Avropa Kommunistləri Şurası sərt bəyanatla çıxış edib

Avropa Kommunistləri Şurası NATO-nun yaranmasının 70-ci ildönümü münasibəti ilə Nyu-Yorkda keçirilmmiş toplantı haqda bəyanat yayıb.Milli.az xəbər verir ki, bəyanatda NATO "imperialist ittifaq" adlandırılıb.Qeyd edilib ki, bəşəriyyət tezliklə bu dağıdıcı ittifaqdan xilas olmalıdır.Bəyanatda müttəfiqlər arasında silahlanma yarışı pislənilib və alyans "kommunizmə qarşı inqilab təşkilatı" adlandırılıb:"NATO 70 ildir fəaliyyət göstərən müharibə təşkilatıdır. Yalanlarla, zorakılıqlarla, cinayət və qətliamlarla dolu 70 illik bir cinayət dosyesi var. 70-ci ilində deyiləcək bir söz var: NATO yox edilməlidir!"xeber100.com

“Hayabuşa-2” kosmik zondu Ryuqu asteroidində süni krater yaradacaq

Yaponiyanın “Hayabuşa-2” kosmik zondu Ryuqu asteroidində süni krater yaratmaq məqsədilə bu kosmik cismə növbəti enişə hazırlaşır. Məqsəd yerdən 340 milyon kilometr məsafədə yerləşən asteroidin daxili quruluşunu öyrənməkdir.Azərtac Yaponiya Aerokosmik Məkanın Tədqiqi Agentliyinə (JAXA) istinadla xəbər verir ki, “Hayabuşa-2” zondu martın 4-də yapon vaxtı ilə saat 13:00-dan başlayaraq 20 min metr yüksəklikdən asteroidə enişə başlayıb. Plana əsasən, martın 5-də saat 11:00 radələrində zond asteroidin səthindən 500 metr yüksəklikdə olarkən onun asteroidə “impaktor” adlı qurğu göndərəcəyi gözlənilir. Bundan 40 dəqiqə sonra “impaktor” süni krater yaratmaq və xüsusi metal obyekti saniyədə 2 kilometr sürətlə asteroidin daxilinə yerləşdirmək üçün partlayış törədəcək.JAXA Ryuqu asteroidindən nümunələr götürmək məqsədilə “Hayabuşa-2” zondunu bir daha asteroidə endirməyi planlaşdırır. JAXA-nın nümayəndələri bildiriblər ki, “Hayabuşa-2” zondunun fevralda asteroidə enərkən oradan süxur nümunələri götürməyə artıq nail olduğu güman edilir.xeber100.com

Avstraliya parlamenti yeni qanun layihəsi qəbul edib

Aprelin 4-də Avstraliya parlamenti zorakılıq səhnələrinin yayılması ilə qeyri-səmərəli mübarizəyə görə media şirkətlərinin rəhbərliyi üçün cərimənin və həbs cəzasının tətbiqinin nəzərdə tutulduğu qanun layihəsini qəbul edib.Azərtac xəbər verir ki, qanuna əsasən, sosial platforma müvafiq kontenti təcili silmədiyi halda onun rəhbərliyini şirkətin illik dövriyyəsinin 10 faizi məbləğində cərimə və ya 3 il müddətədək həbs cəzası gözləyir. Bundan əlavə, media şirkətlər öz platformalarında zorakılıq səhnələrinin yer aldığı videoçarxlar barədə polisi təcili məlumatlandırmalıdırlar.Xatırladaq ki, martın ortalarında Yeni Zelandiyanın Kraystçörç şəhərində iki məsciddə törədilən terror aktları nəticəsində 50 nəfər həlak olub, bir o qədər insan da yaralanıb. Yeni Zelandiyanın Baş naziri Casinda Ardern bu hadisəni terror aktı adlandırıb. Faciə ilə bağlı 28 yaşlı Avstraliya vətəndaşı Brenton Tarranta qarşı qətl törətmək ittihamı irəli sürülüb və aprelin 5-dək onun həbsdə saxlanması qərara alınıb.B.Tarrant məscidlərdən birinə hücumu videoya çəkib və sosial şəbəkələrdə canlı yayımlayıb. Facebook şirkətinin məlumatına görə, Kraysçörçdə törədilən hadisə ilə bağlı ilk dəfə 24 saat ərzində 1,5 milyon videoyazı silinib. Bundan bir qədər sonra Facebook “ağ millətçiliyin” təbliği və dəstəklənməsi ilə bağlı qadağa tətbiq edildiyini bildirib.xeber100.com

Avropa Komissiyası dəmir yollarının təmirinə 119 milyon ayıracaq

Avropa Komissiyası Portuqaliyanın şimalındakı dəmir yollarının təmirinə 119 milyon avro ayıracaq.Azərtac xəbər verir ki, Portuqaliyaya vəsaitin ayrılması Avropa Komissiyasının Aİ-də nəqliyyat, səhiyyə, ətraf mühit və enerji sahələrinə aid müxtəlif obyektlərin modernləşdirilməsi və təmiri üzrə proqramının bir hissəsidir. Ümumilikdə, 25 obyektə 4 milyard avro ayrılması nəzərdə tutulub. Portuqaliya ilə yanaşı, Bolqarıstan, Çexiya, Almaniya, Yunanıstan, Macarıstan, İtaliya, Malta, Polşa və Rumıniyaya da maliyyə vəsaiti ayrılacaq.xeber100.com

“AirBaltic” aviaşirkəti 5 milyon sərnişin daşımağı planlaşdırır

Latviyanın “airBaltic” aviaşirkəti bu il 5 milyon sərnişin daşımağı planlaşdırır. Şirkətin icraçı direktoru Martin Qauss bunu Latviya Televiziyasının “Utrennyaya panorama” verilişində bildirib.LETA agentliyi bu barədə xəbər verir.“Yaxın illərdə biz inkişafımızı davam etdirəcəyik”, - deyən M.Qauss ötən il “airBaltic” tərəfindən 4,1 milyon sərnişinin daşındığını, bu göstəricinin 2017-ci illə müqayisədə 17 faiz çox olduğunu vurğulayıb.Bundan başqa, cari ildə “airBaltic” daha 6 ədəd yeni “Airbus A220” təyyarəsini almağı planlaşdırır.“airBaltic” 2018-ci ildə öz tarixində ilk dəfə olaraq 400 milyon avro məbləğində gəlir əldə edib, şirkətin xalis mənfəəti isə 2017-ci illə müqayisədə 40 faizdən çox artaraq 5,4 milyon avroya çatıb. Aviaşirkət 2018-ci ildə 4,1 milyon sərnişin daşıyıb və 56,3 min uçuş həyata keçirib. Şirkətdə 1,5 mindən çox işçi çalışıb.xeber100.com

İranda fövqəladə vəziyyət elan olunub

İranın Xuzistan vilayətində fövqəladə vəziyyət elan olunub.Azərtac xəbər verir ki, aramsız yağışların yağması yeni sel ehtimalını artırıb. Vilayətin valisi Qulamrza Şəriəti jurnalistlərə bildirib ki, sel ehtimalının artması ilə əlaqədar daxili işlər naziri vilayətdə fövqəladə vəziyyət elan edib. Bütün dövlət və özəl müəssisələrin fəaliyyəti dayandırılıb. Sel olacağı təqdirdə insanların təxliyəsi istiqamətində tədbirlər davam edir. Təcilli tibbi yardım və suyun çaylara yönəldilməsi üçün yanğınsöndürən maşınlar hazır vəziyyətdədir.Böhranlı vəziyyətin idarə edilməsi üçün yaradılan qərargahın rəhbəri, daxili işlər naziri Əbdülrza Rəhmani Fəzli deyib ki, əhalinin ərzaq və digər ilkin tələbat malları ilə təmin edilməsində heç bir problem yaranmayacaq.Xatırladaq ki, ötən həftə aramsız yağan yağışlar İranın Gülüstan, Xuzistan, Gilan, İsfahan və başqa vilayətlərində selin yaranması ilə nəticələnib, təsərrüfatlara ciddi ziyan dəyib. Təbii fəlakət nəticəsində 50-yə yaxın insan həlak olub.xeber100.com

Meksika miqrantlara humanitar vizalar verməyi planlaşdırır

Meksikanın Miqrasiya Nəzarəti Xidməti Amerika-Meksika sərhədinə yollanmaq məqsədilə Çyapas cənub ştatında toplaşan Mərkəzi Amerika və Karib ölkələrindən olan 2500 nəfərlik məhdud sayda miqrant qrupuna humanitar vizalar verməyi planlaşdırır.Azərtac Amerika KİV-lərinə istinadla xəbər verir ki, bazar günü Milli Miqrasiya İnstitutu hakimiyyət orqanları tərəfindən qadınlara, uşaqlara və yaşı 65-dən yuxarı olan, “vəziyyətləri bu vizalara uyğun olan” şəxslərə üstünlük veriləcəyini bəyan edib. Hakimiyyət orqanları bildiriblər ki, Qvatemala, Salvador və Hondurasdan olan vətəndaşların geriyə - öz ölkələrinə daşınmaları üçün avtobuslarla, Kuba, Haiti və Nikaraquadan olan vətəndaşlar isə hava nəqliyyatı ilə təmin ediləcəklər.Bu qərar Prezident Donald Trampın Meksikanın hakimiyyət orqanlarının Mərkəzi Amerikadan olan minlərlə miqrantın Meksika-ABŞ sərhədinə yaxınlaşaraq, burada onların sərhədi keçmə və ya sığınacaq istəmə cəhdinə mane olmayacağı təqdirdə ABŞ ilə Meksika arasında sərhəd keçidinin bağlanması barədə təhdidindən sonra Meksika hakimiyyət orqanları tərəfindən qəbul edilib.xeber100.com

Avropa-Aralıq dənizi Seysmoloji Mərkəzinin məlumatı

Peru sahillərində 5,6 bal gücündə zəlzələ baş verib.Trend-in Avropa-Aralıq dənizi Seysmoloji Mərkəzinə istinadən verdiyi məlumata görə, "UTC" vaxtı ilə saat 15:27-də qeydə alınan yeraltı təkanlar Çimbote şəhərindən 103 kilometr cənub-qərbdə, ocağı isə 10 kilometr dərinlikdə yerləşib.Zəlzələ nəticəsində xəsarət alanlar və dağıntılar barədə məlumat verilməyib.xeber100.com

Fransada etirazçıların növbəti aksiyası keçiriləcək

Fransada "sarı jiletlər" etiraz hərəkatının fəalları bu gün 20-ci dəfə şəhər küçələrinə çıxmağı planlaşdırır.Trend-in məlumatına görə, aksiyaçılar ölkədə hələ də bütün sosial problemlərin həll olunmadığını sübut etmək istəyir.Paris polisi iki yürüş və dörd nümayiş üçün müraciət alıb.xeber100.com

ABŞ Konqresinə yeni qanun layihəsi təqdim edilib

Martın 28-də hər iki partiyanı təmsil edən bir qrup konqresmen Puerto-Rikonun adada ərazi statusuna dair referendum keçirilmədən ABŞ-ın 51-ci ştatı hesab olunması barədə qanun layihəsi təqdim edib.Azərtac xəbər verir ki, ada hökuməti Puerto-Rikonun statusuna dair iki dəfə (2012-ci və 2017-ci illərdə) referendum keçirib. Hər iki halda seçicilərin əksəriyyəti bu adanın 51-ci ştat olması təklifinin lehinə səs verib. Lakin adanın statusunun dəyişdirilməsi Konqres tərəfindən bəyənilməlidir. Buna görə hesab edilib ki, həmin referendumların nəticələri məcburi qüvvəyə malik deyil.Adanın statusunun dəyişdirilməsi barədə qanun layihəsi Florida ştatından demokrat konqresmen, Puerto-rikalıların böyük icmasının yaşadığı Orlando dairəsini təmsil edən Darren Soto tərəfindən təqdim olunub. Prezident Donald Tramp daha əvvəl Puerto-Rikonun 51-ci ştat olması təklifi ilə əsla razı olmadığını bəyan edib.Puerto-Riko 1898-ci ildə İspaniya-Amerika müharibəsindən sonra ABŞ-ın tabeliyinə keçib və 1917-ci ildə Vaşinqton bu adanın sakinlərinə Amerika vətəndaşlığı verib. Lakin Puerto-rikoluların ABŞ Senatında və Konqresdə səsvermə hüququ və digər siyasi hüquqları yoxdur. Respublikaçılar Puerto-Rikonun statusunun dəyişdirilməsini dəstəkləmirlər, çünki Puerto-rikolıların əksəriyyəti ABŞ-ın Demokratlar Partiyasına rəğbət bəsləyir və Ağ Evə, eləcə də Konqresə seçkilərdə onlar respublikaçılar üçün siyasi təhlükə yarada bilər.xeber100.com