“Səbail” futbol klubu müdafiəçisi ilə yollarını ayırıb

Bakının “Səbail” futbol klubunda növbəti ayrılıq baş verib.Azərtac xəbər verir ki, braziliyalı müdafiəçi Eriko da Silva komandanı tərk edib.Otuz bir yaşlı futbolçunun başa çatan müqaviləsi uzadılmayıb. Müdafiəçi ötən mövsüm paytaxt klubunda keçirdiyi 12 oyunda 1 qol vurub.xeber100.com

“Yuventus” klubu öz meydanında “Lion” komandasını qəbul edib

İyulun 7-də UEFA Çempionlar Liqasında 2019-2020-ci il mövsümünün səkkizdəbir final mərhələsinin növbəti oyunu keçirilib.Azərtac xəbər verir ki, İtaliyanın “Yuventus” klubu öz meydanında Fransanın “Lion” komandasını qəbul edib.İlk oyunda “Lion” öz meydanında 1:0 hesabı qələbə qazanmışdı.“Allianz Arena” stadionunda baş tutan görüş meydan sahiblərinin 2:1 hesablı qələbəsi ilə yekunlaşıb.Oyunda hesabı gözlənilmədən fransızlar açıblar. Baş hakim Feliks Zvayerin təyin etdiyi 11 metrlik cərimə zərbəsini Memfis Depay dəqiq zərbə ilə tamamlayıb.Qoldan sonra irəli atılan turinlilər birinci hissənin başa çatmasına iki dəqiqə qalmış hesaba tarazlıq gətiriblər. Bu dəfə Kriştiano Ronaldo təyin olunan penaltini dəqiq yerinə yetirib.Qarşılaşmanın 60-cı dəqiqəsində Kriştiano Ronaldo dublunu rəsmiləşdirərək komandasını hesabda önə çıxarıb. Qalan dəqiqələrdə “Qoca sinyora”nın qol vurmaq şansları olsa da, hesab dəyişməyib.Ümumi hesabın 2:2 olmasına baxmayaraq, “Yuventus” turnirdə mübarizəsini dayandırıb. Buna səbəb isə “Lion”un öz meydanında qol buraxmamasıdır.xeber100.com

“Keşlə” futbol klubu yeni müqavilə imzalayıb

Bakının “Keşlə” klubu ukraynalı futbolçu Dmitro Klots ilə müqavilə imzalayıb.Azərtac  kluba istinadla xəbər verir ki, 24 yaşlı yarımmüdafiəçi yeni mövsümün sonunadək Bakı komandasının şərəfini qoruyacaq.Qeyd edək ki, futbolçu karyerası ərzində yalnız Ukraynanın “Karpatı” klubunda çıxış edib. O, 5 il ərzində Ukrayna Premyer Liqası çərçivəsində 106 oyun keçirib və 1 qol vurub.xeber100.com

“Ralli Estonia” avtomobil yarışları sentyabrın əvvəlində keçiriləcək

“Ralli Estonia” avtomobil yarışları bu il sentyabrın əvvəlində keçiriləcək.“BNS” informasiya agentliyi xəbər verir ki, bunu Estoniyanın Mədəniyyət naziri Tınis Lukas mətbuat konfransında açıqlayıb.“Ralli olduqca təhlükəsiz şəraitdə keçiriləcək. Lakin azarkeşlərin iştirakı ilə bağlı qərarlar zamanı gəldikdə qəbul ediləcək”, – deyə T. Lukas söyləyib.Estoniyanın Baş Naziri Yuri Ratas yarışın ölkəsi üçün olduqca mühüm tədbir olduğunu qeyd edərək deyib: “Hesab edirəm ki, idmançılardan hazırda olduqları ölkələrdə analiz götürmək məqbul olardı. Analizin nəticəsinin neqativ olması idmançıların 14 gün ərzində karantində qalmamasını təmin edəcək”.Estoniyada ilk dəfə təşkil olunacaq “Rally Estonia” avtomobil yarışları üzrə dünya çempionatının mərhələsi sentyabrın 4-6-da Tartu, Otepya, Elva, Kanepi və Kambya şəhərlərinin traslarında keçiriləcək.xeber100.com

Futbol üzrə 2020-2021-ci il mövsümünün vaxtı müəyyənləşib

Futbol üzrə Azərbaycan çempionatının 2020-2021-ci il mövsümünün transfer dövrlərinin vaxtı müəyyənləşib.Azərtac Peşəkar Futbol Liqasının saytına istinadən xəbər verir ki, yay transfer pəncərəsi avqustun 3-dən oktyabrın 5-dək davam edəcək. Qışda isə klublar transferlərini yanvarın 10-dan fevralın 10-dək reallaşdıra biləcəklər.xeber100.com

Şahmat üzrə ilk dünya çempionatı keçiriləcək

Noyabrın 27-dən 29-dək onlayn formatda şahmat üzrə ilk şirkətlərarası dünya çempionatı keçiriləcək.Azərtac xəbər verir ki, bu barədə Beynəlxalq Şahmat Federasiyasının (FIDE) saytında məlumat verilib.Məlumatda qeyd edilib ki, çempionatda hər birinin heyətində dörd şahmatçı olan komandalar mübarizə aparacaqlar. Komandaların üzvlərindən ən azı biri qadın şahmatçı olmalıdır. Bundan əlavə, komandada yalnız bir peşəkar oyunçunun (FIDE reytinqi 2500-dən yuxarı) iştirakına icazə verilir. Hər matçda iştirak edəcək heyətdə oyunçulardan ən azı üçü təmsil etdiyi şirkətin işçiləri olmalıdır.Qalib gələn komanda 2021-ci ilin oktyabrında Barselonada keçiriləcək ikinci şirkətlərarası dünya çempionatına dəvət ediləcək.xeber100.com

“Qarabağ” klubu daha bir yoxlama oyunu keçirəcək

Ölkəmizi Çempionlar Liqasında təmsil edəcək Ağdamın “Qarabağ” klubu yeni mövsümə hazırlıq məqsədi ilə daha bir yoxlama oyunu keçirəcək.Azərtac kluba istinadla xəbər verir ki, Ağdam təmsilçisi “Sabah”la qarşılaşacaq. Avqustun 11-də keçirilməsi planlaşdırılan görüş Tofiq Bəhramov adına Respublika Stadionunda olacaq.Qeyd edək ki, “Qarabağ” Qəbələdə təlim-məşq toplanışı çərçivəsində “Sabah”a 1:2 hesabı ilə uduzmuşdu.xeber100.com

UEFA Avropa Liqasının final mərhələsinə yekun vurulub

UEFA Avropa Liqasının dörddəbir finalına yüksələn bütün komandaların adları müəyyənləşib.Azərtac xəbər verir ki, səkkizdəbir final mərhələsinin son cavab görüşləri nəticəsində bu hüquqa İngiltərənin “Vulverhempton” və İsveçrənin “Bazel” komandaları da yiyələnib.“Vulverhempton” Yunanıstanda 1:1 hesablı heç-heçə etdiyi “Olimpiakos” (Yunanıstan) komandanı öz meydanında minimal hesabla üstələyib. Yeganə qolu 8-ci dəqiqədə penaltidən Raul Ximenes vurub.“Bazel” isə Almaniyada 3:0 hesabı ilə darmadağın etdiyi Frankfurtun “Ayntaxt” komandasına evdə qalib gəlib - 1:0. Oyunun 87-ci dəqiqəsində Fabian Frayın vurduğu qol oyunda yeganə olub.Beləliklə, dörddəbir finalda görüşəcəklər: “Vulverhempton” (İngiltərə) – “Sevilya” (İspaniya); “Şaxtyor” (Ukrayna) – “Bazel” (İsveçrə); “İnter” (İtaliya) – “Bayer” (Almaniya); “Mançester Yunayted” (İngiltərə) – “Kopenhagen” (Danimarka). Oyunlar avqustun 10-11-də Almaniyanın 4 şəhərində təşkil olunacaq.xeber100.com

Tennisçilər arasında beynəlxalq turnir davam edir

İtaliyanın Palermo şəhərində qadın tennisçilər arasında beynəlxalq turnir davam edir. Mükafat fondu 163 min ABŞ dolları olan WTA seriyalı turnirdə səkkizdəbir final mərhələsinə yekun vurulub.Azərtac xəbər verir ki, ikinci mərhələdə estoniyalı Anett Kontaveytlə almaniyalı Laura Ziqemund qarşılaşıblar. Görüş 2 saat 20 dəqiqə çəkib. Mübarizəyə almaniyalı raketka ustası daha yaxşı başlayıb. İlk setdə 6:2 hesabı ilə qələbə qazanan Laura sonradan təşəbbüsü əldən verib. Növbəti hissədə 6:2 hesabı ilə qalib gələn Kontaveyt tarazlığı bərpa edib. Sonuncu hissə də estoniyalı tennisçinin xeyrinə başa çatıb – 6:2.Beləliklə, A.Kontaveyt dörddəbir finala yüksəlib. Növbəti mərhələyə adlayanlar arasında italiyalı Sara Errani, onun həmyerlisi Elizabetta Koçaretto, fransalı Fiona Ferro və digərləri var. Pandemiyaya görə 5 aylıq fasilədən sonra keçirilən WTA seriyalı turnirə avqustun 9-da yekun vurulacaq.xeber100.com

“Qarabağ” futbol klubu “Keşlə” klubu ilə üz-üzə gəlib

Qəbələdə UEFA Çempionlar Liqasının təsnifat mərhələsinə hazırlaşan Ağdamın "Qarabağ" futbol klubu növbəti yoxlama oyununda "Keşlə" klubu ilə üz-üzə gəlib.Azərtac xəbər verir ki, komandalar avqustun 5-də qüvvələrini yenidən sınayıblar. Matç Ağdam klubunun 4:0 hesablı qələbəsi ilə başa çatıb.Xatırladaq ki, bu, avrokubok iştirakçılarımızın Qəbələdə 4-cü sınaq matçı olub. Bu komandalar yay fasiləsində ilk yoxlama oyunlarını öz aralarında keçirib və Ağdam təmsilçisinin 3:1 hesablı qələbəsi qeydə alınıb. Avroliqa təmsilçimiz "Keşlə" bundan sonra "Zirə"ni 1:0, "Səbail"i 2:0 hesabıyla məğlub edib. Ölkəmizi Çempionlar Liqasında təmsil edəcək "Qarabağ" isə növbəti görüşlərində "Sabah"a 1:2 hesabıyla uduzub, "Neftçi"yə isə 1:0 hesabıyla qalib gəlib.xeber100.com