Hindistan-Pakistan sərhədində gərginlik davam edir

Fevralın 28-də səhər saatlarında Hindistan-Pakistan sərhədindəki qoşunların təmas xəttində atışmalar olub.Azərtac xarici KİV-ə istinadla xəbər verir ki, iki ölkə arasında mübahisəli Kəşmir bölgəsində 1 saat davam edən atışmalar nəticəsində itkilər barədə məlumat verilmir. Hindistan Müdafiə Nazirliyinin mətbuat katibi Devender Anand məlumatı təsdiq edib.Pakistanın informasiya naziri Şövkət Əli Yusifzayi isə ölkənin şərq sərhədlərində ordunun “yüksək hazırlıq” vəziyyətinə gətirildiyini bəyan edib.Nüvə silahına malik olan iki ölkə arasında gərginliyin artması bütün dünya ictimaiyyətini narahat edir. Pakistanın Baş naziri İmran xan hindistanlı həmkarına müraciət edərək sülhün qorunub saxlanılması üçün dialoq təklif edib.xeber100.com

Birləşmiş Ərəb Əmirlikləri ilk kosmonavtını kosmosa göndərəcək

Birləşmiş Ərəb Əmirliklərinin ilk kosmonavtı bu il sentyabrın 25-də kosmosa göndəriləcək.Azərtac Məhəmməd bin Rəşid adına Kosmik Mərkəzə istinadla xəbər verir ki, kosmosa göndərilmək üçün seçilmiş iki kosmonavt – Hazza Əl Mansuri yaxud Sultan Əl Neyadi 18 günlük uçuşu həyata keçirmək üçün Rusiya missiyasının tərkibində Beynəlxalq Kosmik Stansiyadan (BKS) orbitə yollanacaq və oktyabrın 3-də geriyə - Yer kürəsinə qayıdacaq.Artıq hər iki kosmonavt Rusiyada Y.Qaqarin adına kosmonavtların hazırlığı mərkəzində hərtərəfli hazırlıq keçiblər. Onlar hazırlıq zamanı zədələnmiş kapsuldan necə çıxmağı, müvafiq resursların və rabitə vasitələrinin istifadə edilməsini öyrəniblər. BƏƏ-dən olan kosmonavt BKS-də insan orqanizminin uçuşdan əvvəlki və sonrakı həyati vacib göstəricilərinin reaksiyasını tədqiqat edəcək. Bu tədqiqatların nəticələri bir müddətdən sonra digər regionlardan olan kosmonavtların müvafiq sahədə topladıqları tədqiqatlarla müqayisə olunacaq.xeber100.com

Moskvanın Şeremetyevo hava limanı öz işini bərpa edib

Moskvanın Şeremetyevo hava limanının ikinci zolağı Azərbaycandan gələn təyyarənin üzləşdiyi insidentdən sonra öz işini bərpa edib.Milli.az xəbər verir ki, aeroport rəhbərliyi hadisə ilə bağlı 15 reysi ləğv etmək və 30-dan çox reysin vaxtına düzəliş etmək məcburiyyətində qalıb.Məlumata görə, Azərbaycandan gələn biznes sinfli "Jet Air Group" tipli təyyarənin uçuş-eniş zolağından çıxmasından sonra, hava limanının ikinci uçuş-eniş zolağının işi müvəqqəti olaraq dayandırılıb.Moskva Regionlararası Nəqliyyat Prokurorluğunun məlumatına görə, təyyarə zolaqdan 50 metr kənara çıxıb. Hava gəmisində 3 sərnişin və 3 heyət üzvü olub. Zərər çəkən olmayıb. Faktla bağlı araşdırmalara başlanıb. Aeroport isə hazırda ştat rejimində fəaliyyət göstərir.xeber100.com

Rixter cədvəli üzrə 4,4 bal gücündə zəlzələ baş verib

İranın İlam vilayətinin Abdanan rayonunda rixter cədvəli üzrə 4,4 bal gücündə zəlzələ baş verib.Milli.az xəbər verir ki, bunu İranın İlam vilayəti Abdanan rayonu qubernatoru Sirus Murad Hasili deyib.M.Hasilinin sözlərinə görə, 9 km dərinlikdə baş verən zəlzələ nəticəsində mənzillərin, ticarət və dövlət idarələrinin pəncərələri qırılıb və divarlarda çatlar əmələ gəlib.Qubernator zəlzələ ilə əlaqədar məktəblərin bağlandığını qeyd edib.Qeyd edək ki, bu gün İran vaxtı ilə saat 9:12 radələrində İranın İlam vilayətinin Abdanan rayonunda 4,4 bal zəlzələ baş verib. Əhali təşvişə düşərək mənzilləri və obyektləri tərk edib.xeber100.com

İnsan Hüquqları Şurasının 40-cı iclası işə başlayıb

BMT-nin İnsan Hüquqları Şurasının 40-cı iclası işə başlayıb.Azərtac xəbər verir ki, təşkilatın İsveçrədəki ofisində keçirilən iclas martın 22-dək davam edəcək. İclasın ilk üç günündə iki dövlət başçısının, iki baş nazirin və yetmişə yaxın nazirin çıxışı nəzərdə tutulub. İclasa BMT-nin baş katibi Antonio Quterreş də qatılıb. Baş katib çıxışında son üç ildə mindən çox insan haqları müdafiəçisinin və jurnalistin öldürüldüyünü deyib.xeber100.com

Türkiyə mətbuatının məlumatına görə…

Türkiyə parlamentinin yeni sədri hakim Ədalət və İnkişaf Partiyasının nümayəndəsi Mustafa Şentop seçilib.Türkiyə KİV-lərinin verdiyi məlumata görə, 542 deputatdan 336-sı öz səsini Mustafa Şentopa verib.Bundan əlavə, 124 deputat Cümhuriyyət Xalq Partiyasının (CHP) nüamyəndəsi Engin Altaya, 46-sı Xalqların Demokratik Partiyasının (HDP) nümayəndəsi Serpil Kemalbay Pekgözegüyə, 33-ü isə "İYİ Parti"nin nümayəndəsi İmam Hüseyn Filizə səs verib. 3 deputat səs verməyib.xeber100.com

Valyuta tənzimlənməsi sahəsində razılıq əldə edilib

ABŞ maliyyə anziri Stiven Mnuçin bəyan edib ki, Çin heyəti ilə danışıqlar zamanı tərəflər valyuta tənzimlənməsi sahəsində addımlar barədə razılığa gəliblər.Trend-in məlumatına görə, Mnuçin Ağ Evdə jurnalistlərlə söhbət zamanı deyib ki, söhbət valyuta bazarının tənzimlənməsi sahəsində "final razılaşmadan" gedir.Nazir həmçinin deyib ki, tərəflər danışıqlarda "əhəmiyyətli irəliləyiş" əldə edib.xeber100.com

Sudan respublikası fövqəladə vəziyyət elan edib

Sudan prezidenti Ömər əl-Bəşir ölkədə bir il müddətinə fövqəladə vəziyyət elan edib.Trend-in məlumatına görə, prezident həmçinin hökumətin buraxıldığını da bildirib.“Bütün ölkə ərazisində bir illik fövqəladə vəziyyət elan olunur. Milli Həmrəylik Hökuməti, bütün ştatlarda yerli hökumət orqanları buraxılır”, - deyə o bildirib.xeber100.com

Böyük Britaniya Brexit prosesini təxirə salmağı planlaşdırır

Böyük Britaniyanın 100 mühafizəkar deputatı Baş nazir Tereza Meyi Brexit prosesini təxirə salmağa məcbur etməyi planlaşdırır.Azərtac xəbər verir ki, The Daily Telegraph qəzetinin yaydığı məlumata görə, qanunvericilər Birləşmiş Krallığın Avropa İttifaqını sazişsiz tərk etməsinin qarşısını almaq üçün xüsusi qrupda birləşiblər. Onlar artıq Tereza Meyə Avropa İttifaqı rəhbərliyi ilə saziş əldə olunmayacağı təqdirdə ona qarşı çıxacaqları barədə xəbərdarlıq ediblər.Bu həftə növbəti dəfə Brüsselə gedən Böyük Britaniyanın Baş naziri Londona sərf edən şərtlər barədə danışıqlar aparmağa çalışıb. Lakin vaxt daralır, həll olunmayan məsələlər isə çoxdur. Belə ki, Böyük Britaniya Avropa İttifaqını 35 gündən sonra tərk etməlidir.Xatırladaq ki, 2016-cı ilin iyununda keçirilən Brexit üzrə referendumun gedişində Böyük Britaniya vətəndaşlarının 51,9 faizi ölkənin Avropa ittifaqının tərkibindən çıxmasına səs verib. Lakin ötən il noyabr ayının ortalarında Sky News telekanalının keçirdiyi sorğunun nəticələrinə əsasən, britaniyalıların 54 faizi Böyük Britaniyanın Aİ-nin tərkibində qalmasını istədiyini bildirib.xeber100.com

İspaniyanın “Repsol”şirkəti ən iri qaz yatağı kəşf edib

İspaniyanın neft və qaz şirkəti “Repsol” son 18 ildə İndoneziyada ən iri qaz yatağı kəşf edib. Bu yataq bir il ərzində kəşf edilmiş 10 ən iri yataqdan biri sayılıb. İspaniya KİV-ləri xəbər verir ki, “KBD-2X” adlandırılan yataqda iki trilyon kubmetr qaz ehtiyatı olduğu bildirilir. Bu da İspaniyada qaz istehlakının ikiillik həcminə bərabərdir. 2017-ci ildə “Repsol” 15 milyon barrel İndoneziya nefti hasil edib.xeber100.com