Milli Basketbol Assosiasiyasının növbəti oyunu keçirilib

Milli Basketbol Assosiasiyasının (MBA) pley-off mərhələsinin növbəti oyunu keçirilib.Azərtac xəbər verir ki, Qərb konfransında çıxış edən iki komanda “Oklahama Siti Tanders” və “Denver Naqqets” üz-üzə gəliblər. Son üç görüşdə məğlub olan Denver basketbolçuları bu dəfə ümidləri doğruldublar. Əksinə, 7 oyundur ardıcıl qələbəyə sevinən Oklahoma komandası isə məğlub olub. Birinci hissədə “Denver Naqqets” 1 xal fərqi ilə üstün olub. İkinci periodu isə 29:27 hesabı ilə Oklahama təmsilçiləri öndə başa vurublar. Qarşıdakı iki hissədə tərəflər xala-xal prinsipi ilə mübarizə aparıblar və hərəyə 109 xal qazanıblar. Qalibi müəyyən etmək üçün əlavə vaxtda daha yaxşı çıxış edən “Denver Naqqets” yekunda 121:113 hesabı ilə qələbə qazanıb. Qonaqların heyətində Maykl Porter 37 xal və 12 ribaundla gecənin ən yaxşı basketbolçusu seçilib.Qeyd edək ki, 44-cü qələbəsini qazanan “Denver Naqqets” Qərb konfransında üçüncü pillədə qərarlaşıb. “Oklaham Siti Tanders” altıncıdır. Yarış cədvəlinə isə “Los-Anceles Leykers” başçılıq edir. Şərq konfransında isə “Miluoki Baks” liderdir.xeber100.com

“Kalyari” futbol klubunun yeni baş məşqçisi müəyyənləşib

İtaliyanın “Kalyari” futbol klubunun yeni baş məşqçisi müəyyənləşib.Azərtac klubun saytına istinadla xəbər verir ki, bu vəzifəyə Eusebio Di Françesko təyin edilib. Mütəxəssislə 2022-ci il iyunun 30-dək müqavilə imzalanıb.“Roma”nın sabiq baş məşqçisi Françeskonun son klubu “Sampdoriya” olub.Xatırladaq ki, “Kalyari” İtaliya A seriyasını 45 xalla 13-cü pillədə başa vurub.xeber100.com

“Səbail” futbol klubu Florian Kadriunun keçidini həll edib

Bakının “Səbail” futbol klubu Florian Kadriunun keçidini həll edib.Azərtac kluba istinadla xəbər verir ki, Bakı təmsilçisi Albaniya əsilli makedoniyalı yarımmüdafiəçi ilə müqavilə bağlayıb. O, 2020/2021-ci il mövsümünün sonunadək “Səbail”in formasını geyinəcək.Qeyd edək ki, Kadriu Albaniyada “Tirana” və “Teuta”, Şimali Makedoniyada isə “Şkupi”, “Rabotniçki” və “Renova” klublarında çıxış edib.xeber100.com

“Arsenal” klubu “Sevilya”nın müdafiəçisi ilə yaxından maraqlanır

“Arsenal” klubu “Sevilya”nın müdafiəçisi Dieqo Karlosla yaxından maraqlanır.Azərtac xəbər verir ki, London klubunun baş məşqçisi Mikel Artetanın 27 yaşlı sambaçının keçidini israrla istədiyi bildirilir.“Mançester Siti”nin də maraq dairəsində olan D.Karlosun sərbəst qalmaq qiyməti 75 milyon avrodur.O, bu mövsüm “Sevilya”nın heyətində La Liqada 35 oyunda çıxış edib və 2 qol vurub.xeber100.com

Milli Basketbol Assosiasiyasının növbəti oyunu keçirilib

Milli Basketbol Assosiasiyasının (MBA) müntəzəm çempionatında növbəti oyun keçirilib.Azərtac xəbər verir ki, günün əsas diqqət çəkən hadisəsi “Dallas Meveriks”in pley-off mərhələsinə adlamasıdır. Bu, komandanın son 4 ildə ilk belə uğurudur. “Dallas Meveriks” “Finiks Sans”a uduzub. Hərçənd ki, ilk iki periodda daha yaxşı çıxış edən komanda fasiləyə 13 xallıq üstünlüklə yollanıb. Amma son iki hissədə “Finiks Sans” basketbolçuları təşəbbüsü ələ alıblar və 117:115 hesablı qələbə qazanıblar. “Dallas” klubunun 21 yaşlı üzvü Luka Donçiç 40 xal, 8 ribaund və 11 məhsuldar ötürmə ilə görüşə damğasını vursa da, bu, yalnız təsəlli olub. Məğlubiyyətə baxmayaraq “Dallas Meveriks” 4 illik fasilədən sonra pley-offa vəsiqə qazanıb. Komandanın ən yaxın izləyicisi “Memfis Qrizlis”in “San Antonio Spors”a uduzması “Dallas” azarkeşlərini sevindirib.Qeyd edək ki, “Dallad Meveriks” hazırda Qərb konfransında 7-ci, “Memfis Qrizlis” isə 8-ci yerdədir.xeber100.com

2020/2021-ci il mövsümünün püşkatma mərasimində

Voleybol üzrə avrokubokların 2020/2021-ci il mövsümünün püşkatma mərasiminin vaxtı müəyyənləşib.Azərtac xəbər verir ki, mərasim avqustun 21-də keçiriləcək. Püşkatma Avropa Voleybol Konfederasiyasının (CEV) Lüksemburqdakı mənzil-qərargahında təşkil olunacaq.Mərasimdə kişi və qadınlar arasında Çempionlar Liqası, CEV kuboku və Çağırış kuboku yarışlarının püşkü atılacaq.Qeyd edək ki, Azərbaycanı avrokuboklarda bir komanda ilə təmsil olunacaq. Bakının qadınlardan ibarət “Azərreyl” klubu Çağırış kuboku yarışlarında mübarizə aparacaq.xeber100.com

“Zirə” futbol klubunun yeni prezidenti müəyyənləşib

Bakının “Zirə” peşəkar futbol klubunun yeni prezidenti müəyyənləşib.Azərtac kluba istinadla xəbər verir ki, Taleh Nəsibov qəsəbə təmsilçisinin prezidenti təyin edilib.Qeyd edək ki, T.Nəsibovun baş direktoru olduğu “Azfar Group” şirkəti həm “Zirə”nin, həm də Azərbaycan Mini Futbol Federasiyasının təsisçisidir.xeber100.com

Ümumdünya Şahmat Olimpiadasının 4-cü divizionunun oyunları davam edir

Onlayn formatda keçirilən Ümumdünya Şahmat Olimpiadasının 4-cü divizionunun oyunları davam edir.Azərtac xəbər verir ki, oyunlarda baza divizionunun 12 qalibi də daxil olmaqla 50 komanda beş qrupda mübarizə aparır. Ötən turların oyunlarına görə, Tailand, Honkonq (A qrupu), Suriya, Mozambik (B qrupu), Nigeriya, Mavritaniya (C qrupu), Fələstin, Anqola (D qrupu), Honduras, Trinidad və Tobaqo (E qrupu) liderlik edirlər.Hər qrupda ilk üçlükdə yer alan yığmalar 3-cü diviziona vəsiqə qazanacaqlar. Dördüncü divizionun oyunları avqustun 2-dək davam edəcək.Xatırladaq ki, baza divizionun oyunları iyulun 25-dən 27-dək keçirilib. Turnirə ümumilikdə 163 komanda qatılıb. Olimpiadanın güclü komandalarından sayılan Azərbaycan yığması avqustun 21-də top divizionda mübarizəyə başlayacaq. Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.xeber100.com

İtaliya A Seriyasının sonuncu – 38-ci turunun oyunlarına start verilib

Avqustun 1-də futbol üzrə İtaliya A Seriyasının sonuncu - 38-ci turunun oyunlarına start verilib.Azərtac xəbər verir ki, son 11 oyunda məğlub olmayan “Milan” öz meydanında “Kalyari” komandasını qəbul edib. Rafael Leao, Zlatan İbrahimoviç və Samuel Kastilyexonun qolları sayəsində növbəti qələbəsini qazanan “Milan” xal ehtiyatını 66-a çatdıraraq çempionatı altıncı pillədə, “Kalyari” isə 45 xalla 13-cü yerdə başa vurub.Çempionluğu ötən həftə qazanmış “Yuventus” öz meydanında əzəli rəqibi “Roma”nı qəbul edib. Dörd qol vurulan görüşdə qonaqlar 3:1 hesabı ilə qələbə qazanıb. Turin təmsilçisi cari mövsümdə öz meydanında ilk dəfə məğlubiyyətə uğrayıb. “Roma” bu qələbədən sonra 70 xal toplayaraq A Seriyasını beşinci, “Yuventus” isə 83 xalla birinci yerdə tamamlayıb. Sonuncu turun maraq doğuran digər qarşılaşması “San Paolo” stadionunda oynanılıb.“Latsio” klubunu qəbul edən “Napoli” 3:1 hesabı ilə qalib gəlib.“Atalanta” öz meydanında “İnter”ə məğlub olub - 3:1. “Sampdoriya”-“Breşiya” oyununda isə qalib müəyyənləşməyib - 1:1.Beləliklə, İtaliyanı növbəti mövsümdə UEFA Çempionlar Liqasında “Yuventus”, “İnter”, “Atalanta” və “Latsio”, UEFA Avropa Liqasında isə “Milan”, “Roma” və “Napoli” klubları təmsil edəcək.xeber100.com

Futbol üzrə Portuqaliya kubokunun final görüşü keçirilib

Avqustun 1-də futbol üzrə Portuqaliya kubokunun final görüşü keçirilib.Azərtac xəbər verir ki, "Syudad-di-Koimbra" stadionunda iki əzəli rəqib — “Portu” və “Benfika” klubları üz-üzə gəlib. Görüş “Portu”nun 2:1 hesablı qələbəsi ilə başa çatıb.“Portu” matçın 37-ci dəqiqəsində azlıqda qalıb. Hücumçu Luis Dias ikinci sarı vərəqədən sonra meydandan qovulub. Serjio Konseysaunun komandası rəqibin sayca üstünlüyünə baxmayaraq, müdafiəçi Şansel Mbembanın qolu sayəsində ikinci hissənin əvvəlində hesabı açmağa müvəffəq olub. Bu qoldan 12 dəqiqə sonra Mbemba dubl edib.Oyunun sonlarına yaxın “Benfika”nın hücumçusu Vinisius Morais penalti zərbəsi ilə hesab arasındakı fərqi azaldıb. Qalan dəqiqələrdə hesab dəyişilməyib.Beləliklə, "Portu" 17-ci dəfə Portuqaliya kubokunun qalibi olub. "Əjdahalar" indi titulların miqdarına görə "Sportinq"lə ikinci yeri bölüşürlər.Xatırladaq ki, Portuqaliya çempionatının qalibi də məhz “Portu” olub. “Benfika” isə çempionatı ikinci pillədə başa vurub.xeber100.com