“Azərreyl” klubu heyətini gücləndirməkdə davam edir

Qadın voleybolçulardan ibarət “Azərreyl” klubu yeni mövsüm üçün heyətini gücləndirməkdə davam edir.Azərtac xəbər verir ki, avrokubokda oynayacaq yeganə Azərbaycan təmsilçisi bu dəfə amerikalı hücumçu Naya Krittendeni rənglərinə bağlayıb.Voleybolçu ilə 1 mövsümlük müqavilə imzalanıb. Son mövsümü İsveçrənin “Franş-Montan” klubunda oynayan Krittenden Azərbaycana gələnədək daha 2 ölkədə legioner həyatı yaşayıb. O, 2016-2017-ci il mövsümündə İtaliyanın “Kazerta”, növbəti ildə isə Macarıstanın “Budapeşt” klublarının şərəfini qoruyub.Qeyd edək ki, “Azərreyl” daha öncə sloveniyalı Moytsa Pene, rusiyalı Anastasiya Mertsalova, millimizin üzvləri Tovuz Ələkbərova, Kseniya Pavlenko və Valeriya Kondratyeva ilə müqaviləni artırıb, slovakiyalı Romana Hudeçova, amerikalı Kazmier Braun, ispaniyalı Anna Nyusom, yığmamızın oyunçuları Yuliya Kərimova və Anastasiya Bessonova ilə 1 illik anlaşma əldə edib.xeber100.com

“Barselona” klubu “Fənərbağça”nın basketbolçusunu transfer edəcək

“Barselona” klubu “Fənərbağça”nın basketbolçusu Yan Veselını transfer etməyi planlaşdırır.Azərtac xəbər verir ki, katalonlar çexiyalı forvarda bu günlərdə komandanı tərk edən Ante Tomiçin əvəzləyicisi gözü ilə baxırlar. Elə çexiyalı basketbolçu da “Fənərbağça”nı maliyyə sıxıntılarına görə tərk etmək istəyir. Məsələ ondadır ki, növbəti mövsüm üçün İstanbul klubunun büdcəsi azaldılacaq. Artıq bunu əsas gətirərək komandanın baş məşqçisi Jelko Obradoviç və forvardı Luici Datome İstanbulu tərk edib. Belə vəziyyətdə “Fənərbağça” 2,5 milyon avro məvacib alan Veselının tələblərini qarşılaya bilmir. Yaxın günlərdə Nando De Kolo və Kostas Slukasın da “Fənərbağça”dan ayrılacağı gözlənilir.xeber100.com

“Real Madrid” futbol klubu “Atletik Bilbao” klubunun qonağı olub

İyulun 4-də futbol üzrə İspaniya La Liqasının 34-cü turunun növbəti oyunu keçirilib.Azərtac xəbər verir ki, lider “Real Madrid” səfərdə “Atletik Bilbao” klubunun qonağı olub.“San Mames Barria” stadionunda keçirilən görüş madridlilərin minimal hesabla qələbəsi ilə başa çatıb - 1:0.Oyunda yeganə qolun müəllifi 73-cü dəqiqədə Serxio Ramos olub.Bu qələbə sayəsində “Real Madrid” xal ehtiyatını 77-ə çatdıraraq turnir cədvəlində əsas izləyici “Barselona”dan 7 xal irəli keçib. “Atletik Bilbao” isə 48 xalla 8-ci yerdə qərarlaşıb.Qeyd edək ki, “Barselona” axşam saat 00:00-da səfərdə “Villyareal” klubunun qonağı olacaq.xeber100.com

Rusiya Premyer Liqasının 26-cı turunun növbəti oyunu keçirilib

İyulun 4-də futbol üzrə Rusiya Premyer Liqasının 26-cı turunun növbəti oyunu keçirilib.Azərtac xəbər verir ki, lider “Zenit” səfərdə “Krasnodar” klubunun qonağı olub.Görüş Peterburq təmsilçisinin 4:2 hesablı qələbəsi ilə başa çatıb.Bu qələbə sayəsində “Zenit” turnir cədvəlində “Lokomotiv” komandasını 13 xal qabaqlayaraq sona 4 tur qalmış çempion adi qazanıb.Bu “Zenit”in tarixində 6-cı çempionluğudur.xeber100.com

“Chessable Masters” turnirində final mərhələsinin ikinci matçı oynanılacaq

Norveçli dünya çempionu Maqnus Karlsenin təşkilatçılığı ilə keçirilən “Chessable Masters” turnirində iyulun 4-də final mərhələsinin ikinci matçı oynanılacaq.Azərtac xəbər verir ki, M.Kalsen hollandiyalı Aniş Giri ilə qarşılaşacaq. Norveçli şahmatçı iyulun 3-də keçirilmiş birinci matçda hollandiyalı rəqibini məğlub edib.“Chessable Masters” M.Karlsenin təşkilatçılığı ilə keçirilən seriya turnirinin üçüncü mərhələsidir. Bu mərhələnin B qrupunda mübarizə aparan Azərbaycan şahmatçısı Teymur Rəcəbov məğlub olduğu üçün yarışda iştirakını dayandırıb.Turnirin mükafat fondu 150 min ABŞ dollarıdır.Beş yarışdan ibarət seriya turnirinin birinci mərhələsinin - “Magnus Carlsen Invitational” yarışının qalibi M.Karlsen olub. İkinci mərhələdə - “Lindores Abbey Rapid Challange” turnirində isə rusiyalı şahmatçı Daniel Dubov qələbə qazanıb. Seriya çərçivəsində növbəti mərhələ - “Legends of Chess” iyulun 21-dən avqustun 5-dək təşkil ediləcək. Avqustun 9-dan 20-dək isə böyük final keçiriləcək.xeber100.com

Milli Hokey Liqasının bərpa tarixi məlum olub

Milli Hokey Liqasının (MHL) yeni mövsümünün bərpa tarixi məlum olub. Artıq çempionatın nə vaxt start götürəcəyi və Stenli Kubokunun finalının hansı şəhərdə keçiriləcəyi müəyyənləşib.Azərtac xəbər verir ki, ABŞ-ın TSN telekanalının məlumatına görə, iyulun 13-də komandalar təlim məşq toplanışına başlayacaqlar. İyulun 26-da isə pley-off mərhələsində iştirak edəcək 24 komanda iki ayrı şəhərə yollanacaq. Hazırkı məqamda Edmonton və Torontonun pley-off oyunlarına ev sahibliyi edəcəyi proqnozlaşdırılır. Mövsüm isə avqustun 1-dən start götürəcək. Çempionata oktyabrın əvvəlində yekun vurulacaq.Stenli Kubokunun keçiriləcəyi məkan da müəyyənləşib. Artıq Oyunçuların Həmkarlar İttifaqı ilə MHL rəhbərliyi bu məsələni yoluna qoyub. Qeyri-adi hadisə baş verməsə, yaxın günlərdə bu məlumat ictimaiyyətə açıqlanacaq. Belə ki, liqa rəhbərliyi Stenli Kubokunun finalını Kanadanın Edmonton şəhərində keçirməyi planlaşdırır. Halbuki, namizədlər arasında Las-Veqas, Vankuver, Çikaqo və Los-Anceles şəhərləri də var idi.xeber100.com

“Mançester Yunayted” futbol klubu “Bormunt”u qəbul edib

Futbol üzrə İngiltərə Premyer Liqasının 33-cü turunun növbəti oyunu keçirilib.Azərtac xəbər verir ki, “Mançester Yunayted” öz meydanında “Bormunt” klubunu qəbul edib. Görüş Mançester təmsilçisinin 5:2 hesablı qələbəsi ilə başa çatıb.“Mançester Yunayted”in heyətində Mason Qrinvud (2), Markus Reşford, Antoni Marsiyal, Bruno Fernandeş, “Bormunt”ın isə Junior Stanislav və Çoşua Kinq fərqləniblər.Bu qələbədən sonra xal ehtiyatını 55-ə çatdıran “qırmızı şeytan”lar turnir cədvəlində üçüncü yerə yüksəliblər. “Bormunt” isə 27 xalla 19-cu yerdə qərarlaşıb.xeber100.com

İtaliya A Seriyasının 30-ci turunun növbəti oyunu keçirilib

İyulun 3-də futbol üzrə İtaliya A Seriyasının 30-ci turunun növbəti oyunu keçirilib.Azərtac xəbər verir ki, Turin derbisində “Yuventus” “Torino” klubunu qəbul edib. Görüş “Yuventus”un böyük hesablı qələbəsi ilə başa çatıb - 4:1.“Qoca sinyora”nın heyətində Paulo Dibala, Juan Kuadrado, Kriştiano Ronaldo və Koffi Djiji (avtoqol) fərqləniblər. “Torino”nun heyətində isə təsəlli qola Andrea Belotti imza atıb.Bu qələbədən sonra xal ehtiyatını 75-ə çatdıran “Yuventus” turnir cədvəlində liderliyi davam etdirir. “Torino” isə 31 xalla 15-ci yerdə qərarlaşıb.xeber100.com

“Barselona” futbol klubu üçillik müqavilə imzalayıb

“Jalgiris” basketbol klubu ilə yollarını ayıran Şarunas Yasikyaviçyus bundan sonra karyerasını “Barselona”da davam etdirəcək. Litvalı mütəxəssis bu postda Svetislav Peşiçi əvəz edəcək.Azərtac xəbər verir ki, İspaniya klubu məşqçi ilə üçillik müqavilə imzalayıb.Ş.Yasikyaviçyus 2016-cı ildən “Jalgiris”də çalışırdı. Onun başçılığı altında kaunaslılar XXI əsrdə ilk dəfə Avroliqada “Dördlər finalı”nda oynamaq imkanı qazanıblar. Elə “Barselona” da Yasikyaviçyus üçün yad klub deyil. Belə ki, 2003-cü ildə litvalı oyun qurucusu bu klubda Avroliqanın qalibi olub.Litva mətbuatı mütəxəssisin “Barselona”dakı məvacibini də müəyyənləşdirə bilib. O, qarşıdakı üç mövsüm ərzində ilə 3 milyon avro maaş alacaq. Halbuki onun xidmətində “Fənərbağça” da maraqlı idi. İstanbul klubu Yasikyaviçyusa 2 ilə 3,2 milyon avro məvacib təklif etmişdi.Yasikyaviçyusun gedişindən sonra isə “Jalgiris”i onun köməkçisi Darius Maskolyunas çalışdıra bilər. Amma Yasikyaviçyus onu “Barselona”da köməkçisi kimi görmək istəyir.xeber100.com

İngiltərə Premyer Liqasının mərkəzi qarşılaşması keçirilib

İyulun 2-də futbol üzrə İngiltərə Premyer Liqasının 32-ci turunun mərkəzi qarşılaşması keçirilib.Azərtac xəbər verir ki, çempionatın favoriti sayılan “Mançester Siti” və “Liverpul” komandaları üz-üzə gəlib.Görüş Mançester təmsilçisinin 4:0 hesablı qələbəsi ilə başa çatıb.“Mançester Siti”nin heyətində Kevin De Brüyne, Rahim Sterlinq, Fil Foden və Okslayd Çemberland (avtoqol) fərqləniblər.Qeyd edək ki, bu oyun çempionluq yolunda formal xarakter daşıyırdı. Çünki ötən tur “Liverpul” vaxtından əvvəl çempionluğunu rəsimləşdirmişdi.“Liverpul” 86 xalla birinci, “Mançester Siti” isə 66 xalla ikinci yerdə qərarlaşıb.xeber100.com