Futbol üzrə Qazaxıstan çempionatı bərpa olunacaq

Futbol üzrə Qazaxıstan çempionatı iyulun 1-də bərpa olunacaq.Azərtac xəbər verir ki, Qazaxıstan Peşəkar Futbol Liqası tərəfindən çempionatın bərpası üçün təlimat hazırlanıb. Bütün oyunlar azarkeşsiz keçiriləcək və stadiondakı işçilər məhdud sayda olacaq.Qeyd edək ki, Qazaxıstan çempionatı martın 16-da koronavirus pandemiyasına görə dayandırılıb.xeber100.com

PSJ futbol klubu ilə “Lion” komandaları üz-üzə gələcəklər

Fransa Peşəkar Futbol Liqası ölkə kubokunun finalı ilə bağlı qərarını açıqlayıb.Azərtac xəbər verir ki, aprelin 4-nə planlaşdırılan və koronavirus səbəbindən təxirə salının görüş iyulun 31-i “Stad de Frans” stadionunda keçiriləcək.Qeyd edək ki, həlledici matçda PSJ və “Lion” komandaları üz-üzə gələcəklər.xeber100.com

Avropa Triatlon İttifaqının məlumatı əsasında…

Avropa Triatlon İttifaqı idmançıların növbəti reytinq cədvəlini açıqlayıb.Azərtac qurumun rəsmi saytına istinadla xəbər verir ki, Azərbaycan milli komandasının üzvü Rostislav Pevtsov reytinq cədvəlində 2414 xalla 20-ci pillədə qərarlaşıb.Reytinq cədvəlinə fransalı Vinsent Luis liderik edir. İlk üçlüyü İspaniya idmançıları Mario Mola və Fernando Alarza qapayırlar.xeber100.com

FIFA milli komandaların reytinq cədvəlini açıqlayıb

FIFA qadın futbolçulardan ibarət milli komandaların reytinq cədvəlini açıqlayıb.Azərtac xəbər verir ki, hesabında 1321 xal olan Azərbaycan millisi 1 pillə geriləyərək 76-cı sırada qərarlaşıb.Reytinq cədvəlinə 2181 xalla ABŞ millisi başçılıq edir. Almaniya (2090 xal) ikinci, Fransa (2036) isə üçüncü olublar.xeber100.com

İngiltərə Premyer Liqasının 31-ci turun mərkəzi qarşılaşması keçirilib

İyunun 25-də futbol üzrə İngiltərə Premyer Liqasının 31-ci turun mərkəzi qarşılaşması keçirilib.Azərtac xəbər verir ki, “Stenford Bridc” stadionunda oynanılan görüşdə “Çelsi” komandası “Mançester Siti”ni qəbul edib.Görüş London təmsilçisinin 2:1 hesablı qələbəsi ilə başa çatıb.Oyunda hesabı 36-ci dəqiqədə “Çelsi” açıb. Kristian Pulişiç fərqlənib.Birinci hissə meydan sahiblərinin minimal üstünlüyü ilə başa çatıb.Fasilədən sonra “Mançester Siti” hesabı bərabərləşdirməyə nail olub. Kevin De Brüynenin uzaq məsafədən vurduğu cərimə zərbəsi dəqiq olub.Matçın 77-ci dəqiqəsində “Mançester Siti” klubunun yarımmüdafiəçisi Fernandiyo cərimə meydançasında əllə oynayıb. Baş hakim Stüart Attvel mançesterlilərin qapısına 11 metrlik cərimə zərbəsi təyin edib. Topa yaxınlaşan Uilyam cərimə zərbəsini dəqiq yerinə yetirərək komandasını yenidən hesabda önə keçirib.Qalan dəqiqələrdə hər iki komandanın cəhdlərinə baxmayaraq hesab dəyişilməyib.Bu qələbədən sonra “Çelsi” klubu 54 xalla dördüncü yerdəki mövqeyini qoruyub saxlayıb. “Mançester Siti” 63 xalla ikinci yerdə qərarlaşıb. Həmçinin bu məğlubiyyət birinci pillədə qərarlaşan “Liverpul” klubunu vaxtından əvvəl çempion edib. Mersessayd təmsilçisinin 31 oyundan sonra aktivində 86 xalı var.xeber100.com

Şahmat üzrə Qran-Pri turnirinin birinci mərhələsi davam edir

İyunun 25-də Beynəlxalq Şahmat Federasiyası (FIDE) tərəfindən sürətli şahmat üzrə onlayn təşkil olunan “Women's Speed Chess Championship” Qran-Pri turnirinin birinci mərhələsinin dörddəbir final yarışları keçirilib.Azərtac xəbər verir ki, dörddəbir finalda qələbə qazanan Anna Uşenina (Ukrayna), Aleksandra Kostenyuk, Valentina Qunina (Rusiya), Vayşali Rameşbabu (Hindistan) yarımfinala vəsiqə qazanıblar.Qeyd edək ki, Qran-Prinin birinci mərhələsində iştirak edən Azərbaycan şahmatçısı Günay Məmmədzadə dörddəbir finala vəsiqə qazana bilməyib.Qran-Pri 4 mərhələ üzrə keçiriləcək və 21 şahmatçının hər biri 3 mərhələdə iştirak edəcək. Təmsilçimiz G.Məmmədzadə Qran-Prinin daha iki mərhələsində iştirak edəcək. Qran-Pri mərhələlərində ən çox xal toplayan şahmatçılar superfinala vəsiqə qazanacaqlar. Superfinal iyulun 20-də olacaq.xeber100.com

İngiltərə Premyer Liqasının 31-ci turunun oyunu keçirilib

İyunun 24-də futbol üzrə İngiltərə Premyer Liqasının 31-ci turunun bir neçə oyunu keçirilib.Azərtac xəbər verir ki, turnir cədvəlinin lideri “Liverpul” öz meydanında “Kristal Palas” komandasını qəbul edib.Görüş Mersesayd təmsilçisinin 4:0 hesablı qələbəsi ilə başa çatıb.“Liverpul”un heyətində Trend Aleksander-Arnold, Məhəmməd Salah, Fabinyo və Sadio Mane fərqləniblər.Bu qələbədən sonra xal ehtiyatını 86-a çatdıran “Liverpul” liderliyini davam etdirir. “Kristal Palas” isə 42 xalla 9-cü yerdə qərarlaşıb.Günün digər oyunlarında aşağıdakı hesablar qeydə alınıb: “Manmester Yunayted” - “Şeffild Yunayted” - 3:0; “Nyukasl Yunayted” - “Aston Villa” - 1:1; “Norviç Siti” - “Everton” - 0:1; “Volverhemton” - “Bormunt” - 1:0.xeber100.com

“Chessable Masters” yarışında dörddəbir final oyunları start götürəcək

İyunun 25-də norveçli dünya çempionu Maqnus Karlsenin təşkilatçılığı ilə keçirilən seriya turnirinin üçüncü mərhələsi — “Chessable Masters” yarışında dörddəbir final oyunları start götürəcək.Azərtac xəbər verir ki, yarışda M.Karlsen amerikalı Fabiano Karuana, rusiyalı şahmatçı Vladislav Artemiyev həmyerlisi Yan Nepomnyaşi, ABŞ-ın daha bir təmsilçisi Hikaru Nakamura çinli Liren Dinq, rusiyalı zəka ustası Aleksandr Qrişuk hollandiyalı Aniş Giri ilə görüşəcəklər.Qeyd edək ki, “Chessable Masters” turnirinin B qrupunda mübarizə aparan Azərbaycan şahmatçısı Teymur Rəcəbov yekun nəticəyə görə 4,5 xal toplayıb və beşinci yerdə qərarlaşıb. İlk dörd yeri tutan şahmatçılar isə dörddəbir final mərhələsinə vəsiqə qazanıblar.Turnirin mükafat fondu 150 min ABŞ dollarıdır.Xatırladaq ki, beş yarışdan ibarət seriya turnirinin birinci mərhələsi - “Magnus Carlsen Invitational” yarışının qalibi M.Karlsen olub. İkinci mərhələ - “Lindores Abbey Rapid Challange” turnirində isə rusiyalı şahmatçı Daniel Dubov qələbə qazanıb.Seriya çərçivəsində növbəti mərhələ - “Legends of Chess” iyulun 21-dən avqustun 5-dək təşkil ediləcək. Avqustun 9-dan 20-dək isə böyük final keçiriləcək.xeber100.com

“Borussiya Dortmund” futbol klubu yeni müqavilə imzalayıb

Almaniyanın “Borussiya Dortmund” futbol klubu idman direktoru Maykl Zorkla yeni müqavilə imzalayıb.Azərtac klubun saytına istinadla xəbər verir ki, onunla müqavilənin müddəti 2022-ci ilin yayınadək uzadılıb.Qeyd edək ki, M.Zork 1998-ci ildən Dortmund təmsilçisində idman direktoru vəzifəsində çalışır.xeber100.com

“Sabah” futbol klubu heyətini yeni futbolçu ilə gücləndirib

Bakının “Sabah” klubu heyətini yeni futbolçu ilə gücləndirib.Azərtac kluba istinadla xəbər verir ki, Bakı təmsilçisi müdafiəçi Slavik Alxasovla 2+1 illik müqavilə imzalayıb.Qeyd edək ki, 27 yaşlı futbolçu karyerası ərzində “Sumqayıt”, “Xəzər Lənkəran” və “Keşlə” klublarının formasını geyinib.“Sabah” daha öncə Amin Seydiyev, İdris İnqilablı və Samir Məhərrəmlini transfer edib.xeber100.com