“Rolan Qarros” turnirinin təsnifat mərhələsi təşkil olunacaq

Fransanın Mets şəhərində keçirilməsi nəzərdə tutulan “Moselle Open” tennis turniri təxirə salınıb.Azərtac xəbər verir ki, təqvimə görə, turnir sentyabrın 20-27-də keçirilməli idi. Lakin həmin vaxt “Rolan Qarros” turnirinin təsnifat mərhələsi təşkil olunacaq. Bu səbəbdən turnir 2021-ci ildə keçiriləcək.Turnirin hazırkı qalibi fransalı Jo-Vilfrid Tsonqadır.Qeyd edək ki, Metsdə dekabrın 4-5-də nümayiş xarakterli tennis turnirinin təşkil olunması nəzərdə tutulub.xeber100.com

“Barselona” futbol klubu “Atletiko Madrid”i qəbul edib

İyunun 30-da futbol üzrə İspaniya La Liqasının 33-cü turu çərçivəsində “Barselona” klubu “Atletiko Madrid”i qəbul edib.Azərtac xəbər verir ki, “Nou Kamp” stadionunda baş tutan qarşılaşma 2:2 hesablı heç-heçə ilə başa çatıb.Matçda hesab 11-ci dəqiqədə açılıb. “Ateltiko”nun hücumçusu Diqeo Kosta avtoqola imza atıb. İlk qoldan səkkiz dəqiqə sonra baş hakim “Barselona”nın qapısına penalti təyin edib. Madrid komandasının yarımmüdafiəçisi Saul Niqes cərimə zərbəsini dəqiq yerinə yetirib. İkinci hissənin 50-ci dəqiqəsində hücumçu Lionel Messi 11 metrlik cərimə zərbəsi ilə kataloniyalıları yenidən hesabda önə çıxarıb. Lakin 62-ci dəqiqədə Saul yenidən penaltini dəqiq yerinə yetirərək dubl edib.“Barselona” 70 xal toplayaraq turnir cədvəlində ikinci yerdə qərarlaşıb. Aktivində 59 xalı olan “Atletiko Madrid” turnir cədvəlində 3-cü yerdədir.Qeyd edək ki, yarışın lideri 32 matçda 71 xal toplayan “Real Madrid”dir.xeber100.com

Rapid üzrə keçirilən seriya turnirinin üçüncü mərhələsində

İyunun 30-da norveçli dünya çempionu Maqnus Karlsenin təşkilatçılığı ilə rapid üzrə keçirilən seriya turnirinin üçüncü mərhələsində — “Chessable Masters” yarışında yarımfinal oyunlarının ilk matçları keçirilib.Azərtac xəbər verir ki, hollandiyalı Aniş Giri rusiyalı şahmatçı Yan Nepomnyaşini 3:1 hesabı ilə məğlub edib. Maqnus Karlsen isə tay-brekdə çinli Liren Dinq üzərində 3,5:2,5 hesablı qələbə qazanıb.Yarımfinal oyunları iyunun 30-dan iyulun 2-dək, final görüşləri isə iyulun 3-dən 5-dək baş tutacaq.Qeyd edək ki, “Chessable Masters” turnirinin B qrupunda mübarizə aparan Azərbaycan şahmatçısı Teymur Rəcəbov yarışda iştirakını dayandırıb.Turnirin mükafat fondu 150 min ABŞ dollarıdır.xeber100.com

İtaliya A Seriyasının 29-cu turunun növbəti oyunu keçirilib

İyunun 30-da futbol üzrə İtaliya A Seriyasının 29-cu turunun növbəti oyunu keçirilib.Azərtac xəbər verir ki, “Genoya” klubu öz meydanında “Yuventus”u qəbul edib. Qarşılaşma Genuyanın “Luici Ferraris” stadionunda keçirilib və qonaqların 3:1 hesablı qələbəsi ilə başa çatıb. Oyunda hesabı ikinci hissəsinin əvvəlində “Yuventus”un hücumçusu Paulo Dibala açıb. O, 50-ci dəqiqədə səhvsiz oynamaqla meydan sahiblərini məyus edib. Bundan 6 dəqiqə sonra digər hücumçu Kriştiano Ronaldo komandasının hesabdakı üstünlüyünü artırıb. Matçın 73-cü dəqiqəsində qonaqların yarımmüdafiəçisi Duqlas Kosta üçüncü qolu vurub. Bundan 3 dəqiqə sonra meydan sahiblərinin futbolçusu Andrea Pinamonti hesabdakı fərqi azaldıb. Lakin bu, ancaq təsəlli qolu olub.“Yuventus” 72 xal toplayaraq İtaliya çempionatının yarış cədvəlində birinci yer tutur. “Genoya” 26 xalla 17-ci yerdə qərarlaşıb.xeber100.com

İspaniya La Liqasının 33-cü turu çərçivəsində

İyunun 30-da futbol üzrə İspaniya La Liqasının 33-cü turu çərçivəsində keçirilən “Barselona” - “Atletiko Madrid” oyunu meydan sahiblərinin argentinalı hücumçusu Lionel Messi üçün əlamətdar olub.Azərtac xəbər verir ki, matçda 11 metrlik cərimə zərbəsini dəqiq yerinə yetirən futbolçu karyerasında 700-cü dəfə fərqlənib.L.Messi bu qolların 630-nu “Barselona”nın heyətində keçirdiyi 724 matçda vurub. O, Argentina millisinin heyətində keçirdiyi 138 matçda 70 dəfə rəqib qapılarına yol tapıb.Otuz üç yaşlı hücumçu La Liqanın cari mövsümündə meydana çıxdığı 28 matçda 22 qol vurub və 17 məhsuldar ötürmə edib. Onun “Barselona” klubu ilə müqaviləsinin müddəti 2021-ci ilin yayında başa çatacaq.xeber100.com

Türkiyə çempionatının XXIX turunun sonuncu qarşılaşmasında

Futbol üzrə Türkiyə çempionatının XXIX turunun sonuncu qarşılaşmasında “Gənclərbirliyi” doğma meydanda “Kasımpaşa”nı qəbul edib.Azərtac xəbər verir ki, görüşdə qonaqlar iki cavabsız qolla qalib gəliblər. “Kasımpaşa”nın heyətində 17-ci dəqiqədə Benqali Fode Koyta və 90-cı dəqiqədə isə Diemerci Ndonqala fərqləniblər.Türkiyə çempionatında hazırda “Başakşəhər” 60 xalla turnir cədvəlinin lideridir. “Trabzonspor” 58 xalla ikincidir. “Sivasspor” 53 xalla üçüncü, “Qalatasaray” isə 52 xalla dördüncü pillələrdə qərarlaşıb. Sonrakı yerləri “Beşiktaş” (50 xal), “Fənərbağça” (46 xal), “Alanyaspor” (45 xal) və digər komandalar tuturlar.xeber100.com

“Zirə” futbol klubunu tərk edəcək futbolçular müəyyənləşib

Bakının “Zirə” klubunu tərk edəcək futbolçular müəyyənləşib.Azərtac xəbər verir ki, Emil Balayev və Anastasios Papazoğlunun ardından Miloş Bakraç, Şafik Tiqruca, Alvaro Ampuero, Yovan Krneta, Adrian Skarlatake və Boyan Zoqoviçin komandadan ayrılacağı dəqiqləşib.Cinah müdafiəçisi Tellur Mütəllimovun da ayrılanlara qoşulacağı gözlənilir.xeber100.com

“Paris Sen-Jermen” futbol klubu müdafiəçisi ilə müqavilə imzalayıb

Fransanın “Paris Sen-Jermen” futbol klubu müdafiəçisi Levin Kurzava ilə yeni müqavilə imzalayıb.Azərtac xəbər verir ki, 27 yaşlı müdafiəçi ilə müqavilənin müddəti 2024-cü ilin iyununadək uzadılıb.Qeyd edək ki, Kurzava koronavirus səbəbindən vaxtından əvvəl başa çatdırılan Fransa çempionatında 14 matçda 1 qol vurub və eyni sayda məhsuldar ötürmə edib.xeber100.com

“Chessable Masters” yarışında yarımfinal oyunları start götürəcək

İyunun 30-da norveçli dünya çempionu Maqnus Karlsenin təşkilatçılığı ilə rapid üzrə keçirilən seriya turnirinin üçüncü mərhələsində — “Chessable Masters” yarışında yarımfinal oyunları start götürəcək.Azərtac xəbər verir ki, final uğrunda Maqnus Karlsen Liren Dinq, Yan Nepomnyaşi Aniş Giri ilə mübarizə aparacaq. Yarımfinal oyunları iyunun 30-dan iyulun 2-dək, final görüşləri isə iyulun 3-dən 5-dək baş tutacaq.Qeyd edək ki,“Chessable Masters” turnirinin B qrupunda mübarizə aparan Azərbaycan şahmatçısı Teymur Rəcəbov yarışda iştirakını dayandırıb.Turnirin mükafat fondu 150 min ABŞ dollarıdır.Xatırladaq ki, beş yarışdan ibarət seriya turnirinin birinci mərhələsinin - “Magnus Carlsen Invitational” yarışının qalibi M.Karlsen olub. İkinci mərhələdə - “Lindores Abbey Rapid Challange” turnirində isə rusiyalı şahmatçı Daniel Dubov qələbə qazanıb. Seriya çərçivəsində növbəti mərhələ - “Legends of Chess” iyulun 21-dən avqustun 5-dək təşkil ediləcək. Avqustun 9-dan 20-dək isə böyük final keçiriləcək.xeber100.com

Fişer şahmatı üzrə onlayn blits turniri keçirilib

Təhsil “RİM” Lənkəran şəhər Uşaq-Gənclər İdman-Şahmat Məktəbinin təşkilatçılığı ilə iyunun 28-də Fişer şahmatı üzrə onlayn blits turniri keçirilib. Turnirdə Lənkəran şahmatçıları ilə yanaşı, Bakı, Sumqayıt, Gəncə, Samux və digər regionlardan şahmatçılar mübarizə aparıblar.Azərtac xəbər verir ki, “Cənub mirvarisi” open blits turnirinin qalibi 9 turdan 8 xal toplayan Lənkəran şahmat məktəbinin yetirməsi, hazırda isə Türkiyədə yaşayan Elnur Əliyev olub. İkinci və üçüncü yerləri 7 xalla Gülsənəm Ağayeva (Lənkəran) və Aytac Məmmədova (Samux) tutublar.Yarış “Chess.com” onlayn platforması vasitəsilə təşkil olunub.xeber100.com