İranda İslam Şurası Məclisinə seçkilər keçirilir

Bu gün İranda İslam Şurası Məclisinə (parlament) seçkilər keçirilir.Azərtac İranın Daxili İşlər Nazirliyinin Milli Seçki İdarəsinə istinadla xəbər verir ki, 290 yerlik parlamentə seçilmək üçün 7157 nəfər mübarizə aparır. Ölkə üzrə 54 mindən çox seçki dairəsi yaradılıb. Seçki İdarəsinin rəhbəri Camal Orf bildirib ki, İranda 54 milyon 918 nəfərin səsvermə hüququ var. İranda 18 yaşdan yuxarı vətəndaşlar parlament seçkilərində namizədliklərini irəli sürə bilərlər. Lakin İranda fəaliyyət göstərən Konstitusiyanın Müdafiə Şurası namizədləri nəzərdən keçirərək onların seçkidə iştirakına qərar verir. Şuranın rəyi olmadan namizəd Milli Seçki İdarəsi tərəfindən qeydə alına bilməz. Səsvermə prosesinin 85 faizi elektron qaydada həyata keçirilir ki, bu da saxtakarlığın qarşısını 90 faizə qədər alır.Prezident seçkilərində olduğu kimi, parlament seçkilərində də əsas mübarizə İran siyasətinin sütununu təşkil edən iki böyük siyasi düşərgə - islahatçılar və mühafizəkarlar arasında aparılır.Budəfəki parlament seçkiləri ABŞ ilə kəskin qarşıdurma şəraitində keçirilir. İqtisadi sanksiyalar ölkədəki sosial vəziyyəti ağırlaşdırıb ki, bu da hakimiyyətdə olan islahatçılar qanadının nüfuzuna təsirsiz ötüşməyib. Buna baxmayaraq, İranda seçicilər fəallıq nümayiş etdirirlər. Artıq İranın Ali Rəhbəri Ayətullah Seyid Əli Xamneyi səsvermədə iştirak edib.xeber100.com

Ukrayna Nazirlər Kabineti 1 milyon iş yeri yaratmaq niyyətindədir

Ukrayna Nazirlər Kabineti 2020-ci ildə 200 min, 5 il ərzində isə 1 milyon iş yeri yaratmaq niyyətindədir.Azərtac xəbər verir ki, bu barədə Ukraynanın Baş Naziri Aleksey Qonçaruk özünün “Telegram” kanalında bəyan edib.Məlumatda qeyd olunur ki, yeni iş yerlərinin yaradılmasından əlavə hökumətin 2020-ci il üçün əsas hədəflərindən biri iş axtarmağa sərf olunan orta müddətin 3,6 aydan 2 ayadək azaldılmasıdır.Qeyd edək ki, Ukrayna hökuməti “İnvestisiyalar vasitəsilə inkişaf” iqtisadi strategiyasını rəhbər tutur. Strategiyada nəzərdə tutulan plana müvafiq olaraq, işsizlik səviyyəsi 2020-ci ildəki 7,6 faizdən 2024-cü ildə 5,2 faizədək aşağı düşəcək, məşğulluq səviyyəsi isə 68,2 faizdən 71,4 faizədək artacaq.xeber100.com

“Baker Hughes” şirkətinin məlumatına görə…

Birləşmiş Ştatlardakı aktiv qazma qurğularının sayı dəyişməyib.Azərtac xəbər verir ki, bu barədə “Baker Hughes” şirkəti məlumat yayıb. Bildirilir ki, ötən hesabat həftəsində ABŞ-dakı aktiv neft və qaz qazma qurğularının sayı dəyişməyərək 790 olub. Keçən ilin eyni dövrü ilə müqayisədə ölkədəki aktiv qazma qurğularının sayı 261 ədəd geriləyib.Ötən həftə ABŞ-dakı aktiv neft qazma qurğularının sayı 2 ədəd artaraq 678 olub. Əvvəlki ilin müvafiq dövrünə görə neft qazma qurğularının sayında 179 ədəd azalma qeydə alınıb.Aktiv qaz qazma qurğularının sayı isə 1 ədəd geriləyərək 110 olub və keçən ilin eyni dövrünə nisbətən ölkədəki qazma qurğularının sayı 84 ədəd azalıb.Qeyd edək ki, ABŞ-da aktiv neft qazma qurğularının sayı 1981-ci ildə ölkə tarixində maksimuma, yəni 4 min 530-a çatıb. Neftin qiymətinin ucuzlaşması fonunda ölkədəki aktiv neft qazma qurğularının sayı 2016-cı ilin mayında isə minimuma – 316-ya düşüb.xeber100.com

Finlandiya hökuməti uran hasilatı və emalı üçün icazə verib

Finlandiya hökuməti “Terrafame” dövlət şirkətinə uran hasilatı və emalı üçün icazə verib.Azərtac Finlandiya KİV-lərinə istinadla xəbər verir ki, Çexiya və Rumıniyada uran hasilatının və emalının dayandırılmasını elan etdiklərinə görə yeni qərarla Finlandiya Avropa İttifaqında yeganə uran istehsalçısına çevrilir.“Terrafame” şirkətinin əsas fəaliyyəti nikel və sink hasilatından ibarətdir, uran isə metal hasilatı prosesində alınan yan məhsuldur. Gələcəkdə şirkət uranı nüvə elektrik stansiyaları üçün yanacaq kimi istifadə olunan xüsusi maddəni emal edərək ixraca yönəltməyi planlaşdırır. Beləliklə, Finlandiya hökuməti tərəfindən verilən icazə ilə “Terrafame” şirkəti ildə 250 tona qədər uran istehsal edə bilər. Lakin buna baxmayaraq, faktiki istehsalın bir qədər az olacağı ehtimal edilir. Şirkət artıq Şimali Amerikaya və ya Avropanın digər ölkələrinə məhsul ixrac etmək niyyətində olduğunu da açıqlayıb. Bununla belə, “Terrafame” şirkəti bu məhsulu digər ölkələrə ixrac etmək üçün Finlandiya Xarici İşlər Nazirliyindən və Avropa Atom Enerjisi Birliyindən “Euratom” icazəsini almalıdır.Qeyd edək ki, hökumətin uranın hasilatı və emalı üçün icazənin verilməsi yerli ekoloqların narazılığına səbəb olub. Onlar bu qərarı məhkəmə və digər instansiyalarda qaldırmaq niyyətində olduqlarını elan ediblər.xeber100.com

ABŞ-ın Enerji İnformasiya Administrasiyasının məlumatına əsasən…

Birləşmiş Ştatların gündəlik xam neft hasilatı artıb.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ABŞ-ın neft istehsalı 102 min barrel artaraq gündəlik orta hesabla 13 milyon barrel olub. Bu göstərici ölkə tarixində neft istehsalının ən yüksək səviyyəsidir. Birləşmiş Ştatların neft hasilatı sonuncu dəfə 1970-ci ilin noyabrında maksimum – gündəlik orta hesabla 10,04 milyon barrel təşkil edib.Ötən həftə ABŞ-ın neft idxalı əvvəlki həftəyə görə 363 min barrel çoxalaraq gündəlik 6,98 milyon barrel, neft ixracı isə əvvəlki həftə ilə müqayisədə 443 min barrel azalaraq sutkada 2,97 milyon barrel təşkil edib.EIA-nın proqnozuna görə, ABŞ-ın neft istehsalı bu il sutkalıq orta hesabla 13,2 milyon barrel olacaq. 2021-ci ildə isə gündəlik hasilatın 13,56 milyon barrelə çatacağı gözlənilir.Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.xeber100.com

Böyük Britaniyada yüzlərlə təyyarə və qatar reysləri ləğv olunub

Güclü “Kyara” fırtınası səbəbindən Avropanın şimal-qərbində, o cümlədən Böyük Britaniya və İrlandiyada yüzlərlə təyyarə və qatar reysləri ləğv olunub. Həmçinin La-Manş boğazı üzərindən bərə hərəkəti dayandırılıb.Azərtac Qərb mətbuatına istinadla xəbər verir ki, Avropanın ən yüklü üçüncü hava limanı olan Sxipxol (Amsterdam) aeroportunda 240 aviareysin ləğv edildiyi bildirilir. Brüssel aeroportunda 60, Düsseldorf aeroportunda isə 120 reys ləğv olunub. Berlin, Münhen, Köln, Hannover, Frankfurt şəhərlərində də hava nəqliyyatının işində problemlər yaşanırKəskin hava şəraiti səbəbindən Böyük Britaniyada 60 min, İrlandiyada isə 10 min ev işıqsız qalıb. Uelsin şimal-qərbində küləyin sürəti saatda 150 kilometrə, Fransanın şimalında isə 140 kilometrə çatır.xeber100.com

Seram adasında 5,5 bal gücündə zəlzələ baş verib

Fevralın 8-də İndoneziyanın Seram adasında 5,5 bal gücündə zəlzələ baş verib. Azərtac xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.Bildirilir ki, yeraltı təkanların episentri Amahai yaşayış məntəqəsindən 118 kilometr şərqdə, ocağı 30 kilometr dərinlikdə yerləşib.Dağıntılar və zərərçəkənlər barədə hələlik məlumat verilmir.xeber100.com  

Afrika İttifaqı İcraiyyə Komitəsinin 36-cı sessiyası keçirilir

Efiopiyanın paytaxtı Əddis-Əbəbədə Afrika İttifaqı İcraiyyə Komitəsinin 36-cı sessiyası keçirilir. Azərtac təşkilatın rəsmi saytına istinadla xəbər verir ki, iclasa Misirin Xarici İşlər naziri Sami Şükrü sədrlik edir.İclasın açılışında Afrika İttifaqına sədrlik edən Misirin Xarici İşlər nazirinin müraciəti dinlənilib. O qeyd edib ki, sessiyada müzakirə olunan məsələlərlə bağlı qərarlar bazar və bazar ertəsi günləri keçiriləcək Afrika İttifaqı dövlət başçılarının 33-cü sammitinin gündəliyinə daxil ediləcək.Sessiyanın gündəliyinə Afrika dövlətlərini narahat edən məsələlər, o cümlədən qaçqınlar və məcburi köçkünlər, silahlı münaqişələrin nizamlanması məsələləri daxil olunub.xeber100.com

“Huawei” 5G şəbəkələri üçün avadanlıq istehsal edəcək

“Huawei” şirkəti Avropada beşinci nəsil (5G) mobil rabitəni dəstəkləyən şəbəkələr üçün avadanlıq istehsal etməyi planlaşdırır.Azərtac Frans-Press nəşrinə istinadla xəbər verir ki, şirkətin Avropa üzrə vitse-prezidenti Abraham Liu məlumatı təsdiqləyib.Şirkət təmsilçisi bildirib ki, “Huawei” öz məhsullarını Avropa İttifaqının üzvü olan ölkələrə təqdim etməkdə qərarlıdır.Bundan əvvəl isə Böyük Britaniya hökuməti “Huawei”in xidmətlərindən istifadə edəcəyini açıqlayıb.xeber100.com

Yonhap xəbər agentliyinin məlumatı əsasında…

“Hyundai” şirkəti koronavirusun təsiri nəticəsində Çindən ehtiyat hissələrinin gətirilməməsi ilə əlaqədar Koreya Respublikasındakı istehsalını dayandıracaq.Yonhap agentliyi xəbər verir ki, “Genesis” modelinin istehsal edildiyi Ulsandakı 5 nömrəli zavodda istehsal dayandırılıb. Digər zavodlarda da istehsalın dayandırılması mərhələli həyata keçiriləcək. Fevralın 7-dək bütün zavodlarda istehsal dayandırılacaq.Jeonju zavodu istehsalını fevralın 6-da, Asan zavodu isə fevralın 7-də dayandıracaq. İstehsalın dayandırılması fevralın 10-11-dək davam edə bilər.xeber100.com