İraqa qarşı sanksiyaların müzakirəsi başlayıb

ABŞ İraq parlamentinin xarici qoşunların ölkədən çıxarılması barədə qətnamə qəbul etməsi səbəbindən bu ölkəyə qarşı sanksiyaları müzakirə etməyə başlayıb.Azərtac xəbər verir ki, bu barədə “The Washington Post” qəzeti ABŞ administrasiyasındakı mənbəyə istinadla məlumat yayıb. Məlumata görə, sanksiyalarda ABŞ biznesinin İraqın işgüzar dairələri ilə çalışmasına qadağalar nəzərdən keçirilir.İqtisadi məhdudiyyətlərin tətbiq olunacağı təqdirdə aparıcı rolu Ağ ev və ABŞ Maliyyə Nazirliyi oynayacaq. Mənbələrdən birinin sözlərinə görə, hazırkı müzakirələr ilkin xarakter daşıyır və sanksiyaların tətbiq olunacağı məsələsi hələ də dəqiqləşməyib. Vaşinqton hələlik Bağdadın bəyanatdan sonrakı addımlarını gözləyir.Qeyd edək ki, İraq Nümayəndələr Şurasının (parlament) deputatları yanvarın 5-də keçirilən təcili iclasda hökumətdən ölkədəki xarici qoşunların mövcudluğuna son qoymağı və terror əleyhinə beynəlxalq koalisiya ilə təhlükəsizlik barədə saziş çərçivəsində fəaliyyəti dayandırmağı tələb edib.ABŞ Prezidenti Donald Tramp isə öz növbəsində Amerikaya qarşı tərs addım atılacağı təqdirdə Bağdadı iqtisadi sanksiyalarla hədələyib.İclas ABŞ-ın İraq ərazisinə bir neçə raket zərbəsindən sonra ölkədə vəziyyətin gərginləşməsi fonunda keçirilib. Belə ki, yanvarın 3-də Birləşmiş Ştatların Bağdad aeroportu rayonuna endirdiyi zərbə nəticəsində İslam İnqilabı Keşikçiləri Korpusunun “Əl-Qüds” xüsusi təyinatlı qüvvələrinin komandanı Qasım Süleymani və şiələrin “Əl-Haşd əş-Şaabi” qruplaşması komandirinin müavini Əbu Mehdi əl-Mühəndis öldürülüb.xeber100.com  

Özbəkistan parlamenti Ali Məclisinə təkrar seçkilər keçiriləcək

Yanvarın 5-də Özbəkistan parlamenti Ali Məclisinə təkrar seçkilər keçiriləcək.Azərtac xəbər verir ki, ötən il dekabrın 22-də keçirilən seçkilərdə 125 deputat seçilib. 25 dairədə isə namizədlərin heç biri lazımi qədər səs toplaya bilməyib. Təkrar seçkilərdə hər dairədən iki namizəd mübarizə aparacaq və ən çox səs toplayan namizəd qalib elan ediləcək.Özbəkistanda fəaliyyət göstərən beş siyasi partiya seçkilərdə iştirak edib.Xatırladırıq ki, dekabrın 22-də keçirilən seçkilərdə Azərbaycan Milli Məclisinin Aqrar siyasət komitəsinin sədri, Azərbaycan-Özbəkistan parlamentlərarası əlaqələr üzrə işçi qrupunun rəhbəri Eldar İbrahimov və qrupun üzvü, deputat Cavanşir Paşazadə və bir qrup politoloq seçkiləri müşahidəçi kimi izləyiblər.xeber100.com

Rixter cədvəli ilə 4.2 bal gücündə zəlzələ baş verib

Türkiyənin Qars bölgəsində yerləşən Sarkamış rayonu ərazisində Rixter cədvəli ilə 4.2 bal gücündə zəlzələ baş verib.Azərtac xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) məlumat yayıb. Bildirilir ki, yeraltı təkan yerli vaxtla 14.20-də qeydə alınıb.Zəlzələ ətraf bölgələrdə də hiss olunub.Hələlik, dağıntı və tələfat barədə hələ ki, məlumat yoxdur.xeber100.com

Hərbi dəniz donanmalarının birgə hərbi təlimi başlayıb

Dekabrın 27-də Hind Okeanının şimal sularında İran, Çin və Rusiya hərbi dəniz donanmalarının birgə hərbi təlimi başlayıb.Azərtac xəbər verir ki, hər üç dövlətin iki ay müddətində apardıqları danışıqların nəticəsində birgə hərbi təlim keçirmək barədə razılıq əldə olunub. Təlimlərə döyüş gəmiləri ilə yanaşı, xüsusi təyinatlılar da cəlb edilib.Qeyd edək ki, bu təlimlər dünya mətbuatının gündəmindədir və bu da təsadüfi deyil. Dünya mətbuatı yazır ki, regionda baş verən ciddi siyasi proseslər dövlətlərin hərbi birliklər yaratmasına səbəb olub. Məsələnin mahiyyəti ondan ibarətdir ki, ABŞ-ın Yaxın Şərqə təsirinin artması Rusiyanın və Çinin narahatlığına səbəb olub. Hər iki dövlətin Yaxın Şərq ilə yanaşı, Hind Okeanı akvatoriyasında da geosiyasi maraqları var. Bu maraqlara beynəlxalq ticarətə və nəqliyyat yollarına nəzarət etmək və bu kimi digər amillər daxildir. İran diplomatiyası bu məsələni nəzərdən qaçırmır və ABŞ ilə qarşıdurmada Rusiyanı və Çini birlikdə addım atmağın zəruriliyinə inandıra bilib.Bu gün sanksiyalardan əziyyət çəkən İran demək olar ki, ABŞ-a qarşı heç də təkbaşına deyil. İran-Rusiya və İran-Çin münasibətlərinin ABŞ-ın Yaxın Şərqə müdaxiləsindən sonra daha da yaxınlaşmasını göstərən fakt təkcə bu gün başlanan hərbi təlim deyil. Rusiyanın İranda Atom Elektrik Stansiyası tikməyə başlaması və rəsmi Moskvanın İrana 10 milyarddan çox investisiya yatıracağını bəyan etməsi Tehrana ciddi dəstək mesajıdır.xeber100.com

Xorvatiya Seçki Komissiyasının məlumatı əsasında…

Bu gün Xorvatiyada prezident seçkiləri keçirilir. Prezident 5 il müddətinə seçilir.Xorvatiya Seçki Komissiyasının məlumatına əsasən, ölkənin 3,85 milyon vətəndaşı seçki hüququna malikdir. Eyni zamanda, xaricdə yaşayan 177 min vətəndaş səs verə bilər.Dövlət başçısı vəzifəsinə 11 nəfər namizədliyini irəli sürüb. Xorvatiyanın hazırkı Prezidenti Kolinda Qrabar-Kitaroviç, sabiq Baş Nazir Zoran Milanoviç və musiqiçi Miroslav Şkoro favoritlər arasındadır. Namizədlərdən heç biri 50 faizdən çox səs yığmasa, 14 gündən sonra seçkilərin ikinci turunda ən çox səs toplayan iki namizəd iştirak edəcək.xeber100.com

Yunanıstanda etiraz aksiyası təşkil olunub

Yunanıstanın paytaxtı Afinada və ölkənin digər şəhərlərində Kommunist Partiyası tərəfindən “Xalq əleyhinə büdcəyə yox!” şüarı altında etiraz aksiyası təşkil olunub.Etirazçılar “Yeni demokratiya” Partiyası tərəfindən qəbul edilən büdcənin xalqın maraqlarına cavab vermədiyini bildiriblər.Aksiyada Fransada keçirilən kütləvi etirazlara həmrəylik ifadə olunub.xeber100.com

Növbəti prezident seçkiləri 2020-ci ilin mayında keçiriləcək

Polşada növbəti prezident seçkiləri 2020-ci ilin mayında keçiriləcək.Azərtac xəbər verir ki, ölkə qanunvericiliyinə əsasən, əgər seçkilərdə namizədlərdən hər hansı biri 50 faizdən çox səs toplamazsa, ikinci ümumxalq səsverməsi olacaq.Hazırkı Prezident Andjey Dudanın namizədliyini yenidən irəli sürəcəyi bildirilir. Onun əsas rəqibi hesab edilən Avropa Şurasının prezidenti Donald Tusk namizədliyini irəli sürməyəcəyini açıqlayıb. Namizədlər arasında ötən parlament seçkilərində Yaroslav Kaçinskidən sonra ən populyar sima olan xanım Malqojata Kidava-Blonskaya və Avropa Parlamentinin üzvü, sabiq Xarici İşlər naziri Radoslav Sikorski var. Sikorski yerli telekanallardan birinə müsahibəsində hələ tam qərar vermədiyini bildirib.Hazırda namizədlər seçki platformalarını hazırlayırlar və gələn ildən təşviqat-təbliğat kampaniyasına start veriləcək.xeber100.com

Asiya İnkişaf Bankı ayihələrə 500 milyon dollar ayırıb

Asiya İnkişaf Bankı Özbəkistanda həyata keçiriləcək layihələrə 500 milyon dollar ayırıb.Azərtac xəbər verir ki, bununla bağlı Daşkənddə Özbəkistanın Maliyyə Nazirliyi, Fransa İnkişaf Agentliyi (FİA) və Asiya İnkişaf Bankı arasında saziş imzalanıb.Sənədə görə, bu vəsaitin 200 milyonu ipoteka bazarının inkişafına, bu sahədə normativ-hüquqi bazanın təkmilləşdirilməsinə sərf olunacaq. Bu pulun 300 milyonu isə Özbəkistanın regionlarında mənzilə ehtiyacı olanlar üçün evlərin tikilməsinə xərclənəcək. FİA isə bu məqsədlə həyata keçiriləcək layihələrə 50 milyon avro ayırıb.xeber100.com

Birləşmiş Krallıq Avropa İttifaqını tərk edəcək

Birləşmiş Krallıq 2020-ci il yanvarın 31-nə qədər Brexit prosesini həyata keçirərək Avropa İttifaqını tərk edəcək.Azərtac xəbər verir ki, bu barədə Böyük Britaniyanın Baş Naziri Boris Conson Londonda seçiciləri qarşısında çıxış edərkən deyib.“Biz Brexit prosesini vaxtında, yanvarın 31-dək həyata keçirəcəyik. Artıq “amma”, “əgər”, “ola bilər” kimi şərtlərə yer yoxdur. Qanunlarımız, sərhədlərimiz, maliyyəmiz, ticarətimiz və miqrasiya sistemimiz üzərində nəzarəti özümüzə qaytaracağıq”, - deyə Boris Conson çıxışı zamanı bildirib. Hökumət başçısı, həmçinin dekabrın 12-də ölkədə keçirilən parlament seçkilərinin nəticələrinin Brexit üzrə təkrar referendum təhlükəsini aradan qaldırdığını vurğulayıb.Hazırda Böyük Britaniyada keçirilən parlament seçkilərindən sonra iki məntəqə istisna olmaqla, səslərin hesablanması başa çatıb. Mühafizəkarlar Britaniya parlamentinin 650 yerlik İcmalar palatasında 363 mandat əldə edib. Leyboristlər isə böyük məğlubiyyətlə üzləşib.xeber100.com

Yaponiyada 5,7 bal gücündə zəlzələ olub

Dekabrın 11-də Yaponiya sahillərində, paytaxt Tokiodan təqribən 580 kilometr məsafədə 5,7 bal gücündə zəlzələ olub.Azərtac xəbər verir ki, bu barədə Avropa Aralıq dənizi Seysmoloji Mərkəzi məlumat yayıb.Yerli vaxtla gecə saat 3:05 dəqiqədə qeydə alınan yeraltı təkanların ocağının 10 kilometr dərinlikdə yerləşdiyi bildirilir.Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com