya yaxın mütəxəssis baxış keçirəcək. Sərgidə "Azərbaycan Dəmir Yolları" Qapalı Səhmdar Cəmiyyətinin sədr müavini İqbal Hüseynovun rəhbərlik etdiyi nümayəndə heyəti də iştirak edir.xeber100.com