Basketbolçular arasında keçiriləcək turnirlərin tarixləri təyin edilib

Beynəlxalq Basketbol Federasiyası (FIBA) Tokio Olimpiadasına kişi basketbolçular arasında keçiriləcək seçmə xarakterli turnirlərin tarixlərini təyin edib.Azərtac xəbər verir ki, bu barədə federasiyanın mətbuat xidməti məlumat yayıb.Təsnifat turnirləri Kanada, Xorvatiya, Litva və Serbiyada keçiriləcək. Əvvəlcə yarışların bu il iyulun 23-28-də keçirilməsi planlaşdırılırdı. Sonradan turnirlər 2021-ci ilin 29 iyun-4 iyul tarixlərinə təxirə salınıb.Seçmə turnirlərdə, ümumilikdə, 24 komanda iştirak edəcək. Altı komanda əvvəlcə iki qrupa bölünmüş dörd seçmə turnirin hər birində oynayacaq. Hər qrupdakı üç komandadan ikisi pley-offa çıxacaq, dörd turnirin hər birinin qalibi Olimpiya Oyunlarında iştirak etmək hüququ qazanacaq.Xatırladaq ki, koronavirus pandemiyası səbəbindən Olimpiya Oyunları gələn ilin 23 iyul-8 avqust tarixlərinə təxirə salınıb.xeber100.com

İtaliya Futbol Federasiyası yarışların bərpa tarixini açıqlayıb

Avropa ölkələrində futbol üzrə milli çempionatların bərpa tarixləri bir-birinin ardınca açıqlanır. Bununla bağlı növbəti rəsmi xəbər A seriyasına aiddir.Azərtac xəbər verir ki, pandemiyadan ən çox əziyyət çəkən ölkələrdən biri İtaliyanın da futbol həyatı tədricən canlanmağa başlayır. İtaliya Futbol Federasiyasının rəhbərliyi “A” seriyasında yarışların bərpa tarixini açıqlayıb. Uzun sürən müzakirələrdən sonra çempionatın iyunun 13-də qaldığı yerdən davam etdiriləcəyi bildirilib.Ölkədə mayın 4-dən fərdi qaydada məşqlərə icazə verilmişdi. Mayın 18-dən isə qrup şəklində hazırlıq mərhələsi başlanacaq. Komandalar oyunlara hazırlaşsalar da karantin rejiminə uyğun olaraq tibbi təhlükəsizlik tələblərinə ciddi şəkildə riayət edilir. İtaliyada yeni qaydalara əsasən əgər futbolçular arasında 1 yoluxma halı qeydə alınsa, turnir yenidən yarımçıq dayandırıla bilər.Hazırda A seriyasında 26 turdan sonra “Yuventus” 63 xalla turnir cədvəlində birinci pillədə qərarlaşıb. “Latsio” liderdən 1 xal geri qalır. Rəqiblərindən 1 oyun az keçirən “İnter” isə 54 xalla ilk üçlüyü tamamlayır.xeber100.com

Azərbaycan Premyer Liqasının beşinci mövsümündə

Azərbaycan Premyer Liqasında beşinci mövsümünü keçirən “Zirə” indiyədək 11 rəqiblə qarşılaşıb.Azərtac xəbər verir ki, “qartallar” 4 komanda ilə - “Sumqayıt”, “Keşlə”, “Qəbələ” və “Qarabağ”la 19 dəfə üz-üzə gəlib.“Zirə”nin ən çox qalib gəldiyi rəqib “Sumqayıt”dır – 10 dəfə. Komandanın ən çox qol vurduğu, ən yaxşı top fərqinə malik olduğu və xal qazandığı rəqib də “Gənclik şəhəri” təmsilçisidir. “Qəbələ” və “Keşlə” ilə görüşlərdə isə daha çox – 8 heç-heçə qeydə alınıb."Zirə” üçün ən münasib rəqib “Xəzər Lənkəran” olub. “Qartallar” bu rəqiblə keçirdiyi 4 oyunda 4 qələbə qazanıblar.xeber100.com

İtaliya çempionatının bərpa tarixi müəyyənləşib

Futbol üzrə İtaliya çempionatının bərpa tarixi müəyyənləşib.Azərtac xəbər verir ki, A Seriyasının rəhbərliyi ilə klublar arasında keçirilən videokonfransda bununla bağlı qərar verilib. Ölkə çempionatın iyunun 13-də bərpa olunacağı bildirilib.Qeyd edək ki, İtaliyada klubların mayın 18-dən komanda şəklində məşqlərə başlamasına icazə verilib.xeber100.com

Formula 3 yarışlarının 2020-ci il üçün ilkin təqvimi açıqlanıb

Formula 2 və Formula 3 yarışlarının 2020-ci il üçün ilkin təqvimi açıqlanıb.Azərtac “autosport.com” saytına istinadla xəbər verir ki, ilkin təqvimə əsasən, iki ölkədə iki Qran-Prinin təşkil olunması nəzərdə tutulub.Mövsümə iyulun 4-5-də Avstriyada start veriləcək. Avstriyada ikinci yarış iyulun 11-12-də keçiriləcək. Böyük Britaniya iyulun 25-26-da və avqustun 1-2-də yürüşləri qəbul edəcək. Avqustun 8-9-da yarışın İspaniya və ya Almaniyada keçirilməsi planlaşdırılır. Daha sonra yarışlara avqustun 22-23-də Macarıstan, 29-30-da Belçika, sentyabrın 5-6-da isə İtaliya ev sahibliyi edəcək.Azərbaycan yalnız Formula 2 yarışlarını qəbul edəcək. Belə ki, yürüş sentyabrın 19-20-də Bakı şəhər halqasında baş tutacaq. Rusiyada da yalnız Formula 2 yarışları təşkil olunacaq (26-27 sentyabr). Mövsümə dekabrın 5-6-da keçiriləcək Bəhreyn və ayın 12-13-də baş tutacaq Abu-Dabi mərhələləri ilə yekun vurulacaq.xeber100.com

“Tennis Point Exhibition Series” turniri keçiriləcək

Mayın 14-də Almaniyada “Tennis Point Exhibition Series” adlı üçüncü şou xarakterli turnir start götürəcək.Azərtac xəbər verir ki, 12 tennisçinin iştirak edəcəyi yarışda raketka ustaları iki yarımqrupda mübarzə aparacaqlar.Yarışda avstraliyalı Ramiz Cunaid, Böyük Britaniya təmsilçisi Yan Xoinski, livanlı Benyamin Hassan, Almaniya tennisçisi Yannik Hanfman və digərləri iştirak edəcəklər.Qeyd edək ki, birinci turnirin qalibi Y.Hanfman, ikinci yarışın çempionu isə Y.Xoinski olub.xeber100.com

Türkiyə Voleybol Federasiyasının məlumatına görə…

Yarımçıq dayandırılan qadın və kişi voleybolçulardan ibarət Türkiyə çempionatlarının oyunları bərpa edilməyəcək.Azərtac xəbər verir ki, pandemiyaya görə mövsümü davam etdirməyin mümkün olmadığını bildirən Türkiyə Voleybol Federasiyasının (TVF) prezidenti Mehmet Akif Üstündağ çempionatların qaliblərinin də müəyyənləşmədiyini vurğulayıb.“Sonuncu pillələri tutan komandalar liqanı tərk etməyəcək. Birinci Liqanın final mərhələsində yer alan 4 komanda əsas liqaya vəsiqə qazanacaq. Növbəti mövsüm ölkə çempionatlarında 16 komanda birincilik uğrunda mübarizə aparacaq”, - deyə TVF rəsmisi əlavə edib.xeber100.com

La Liqa oyunlarının 35 gün ərzində keçirilməyi planlaşdırılır

La Liqa prezidenti Xavyer Tabes çempionatın mümkün bərpası haqda danışıb.Azərtac İspaniya mətbuatına istinadla xəbər verir ki, o, çempionat bərpa olunacağı təqdirdə, hər gün oyunların keçirilə biləcəyini deyib: “Mövsümün nə vaxt bərpa olunacağını dəqiq bilmirəm. Hər şey koronavirusla bağlı vəziyyətdən asılı olacaq. La Liqa oyunlarını hər gün olmaqla 35 gün ərzində keçirməyi planlaşdırırıq. Startdan bir gün əvvələ qədər futbolçular koronavirus testindən keçəcəklər".Qeyd edək ki, La Liqanın iyunun 12-si və ya iyunun 19-u bərpası planlaşdırılır.xeber100.com

Əlcəzair İdman Nazirliyinin açıqlamasına əsasən…

2021-ci ildə Əlcəzairin Oran şəhərində keçirilməsi nəzərdə tutulan XIX Aralıq dənizi Oyunları təxirə salınıb.Azərtac xəbər verir ki, Əlcəzair İdman Nazirliyinin açıqlamasında turnirin 2022-ci ildə təşkil olunması barədə qərarın qəbul olunduğu qeyd edilib.Asiya, Avropa və Afrikadan olan idmançıları mübarizə apardıqları yarışın 17-cisi 2013-cü ildə Türkiyənin Mersin şəhərində baş tutub. Sonuncu yarışa 2018-ci ildə İspaniyanın Tarraqona şəhəri ev sahibliyi edib.Oyunların proqramına 30-dan çox idman növü daxildir.Qeyd edək ki, cari ildə keçirilməsi planlaşdırılan “Tokio-2020” Yay Olimpiya Oyunları da 2021-ci ilə təxirə salınıb.xeber100.com

Avropa çempionatının yeni tarixi müəyyənləşib

Kişi basketbolçular arasında kiçik dövlətlərin Avropa çempionatının yeni tarixi müəyyənləşib.azərtac Beynəlxalq Basketbol Federasiyasına (FIBA) istinadla xəbər verir ki, çempionat 2021-ci il iyunun 28-dən iyulun 3-dək keçiriləcək.Qeyd edək ki, Azərbaycan çempionatın B qrupunda İrlandiya, Andorra və Ermənistanla birgə mübarizə aparacaq. Koronavirus pandemiyasından əvvəl çempionatın bu il iyunun 28-dən iyulun 4-dək İrlandiyanın Limerik şəhərində keçirilməsi nəzərdə tutulmuşdu.xeber100.com