Çinin şimal-qərbində 6,4 bal gücündə zəlzələ olub

Çinin şimal-qərbindəki Sincan-Uyğur Muxtar Rayonunda 6,4 bal gücündə zəlzələ olub.Azərtac xəbər verir ki, bu barədə Çin Seysmologiya Mərkəzi məlumat yayıb. Yeraltı təkanlar Qaşğar prefekturasında yerli vaxtla saat 21:27-də qeydə alınıb. Zəlzələnin ocağı 16 kilometr dərinlikdə yerləşib. Hələlik tələfat və dağıntı barədə məlumat yoxdur.Qeyd edək ki, bu, son 4 gündə muxtar rayonda qeydə alınmış 3-cü zəlzələdir. Yanvarın 16-da muxtar rayonun Ağsu prefekturasında 5,6, yanvarın 18-də isə Qaşğar prefekturasında 5,4 bal gücündə zəlzələ olmuşdu.xeber100.com

Dövlət hakimiyyəti sisteminə əsaslı dəyişikliklər olunması təklif edilib

Yanvarın 15-də Rusiya Prezidenti Vladimir Putinin Federal Məclisə növbəti müraciətində ölkədə köklü dəyişikliklərin anonsu verilib.Rusiya lideri dövlət hakimiyyəti sisteminə əsaslı dəyişikliklər olunmasını təklif edib. Belə görünür ki, ölkədə prezident səlahiyyətləri azaldılacaq, əvəzində isə Federal Məclisin və Dövlət Şurasının səlahiyyətləri genişləndiriləcək.Vladimir Putin çıxışında bildirib ki, ölkədə yeni Konstitusiya qəbul edilməsinə ehtiyac yoxdur və ali qanunun bir neçə bəndinə dəyişikliklər olunması kifayətdir. Ekspertlərin fikrincə, Prezidentin təklifləri 1993-cü ildə qəbul edilmiş Konstitusiyaya ən əsaslı dəyişikliklər olacaq. Bəs bunlar hansı dəyişikliklərdir?Konstitusiya ölkənin hüquq məkanında prioritet təşkil etməlidir. Konstitusiyaya dəyişiklərə əsasən, məmurlar, deputatlar və digər vəzifəli şəxslərin xarici ölkənin vətəndaşı olması və ya xarici ölkədə yaşamaq hüququna malik olması qadağan ediləcək.Prezidentliyə namizədlərlə bağlı da mühüm dəyişikliklər nəzərdə tutulub. Prezident olmaq istəyən şəxs Rusiyada ən azı 25 il yaşamalı (indi bu müddət 10 ildir) və nə namizədliyi dövründə, nə də ondan əvvəl xarici vətəndaşlığı olmamalıdır. Bundan əlavə, Konstitusiyanın bir şəxsin iki müddət seçilmə hüququ barədə bəndindən “ard-arda” sözü götürüləcək.Rusiyada dövlət hakimiyyəti və yerli özünüidarə orqanlarından ibarət vahid publik hakimiyyət sistemi yaradılacaq.xeber100.com  

ABŞ prezidentliyinə namizədlərin mübarizəsi davam edir

2020-ci ildə ABŞ prezidentliyinə namizədlərin mübarizəsində iştirak edən ilk demokratlardan biri – Nyu-Cersi ştatından senator Kori Buker seçkiqabağı kampaniyasını başa çatdırdığını elan edib.Azərtac xəbər verir ki, Buker bu barədə bəyanatını seçkiqabağı kampaniyanın saytında yerləşdirib. O qeyd edib ki, prezidentlik uğrunda mübarizədən çıxmasının əsas səbəbi maliyyə vəsaitinin çatışmamasıdır. Senator bəyan edib ki, maliyyə ianələrinin qalan məbləği kampaniyanın əməkdaşlarına məvacib kimi ödəniləcək.Buker prezidentlik uğrunda mübarizədən çıxmasını Demokratlar partiyasının debatlarının yeddinci raundundan bir gün əvvəl, habelə Nyu-Hempşir və Ayova ştatlarında ilkin seçkilərdən bir neçə həftə əvvəl elan edib.Xatırladaq ki, Nyu-Arkın keçmiş meri olan Buker seçkiqabağı kampaniyaya keçən il fevral ayında başlayıb. O, prezident vəzifəsinə iddia edən yeddinci demokrat idi. Bukerin kampaniyası 2019-cu ilin dördüncü rübündə 6,6 milyon dollar vəsait toplayıb. Bu, Berni Sandersin və keçmiş vitse-prezident Co Baydenin seçkiqabağı kampaniyaları nəticəsində toplanmış ianələrlə müqayisədə (müvafiq surətdə 35 milyon və 23 milyon dollar) xeyli azdır.xeber100.com

Rusiya Federasiyası Xarici İşlər Nazirliyinin məlumatı

Yanvarın 13-də Moskvada Rusiyanın Xarici İşlər naziri Sergey Lavrov ilə onun türkiyəli həmkarı Mövlud Çavuşoğlu arasında görüş keçiriləcək.TASS agentliyi xəbər verir ki, bu barədə Rusiya Federasiyası Xarici İşlər Nazirliyi məlumat yayıb.Məlumatda bildirilir ki, bu gün, həmçinin Rusiya və Türkiyənin Müdafiə nazirləri arasında danışıqların aparılması gözlənilir. Görüş və danışıqlarda Liviya, Suriya və Yaxın Şərqdəki mövcud vəziyyət müzakirə ediləcək.xeber100.com

Liviyadakı vəziyyət daxil olmaqla regional məsələlər müzakirə edilib

Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub.Azərtac xəbər verir ki, dövlət başçıları Liviyadakı vəziyyət daxil olmaqla regional məsələləri müzakirə ediblər.xeber100.com

“Air Astana” aviaşirkəti uçuşlardan imtina edib

Qazaxıstanın "Air Astana" aviaşirkəti İraq və İran hava məkanındakı uçuşlardan imtina edib.Azərtac xəbər verir ki, Yaxın Şərqdəki İran və ABŞ silahlı qüvvələri arasındakı münaqişələrlə əlaqədar Qazaxıstan İraq və İran əraziləri üzərindəki uçuşlardan imtina etməyə məcbur qalıb. Belə ki, Qazaxıstanın "Air Astana" aviaşirkəti Almatı və Nur-Sultandan Dubaya gedən marşrutun dəyişdirilməsi barədə qərar qəbul edib.xeber100.com

Altısaatlıq iş günü və dördgünlük iş həftəsi tətbiq ediləcək

Finlandiya ölkənin yeni Baş Naziri Sanna Marin tərəfindən hazırlanmış planlara müvafiq olaraq altısaatlıq iş günü və dördgünlük iş həftəsi tətbiq edəcək.Azərtac Finlandiya KİV-lərinə istinadla bildirir ki, 34 yaşlı Sanna Marinin fikrincə, bu, əməkçilərin öz ailələri ilə daha çox vaxt keçirmələrinə imkan verəcək. Hazırda Finlandiyada normal iş praktikası gündə səkkiz saat, həftədə beş gün işdir. Lakin ölkənin yeni Baş Naziri ölkədə çevik iş qrafiki tətbiq etmək təşəbbüsünü irəli sürüb. Belə iş qrafikinə altısaatlıq iş günü, dördgünlük iş həftəsi daxildir. Sanna Marin deyib: “Hesab edirəm ki, insanlar öz ailələri ilə daha çox vaxt keçirməyə, sevimli məşğuliyyətlərinə və mədəniyyət kimi həyatın digər aspektlərinə daha çox vaxt ayırmağa layiqdirlər”.Qeyd edək ki, Sanna Marin Baş Nazir vəzifəsindən əvvəl Finlandiyanın Nəqliyyat naziri vəzifəsini tutub. O, bu vəzifədə olarkən də daha qısa iş həftəsini dəstəkləyib.xeber100.com

İraqa qarşı sanksiyaların müzakirəsi başlayıb

ABŞ İraq parlamentinin xarici qoşunların ölkədən çıxarılması barədə qətnamə qəbul etməsi səbəbindən bu ölkəyə qarşı sanksiyaları müzakirə etməyə başlayıb.Azərtac xəbər verir ki, bu barədə “The Washington Post” qəzeti ABŞ administrasiyasındakı mənbəyə istinadla məlumat yayıb. Məlumata görə, sanksiyalarda ABŞ biznesinin İraqın işgüzar dairələri ilə çalışmasına qadağalar nəzərdən keçirilir.İqtisadi məhdudiyyətlərin tətbiq olunacağı təqdirdə aparıcı rolu Ağ ev və ABŞ Maliyyə Nazirliyi oynayacaq. Mənbələrdən birinin sözlərinə görə, hazırkı müzakirələr ilkin xarakter daşıyır və sanksiyaların tətbiq olunacağı məsələsi hələ də dəqiqləşməyib. Vaşinqton hələlik Bağdadın bəyanatdan sonrakı addımlarını gözləyir.Qeyd edək ki, İraq Nümayəndələr Şurasının (parlament) deputatları yanvarın 5-də keçirilən təcili iclasda hökumətdən ölkədəki xarici qoşunların mövcudluğuna son qoymağı və terror əleyhinə beynəlxalq koalisiya ilə təhlükəsizlik barədə saziş çərçivəsində fəaliyyəti dayandırmağı tələb edib.ABŞ Prezidenti Donald Tramp isə öz növbəsində Amerikaya qarşı tərs addım atılacağı təqdirdə Bağdadı iqtisadi sanksiyalarla hədələyib.İclas ABŞ-ın İraq ərazisinə bir neçə raket zərbəsindən sonra ölkədə vəziyyətin gərginləşməsi fonunda keçirilib. Belə ki, yanvarın 3-də Birləşmiş Ştatların Bağdad aeroportu rayonuna endirdiyi zərbə nəticəsində İslam İnqilabı Keşikçiləri Korpusunun “Əl-Qüds” xüsusi təyinatlı qüvvələrinin komandanı Qasım Süleymani və şiələrin “Əl-Haşd əş-Şaabi” qruplaşması komandirinin müavini Əbu Mehdi əl-Mühəndis öldürülüb.xeber100.com  

Özbəkistan parlamenti Ali Məclisinə təkrar seçkilər keçiriləcək

Yanvarın 5-də Özbəkistan parlamenti Ali Məclisinə təkrar seçkilər keçiriləcək.Azərtac xəbər verir ki, ötən il dekabrın 22-də keçirilən seçkilərdə 125 deputat seçilib. 25 dairədə isə namizədlərin heç biri lazımi qədər səs toplaya bilməyib. Təkrar seçkilərdə hər dairədən iki namizəd mübarizə aparacaq və ən çox səs toplayan namizəd qalib elan ediləcək.Özbəkistanda fəaliyyət göstərən beş siyasi partiya seçkilərdə iştirak edib.Xatırladırıq ki, dekabrın 22-də keçirilən seçkilərdə Azərbaycan Milli Məclisinin Aqrar siyasət komitəsinin sədri, Azərbaycan-Özbəkistan parlamentlərarası əlaqələr üzrə işçi qrupunun rəhbəri Eldar İbrahimov və qrupun üzvü, deputat Cavanşir Paşazadə və bir qrup politoloq seçkiləri müşahidəçi kimi izləyiblər.xeber100.com

Rixter cədvəli ilə 4.2 bal gücündə zəlzələ baş verib

Türkiyənin Qars bölgəsində yerləşən Sarkamış rayonu ərazisində Rixter cədvəli ilə 4.2 bal gücündə zəlzələ baş verib.Azərtac xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) məlumat yayıb. Bildirilir ki, yeraltı təkan yerli vaxtla 14.20-də qeydə alınıb.Zəlzələ ətraf bölgələrdə də hiss olunub.Hələlik, dağıntı və tələfat barədə hələ ki, məlumat yoxdur.xeber100.com