ABŞ nüvə sahəsində müzakirələrə yenidən başlamağa hazırdır

ABŞ Şimali Koreya ilə nüvə sahəsində müzakirələrə yenidən başlamağa hazırdır.Azərtac xarici KİV-ə istinadla xəbər verir ki, bunu ABŞ Administrasiyasının Şimali Koreya üzrə xüsusi nümayəndəsi Stefan Beqan deyib.Cənubi Koreyaya üçgünlük səfəri zamanı S.Beqan bu ölkənin Koreya yarımadası və təhlükəsizlik məsələləri üzrə xüsusi nümayəndəsi Lee Do-hoon ilə görüşüb. Görüşdə xüsusi nümayəndə ABŞ Prezidenti Donald Tramp tərəfindən Şimali Koreya ilə danışıqları bərpa etməklə bağlı tapşırığın verildiyini və Şimali Koreya lideri Kim Çen Inın bunu razılıqla qarşıladığını ifadə edib. Lee Do-hoon isə məsələ ilə bağlı açıqlamasında hazırkı müzakirə mərhələsinə Şimali Koreya, Cənubi Koreya və ABŞ rəhbərlərinin siyasi iradələri sayəsində gəlindiyini bildirib.xeber100.com

Böyük Britaniya Brexit barədə sazişin şərtlərini dəyişməyi təklif edib

Böyük Britaniyanın Baş Naziri Boris Conson Avropa İttifaqına Brexit barədə sazişin şərtlərini dəyişməyi təklif edib.Azərtac Britaniya mətbuatına istinadla xəbər verir ki, bu barədə Boris Consonun Avropa İttifaqı Şurasının sədri Donald Tuska məktubunda deyilir.“Birləşmiş Krallığın Avropa İttifaqının tərkibindən çıxma vaxtı - 31 oktyabr sürətlə yaxınlaşır. Ümid edirəm ki, biz yolumuza sazişlə davam edəcəyik. Siz şəxsən bu hökumətin sazişə nail olmaq üçün daha çox enerji sərf edəcəyi və qətiyyətlə çalışacağı ilə razısınız. Bu, bizim əsas prioritetimizdir”, - Conson məktubunda belə yazıb.Böyük Britaniyanın Baş Naziri, ilk növbədə, “bekstop” – Brexit prosesindən sonra, keçid dövründə Şimali İrlandiya və İrlandiya arasında fiziki sərhədin qaytarılmasının qarşısının alınmasını və Şimali İrlandiyanın Avropa İttifaqı ilə vahid bazar və gömrük ittifaqında qalmasını nəzərdə tutulan mexanizmi ləğv etməyə çağırıb. Consonun iddiasına görə, məhz bu mexanizmlə bağlı problemlər səbəbindən Britaniya parlamentinin İcmalar palatası Brexit sazişini üç dəfə rədd edib.xeber100.com

İran İslam Şurası Məclisi ABŞ-a qarşı plan hazırlayır

İran İslam Şurası Məclisi (parlament) ABŞ-a qarşı 10 bənddən ibarət plan hazırlayır.Azərtac xəbər verir ki, bu barədə İran parlamentinin üzvü Əli Əsgər Yusifinecad məlumat verib. O bildirib ki, İran 1953-cü ildə baş vermiş dövlət çevrilişindən sonra Böyük Britaniya və ABŞ-da qalan aktivlərini geri tələb etməlidir. Alınan pullar 1953-cü ildə Tehranda həlak olmuş tələbələrin ailələrinə kompensasiya şəklində verilməlidir. Planda nəzərdə tutulub ki, ABŞ-ı dəstəkləyən ölkələrin media qurumlarının İrandakı büroları ləğv edilsin və jurnalistlər ölkədən çıxarılsın.Bunlarla yanaşı, iranlı deputat bildirib ki, ABŞ “Hollivud” kinoindustriyası da öz filmlərində İran xalqını təhqir etdiyinə görə beynəlxalq məhkəməyə veriləcək. Planda, həmçinin nəzərdə tutulur ki, İran ABŞ-ın bir sıra yüksək səviyyəli məmuruna sanksiyalar tətbiq etsin.Ə.Ə.Yusifinecad qeyd edib ki, plan yaxın günlərdə parlamentin müzakirəsinə çıxarılacaq.xeber100.com

Hərbi sahədə əməkdaşlığa dair üçillik müqavilə imzalanacaq

Gürcüstan ABŞ ilə hərbi sahədə əməkdaşlığı genişləndirir. Yaxın günlərdə iki ölkə arasında hərbi sahədə əməkdaşlığa dair üçillik müqavilə imzalanacaq.Azərtac xəbər verir ki, bu məlumatı Gürcüstanın Müdafiə naziri Levan İzoria ABŞ-ın ölkəyə yeni təyin olunmuş hərbi attaşesi Stefani Beqli ilə görüşündən sonra açıqlayıb.Nazirin sözlərinə görə, ABŞ regionda Gürcüstan ilə əməkdaşlığa böyük önəm verir. Görüşdə bu məsələ ciddi müzakirə olunub və yaxın günlərdə iki ölkə arasında hərbi əməkdaşlığa dair üçillik əməkdaşlıq müqaviləsinin imzalanması barədə razılıq əldə olunub.xeber100.com

Birləşmiş Millətlər Təşkilatının Uşaq Fondu çağırış edib

Birləşmiş Millətlər Təşkilatının Uşaq Fondu (UNICEF) iki ildir ki, Banqladeşdəki qaçqın düşərgələrində yaşayan 900 min arakanlı müsəlmanın ölkələrinə dönmələri ilə bağlı Myanmaya çağırış edib.Azərtac xarici KİV-ə istinadla xəbər verir ki, təşkilatın bununla bağlı hazırladığı hesabatda deyilir: “Arakanlı müsəlmanlar könüllü olaraq Myanmadakı keçmiş icmalarına təhlükəsiz şəkildə və ləyaqətli şəkildə geri dönməli, cəmiyyətin üzvləri olaraq qonşuları ilə sülh və harmoniya içində yaşamalarıdırlar”. Hesabatda, eyni zamanda, beynəlxalq ictimaiyyətin bu ölkəyə dəstək verməsinin vacibliyi vurğulanıb.xeber100.com

“Jukovsk” aeroportunda təyyarə qəza enişi edib

Moskva ətrafındakı “Jukovsk” aeroportunda təyyarə qəza enişi edib. Hadisə nəticəsində 23 nəfər yaralanıb.Azərtac  xəbər verir ki, Moskvadan Simferopola uçan “Airbus A321” təyyarəsi havaya qalxarkən qağayılarla toqquşub və mühərrikdə yanğın baş verib.Təyyarə qarğıdalı sahəsinə məcburi qəza enişi edib. Nəticədə 23 nəfər yaralanıb. Yaralananlar arasında 9 uşaq var.xeber100.com

Solt-Leyk-Sitiyə uçacaq “Delta” təyyarəsində texniki nasazlıq baş verib

35 yaşlı rejissor Vinsent Peon Nyu-Yorkdan Solt-Leyk-Sitiyə bu yaxınlardakı səyahəti zamanı yaddaqalan təcrübə qazanıb.Azərtac xəbər verir ki, qeydiyyat zamanı ona bu reysdə yeganə sərnişin olacağını izah ediblər. Məlum olub ki, Solt-Leyk-Sitiyə uçacaq “Delta” təyyarəsində texniki nasazlıq baş verib. Bu səbəbdən təyyarəni təcili əvəz etmək lazım gəlib. “Washington Post” yazır ki, Vinsent bileti son anda əldə etdiyindən ona məhz Nyu-Yorkdan əvəz olunmaqdan ötrü gələn boş təyyarəyə bilet satıblar.V.Peonu sözün əsl mənasında özəl təyyarədə kral uçuşu gözləyirdi. Uçuşqabağı təlimat verilmə zamanı və uçuş zamanı bildirişlərdə stüardessalar Vinsentə adı ilə müraciət edirdilər. Bundan başqa, o, pilotlarla da tanış olub.Tək-tənha uçacağından xəbər tutan Peon smartfonda kameranı işə salıb və bütün baş verənləri yaddaşa köçürüb. Daha sonra o, videonu redaktə edib, ondan kiçik bir film hazırlayaraq sosial şəbəkələrdə paylaşıb.Yeri gəlmişkən, amerikalı nəhəng təyyarənin göyərtəsində təklikdə uçmaqda bəxti gətirən yeganə insan deyil. Oxşar hadisə bu yaxınlarda Vilnüsdən İtaliyanın Berqamo şəhərinə uçan Litva sakininin də başına gəlib.xeber100.com

Beynəlxalq hava limanında bütün uçuşlar təxirə salınıb

Çinin Honkonq xüsusi inzibati bölgəsindəki beynəlxalq hava limanında yerli vaxtla saat 16:30-dan sonra bütün uçuşlar təxirə salınıb.Azərtac Çin Mərkəzi Televiziyasına istinadla xəbər verir ki, buna səbəb Honkonqda davam edən etiraz aksiyalarıdır. Belə ki, etirazçıların ən çox toplaşdığı məkanlardan biri məhz beynəlxalq hava limanıdır. Eyni hal avqustun 12-də də baş vermişdi.Honkonq beynəlxalq hava limanının rəsmi internet səhifəsində uçuşların təxirə salınması barədə elan yerləşdirilib və bütün sərnişinlərə aeroport terminallarını tərk etmək tövsiyə olunub. Avqustun 13-nə nəzərdə tutulan təxminən 370 reysin təxirə salınması on minlərlə sərnişinin çarəsiz vəziyyətə düşməsinə səbəb olub.Ötən il 74,7 milyon sərnişinə xidmət göstərmiş Honkonq beynəlxalq hava limanı dünyanın ən işgüzar aeroportlarından biri olmaqla yanaşı, şəhərin dünyaya açılan əsas qapısıdır.Qeyd edək ki, son aylar Honkonqda ekstradiya haqqında qanuna təklif olunan düzəlişə etiraz olaraq aksiyalar keçirilir. Honkonq hökumətinin icazəsi olmadan keçirilən aksiyaların gedişində dəfələrlə polis ilə etirazçılar arasında qarşıdurma yaranıb, xəsarət alanlar olub. Polis qanunsuz aksiyaları dağıtmaq üçün gözyaşardıcı qazdan istifadə etməyə məcbur qalıb.xeber100.com

Türkiyədə 4,2 bal gücündə zəlzələ baş verib

Türkiyənin Diyarbəkir vilayətində 4,2 bal gücündə zəlzələ baş verib.Milli.az  bildirir ki, yeraltı təkanlar yerli vaxtla saat 16:34-də Hazro rayonunda qeydə alınıb.Zəlzələnin episentri 6,41 kilometr dərinlikdə yerləşib.xeber100.com

Avtomobil istehsalçısı “Hyundai” Çin bazarında satdığı avtomobili geri çağırır

Koreya Respublikasının avtomobil istehsalçısı "Hyundai" Çin bazarında satdığı 400 min 377 avtomobili geri çağırır.Azərtac bildirir ki, buna səbəb həmin avtomobillərin aşağı temperatur şəraitində dayanmadan idarə olunarkən yağ səviyyəsinin yüksəlməsi və bunun da mühərrik nasazlığının indikator lampalarının işıqlanmasına, hətta mühərrikin zədələnməsinə gətirib çıxarması ehtimalıdır.Avqustun 17-dən başlanacaq proses çərçivəsində 2015-2018-ci illərdə istehsal olunan "Tucson" modelli avtomobillər geri çağırılacaq. İstehsalçı şirkət nasaz detalları öz hesabına dəyişəcək.xeber100.com