Moldovada “narıncı təhlükə” kodu elan edilib

Moldovada koronovirusla əlaqədar “narıncı təhlükə” kodu elan edilib.Azərtac xəbər verir ki, Moldova hökuməti ölkədə təhlükəsizlik tədbirlərini gücləndirib. Hökumət əhalini diqqətli olmağa, gigiyenik qaydalara riayət etməyə çağırıb.Qeyd edək ki, Moldovada koronavirusa ilk yoluxma faktı qeydə alınıb. Ölkənin Səhiyyə Nazirliyinin məlumatına görə, İtaliyadan qayıdan 48 yaşlı moldovalı qadının koronavirusa yoluxduğu analizlərlə təsdiqlənib. O, martın 7-də İtaliyadan Kişineuya qayıdarkən ağır vəziyyətdə xəstəxanaya yerləşdirilib.Onun təmasda olduğu insanların da müalicəyə cəlb edilməsi üçün araşdırmalara başlanılıb.xeber100.com

Avropa Yenidənqurma və İnkişaf Bankı Litvaya uzunmüddətli kredit ayırıb

Avropa Yenidənqurma və İnkişaf Bankı (EBRD) Litvaya 100 milyon avro məbləğində uzunmüddətli kredit ayırıb.Azərtac xəbər verir ki, bu barədə Litvanın Maliyyə Nazirliyindən bildirilib. Məlumata əsasən, ayrılan vəsait mədəniyyət, səhiyyə və idman sahələri üzrə binaların təmiri və tikintisinə yönəldiləcək.xeber100.com

“Türk Hava Yolları” şirkəti aviareyslərin bəzilərini təxirə salıb

İtaliyada yeni koronavirusun yayılması ilə əlaqədar “Türk Hava Yolları” şirkəti bu ölkəyə aviareyslərin bəzilərini təxirə salıb.Azərtac xəbər verir ki, bu barədə aviaşirkətdən məlumat verilib.Bildirilib ki, mart ayı üçün İstanbulun Sabiha Gökcən hava limanından Milana və Romaya nəzərdə tutulan səfərlər ləğv edilib. Yeni İstanbul aeroportundan nəzərdə tutulan uçuşlar isə qismən azaldılıb.xeber100.com

Bu gün NATO-nun fövqəladə toplantısı keçiriləcək

Türkiyənin tələbi ilə bu gün NATO-nun fövqəladə toplantısı keçiriləcək.Azərtac xəbər verir ki, dünən axşam saatlarında Suriya rejimi tərəfindən Türk Silahlı Qüvvələrinə qarşı törədilmiş hava hücumunun ardından Türkiyə tərəfi bu tələbi irəli sürüb.Xatırladaq ki, hücum nəticəsində 33 türk əsgəri şəhid olub.xeber100.com

ABŞ-ın Enerji İnformasiya Administrasiyasının məlumatına görə…

Birləşmiş Ştatların gündəlik xam neft istehsalı azalır.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ABŞ-ın neft hasilatı 8 min barrel azalaraq gündəlik orta hesabla 13 milyon barrel olub. Bu göstərici ölkə tarixində neft istehsalının ən yüksək səviyyəsidir. Birləşmiş Ştatların neft hasilatı sonuncu dəfə 1970-ci ilin noyabrında maksimum – gündəlik orta hesabla 10,04 milyon barrel təşkil edib.Ötən həftə ABŞ-ın neft idxalı əvvəlki həftəyə görə 330 min barrel azalaraq sutkada 6,22 milyon barrel, neft ixracı isə əvvəlki həftə ilə müqayisədə 93 min barrel artaraq gündəlik 3,66 milyon barrel təşkil edib.EIA-nın proqnozuna görə, ABŞ-ın neft istehsalı bu il sutkalıq orta hesabla 13,2 milyon barrel olacaq. 2021-ci ildə isə gündəlik hasilatın 13,56 milyon barrelə çatacağı gözlənilir.Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.xeber100.com

Martın 1-dən etibarən İrana aviareyslər dayandırılır

Qazaxıstan martın 1-dən İrana aviareysləri dayandırır.Azərtac xəbər verir ki, Qazaxıstan baş sanitar həkimi Jandarbek Bekşin açıqlama verib ki, İranda olan Qazaxıstan vətəndaşları martın 1-nə kimi ölkəyə qayıda bilərlər.Qeyd edək ki, daha əvvəl Qazaxıstanın baş sanitar həkimi vətəndaşları Yaponiya, İtaliya, Sinqapur, Cənubi Koreya, Tailand, Malayziya kimi ölkələrə getməməyə, biletləri təhvil verməyə çağırmışdı.O, həmçinin bildirib ki, idarələrarası komissiyanın iclasında bu ölkələrə uçuş üçün alınan biletlərin dəyərinin vətəndaşlara qaytarılması barədə qərar qəbul olunub.xeber100.com

Gürcüstanın sovet ordusu tərəfindən işğalının 99-cu ildönümüdür

Bu gün Gürcüstanın keçmiş sovet ordusu tərəfindən işğalının 99-cu ildönümüdür.Azərtac xəbər verir ki, bununla bağlı ölkənin bütün dövlət qurumlarında, diplomatik nümayəndəliklərində bayraqlar endirilib.Dövlət bayraqları Gürcüstan Prezidentinin sarayı, parlament, hökumət və digər dövlət idarələrinin binalarında da endirilib.Qeyd edək ki, 1921-ci ilin fevralın 25-də Qırmızı ordu Tbilisiyə daxil olub və Gürcüstan Demokratik Respublikasını devirib.Gürcüstan parlamentinin 2010-cu il 21 iyul tarixli qərarı ilə fevralın 25-i Sovet işğalı günü elan olunub. Ölkə üzrə dövlət bayraqları hər il məhz bu tarixdə işğalın yüz minlərlə qurbanının xatirəsinə ehtiram əlaməti olaraq endirilir.xeber100.com

“Swedavia” şirkəti elektrik aviasiyanın inkişafı strategiyasını qəbul edib

İsveç hava limanlarının operatoru olan dövlətə məxsus "Swedavia" şirkəti elektrik aviasiyanın inkişafı strategiyasını qəbul edib.Azərtac-ın xüsusi müxbirinin aldığı məlumata əsasən, “Swedavia” şirkətində bildiriblər ki, yeni strategiyanın məqsədi İsveçdə mövcud on hava limanını elektrikli təyyarələrin istismarı və təmiri üçün hazırlamaqdan və 2025-ci ilədək ilk kommersiya elektrik aviasiya şirkətini istifadəyə verməkdən ibarətdir.İlkin addım olaraq, artıq bu ilin payız aylarında Ore-Ostersund hava limanında elektrikli təyyarələr üçün sınaq meydançasının fəaliyyətə başlanılması nəzərdə tutulur. “Swedavia” şirkəti İsveçin mərkəzində, Norveç sərhədi yaxınlığında yerləşən Ore-Ostersund hava limanının elektrikləşdirmə strategiyası üçün ideal bir başlanğıc nöqtəsi olduğuna inanır. Bütün bunları nəzərə alaraq Ore-Ostersund hava limanında artıq prototiplər və pilotsuz uçuş aparatları üçün sınaq sahəsi yaradılıb. Yeni tip təyyarələrdə sınaq uçuşlarının həyata keçirilməsi üçün sınaq sahəsinin digər tərəfi isə Norveçin Roros hava limanıdır. İki şimal hava limanı arasındakı sınaq sahəsi 2019-cu ildə başlayan Avropa Birliyinin “Yaşıl Yol” layihəsi çərçivəsində yaradılıb. “Swedavia” şirkəti həmçinin İsveç və Finlandiya arasında elektriklə çalışan təyyarələrdə uçuşların potensialını öyrənməyi planlaşdırır.Gələcəkdə “Swedavia”da İsveçin bütün 10 hava limanında elektrik təyyarələrinə xidmət göstərmək üçün infrastrukturun yaradılması planlaşdırılır.xeber100.com

İranda İslam Şurası Məclisinə seçkilər keçirilir

Bu gün İranda İslam Şurası Məclisinə (parlament) seçkilər keçirilir.Azərtac İranın Daxili İşlər Nazirliyinin Milli Seçki İdarəsinə istinadla xəbər verir ki, 290 yerlik parlamentə seçilmək üçün 7157 nəfər mübarizə aparır. Ölkə üzrə 54 mindən çox seçki dairəsi yaradılıb. Seçki İdarəsinin rəhbəri Camal Orf bildirib ki, İranda 54 milyon 918 nəfərin səsvermə hüququ var. İranda 18 yaşdan yuxarı vətəndaşlar parlament seçkilərində namizədliklərini irəli sürə bilərlər. Lakin İranda fəaliyyət göstərən Konstitusiyanın Müdafiə Şurası namizədləri nəzərdən keçirərək onların seçkidə iştirakına qərar verir. Şuranın rəyi olmadan namizəd Milli Seçki İdarəsi tərəfindən qeydə alına bilməz. Səsvermə prosesinin 85 faizi elektron qaydada həyata keçirilir ki, bu da saxtakarlığın qarşısını 90 faizə qədər alır.Prezident seçkilərində olduğu kimi, parlament seçkilərində də əsas mübarizə İran siyasətinin sütununu təşkil edən iki böyük siyasi düşərgə - islahatçılar və mühafizəkarlar arasında aparılır.Budəfəki parlament seçkiləri ABŞ ilə kəskin qarşıdurma şəraitində keçirilir. İqtisadi sanksiyalar ölkədəki sosial vəziyyəti ağırlaşdırıb ki, bu da hakimiyyətdə olan islahatçılar qanadının nüfuzuna təsirsiz ötüşməyib. Buna baxmayaraq, İranda seçicilər fəallıq nümayiş etdirirlər. Artıq İranın Ali Rəhbəri Ayətullah Seyid Əli Xamneyi səsvermədə iştirak edib.xeber100.com

Ukrayna Nazirlər Kabineti 1 milyon iş yeri yaratmaq niyyətindədir

Ukrayna Nazirlər Kabineti 2020-ci ildə 200 min, 5 il ərzində isə 1 milyon iş yeri yaratmaq niyyətindədir.Azərtac xəbər verir ki, bu barədə Ukraynanın Baş Naziri Aleksey Qonçaruk özünün “Telegram” kanalında bəyan edib.Məlumatda qeyd olunur ki, yeni iş yerlərinin yaradılmasından əlavə hökumətin 2020-ci il üçün əsas hədəflərindən biri iş axtarmağa sərf olunan orta müddətin 3,6 aydan 2 ayadək azaldılmasıdır.Qeyd edək ki, Ukrayna hökuməti “İnvestisiyalar vasitəsilə inkişaf” iqtisadi strategiyasını rəhbər tutur. Strategiyada nəzərdə tutulan plana müvafiq olaraq, işsizlik səviyyəsi 2020-ci ildəki 7,6 faizdən 2024-cü ildə 5,2 faizədək aşağı düşəcək, məşğulluq səviyyəsi isə 68,2 faizdən 71,4 faizədək artacaq.xeber100.com