“Barselona” futbol klubu üçillik müqavilə imzalayıb

“Jalgiris” basketbol klubu ilə yollarını ayıran Şarunas Yasikyaviçyus bundan sonra karyerasını “Barselona”da davam etdirəcək. Litvalı mütəxəssis bu postda Svetislav Peşiçi əvəz edəcək.Azərtac xəbər verir ki, İspaniya klubu məşqçi ilə üçillik müqavilə imzalayıb.Ş.Yasikyaviçyus 2016-cı ildən “Jalgiris”də çalışırdı. Onun başçılığı altında kaunaslılar XXI əsrdə ilk dəfə Avroliqada “Dördlər finalı”nda oynamaq imkanı qazanıblar. Elə “Barselona” da Yasikyaviçyus üçün yad klub deyil. Belə ki, 2003-cü ildə litvalı oyun qurucusu bu klubda Avroliqanın qalibi olub.Litva mətbuatı mütəxəssisin “Barselona”dakı məvacibini də müəyyənləşdirə bilib. O, qarşıdakı üç mövsüm ərzində ilə 3 milyon avro maaş alacaq. Halbuki onun xidmətində “Fənərbağça” da maraqlı idi. İstanbul klubu Yasikyaviçyusa 2 ilə 3,2 milyon avro məvacib təklif etmişdi.Yasikyaviçyusun gedişindən sonra isə “Jalgiris”i onun köməkçisi Darius Maskolyunas çalışdıra bilər. Amma Yasikyaviçyus onu “Barselona”da köməkçisi kimi görmək istəyir.xeber100.com

İngiltərə Premyer Liqasının mərkəzi qarşılaşması keçirilib

İyulun 2-də futbol üzrə İngiltərə Premyer Liqasının 32-ci turunun mərkəzi qarşılaşması keçirilib.Azərtac xəbər verir ki, çempionatın favoriti sayılan “Mançester Siti” və “Liverpul” komandaları üz-üzə gəlib.Görüş Mançester təmsilçisinin 4:0 hesablı qələbəsi ilə başa çatıb.“Mançester Siti”nin heyətində Kevin De Brüyne, Rahim Sterlinq, Fil Foden və Okslayd Çemberland (avtoqol) fərqləniblər.Qeyd edək ki, bu oyun çempionluq yolunda formal xarakter daşıyırdı. Çünki ötən tur “Liverpul” vaxtından əvvəl çempionluğunu rəsimləşdirmişdi.“Liverpul” 86 xalla birinci, “Mançester Siti” isə 66 xalla ikinci yerdə qərarlaşıb.xeber100.com

“Sabah” futbol klubu baş məşqçisi ilə yollarını ayırıb

Bakının “Sabah” futbol klubu baş məşqçisi Jelko Sopiçlə yollarını ayırıb.Azərtac kluba istinadla xəbər verir ki, 43 xorvatiyalı mütəxəssislə müqaviləyə qarşılıqlı razılıq əsasında xitam verilib.Paytaxt təmsilçisi Sopiçə göstərdiyi xidmətlərə görə təşəkkür edib və ona gələcək karyerasında uğurlar arzulayıb.Qeyd edək ki, ötən ilin dekabrında baş məşqçi postuna gətirilmiş Jelko Sopiçin klubla müqaviləsi 2021-ci ilin yayında başa çatmalı idi.xeber100.com

Beynəlxalq Şahmat Federasiyasının təşkilatçılığı ilə…

İyulun 3-də Beynəlxalq Şahmat Federasiyasının təşkilatçılığı ilə sürətli şahmat üzrə onlayn formatda “Women's Speed Chess Championship” yarışı çərçivəsində Qran-Pri turnirinin ikinci mərhələsinin yarımfinal yarışları keçiriləcək.Azərtac xəbər verir ki, yarımfinal görüşlərində rusiyalı şahmatçı Yekaterina Laqno həmyerlisi Valentina Qunina, Anna Uşenina (Ukrayna) Sarasadat Hademalşarieh (İran) ilə mübarizə aparacaqlar.Yarışın səkkizdəbir final mərhələsində Azərbaycan şahmatçısı Günay Məmmədzadə H.Yifana məğlub olaraq mübarizəni dayandırıb.Təmsilçimiz iyulun 8-də start götürəcək Qran-Prinin üçüncü mərhələsində də iştirak edəcək.Qran-Pri dörd mərhələ üzrə keçiriləcək və 21 şahmatçının hər biri üç mərhələdə iştirak edəcək. Mərhələ yarışlarında ən çox xal toplayan şahmatçılar superfinala vəsiqə qazanacaqlar. Superfinal iyulun 20-də baş tutacaq.xeber100.com

Futbol üzrə İtaliya A Seriyasının 29-cu oyunu keçirilib

İyulun 1-də futbol üzrə İtaliya A Seriyasının 29-cu oyunu keçirilib.Azərtac xəbər verir ki, “İnter” öz meydanında autsayder “Breşiya”nə qəbul edib. Görüş Milan təmsilçisinin böyük hesablı qələbəsi ilə başa çatıb - 6:0.“İnter”in heyətində Eşli Yanq, Aleksis Sançes, Danilo Ambrozio, Roberto Qaqliardin, Kristian Eriksen və Antonio Landreva fərqləniblər.Bu qələbədən sonra “İnter” 64 xalla üçüncü yerdə, “Breşiya” isə 18 xalla 20-ci yerdə qərarlaşıb.xeber100.com

UEFA Çempionlar Liqası 2020-2021-ci il mövsümündə

UEFA Çempionlar Liqasında 2020-2021-ci il mövsümünün təqvimi açıqlanıb.Azərtac xarici KİV-lərə istinadla xəbər verir ki, “Qarabağ” mübarizəyə avqustun 18/19-da birinci təsnifat mərhələsindən başlayacaq. Bunadək avqustun 8-11-də ilkin mərhələnin oyunları keçiriləcək. İkinci təsnifat mərhələsi avqustun 25-26-da, üçüncü təsnifat mərhələsi sentyabrın 15-16-da bir oyunluq sistemlə gerçəkləşəcək. Sentyabrın 22-də pley-off mərhələsinin ilk, sentyabrın 30-da cavab görüşləri təşkil olunacaq.Qrup mərhələsində 6 tur müvafiq olaraq 20-21 sentyabr, 27-28 sentyabr, 3-4 noyabr, 24-25 noyabr, 1-2 dekabr və 8-9 dekabrda nəzərdə tutulub.Səkkizdəbir final mərhələsinin ilk oyunları gələn ilin 16-17 fevral və 23-24 fevral, cavab görüşləri isə 9-10 mart və 16-17 mart tarixində oynanılacaq. Qitənin ən nüfuzlu klub turnirinin dörddəbir final oyunları 6-7 aprel, cavab görüşləri isə 13-14 aprel tarixlərində təşkil olunacaq.Yarımfinal qarşılaşmaları 27-28 aprel, cavab görüşləri isə 4-5 mayda oynanılacaq.Turnirin həlledici görüşü Türkiyənin İstanbul şəhərindəki "Atatürk" Olimpiya stadionunda mayın 29-da keçiriləcək.xeber100.com

“Qarabağ” futbol klubu yeni transferini açıqlayıb

Ağdamın “Qarabağ” futbol klubu yeni transferini açıqlayıb.Azərtac kluba istinadla xəbər verir ki, Ağdam təmsilçisi sabiq futbolçusu Donald Geryenin komandaya qaytarıb.“Qarabağ” 31 yaşlı haitili cinah oyunçusu ilə imzalanan müqavilənin detallarını açıqlamayıb.Qeyd edək ki, Donald Gerye 2017-2019-cu illərdə “Qarabağ”ın formasını geyinib. Ötən yay “Neftçi”yə keçən futbolçu bir müddət əvvəl “ağ-qaralar”ın sıralarını tərk edib.xeber100.com

“Rolan Qarros” turnirinin təsnifat mərhələsi təşkil olunacaq

Fransanın Mets şəhərində keçirilməsi nəzərdə tutulan “Moselle Open” tennis turniri təxirə salınıb.Azərtac xəbər verir ki, təqvimə görə, turnir sentyabrın 20-27-də keçirilməli idi. Lakin həmin vaxt “Rolan Qarros” turnirinin təsnifat mərhələsi təşkil olunacaq. Bu səbəbdən turnir 2021-ci ildə keçiriləcək.Turnirin hazırkı qalibi fransalı Jo-Vilfrid Tsonqadır.Qeyd edək ki, Metsdə dekabrın 4-5-də nümayiş xarakterli tennis turnirinin təşkil olunması nəzərdə tutulub.xeber100.com

“Barselona” futbol klubu “Atletiko Madrid”i qəbul edib

İyunun 30-da futbol üzrə İspaniya La Liqasının 33-cü turu çərçivəsində “Barselona” klubu “Atletiko Madrid”i qəbul edib.Azərtac xəbər verir ki, “Nou Kamp” stadionunda baş tutan qarşılaşma 2:2 hesablı heç-heçə ilə başa çatıb.Matçda hesab 11-ci dəqiqədə açılıb. “Ateltiko”nun hücumçusu Diqeo Kosta avtoqola imza atıb. İlk qoldan səkkiz dəqiqə sonra baş hakim “Barselona”nın qapısına penalti təyin edib. Madrid komandasının yarımmüdafiəçisi Saul Niqes cərimə zərbəsini dəqiq yerinə yetirib. İkinci hissənin 50-ci dəqiqəsində hücumçu Lionel Messi 11 metrlik cərimə zərbəsi ilə kataloniyalıları yenidən hesabda önə çıxarıb. Lakin 62-ci dəqiqədə Saul yenidən penaltini dəqiq yerinə yetirərək dubl edib.“Barselona” 70 xal toplayaraq turnir cədvəlində ikinci yerdə qərarlaşıb. Aktivində 59 xalı olan “Atletiko Madrid” turnir cədvəlində 3-cü yerdədir.Qeyd edək ki, yarışın lideri 32 matçda 71 xal toplayan “Real Madrid”dir.xeber100.com

Rapid üzrə keçirilən seriya turnirinin üçüncü mərhələsində

İyunun 30-da norveçli dünya çempionu Maqnus Karlsenin təşkilatçılığı ilə rapid üzrə keçirilən seriya turnirinin üçüncü mərhələsində — “Chessable Masters” yarışında yarımfinal oyunlarının ilk matçları keçirilib.Azərtac xəbər verir ki, hollandiyalı Aniş Giri rusiyalı şahmatçı Yan Nepomnyaşini 3:1 hesabı ilə məğlub edib. Maqnus Karlsen isə tay-brekdə çinli Liren Dinq üzərində 3,5:2,5 hesablı qələbə qazanıb.Yarımfinal oyunları iyunun 30-dan iyulun 2-dək, final görüşləri isə iyulun 3-dən 5-dək baş tutacaq.Qeyd edək ki, “Chessable Masters” turnirinin B qrupunda mübarizə aparan Azərbaycan şahmatçısı Teymur Rəcəbov yarışda iştirakını dayandırıb.Turnirin mükafat fondu 150 min ABŞ dollarıdır.xeber100.com