London Aİ vətəndaşlarına viza rejimi tətbiq edəcək

Brexitin sazişsiz baş verəcəyi təqdirdə London ölkə ərazisində üç aydan artıq qalmaq istəyən Avropa İttifaqı vətəndaşları üçün viza rejimi tətbiq edəcək.Interfax informasiya agentliyi xəbər verir ki, bunu Britaniyanın daxili işlər naziri Sacid Cavid deyib.“Biz Böyük Britaniyanın biznes üçün açıq qalmasının təmin olunması üçün praktiki yanaşma tətbiq etməli və qanun pozuntularını minimuma endirməliyik. Bu səbəbdən keçid mexanizmlərinin vaxtına məhdudiyyətlər tətbiq edəcəyik və martın 29-dan sonra Avropa İttifaqı vətəndaşlarına müvəqqəti yaşama izni verəcəyik”, - deyə nazir bildirib. Onun sözlərinə görə, belə düzəlişlər Böyük Britaniyaya son on illər ərzində ilk dəfə olaraq sərhədə tam nəzarət etmək imkanı verəcək.Sərt Brexitin baş verəcəyi təqdirdə martın 29-dan sonra Böyük Britaniyaya gələn və ölkə ərazisində 3 aydan çox qalmaq niyyətində olan Avropa İttifaqı dövlətlərinin vətəndaşlarına müvəqqəti yaşama izni veriləcək. Həmin status üç il müddətinə tətbiq olunacaq, lakin bunun üçün rüsum ödənilməli və müəyyən prosedurlar həyata keçirilməlidir.Britaniya hökuməti də ölkənin Avropa İttifaqını sazişsiz tərk etməsinə hazırlığı davam etdirir. Bu məqsədlə Cəbəllütariq, Kipr və Folklend adalarında yerləşən xarici hərbi bazalarına və ölkə ərazisində yerləşən hərbi anbarlara ərzaq məhsulları, yanacaq, ehtiyat hissələri və hərbi sursat ehtiyatı toplanılır. Müdafiə Nazirliyi indiyədək bu məqsədlə 23 milyon funt sterlinq xərcləyib.xeber100.com

“KAIST”da “6G” tədqiqat mərkəzi açılıb

Koreya Respublikasının “LG Electronics” şirkəti ilə Koreya Qabaqcıl Elmlər və Texnologiyalar İnstitutu (“KAIST”) “6G” şəbəkəsi üzərində işlərə başlayıb.Xarici KİV-lər xəbər verir ki, bu məqsədlə “KAIST”da “6G” tədqiqat mərkəzi açılıb. Mərkəz ölkənin iqtisadi inkişafının sürətlənməsi üçün növbəti nəsil texnologiyalarının öyrənilməsi və planlaşdırılması ilə məşğul olacaq.“6G” texnologiyasının 5 il sonra təqdim edilməsi nəzərdə tutulur.xeber100.com

Yaponiya parlamentinin növbəti sessiyası işə başlayır

Yanvarın 28-də Yaponiya parlamentinin növbəti sessiyası işə başlayır.NHK telekanalı xəbər verir ki, növbəti sessiyada hakim və müxalif partiyalar arasında müxtəlif mövzularda, o cümlədən işçi qüvvəsinin səhv hesablanması ilə əlaqədar gərgin mübahisələr gözlənilir. Parlamentin sessiyasının açılış mərasimində İmperator Akihito da iştirak edəcək. Bundan sonra hər iki palatanın qatılacağı ümumi iclasda Baş nazir Şinzo Abe siyasi məruzə ilə çıxış edəcək. Üç gün davam edəcək sual-cavab sessiyasının yanvarın 30-da başlayacağı bildirilir.Hökumət və hakim koalisiya martda başa çatacaq cari maliyyə ili üçün əlavə büdcənin qəbuluna çalışır. Müxalif partiyalar isə dövlət orqanlarına etibarı aşağı salan qeyri-dəqiq dövlət statistikası məsələsini ciddi şəkildə araşdırmağa çağırırlar. Bununla əlaqədar onlar əmək naziri Takumi Nemotonun istefasını tələb edirlər.Yaponiya parlamentinin bu sessiyasının iyunun 26-dək, cəmi 150 gün davam edəcəyi bildirilir.xeber100.com

Fransada etiraz aksiyaları davam edir

Fransanın paytaxtı Parisdə ölkədə qayda-qanunun bərpasını tələb edən və "sarı jiletlərin" aksiyaları zamanı zorakılığa qarşı çıxış edən "qırmızı yaylıqlar" hərəkatı tərəfindən "Respublika marşı" keçirilir.Milli.az bildirir ki, yağışlı və soyuq havaya baxmayaraq, aksiyada çoxlu sayda insan iştirak edir. Etirazçılar "Zorakılığa - yox", "İnstitutlarımıza - hörmət" kimi şüarlar səsləndirir.Aksiyada 7 avroluq futbolka almaq olar, onun bir tərəfində "Mən respublikamı sevirəm", digər tərəfində isə "Zorakılığa - yox" yazılıb.Qeyd edək ki, aksiya iştirakçılarının əksəriyyəti orta yaşlı və yaşlı insanlardı.xeber100.com

Çində dünyanın ən böyük beynəlxalq aeroportu açılacaq

Bu il Çində dünyanın ən böyük beynəlxalq aeroportu - Pekinin Dasin hava limanı açılacaq.Milli.az xəbər verir ki, aeroportun binasını nüfuzlu memar Zaha Hadid layihələndirib.Nəhəng kompleksdə 80-ə yaxın çıxış olsa da, terminalın özünəməxsus forması hesabına, onun mərkəzindən uçuş-eniş zolağına aparan istənilən çıxışa bir neçə dəqiqə ərzində çatmaq olacaq.Rekord ölçüdə olan aeroport Pekinin Dasin rayonunda inşa olunur. Aviaqovşaq Pekinin mərkəzindən 46 kilometr aralıda yerləşir. Aeroportun iri nəqliyyat qovşağına çevriləcəyi bildirilir. Hava limanında aviaterminaldan başqa dəmiryolu xətlərinin qovşağı da olacaq və aeroportun altında yerləşəcək.Dasində yeddi uçuş-eniş zolağı var. Gündəlik olaraq 620 min reysi qəbul edib-göndərə bilər. Aeroport təxminən 50 kvadrat kilometr sahəni tutur. Onun inşası üçün hökumət bir neçə yaşayış məntəqəsini sökmək və əhalinin başqa rayonlara köçürmək məcburiyyətində olub.Binanın dizaynında yumşaq xətlər əslən iraqlı olan Britaniya vətəndaşı Zahi Hadidin "vizit kartı" sayılır.Ötüb keçən yüksək sürətli təyyarələrin uçuşu zamanı kompleks "çiçəyinin" vibrasiya etməməsi üçün mindən çox dempferdən istifadə olunub. Təyyarələr rahatlıqla bina üzərindən 300 km/saat sürətlə uça bilərlər; terminalda olan sərnişinlər bundan heç nə hiss etməyəcək.Aeroportun nəhəng "hörümçək toru" artıq hazırdır. Pekin Dasin tamamilə baryersiz olacaq. 2022-ci ildə XIII Qış Paralimpiya Oyunlarının iştirakçılarını qarşılayacaq.xeber100.com

“Qüdrət-97” kod adı altında genişmiqyaslı təlimlər başlayıb

Bu gün səhər saatlarında İranın quru qoşunları “Qüdrət-97” kod adı altında genişmiqyaslı təlimlərə başlayıb.Azərtac xəbər verir ki, təlimlərə 12 min əsgər cəlb edilib və müxtəlif manevrləri həyata keçirəcəklər. İranın quru qoşunlarının komandanı general Kiyumərs Heydəri mətbuata verdiyi açıqlamasında bildirib ki, təlimlərdə iranlı mütəxəssislər tərəfindən hazırlanmış vertolyotlar və yeni gecə görmə cihazları da sınaqdan çıxarılacaq. Bundan başqa təlimlərdə quru qoşunlarının istifadəsinə verilən pilotsuz ucan təyyarələrdən də istifadə ediləcək. Nəzərə çatdırılıb ki, pilotsuz ucan təyyarələr də tam olaraq milli istehsaldır.General onu da qeyd edib ki, İranın heç bir dövlətə qarşı iddiası yoxdur və heç kiminlə müharibə etmək istəyində deyil. Sadəcə olaraq İrana qarşı təhdidlər nəzərə alınıb və quru qoşunların döyüş hazırlığı yoxlanılır. Eyni zamanda, təlimlərdə yeni hərbi cihazlar da sınaqdan çıxarılacaq. General İran ordusunun dünyanın ən güclü ordularından olduğunu da diqqətə çatdırıb.xeber100.com

Finlandiya “Ən yaxşı ölkələr” indeksində

Finlandiya “Ən yaxşı ölkələr” indeksində (“The Good Country Index”) 153 ölkə arasında ilk yerə layiq görülüb. Bu reytinq cədvəli konkret bir ölkənin öz miqyası çərçivəsində bəşəriyyətin rifahına verdiyi töhfəyə görə tərtib olunur.“Rossiyskaya Qazeta” xəbər verir ki, reytinqdə yekun nəticələr BMT, UNICEF, BVF kimi beynəlxalq təşkilatların onlarla parametrlər üzrə təqdim etdikləri məlumatlar əsasında hazırlanır. Tərtibatçılar bildirirlər ki, onlar reytinq vasitəsilə konkret bir ölkənin bəşəriyyətə faydası, yaxud ona yük olması ilə bağlı vəziyyəti əyani şəkildə təqdim etmək istəyirlər.Finlandiya ötən il 2017-ci ildə tutduğu dördüncü yerdən ilk pilləyə yüksəlib və reytinq cədvəlində İrlandiya, İsveç, Almaniya, Danimarka kimi ölkələri geridə qoya bilib. “Ən yaxşı ölkələr” reytinqində ilk onluğa Kanada, İsveçrə, Norveç, Fransa və İspaniya da daxildir.Ekspertlərin qənaətinə görə, Finlandiya ətraf mühitin mühafizəsi, bolluq və bərabər hüquqların təmin olunması, patentlər, hərəkət sərbəstliyi və mətbuat azadlığı, kibertəhlükəsizlik, sərbəst ticarət və digər parametrlər üzrə başqa ölkələrdən irəlidədir.Reytinq cədvəlində sonuncu – 153-cü yeri isə İraq tutur. Liviya, Yəmən, Mavritaniya da siyahının sonunda qərarlaşıblar.xeber100.com

Venesuelada etiraz aksiyaları davam edir

Venesuelada Prezident Nikolas Maduroya qarşı etiraz aksiyaları davam edir.Xarici KİV-lər xəbər verir ki, ölkənin bütün bölgələrini əhatə edən aksiyalar zamanı azı 16 nəfər ölüb.Venesuela parlamentinin sədri Xuan Quaydo özünü prezident vəzifələrinin icraçısı elan edib.xeber100.com

Cənubi Qafqazdakı vəziyyət müzakirə olunacaq

Türkiyə Prezidenti Rəcəb Tayyib Ərdoğan və Rusiya Prezidenti Vladimir Putinin görüşü çərçivəsində Suriya böhranı ilə yanaşı, Cənubi Qafqazdakı vəziyyət də müzakirə olunacaq.Milli.az xəbər verir ki, bunu Trend-ə Türkiyə hökumətindəki mənbə bildirib.Mənbənin sözlərinə görə, Türkiyə hər zaman Cənubi Qafqazdakı vəziyyəti, xüsusilə də Dağlıq Qarabağ münaqişəsinin nizamlanmasını öz gündəmində saxlayır:"Məhz Ermənistan tərəfindən Azərbaycan torpaqlarının işğalı Cənubi Qafqazda sülh və sabitliyə əsas təhdiddir".Qeyd edək ki, prezidentlər arasında görüş yanvarın 23-də Moskvada keçiriləcək.xeber100.com

“Türksat 5A” telekommunikasiya peyki orbitə buraxılacaq

Türkiyə Yerin orbitinə yeni peyk buraxacaq.Milli.az xəbər verir ki, bu layihə Türkiyə Müdafiə Sənayesi Katibliyi və "Aselsan" şirkəti tərəfindən hazırlanır.KILIÇSAT adı verilən peyk 2021-ci ilin ikinci yarısında buraxılacaq.Qeyd edək ki, Türkiyənin ilk kəşfiyyat peyki RASAT 2011-ci ildə buraxılıb.2020-ci ildə isə "Türksat 5A" telekommunikasiya peyki orbitə buraxılacaq.xeber100.com