Rusiyada Avrasiya ölkələri parlament spikerlərinin toplantısı keçirilir

Rusiya paytaxtında Avrasiya ölkələri parlament spikerlərinin I iclası keçirilir.apa-nın Moskva müxbirinin verdiyi məlumata görə, iclasda 19 ölkənin parlament sədrləri iştirak edir. Avrasiya ölkələrinin parlament spikerləri Avrasiya məkanında siyasi, iqtisadi və humanitar sahələrdə çoxvektorlu əməkdaşlığın genişləndirilməsi üçün parlamentlərarası dialoqun inkişafı məsələsini müzakirə ediblər. Bundan başqa regionda sülhün və sabitliyin möhkəmlənməsi, ekstremizmə qarşı mübarizə və çoxkonfensiyalı dialoqun inkişafı də müzakirə olunub. İclasda terrorçuluqla mübarizə, geniş antiterror koalisiyasının yaradılması, eləcə də Avrasiya İqtisadi İttifaqı, Şanxay Əməkdaşlıq Təşkilatı və Asiya Sakit Okean Əməkdaşlıq Təşkilatı çərçivəsində inteqrasiya prosesi məsələsi də qaldırılıb. Qeyd edək ki, Avrasiya ölkələri Parlament spikerlərinin birinci iclasında Azərbaycanı Milli Məclisinin spikeri Oqtay Əsədovun rəhbərlik etdiyi nümayəndə heyəti təmsil edir. xeber100.com  

Avropa İttifaqı vədlərini yerinə yetirməsə…

“Avropa İttifaqı vədlərini yerinə yetirməsə, bütün razılaşmaları ləğv edəcəyik”. “Anadolu” agentliyinin verdiyi məlumata görə, bunu Türkiyənin xarici işlər naziri Mövlud Çavuşoğlu bəyan edib. “Avropa İttifaqı vədlərini yerinə yetirməsə, bütün razılaşmaları ləğv edəcəyik, o cümlədən readmissiya haqqında Sazişi. Biz öz tərəfimizdən qaçqınların faciəsinə son qoymaq, Avropa İttifaqı ilə viza rejimini sadələşdirmək və Türkiyənin Avropa İttifaqına üzv olmasına dair danışıqlarda yeni mərhələyə qədəm qoymaq əzmindəyik”, deyə M.Çavuşoğlu bildirib.xeber100.com

Beynəlxalq Abidələr Gününə həsr olunan “Mədəni irs nümunələri” adlı layihənin təqdimatı keçirilib

Azərbaycanlıların kompakt yaşadığı Marneulidə yerli İcra Hakimiyyətinin və Mülki Məşğulluq Mərkəzinin birgə təşkilatçılığı ilə Beynəlxalq Abidələr Gününə həsr olunan “Mədəni irs nümunələri” adlı layihənin təqdimatı keçirilib. apa-nın Gürcüstan bürosunun məlumatına görə, layihənin təqdimatında Marneuli rayon icra hakimiyyətinin mədəniyyət şöbəsinin mütəxəssisi Elquca Kupatadze çıxış edərək son illər Marneulidə tarixi, dini və mədəni abidələrin qeydə alınması və pasportlaşdırılmasına başlanıldığını bildirib. O, rayonda fəaliyyət göstərən Qızılhacılı və Qırxılı kənd məscidlərinə status verildiyini vurğulayıb. Layihə rəhbəri rayon ərazisində mədəni irsin qorunması və  tarixi nümunələrə statusun verilməsi prosesi haqqında da məlumat verib. Tədbirdə Marneuli rayonunun ərazisində yerləşən və azərbaycanlıların yaşadığı Quşçu kənd yaxınlığındakı Ağca qala (Quşçu qalası) tarixi abidəsinin gürcü tarixçiləri tərəfindən “Qaqi qalası” adlandırılması müzakirəyə səbəb olub. Məsələ ilə bağlı tədbirdə çıxış edən Gürcüstan Azərbaycanlı Jurnalistlər Birliyinin sədri Nizami Zillioğlunun Azərbaycan tarixində qala ilə bağlı yazılan arqumentlər barədə məlumatını dinləyən layihə rəhbəri, həmçinin mədəni İrsin qorunması üzrə Dövlət Xidmətinin mütəxəssisi, rayon icra hakimiyyəti başçısının müavini Zaur Tabatadze və tarix fənni üzrə müəllimlər rayon ərazisində yerləşən tarixi abidənin kim tərəfindən inşa və bərpa olunduğu məsələsi barədə müxtəlif fikirlər səsləndiriblər. Sonda gürcü mütəxəssislər Ağca qalasının səlahiyyətli mütəxəssislər tərəfindən yenidən araşdırılmasının vacibliyini vurğulayıblar. “Mədəni irs nümunələri” layihəsinin təqdimatı mərasimində Marneulidə Xalça Muzeyinin açılması təklifi də irəli sürülüb. Tədbirdə Marneulidəki tarixi abidələrin foto sərgisi təşkil olunub.xeber100.com  

Turizmin inkişafı sahəsində geniş imkanlar var

Xüsusilə Aİ-nin sanksiyaları fonunda Azərbaycan və Rusiyanın turizmin inkişafı sahəsində geniş imkanları var. Trend-in məlumatına görə, bunu Rusiya Prezidentinin səlahiyyətli nümayəndəsi, RF-nin İctimai Palatasının üzvü, politoloq Sergey Markov jurnalistlərə deyib. Onun sözlərinə görə, bəzi səbəblərə görə rusiyalı turistlər Avropaya, Misirə və Türkiyəyə getmirlər və buna görə də Azərbaycan kurortları rusiyalı turistlər üçün çox cəlbedici ola bilər.xeber100.com  

“Reuters”in məlumatına əsasən…

2015-ci ilin ortalarından İŞİD terror təşkilatının gəlirləri 30 faiz azalıb. Bu barədə Trend "Reuters"ə istinadən xəbər verir. Energetika sahəsində fəaliyyət göstərən "IHS Global Inc." konsaltinq şirkəti İŞİD-in gəlirlərinin azalma səbəbini neft qiymətlərinin azalmasında görür. Şirkətin hesabatına əsasən, keçən il terror təşkilatının gəliləri 80 milyon dollar olduğu halda, bu il 56 milyon təşkil edir. Bundan başqa, İŞİD-in nəzarəti altında olan ərazilərdə neft hasilatı sutkaya 33 mindən 21 min barelə kimi azalıb. Hesabatda bildirilir ki, gəlirlərinin yarısını İŞİD zəbt edilmiş ərazilərdə vergidən, 43 faizini neft hasilatından alır. Digər gəlirləri isə narkotik qaçaqmalçılığından, elektrik enerjisinin satışından və ianələrdən əldə edir. "Reuters"in məlumatına əsasən, hazırda büdcə kəsiri ilə bağlı problemlərini həll etmək üçün İŞİD zəbt edilmiş ərazilərdə fiziki cəzalara məhkum olunanlara qərarları cərimələrlə əvəzləmək imkanı verir. Terror təşkilatı yeni vergilər tətbiq etməyə başlayıb. Bunlardan peyk antennalarının quraşdırılması və yaşadığı ərazilərdən çıxış üçün olanı göstərmək olar.xeber100.com  

Türkiyənin yük avtomobillərinə hücum olunub

Ermənilər Gürcüstanın Türkiyə ilə sərhəddində Türkiyənin qoşqulu yük avtomobillərinə (TİR) hücum edərək onların ölkədən çıxışına mane olublar. "Sabah" qəzetinin verdiyi məlumata görə, bir qrup erməni türkiyəli sürücülərə daş atıblar. Məlumata görə, hadisə nəticəsində Türkiyə sərhəddinə aparan yolda 4 kilometr uzunluğunda tıxac yaranıb.xeber100.com  

“Nifrət əleyhinə marş” aksiyası keçirilib

Bu gün 2 minə yaxın insan martın 22-də törədilən terror aktı ilə bağlı “Nifrətə qarşı marş” aksiyasında iştirak etmək üçün Brüssel küçələrinə çıxıb. TASS agentliyinin verdiyi məlumata görə, bu barədə Brüssel polisi məlumat yayıb. Qeyd edək ki, “Nifrət əleyhinə marş” aksiyasının  terror aktından bir neçə gün sonra keçirilməsi planlaşdırılsa da, ölkə hakimiyyətinin təhlükəsizliklə əlaqədar xahişi ilə təxirə salınmışdı.xeber100.com        

ITINERA şirkəti ilə İranın iki şirkəti arasında müqavilə imzalanıb

İtaliya İranda 4 milyard dollar dəyərində iki yüksək sürətli dəmir yolunun tikintisinə sərmayə ayıracaq. “Fars” agentliyinin verdiyi məlumatına görə, bununla bağlı İtaliyanın ITINERA şirkəti ilə İranın iki şirkəti arasında müqavilə imzalanıb. ITINERA şirkətinin rəsmi nümayəndəsi Pino Arlaçi deyib ki, hazırda sərmayə qoyuluşu ilə bağlı sığorta və bank məsələləri üzərində iş gedir. Hesablaşma zamanı avrodan istifadə ediləcək. İran Dəmir Yol Təşkilatının Beynəlxalq əlaqələr idarəsinin rəhbəri Abbas Nazari deyib ki, 4 milyard dollar sərmayə Qum-Arak ıə Tehran-Həmədan yüksək sürətli dəmir yolunun tikintisinə sərf olunacaq. Kredit İtaliyanın SACE Eksport-Kredit Dövlət Agentliyi tərəfindən sığortalanacaq.xeber100.com

Siyasi dialoqa hazırlıq üçün mühüm addım…

Yaponiya və Rusiya arasında sülh müqaviləsinin imzalanması üçün yaxın vaxtlarda yüksək vəzifəli rəsmilərin görüşünün keçirilməsi barədə razılıq əldə edilib. AzərTAC-ın verdiyi məlumata görə, Həmin danışıqların mayda keçirilməsi planlaşdırılır. Bu barədə razılıq Yaponiyanın xrici işlər naziri Fumio Kişidanın onun rusiyalı həmkarı Serqey Lavrovla aprelin 15-də Tokioda keçirilən görüşündə əldə edilib. F.Kişida bildirib ki, bu görüş yüksək səviyyəli siyasi dialoqa hazırlıq üçün mühüm addımdır. S.Lavrov isə öz növbəsində, ikitərəfli münasibətlərin bütün istiqamətlərdə dərinləşəcəyinə ümidvar olduğunu bildirib.xeber100.com

Parlament seçkilərində 250 yer uğrunda 3500 namizəd mübarizə aparıb

Suriyada keçirilmiş parlament seçkilərində 5 mln 85 min 444 insan iştirak edib. “RİA Novosti”nin verdiyi xəbərə görə, bu barədə Suriya Mərkəzi Seçki Komissiyasının sədri Hişam Əş-Şaer bildirib.  “Suriyanın daxilində 8 mln 834 min 994 nəfər seçki hüququna malik olub, onlardan 5 mln 85 min 444 nəfər səs verib”, - deyə o bildirib. Hər bir namizədin üç gün ərzində seçkilərin nəticələrindən şikayət etmək hüququna malik olduğu bildirilir.  Qeyd edək ki, Suriyada parlament seçkiləri aprelin 13-də başa çatıb. Parlamentdə 250 yer uğrunda 3 500 namizəd mübarizə aparıb. xeber100.com